Кәща ёх вєрӑт - Политика

Лыпӑт хойты тыӆӑщн 21-мит хӑтӆӑн Ём­вошн округ Дума хуща ӆаӆь хӑрн вәӆум хӑннєхәйт, ӆыв хотӑӊ ёхӆаӆ, ӆывеӆа нётты хуятӑт па ӆыв саттэӆа вєр тәты ёх иха ӑктӑщийӆсӑт.

Лыпӑт хойты тыӆӑщ 18-20-мит хӑтӆӑтн Югра мўвевн вәӆты мир Государственной, окружной, районной, вошӑӊ па кәртӑӊ дума тӑхета депутатӑт пирисӑт. Избирательной комиссия кәща хә Денис Корнеев дума тӑхета пириты хӑтӆ мӑнум пийн айкеӆӑт хӑншты ёх пиӆа вәйтантыӆӑс.

Вәйт ӆор тыӆӑщ 22-мит хӑтӆӑн Россия мўвев хўваттыйн вот вой сух мӑӊхӑтӆ постӑсы. Ёмвошӑӊ мир щи хӑтӆ постӑты щира ищи иха ӑк­тӑщийӆсӑт.

Югра мўвн мирхот вєрсы, хута путӑртсы, хутыса округевн хўӆ веӆпӑс па вәнтӑн єнумты воньщумутӑт, нохрӑт, тулхӑт па сыр-сыр турнӑт ӆавӑӆман тӑйӆыйт. Щи оӆӑӊӑн мирхотн округ кәща хәев Руслан Кухарук межведомственной комиссия мирхот ӑктыӆӑс. 

Щи мирхотн путӑрт­сы, хуты щит вант­ты пурайн 1500 вев­там вєр оӆӑӊӑн уша павӑт­сы. Щи атум вєрӑт кўтн 500 – сәх, кӑри хўӆӑт ка­тӑӆ­ты вєрӑт. Ӆэваса хуӆӑт катӑӆты хӑннєхуятӑт эвӑӆт 1,5 тонна арат хўӆ нух вўсы. 

Тӑта мосванӑн округев кәща хә Руслан Кухарук координа­ционной совет тӑхи кәщайт пиӆа мирхот вєрӑс па путӑртӑс, муй щирн щи ёхӆўв нәмӑсӆӑт, мӑта кәщайт округев ӆуваттыйн еӆӆы пириты рӑхӆ.

Вантэ, тӑм оӆ лыпӑт хойты тыӆӑщн округевн нємасыя щимӑщ вән пирисупсы хӑтӆӑт вєр­ӆыйт.

Щи киньща ӆыпӑт хойты тыӆӑщ 18 муй 20-мит хӑтӆӑтн округев ӆуваттыйн нємасыя Госу­дарственной Дума хота, Югра мўвев Дума хота па Тюменской область мўв Дума хота депутатӑт пириты питӆыйт.

Щи вєр пӑта Югра мў­вевн нємасыя ёш пос пўнты арсыр тӑхет вєр­ӆыйт. 

Лыпӑт тыӆӑщ 30-мит хӑтӆӑн Ёмвошн округ Дума хуща вәӆты увӑс мирев Ассамблея 47-мит пўш мирхота ӑктӑщсӑт. Мирхот тәты щира Ассамблея ух хә па Югра Дума хуща ӆӑӊкӑр хуят Еремей Айпин вәс. Ассамблея ӑктупсыйн депутатӑт, округ кәща ёх, мир пиӆа рәпитты хуятӑт па айкеӆӑт ӑкӑтты ёх вәсӑт. 

Вән кєр тыӆӑщ 16-мит хӑтӆӑн Ёмвошн Россия мўв мирев иха пиӆтӑщты VII-мит ӑктупсы вәс. Щи ӑктупсы арсыр вєрӑт кўтн «Коренные народы в современном мире: актуальные проблемы сохранения этнокультурного достояния» научно-практической мирхот тәсы. Щӑта арсыр нумсӑт, арсыр путрӑт и лота ӑкмум тӑхи пўншсы. Щӑта Россия мўв ӆуваттэвн наука щира вәӆты ёх, культура щира рәпитты хуятӑт, вәнӆтӑты айӆат ёх, мир пиӆа рәпитты хӑннєхуятӑт иха ӑкумсӑт. Югра, Карелия, Удмуртия, Хакасия, Ненецкой автономной округ, Томской па Тюменской областьӊӑн эвӑӆт юхтум мирев тӑта вәсӑт па путӑртсӑт.

Вән кєр тыӆӑщ 21-мит хӑтӑӆн округев Дума хотн шуши мирӑт Ассамблея депутатӑт 45-мит мирхот ӆэщӑтсӑт. Щи пурайн иха ӑктӑщум кәщайт арсыр йиӆуп поступсэт уша вєр­сӑт па хәӆӑнтсӑт, муй щирн Югра мўвн шушия вәӆты ёх мӑнум оӆ сыр-сыр вєрӑтн нётсыйт.

Вуӆаӊ ӆўӊтупсы де­путатӑт, кәщайт па тӑм мирхота юхтум ар­сыр хӑннєхәйт еӆпийн округ вәӆупсы вантман тăйты департамент хуща кә­ща кана вәӆты хә Сергей Пишуков тәс.

Вән кєр тыӆӑщ 23-мит хӑтӑӆн Ёмвошн округев Дума хот депутатӑт 56-мит мирхот вєрсӑт. Щи мирхотэӆ мӑнум пурайн депутат ёхӆўв араттєӆн 25-кєм йиӆуп поступсы вантсӑт па артаӆӑсӑт. Россия хон пєлӑк мўвн йиӆпа вєрум законӑт па мсыева округев хӑннєхуятӑт пӑта ӆэщӑтсӑт. Щи тумпийн Югра мўв кәща хә Руслан Кухарук айкеӆ тәс, муй щирн мӑнум 2025-мит оӆн округев правительства ёх рәпитсăт па муй хурасуп вєрӑт иса ӆыв вєрсӑт.

Ас нопӑтты тыӆӑщ 9-мит хӑтӆӑн Ёмво­шӑӊ мир Вуӆаӊ По­беда хӑтӆ постӑсӑт. Щикўш тӑмхӑтӆ камн вотӑӊ па ртӑӊ вәс, тәп яӊ щурӑскєм вошӑӊ мир няврємӆаӆ пиӆа вошӑӊ кўтуп хӑра юхӑтсӑт.

Округ кәща хә Рус­лан Кухарук Вуӆаӊ ӆаӆьн нух питум хӑтӆ пӑта м вўща ясӑӊ вєрӑс: