Новости

Щи оӑңӑн округ правительства мирхот пурайн уша йис. Щӑта путӑртсы, хуты Россия мўв министерства связи, «Ростелеком» тӑхи па округ правительства кәщайт кўтн «Кашащты нєпек» хуща ёш посӑт пунсӑт.

Тӑм нєпек унтасн округ 47 кәртӑн и секунда яң мегабит Интернет вєры.

Югра мўв губернатор пресс-служба

Хӑнты ясӑңа тулмащтӑс Людмила Шульгина

Югорской государственной университетн шимӑ тыӑщ вух вўты хоттє увӑс мўв ёх эвӑт айат вәнтыйты ёх пӑты «О размерах пособий малообеспеченным гражданам из числа коренных малочисленных народов Севера, обучающимся в профессиональных образовательных организациях и образовательных организациях высшего образования» поступсы хўват щимӑщ нётупсы вўх мӑты питы:

Округ дума депутатӑт па ма эвӑӆтєма емӑңхӑтӆ пӑты ям ясңӑт китӆум. Мўң нынана вән пәмащипа лупӆўв, хуты нын ӛрӆӑн, рәпатайӆӑн унтасн мўң Югра мўвев тащӑңа йис.

Ин нын рўтьщуман әмща вәӆӆӑты, муӆты вєрӆӑты, тумтака вәӆты щира кӑсӆӑты, компьютерӑн хӑншты, интернет хуща муӆты кӑншты вәнӆтыйӆӆӑты, итәх хуятӑт мўң увӑс мўвевн арсыр овощӑт єнмӑӆӆӑт.

Югра мўвев сєма питум хӑт вўш эвӑт 85 о постӑты пӑты округевн хўваттыйн интернетн www.uht85.pф нємуп сайт эщӑтсы.

Щит пӑты мўң мўвевн вәты кашӑң хӑннєхә «Югра мўва мойупсэт мойа!» нємпи вєр хўват арсыр мойупсэт эщӑтты па щив китты щир тӑй. Хурамӑң арӑт, әмӑщ якӑт, путрӑт, стихотворенияйт па па әмӑщ вєрӑт Югра мўва мойӑты рӑх.

Ван хӑтуп тыӑщн «Стратегия социально-экономического развития Ханты-Мансийского автономного округа-Югры до 2020 и на период 2030 года» нємуп Общественной тӑхия ӑнум ёх рәпата сухнӑ. Щи ут Ёмвош округ-Югра губернатор поступсы вўраңӑн ван хӑтуп тыӑщ 2012-мит он пўншсы па щӑта рәпитум ёх хәум о мӑр хәскєм вуаң вєр югорчанӑт вәупсы оӑңӑн нух вантсӑт.

Югра мўв кәща нє Н. Комарова поступсыйн ёш пос пунӑс, мӑта ут хўват округ правительства тӑхийн яртъяң ӑңкӑр хуят ўв пиэа рәпитты пит.  

Мєт оӑң ӑңкӑр хәя Геннадий Бухтин павӑтсы. ўв контрольно-надзорной тӑхи, государственной имущества вєрӑт тәты департамент, государственной заказ департамент па Югра мўв ветеринарной служба тӑхи вєрӑт тәты па нух вантты пит.

Лыпӑт хойты тыӑщн Венгрия хон пєлӑк мўвн Бадачоньтомай нємуп вошн XIII-мит Мўвтє мирӑт финно-угорской писателят мирхот мӑнӑс. Щимӑщ  вєр пӑта нивӑъяң мутас хӑннєхә Финляндия, Эстония, Германия, Венгрия, Франция, Чехия, Румыния хон пєлкӑт па Россия мўвев, щит:  Мордовия, Коми, Марий Эл, Карелия, Удмуртия, Пермской край,  Ленинградская область, Югра па Ямал мўв округңӑн эвӑт юхтыйсӑт.

Васы мӑнты тыӑщ 29-30-мит хӑтңӑнӑн Ёмвош «Югра Экспо» хотн «Энергоэффективность – стратегический вектор развития» нємпи XV-мит межрегиональной вантупсы эщӑты. Тӑм вәйтантупсы хотӑт хошмӑты, нуви тўт вущитты, каврум па потум йиңк мӑты вєрӑт тәты департамент па «Центр энергосбережения Югры» тӑхеңӑн унтасн вєры.

Тӑмхӑт йиуп щирн хӑнты ясӑңӑн хӑншты вєр нух ванты. Мўң, общественной связят Департамент хуща рәпитты ёх, нын эвӑтӑна иньщӑсты ӑңхаўв, йиуп хӑншты па ўңӑтты вєр нынана мәстӑ муй ӑнтә. Муй щирн интӑм хӑншўв, муй щирн йипа хӑншты мос, вєрум анкетайн нын кашащты утӑна пос вєраты.

Ван хӑтуп тыӑщ 23-мит хӑтӑн 1994-мит он Генеральной Ассамблея ООН тӑхи поступсы вєрсӑт кашӑң о вәйт ор тыӑщ 9-мит хӑтӑн иса мўвӑтн шуши мирӑт емӑңхӑт постӑты щира.

Вәйт ор тыӑщ оӑң хӑт вўш эвӑт Югра мўв округев уватн «Хўӑң хӑт» нємуп тыӑщ арсыр мәш ямӑты тӑхет па пәьницайт эщӑтӑт. Щит пӑта тохтўрӑт сыр-сыр вәйтантупсэт ӑ хӑннєхуятӑт пиа вєрты питӑт па ывеа айке тәты, муй щирн хў сә воиң мәшӑңа а йиты.

Кашӑң хӑт Югра мўв ай тўтӑң хопӑтн яңхты вєрӑт вантман тӑйты инспектор ёх юханӑт хўват хопӑтн вантыйман яңхӑт. Щиты ўң пура вўш эвӑт 655 ювра вєр нєпека нўх хӑншсы. Мєт ар – йиңк хўват хопн яңхты щир нємасыя нєпека тўңщирӑңа эщӑтман ӑн вә.

Мўвтє увӑс мирӑт емӑңхӑт епийн, мӑта ут 1994-мит он ООН тӑхийн шуши мир вєрӑт әхтыйн рәпитты ёх унтасн постӑты питсўв, Югра мўв правительства мирхотн шуши мир рәт ясӑң, литература па культура вєрӑт вәнтӑты пӑты Концепция нєпек поступсыя вўсы.

Тӑм нєпек эщӑтсы, ән Югра мўвн вәты хӑнтэт, вухаят па юрнӑт иса щир тӑйсӑт рәт ясңӑт вәнтӑты па щи вєра вәнтыйты.