Вōртур тпос 25-26 хōталыгт кит ялпыӈ хōталыг ōлсыг – 70 тāлыг мтыс, хунь Хльӯс ляпат ōвыл газ хōнтвес ос ты тāл пāвыл 430 тāлэ твлыс.

Пӯмыщ суссылтап щпитавес

1953 тāл сӯкыр тпос 21 хōталт йильпи пора ёхтыс, та тāлт геолог хōт­пат Хльӯс районт «Сква­жина Р-1» мāт газ хōнт­сыт. Ань ты кастыл Хāльӯс краеведческий музейт пӯмыщ суссылтап пӯсвес, рущ щирыл тох намаявес - «Землю рвал природный газ…». Архивный отделт рӯпи­тан хōтпат сāв пēс йис нпакыт ос хури тув мӯй­луптасыт. Наталья Рауданен ты суссылтапт Анатолий Белый хансум стиханэ татем нтнэг ловиньтасанэ.

выл лтыӈ Хāльӯс кӯщай хум Дмитрий Меньшиков лāвыс, тав газ нх-вим яныгпла хтпат, хотьют св тāл газовый отраслит рӯпи­тас, тнаныл янытласанэ. Тав тох потыртас: 

– тил мхумаквет! Округув ос Россияв мāгыс яныг вāрмаль вāрсын, нн газ хōнтсын, ам ннан янытлыянум! Мāн газ ёт ёмщакве ōлв, юн рēгыӈ ос посыӈ. Тыи мгсыл ннан яныг пӯмащипа лтыӈ лвв, ёмщакве ос сōтыӈыщ лаль ōлн!»

Хумыс та по­рат Хльӯс районт мхум ōлсыт, хумус рӯпитасыт, Таисия Никифо­ровна Пастухова та урыл хансум лāтӈанэ Ольга Шиповалова, Ар­хив­ный отделт кӯщай вӈын н ловиньтасанэ: 

«Та порат сака тāрви­тыӈ ōлыс. Газ нх-винэ хōтпат ат вāсыт, мā ман­хурип щунь ōньщи. П­вылт лнэ мир ос нāй нх-пēламтаӈкве пилсыт. Тāн хоса та мāт рӯпи­та­сыт, рāкт ёт вит ёлаль сōсантасыт ос ёмщакве кр ут тӯщ­тысыт. Газ кин­сым мāн сāв мāт рӯ­пи­та­сӯв, Берё­зовский, Дём­и­н­ский ос мōт мāтт сква­жи­нат хилсӯв, та по­рат Лев Иванович Ров­нин йка ёт «Тюмень­гео­логия» ор­гани­зацият рӯ­питасӯв».

«Берёзовогаз» кӯщай хум Алексей Федотов газ нх-винэ яныгпла хт­пат ос муй мир ёт паща­лахтас ос ты ялпыӈ хōтал ёт янытласанэ. Тав лāвыс, манах ōлнэ кол газ ōщсыт: 1963-1964 тāлыгт – 37 колыт, ань ты йист – 3 сōтыра 400 колыт.

лнэ колыл майвсыт

Павел Артеев, Хльӯс район кӯщай хум, тōва мāхум йильпи колн вāнт­лын мāгыс туманнēлмыт мӯйлуптас. Тав тнанылн лвыс: 

– Тыхōтал сака ёмас хōтал, мāн пāвлув нам­хталэ янытлылӯв, тамле ялпыӈ хōталт нāн йильпи ōлнэ колн ōлуӈкве щал­тэгн. Нāн сōтыӈыщ ос ёмщакве ōлн.

Та юи-плт сāвсыр мāтт рӯпитан мāхум пуссын площадь хосыт мсыт, пēс йис порат кнащит хумус масхатыгласыт, тōваныл тамле маснут масапасыт ос мир лы-палт та мантасыт.

Пвлыӈ мхум кассыт

Пӯльницат мнь лк­карыг рӯпитан н Вера Алгазина «Берёзов Движ» каснэ мāт хāйтыс, тав тох потыртас:

– Ам 10 вēрыста хāйт­сум, хунь фестиваль урыл лххал ищхӣпыӈ ут хосыт кāсаласлум, ам лāвсум, мт хтпат ёт касуӈкве ōс патгум. Мāнь порат ам аквписыг товтыл хāйтсум, волейболыт ёнга­сасӯв ос сāв мōт каснэ мāт ам кассум.

Белоярский районныл мӯй мир ёхталас

Белоярский район кӯщай хум Сергей Ма­нен­ков делегация ёт тув с ёхталас. 1988 тāл мус Белоярский ос Хāльӯс акв районыг ōлсыг. Ты кӯщай тамле лāтыӈ лāвыс: 

– Паща олн, тил миркве! Ам районын мāгыс яныг пӯмащипа лāвēгум, нāн мāн мāгсы­лув щнит-щит хольт, мāнав янмалтасн ос лаль кēтсанн. 33 тāл сыс ам амки районумт пуӈктотгум. Ос тох лāвуӈкве таӈхēгум, 15 тāл ке рӯ­питгын, наӈ та рӯпата тāл лаль ōлуӈкве щар ат вēрмēгын. Мн тыт лнэ хōтпат пуссын янытлыя­нӯв, мāнь нвра­мыт ёмщакве вос ōлгыт. Тāн пуссын ёмасыт, хунь сāв āги-апыг яныгми – тыи сака ёмас!

Пвыл кант св пӯмыщ лыс, нврамыт ёнгасасыт, мāхманув тнти врим ос щпитам тнутаныл, тнти ктыл мщтырлам пормасаныл тыналасыт. типāлаг концерт ōлыс, тот пāвылт ōлнэ ргын хōтпат ос мӯй хōтпат р­гысыт, мāхум йӣквсыт, юр­таныл, руманыл ос рӯтаныл ёт хōнтха­тыг­ла­сыт, татем нтнэ фей­ер­верк ōлыс. Мӯйлум хōтпат ты ялпыӈ хōтал урыл сāв тāл номуӈкве тах патгыт.

Ханты хум такви мōйтанэ урыл потыртас

Писателиг лнэ ос «Ханты ясаӈ» газетат кор­респондентыг рӯпи­тан хум Владимир Енов, Хāльӯст нпак ловиньтан колт мир ёт хōнтхатыглас. Тав потыртас, хōт самын патыс, хōт ханищтахтас ос хōт рӯпиты. 

Тав щащēкватэ ос ōпарище ёт яныгмас, тн кāсыӈ типāлаг свсыр пӯмыщ мōйтыт мōйтсг ос пēс йис потрыт потыр­тасг. Ōпатэ тох лāвыс, апге хунь яныгнув ēмты, тав мōйтыт хансуӈкве паты.

Тав сымēт ты лāтӈыт аквписыг ōщсанэ. Хунь та пора ёхтыс, тав мōйтыт хансуӈкве та патыс. Хан­сум потранэ сāв ёмас номт мирн тотгыт, хумус ёмащакв ōлуӈкве ри, тот ловиньтаӈкве рōви. Мхум ёмас номтыл ос мт хōтпат ёт юртыӈыщ вос лгыт, мирн нтгыт, мā-вит ос ӯйхулыт ӯрга­лгыт, урккуӈкве ōс ат рви.

– Владимир Егорович Енов ёт хōнтхатыгллуӈ­кве ос потыртаӈкв нумн сака пӯмащ лыс. Тав сака сымыӈ хум-хōтпа, такви ōлнэ мāтэ ос мāхманэ рупты. Та урыл сāв мōйт хансыс. Ань ты йист тамле хтпа мощща. Сака ёмас, тав мāн палтув ёхталас. Ос тавн ёмас лтӈыт лвēгум, мӯтрыӈ мōй­тыт ос потрыт лаль вос хансы, - тамле сымыӈ лтыӈ Хāльӯст лнэ ква Валентина Литвиненко лāвыс.

Мōт хōталт Владимир Енов нврамыт ёт хōнт­хатыглас ос тāнанылн диплом-нпакыт мӯй­луп­тас, ты нврамыт мощ­щаг хультум мирыт урыл касылт потрыт хассыт. Хотьютаныл нх-патыс, тнаныл янытласанэ.

Иван Коновалов Хāль­ӯс школат 11 классыт ханищтахты, потре сака ёмащакв хансыстэ, тав тох потыртас: 

– Ам сāв нпак ловиньтгум, аквписыг нпак ловиньтан колн ялантгум. Та колт рӯпи­тан нт нврамыт мгыс касыл щпитлсыт. Тот сāв китыглахтын лāтыӈ сосса мир урыл ōлыс. Ам ты потыр ёмщакв хан­сыс­лум. Āнумн ханты ос мāньщи лāтӈыт ловинь­таӈкве сака пӯмыщ ōлыс, та лтӈыт толмащлаӈкве рыс ос рнэ щирыл тāнаныл хансуӈкве.

Оксана АЛБИНА