№ 5 (1311) - 2024

Млты тл псныл пуӈктотнэ ӯст Москват яныг суссылтап суссылтаве, рущ лтӈыл тох лваве – Международная выставка-форум «Россия». Ксыӈ хтал тот свсыр пӯмыщ лы.

Россия м янытыл 89 регион-м лы, ксыӈе тот такви суссылтап в­рыс. Областит, республи­кат ос округыт урыл ВДНХ мт 75 колт по­тыр­таве. Тот мн лнэ мв с насыг суссыл­таве. Тув ксыӈ хтал мт-мт мхум округувныл ялан­тгыт, матыр йильпи врмаль суссылтгыт. 

Округ кӯщай н Наталья Комарова ртыӈ свой тпос оигпам лы-плт лххал тотнэ мхум ёт хнтхатыглас ос хӯрум арыгкем щс тн ётаныл потыртас. 

Яныг колтглытн нтнэ урыл 

2024 тл Россият щмья янытлан тлыг лввес. Мн округувт св нврамыӈ колтглыт хумус нтавет, влт та урыл тав китыглавес. Наталья Комарова ювле тох потыртас. 

– Тыт лнэ мир мн акваг нтыянӯв. Трви­тыӈыщ лнэ нквет пӯльницат акваг ураль­тавет. Ань тн «Буду мамой» нампа лныӈ нпакыл ос самын патум нврамыт «Расту в Югре» мӯйлупсал мивет.

Округувт ксыӈ порат хотты скконыт мтнув щирыл хаснэ мгсыл депутатыт сапрнин атхатыглгыт, халанылт потыртгыт ос рнэ щирыл хаснныл юи-плт, тнаныл пирмайтгыт. 

Ань ртыӈ свой т­пост лум сапрниянылт вт нупыл хӯрум вр­малит урыл по­тыртасыт. Тох акв пос­та­нов­ление пир­май­тасыт, та нпак щирыл «Почёт­ный граж­данин ХМАО-Югры» намыл Еремей Айпин майвес, тав св тл сыс сосса мир мгсыл рӯпиты. 

Мт тит депутатыг «За вклад в развитие законо­дательства» мгылн тага­тан псыл майвесг, ты Ринат Айсин ос Лариса Белоцерковцева. 

Ртыӈ свой тпос 21 хталт щнь лтыӈ янытлан мирхал хтал лыс. Ты кастыл Ханты-Мансийск ӯст «Язык – душа народа» нампа пӯмащ тла врыглавес. 

Ӯст свсыр мирныл лнэ нврамыт мньщит ос хантыт урыл свнув вос вгыт, ханищтап ос наука департамент ос культура департаментыт рӯпитан кӯщаит тамле рнэ врмаль щпитл­сыт. 

Тнт с-угорский институтыт, «Трум Маа» музейт, Творчество колт, с-угорский театрыт, «Лылыӈ союм» нампа колт рӯпитан хтпат акв яныг колт атхатыгласыт ос нврамытын тнки рӯпатаныл урыл потыр­тасыт. 

Мньполь тпос 1-2 хталагт Ханты-Мансийск ӯст округ янытыл лнэ слы ӯрнэ мхум халанылт кассыт. Ты тла намаявес «IX конкурс профессионального мастерства среди оленеводов на Кубок Губернатора Югры». Слыӈ мхум ат мныл ёхталасыт – Хльӯс, Белоярский, Ханты-Мансийский, Нижневартовский ос Сургутский районытныл лсыт, пуссын аквъёт 30 хтпа кассыт.

Зоя Павловна Самбиндалова Хльӯс район Шайтанкат (Ялпыӈ-нёл-пвылт) лы. Мньщи ква Малеевка пвылт самын патыс, ётыл омаге-тяге ёт Шайтанка пвылн внтлас. 

Зоя Павловна такви лупсатэ ос рӯтанэ урыл мньщи газетав мгсыл тох потыртас:

– Ам омам наме Евдо­кия Ефимовна Лихачёва лыс. Рӯтанум Пс Шай­танка пвылт лсыт. Ты пс пвыл Шай­танканыл ат врыстат ӯнлыс. Омам потыртлыс, Лиха­чёвыт Нр тапал рныл тыг ёх­тысыт. Яныг ащōйкам Хльӯс пӯпколт са­ва­лап нвра­мыг яныгмас, тав 1846 тлт самын па­тыс. 

Мария Олеговна Рогачёва - мньщи н, такви парищ наме Алексеева, тав Хльӯс район Саранпвылт самын патыс ос тот яныгмас. 

Ань тав Ханты-Мансийск ӯст округ яныг пӯльницат лккарыг рӯ­питы. Пусмалтахтуӈкве ёхталан мхум тав ур­тыл сака ёмас лтӈыт л­вгыт, тав гмыӈ хтпат мӯсхал щирыл сунсыянэ ос рнэ трпил хансыянэ, сымын рвнэ лтӈыл лвиянэ.

– Мария Олеговна, лвен, хунь наӈ лккарыг рӯпитаӈкве тахмаясын, хт наӈ ханищтахтасын?

Мньполь тпост н хōтпат янытлан мирхал ялпыӈ хōтал янытлылӯв. Ты кастыл ам акв ёмас мньщи н ёт хнтхатыгласум ос тав ётэ потыртасум. Тав наме Юлия Леонтьевна Сайнахова, ги парищ наме Хозумова. Тав нвраманэ ёт аквписыг мāньщи лāтӈыл потырты.

Сосса мир ōлупса ос пēс вāрмалянув, пēс наканув ӯргалым колтāг­ланылт ōньщияныл. Мēн Юлия Леонтьевна ёт щēмьятэ урыл потыртас­мēн. Насати, тав школат ханищ­тахтаме порат мāньщи суп нтуӈкве ōвылтахтас, ань ос тōр лōмт тармыл рущ щирыл «крестикыл» сāвсыр хурит нты, турлпсыт, пальсакыт хорамыӈ олнкасыт сакныл харты.

Тынакт Нижневартовский район Варьёган пвылныл Ханты-Мансийск ӯсн нврам ханищтан сосса нг ёхталасг – Маргарита Павловна Куклина ос Тамара Гордеевна Казамкина.

Маргарита Павловна св тл интернатт воспи­тателиг рӯпиты, н лвыс:

– Варьёган пвыл интернатт ханты ос рн нврамыт ханищтахтгыт, 1 классныл ос 9 класс яныт гирищит-пыгри­щит. Тваныл Аган пвыл­ныл, тват ос Варьёган пвылныл лгыт. Ома­ныл-тяныл слы ӯрим яласгыт, врагыт, хӯл алыщлгыт. 

Млал «Трум Маа» музейт кит этнографыг ёт акван-хнтхатыглан нак врыглавес. Тн св тл сосса мирыт лупсаныл ханищтг, сыре-сыр врмалит тра-паттг ос наука мгыс нпакыт хансг. 

Акватэ Наталья Анатольевна Тучкова, история наукат доктор нам ньщи ос селькуп мхум лупса ханищты, Ханты-Мансийскат «М-вит ос лумхлас» нампа музей колт рӯпиты. 

Мтанэ Татьяна Влади­ми­ровна Волдина, до­цент-н, история наукат кандидатыг лы. Тав с-угор­ский мхум инсти­тутт рӯпиты. Тн сас тнки рӯпа­татн вылтыт китыгла­весг, потрагн лаль ловиньтн. 

Мньщи мирув халт щаквщин хтпа св лы. Хльӯс район Саранпвыл нквет щаквщин коланыл «Сделано в Пауле» намаясаныл, тот тн йинсахтгыт, нсхатгыт, тынтлахтгыт. 

Врнэ тланыл тар­мыл Евгения Валерьевна Вьюткина тав пуӈк­тоты. Ты мньщи н ёт потра­ма­сум, китыглахтасум, маныр нт­гыт, хотьютн ханищтавет. Нн ань лаль Евгения Валерьев­на потре ловиньтэлн.

Вим мхум рӯпитгыт, хт яласгыт, ат стгыт. Аквнакт мн пвлувт Хльӯс район  Хулюмсӯнт пвылт 16 хтпа диктант хансуӈкв ёхталас. Тахольтыл школаӈ кӯщай н аквъмт тратахты, диктант хаснэ нас кабинетыл майлавв. 

Диктант хансум хтпат халт щар яныг хтпаг  Галина Константиновна Алгадьева лыс, тав 80 тлэ, щар мнь – Алгадьева Надежда, 10 классыт ханищтахты. Надежда такви щнь лтӈе ёмщакв вгтэ, мнь тгыл маньщи лтӈыл потырты. 

Мньполь тпос 1 хталт 2024 тлт Ханты-Мансийск ӯст «Галерея-мастерская художника Г.С. Райшева» музейт «Геннадий Райшев. Весна священная» нампа суссылтап рӯпитаӈкве вылтахтас.

Ктыл пслум ханты хум Геннадий Степанович Райшев хуриянт тӯя пора св щёс пслыгла­стэ. Ань ты суссылтапт 1970-2010 тлыт сыс пслыглам хуриянэ кса­лаӈкве рви. йка врум тлатэ хосыт нӈки, ань лум­холас ос м-вит аквт­мыл лг, лылтг, аквъёт номсахтг, нёвсг.

Млты тāл Елена Петровна Белая, Нефтеюганск ӯст историко-художественный музейт рӯпитан научный сотрудник н, ёт ам Ханты-Мансийск ӯст хōнтхатыгласум. Тав «Посыӈ т Нефтеюганскыт ōлме порат» нампа вāрнэ рӯпата урыл потыртас.

Историко-художе­ственный музейт рӯпи­тан кӯщай н Наталья Астрелина ос культура щирыл рӯпитан колт кӯщай н Наталья Поливенко тав ётэ с ōлсг. Музейт рӯпитан нг Дарья Дука ос Зиля Серебренникова ос нв­ра­мыт ёт рāктыныл вā­рим пупāп­щитев хури ōльпыл сартсыт.

Ты тпос 25 хōталт Россия м янытыл культурат рӯпитан хōтпат янытлыянӯв. Ты кастыл ам Екатерина Юрьевна Мироненко, «Триумф» культура колт кӯщай н, урыл потыртгум. Тāн яныг рӯпата сосса мир культура мāгыс вāрēгыт, тав тох потыртас: 

– Октябрьский райо­нувт мāн «Миснэ» нампа театр ёт яныг тла хосыт рӯпитв. 2021 тāлт округ кӯщай плыл олн-нтмил висӯв, ты рӯпатав ёт нōх-патсӯв, тав нврамыт мāгыс щпитым ōлы.

Нина Дмитриевна Хатанзеева Саранпвылт лы. Тав ще – Дмитрий Георгиевич Агеев. Млтынув н атпан тлэ твлыс, ты кастыл тав Ханты-Мансийск ӯсн ёхталас. 

Намхталэ кастыл округ творчество колт рӯпитан мхум суссылтап врсыт, тот Нина Дмитриевна пслум хуриянэ суссыл­тавсыт. Ты тпос хӯрмит хталт та колн св мир ёхталас. влт н такви уртыл потыртаӈкв вв­вес.