Новости

Лыпӑт хойты тыӑщн Венгрия хон пєлӑк мўвн Бадачоньтомай нємуп вошн XIII-мит Мўвтє мирӑт финно-угорской писателят мирхот мӑнӑс. Щимӑщ  вєр пӑта нивӑъяң мутас хӑннєхә Финляндия, Эстония, Германия, Венгрия, Франция, Чехия, Румыния хон пєлкӑт па Россия мўвев, щит:  Мордовия, Коми, Марий Эл, Карелия, Удмуртия, Пермской край,  Ленинградская область, Югра па Ямал мўв округңӑн эвӑт юхтыйсӑт.

Васы мӑнты тыӑщ 29-30-мит хӑтңӑнӑн Ёмвош «Югра Экспо» хотн «Энергоэффективность – стратегический вектор развития» нємпи XV-мит межрегиональной вантупсы эщӑты. Тӑм вәйтантупсы хотӑт хошмӑты, нуви тўт вущитты, каврум па потум йиңк мӑты вєрӑт тәты департамент па «Центр энергосбережения Югры» тӑхеңӑн унтасн вєры.

Тӑмхӑт йиуп щирн хӑнты ясӑңӑн хӑншты вєр нух ванты. Мўң, общественной связят Департамент хуща рәпитты ёх, нын эвӑтӑна иньщӑсты ӑңхаўв, йиуп хӑншты па ўңӑтты вєр нынана мәстӑ муй ӑнтә. Муй щирн интӑм хӑншўв, муй щирн йипа хӑншты мос, вєрум анкетайн нын кашащты утӑна пос вєраты.

Ван хӑтуп тыӑщ 23-мит хӑтӑн 1994-мит он Генеральной Ассамблея ООН тӑхи поступсы вєрсӑт кашӑң о вәйт ор тыӑщ 9-мит хӑтӑн иса мўвӑтн шуши мирӑт емӑңхӑт постӑты щира.

Вәйт ор тыӑщ оӑң хӑт вўш эвӑт Югра мўв округев уватн «Хўӑң хӑт» нємуп тыӑщ арсыр мәш ямӑты тӑхет па пәьницайт эщӑтӑт. Щит пӑта тохтўрӑт сыр-сыр вәйтантупсэт ӑ хӑннєхуятӑт пиа вєрты питӑт па ывеа айке тәты, муй щирн хў сә воиң мәшӑңа а йиты.

Кашӑң хӑт Югра мўв ай тўтӑң хопӑтн яңхты вєрӑт вантман тӑйты инспектор ёх юханӑт хўват хопӑтн вантыйман яңхӑт. Щиты ўң пура вўш эвӑт 655 ювра вєр нєпека нўх хӑншсы. Мєт ар – йиңк хўват хопн яңхты щир нємасыя нєпека тўңщирӑңа эщӑтман ӑн вә.

Мўвтє увӑс мирӑт емӑңхӑт епийн, мӑта ут 1994-мит он ООН тӑхийн шуши мир вєрӑт әхтыйн рәпитты ёх унтасн постӑты питсўв, Югра мўв правительства мирхотн шуши мир рәт ясӑң, литература па культура вєрӑт вәнтӑты пӑты Концепция нєпек поступсыя вўсы.

Тӑм нєпек эщӑтсы, ән Югра мўвн вәты хӑнтэт, вухаят па юрнӑт иса щир тӑйсӑт рәт ясңӑт вәнтӑты па щи вєра вәнтыйты.

Вәйт ор тыӑщ 14-16-мит хӑтӑтн Югорский университет пўңӑн РФ культура заслуженной нє Мария Волдина па исторической наукайт кандидат Тимофей Молданов мир юрн хот вєрты вәнтӑты питӑт. Щит ын «Фольклорная мастерская по сохранению, развитию и популяризации традиционной культуры обско-угорских народов» вєр вўраңӑн эщӑтӑңӑн.

Округ правительства мирхотн поступсы нєпек вўсы, ән прожиточной минимум тӑта вәты хуятӑт пӑта вәншӑка вєрты.  

Округ кәща нє юкана вәты нє Н. Комарова ясӑң щирн тӑм вєр потребительской корзина тын эвӑт ванты. Щи тынӑт вәншӑка йиӑт ки, прожиточной минимум вух ищи нух єнум. Щит ай тыӑщ вух вўты, пирӑщ хуятӑт па социальной вух вўты ёх нётты кєша вєры.

ОТРК «Югра» айке щирн, юрн мир поэт тӑм хотн ям арат о вәс. ўв мойңа юхтыум арсыр мўвтє мир хӑннєхуятӑта вантӑс, муй щирн увӑс хуятӑт вәӑт.

Тӑм музей-хота мира вантӑты пӑта ўв пурмӑса, хура, хӑншум нєпека пуныйт. Хот йипатты щи етшӑы. Вәум хот пўңӑн юрн хот нух эщӑтсы па ўв кев хурас вєрты вўтьщӑы.

Вәйт ор тыӑщ 9-митн Мўвтє шуши мирӑт хӑтӑн «Рәт ясӑңӑн путӑрта» вєр сухнӑ. Щит тәнуп тыӑщн Мўвтє мир рәт ясңӑт хӑтӑн оңитсы.  Развития образования институтн шуши мир вәнтӑты вєрӑт тәты тӑхи ёх щит вєрсӑт, ән аршӑк айат хуят рәт ясӑңа, йис культура вєрӑта ат катӑсӑт.

Вәщ па вәйт ор тыӑщңӑн мӑр округевн «Молодой предприниматель России - 2015» кӑсупсыйн кӑсты пӑта айат ёх хуна мосты нєпекӑт мӑты щир тӑйӑт.

Тӑм ванӑн айке хӑншты ёх Югра мўв культура вєрӑт тәты департамент кәща нє Надежда Казначеева па Ёмвош округ Шуши мир пурмӑсӑт вєрты па ёнты хот кәща ими Ольга Бубновене пиа вәйтантыйсӑт. ыв ай тәсӑт, муй иты Мўвтє шуши мирӑт емӑңхӑт Югра мўвн постӑты пита.

- Надежда Казначеева лупӑс:

Ёмвош округн «Курс начинающего предпринимателя» вєр еы тәы. ўв  саттэа вух рәпитты ӑңхаты хӑннєхуятӑт, вәнтӑыйт муй щирн мос мосты вєр оңитты па еы тәты.