Кāсыӈ тāл тлы порат Ханты-Мансийск ӯст «Центр профессиональной патологии» нампа округ пӯльницат рӯпитан лккарыт, лын лнэ мāнь пāвлытн мир пусмалтаӈкве ялантгыт. Ты лккарыт тлы сыс хумус рӯпитасыт, яныг лккар хум Николай Ташланов, лххал тотнэ колт тāн рӯпатаныл урыл потыртас. 

Кӯщай хум лāвме щи­рыл, сāртын туп кит пир­кāта лккарыт рӯпита­сыт. Тва пāвлыӈ мāхум лккарыт палт ураль­тахтуӈкв ат āлымāлсыт. Сāв щёс ты урыл потыр лыс. Тыимāгыс округ миркол кӯщаит мир пусмалтан департамент колн нпак хассыт, ты тлан сāвнув лккар вос ктыглаве. Ты вāрмаль хосыт, тлы вылтахтам порат ос акв лккарыӈ пиркāта атыглавес ос к­тыглавес. Пуссын аквъёт хӯрум пиркта лккарыт рӯпитасыт. 

Ювле хультум тāлт ты лккарыт яныгсāт хтпан нупыл нёлолов пāвыл мус ялсыт. Тāн яныгсāт сāтлов сāвиткем хтпа пусмалтасыт ос уральта­сыт. Тāн яласан мāнаныл мт щирыл хансыглāл­саныл, ты урыл пāвлыӈ лккарыт ёт по­тыртахта­сыт, тāнанылн хӯлтнэ лāтӈыл ктыглāл­сыт.

Ты тлы ялнэ-миннэ лӈх сака тāрвитыӈ ос лль лыс. Сāв тӯйт патыглас, тлы мāлтыпыг лме паттат ӈк ввтаг пльвес, мāшинат вāтихал саквалāлсыт. Тыи­мāгыс тāн Ханты-Мансийский район Цингалы пāвылн ялуӈкве ат врмысыт. Ос ты āти, лккарыт хоты пāвлытн ялнэ щирыл лсыт, тув мус мир пус­малтаӈкве ёхталāлсыт.

Пāвлытт лккарыт рӯпитанныл сыс, тāн палтаныл хӯрумхойплов стыра сāтсāт арыгтем сāвит лумхлас пусмал­тахтуӈкве ос уральтах­туӈкве ёхталасыт. Ты хтпатныл кит стыра сосса лумхлас – ты мāньщи, ханты ос врт лнэ рн мāхум лсыт. 

Тот лккарыт палт ёхталам мāхум алпияныл янытт уральтавет. Яласан мāшинат кӣвраныл пӯль­ница хурипаг вāрим лгыт. Тот мир пусмал­тан ос уральтан мāгыс сāв­сыр ищхӣпыӈ утыт вāр­всыт. Хтпа тот сун­саве, ос матыр āгм ньщи ке, направление-нпак щирыл яныг пӯльницан лаль уральтахтуӈкве ктаве. Сāв тāл минас, мāхум сāвыӈпāлэ сым āгм, нервный система ос эндокринный система аквты āгмыт ньщгыт. 

Николай Ташланов лāвыс:

– Ань туи порат  хосыт ос «Николай Пирогов» нампа нāиӈхāп лккарыӈ тāгыл мāнь пāвлытн мир пусмалтаӈкве мины. Ты тāл лккарыт хтпан ну­пыл акв пāвлытн ялнэ щирыл лгыт. Ань нāиӈ­хāп витын нарыгтан лы-пāлт ёмщакв уральтавес, маныр ри, ань хот-щ­питавес. Ты нāиӈхāп лк­карыӈ тāгыл ӈк нāтнэ тпос котильт пāвлытн мир пусмалтаӈкве мин­мыгтас. 

Ты кӯщай хум с акв вāрмаль урыл потыртас. Ань пāвлытн мир пус­малтаӈкве ялантан мāгыс с акв нāиӈхāп вāраве. Ты тāл таквсы порат сӯ­кыр манос мāнь таквс т­пост ты нāиӈхāп Ханты-Мансийск ӯсн тотнэ щи­рыл лы. Таве тлы сыс янытт ищхӣпыӈ утыл натаве.

Тувыл 2026 тāлт туи порат кит нāиӈхāпыг лк­карыӈ тāгыл мāнь пāв­лытн рӯпитаӈкве минмыг­тг. Ты хосыт, сакати, иӈ сāвнув лын ӯнлын пāв­лытт лнэ мир пусмал­таӈкве патаве. Пāвлытыт нāиӈхāпыг сāвнув хтал ӯнлуӈкве патг тах.  

Мāхумаквет, мāн, ре­дакцият рӯпитан хтпат, кāсыӈ порат хансв. Нāн кӣвранынт матыр āгмын суйты ке, ты лккарыт ёхталанныл порат, тāра уральтахтуӈкве тув ялн. Āгмын ёл-тӯйтым ул ньщелн. Хунь лкка­рытн āгм молях­нувег осн-паттаве, таве пус­мал­таӈкве кӯпнитнувег паты. Ос āгмын юв пувуӈ­кве патылн ке, нāнан ущпылнг ллиг мты. Нāнкинāн ӯргалэлн, пустāгыл лн! 

Николай МЕРОВ