Кāсыӈ туи Ханты-Мансийск ӯст «Трум Маа» музей кант нврамыт мāгыс «Тāксар мāхум» нампа ӯщлахтын вāрмаль щпи­тāлаве. Тот тāн врт луӈкве ханищтавет. Ты тла музей-колт рӯпитан хум Вячеслав Юрьевич Кондин вāруӈкве номылматастэ, тав хосат тāгыл нврамыт ёт рӯпиты. Хум музей-колт сāвсыр тлат лаль тотнэ палт кӯщаиг лы. Ань Вячеслав Кондин мāнавн ты урыл мощ потыртас:

– Мāн ты ӯщлахтын вāрмаль 2014 тāлт Хан­ты-Мансийск ӯст выл­таслӯв. Сāртын мāн палтув туп сосса нвра­мыт ханищтахтуӈкве ёх­таласыт. Ань ты ханищ­тапын кā­сыӈ нврам, хотьют тыт ӯщлахтуӈкве кāсащи, ёх­туӈк­ве врми. Мāн нврамыт пус­сын аквтем ха­нищтыянӯв. Ам тох ном­сгум, кāсыӈ нврам яныг­мантэ палытыл кāтыл матыр пормас такви вос вāрыс. Ётыл тав ты вāрмаль номтт ёрувлытэ ке, кāтаге номуӈкве патг. лнэ па­лытыл, рыӈ, ты вāрмаль нмхуньт ат рмыглы, ос лль накын ликмын по­рат, маныр вāруӈкве ри, тāн ёмщакв вāӈкве па­тгыт тах. Тыи мāгыс ты мāн тāнаныл ань мāньщит ос хантыт лупса тлатн ха­нищтыянӯв. 
Ты ӯщлахтын мāт āги­рищит-пыгрищит āращ пāлтуӈкве ханищтавет. Врн атхатнэ порат, маныр ёт виӈкве ри, та урыл с потыртавет. Хащтāл мāт хот ул вос тыпсыт, вр хань­щуӈкве вос хāссыт. Ту­выл хӯл алыщлаӈкв, врт лсыт ӯнттуӈкв, хуйнэ мā щпитаӈкв, палатка тӯщ­туӈкв, щирва пāйтуӈкв, хāль сāс āныл вит пāйтуӈкв ос мт тлат вāруӈкве вос хāсгыт. 

Екатерина Сабель­фельд лāвыс:
– Ам Ханты-Ман­сийск ӯс нёлолов шко­лат ханищтахтгум. Ань нёлолов классын ми­насум. Кāсыӈ туи порат омамн ты ӯщлахтын мāн хансыглавем. āнумн тыт ӯщлахтуӈкве сака мӯсты. Мāн пуссын юртыӈыщ лв, халанувт нтхатв. Ханищтан хтпат кāсыӈ хтал пӯмащ ёнгыт щ­питāлгыт. Пс порат мāнь­щи ос ханты мāхум ху­мус лсыт, хумус хӯл алыщ­ласыт ос враясыт, та урыл потыртаве. Ам сāв рнэ тлатн ханищтахтасум. Врн миннэ порат маныр ёт виӈкве ри, ань ём­щакв вāглум. Тыт ам āращ пāлтуӈкв, хӯл алыщлаӈкв, вруй пувнэ лс ӯнттуӈкв ос сосса нврамыт сāв­сыр ёнгыт ханищтасум. Ты ӯщлахтын мāн ам хӯрмит тāл ёхталгум. Тыт ам щāгтым лгум. 

Артём Никитин лāвыс:
– Ам нилыт школат ханищтахтгум, ань сā­тыт классын минасум. Ты тāл хӯрумхуйплов тāлум твлыс. Тāл палыткем хоккеил ёнгуӈкве ялан­тгум. Ты каснэ вāрмаль сака руптылум. Врт яласан ханищтапн ты тāл­ныл ялантаӈкве патсум. Сāв ёмас āгит-пыгыт ёт вāйхатуӈкве патсум. Хунь мāн акван-атхатв, рӯт мāхум хольт юртыӈыщ лв.  
Тыт ханищтан хтпатн врт т хӯлнэ мāгыс йӣв товытныл хуйнэ мā вāруӈкве ханищтавсум. Вруй кāтын-паттын мā­гыс, хумус лс ӯнттуӈкве ос нль вртуӈкве ань ос вāглум. Тувыл вт-нлыл псын пāтлуптаӈкве ха­нищтахтасум. Омам ханты н, тав āнум тыг ӯщ­лахтуӈк­ве тотыстэ. Тыт āнумн сака мӯсты.

Николай МЕРОВ