Мāн мирув халт сāвсыр колыт ōлгыт, тн сосса мāхум пēс йис тлат лаль тотгыт. Акв тамле кол «Югорские россыпи» нам ōньщи. Тāн Лемпино пāвылт Нефтеюганский районт ōлгыт. Ты кол 2018 тāлт рӯпитаӈкве ōвылтахтас. Кӯщаиг Гульназ Харисламова ōлы. 

Лемпино – мāнь пāвыл, тав 117 вēрыстат Нефтеюганск ӯсныл ōлы, тувыл 128 вēрыстат Ханты-Мансийск ӯсныл. Тот 500-кем мāхум ōл­гыт, 159 ханты хōтпат. 

2013 тāл порат Гульназ «Ӯльпа» нампа культура кол кӯщаиг паттувес. Тōнт тав кāсаластэ: ханты мāхум пēс йис вāрмаля­ныл пāвылт лāщал-лāщал хот та ёрувлахтгыт. Пēс йис маснутыл ат ōлгыт, ялпыӈ хōталыт ханты р­гыт рущит рганыл ёт ак­ван-тлыгтахтасыт. Тувыл р­гыт ос йӣквыт сака ат суй­тасыт. Тох некоммер­че­ское объединение кол вруӈкве номтэ патыс. Хӯлтыглахтын хтпаг Елена Ковалевская ēм­тыс, тав тōнт культура колт рӯпитас. Тувыл «Ӯльпа» ДК художественный кӯ­щай н Яна Садовская нтмил вāрыс, тн аквъёт грант-олн ос проектыт хан­сасг. Кол пēс йис вāрмалит лаль тотнэ мгыс ōлы. Тāн сāвсыр суссылтапыт ос ялпыӈ хталыт вāрыглгыт.

Ӯринква хōтал – ял­пыӈ хōтал тӯя порат ēмты. 2020 тāлт проект пре­зидентский грант-олныл майвес. Ялпыӈ хталт мӯй мāхумыт мāгыс ӯри­нква урыл пēс потрыт потыртгыт, пӯрлахтгыт, суссылтапыт вāрыглгыт. 

Мāньхāп янытлан Хōтал Курья тӯрт ōлыглы. Мāнь­хāпыл каснэ порат сус­сылтапыт вāрыглгыт, хӯл исмит пйтгыт. Мā яны­тыл ōлнэ сосса мирыт янытлан хōталт «Юрты Лемпины» этноплощад­ка врыглаве. 

– Хумус каснэ вāрмаль вāрыглгын?

– 2017 тāлт мньхпыл каснэ тлан вуйхатасум, мхумыт акван-атыгла­сум. Хум хōтпат нврамыт вит тармыл уральтаӈкве нтсыт. Мāнки мāньхп ōвлт ат ōщсӯв, ляпат ōлнэ пāвлын ялсӯв, кēр хāп висӯв, тувыл тащир та ханищтахтасӯв. Ань та мāнь нврамыт влт товуӈкве ат хссыт, ётыл «Гонки на обласах» нампа округ касылт нōх-патсыт. 

Пӯмащипа лāтыӈ лā­вēгум Николай Сморо­динын. Тав мāнавн акваг нты, сāв щёс округ ка­сылт ōвыл мēста вис. Ты тāл мāн лильпи ӯсыл вāр­сув – мāхманув «Лыжня России» касылт котыл ханлым ёсал хāйтсыт. Алена Кунина ōвыл мēста вистэ. 

– Хумус мāньлат хтпат кāсащгыт? 

– Хунь ōвылтахтасӯв ты вāрмаль вāруӈкве, сака тāрвитыӈ ōлыс. Ань мāхумыт маснутыл мыг­тгыт, суссылтыпын ялуӈ­кве кāсащгыт. Нвра­мыт культура колт ханты лāтӈыл ргуӈкве ōвыл­тахтасыт. Кāсыӈ тāл мнь­хпыл яласаӈкве патсыт.  
Ты колт рӯпитан хōтпат акваг ишкола ёт рума­лахтым ōлгыт. Гранд щирыл ишколан рнэ пормасыт ёвтвēсыт. Ишкола мāн ётув ёмщакв рӯпиты: музейный пор­масыт мыгыт, нврамыт мāгыс суссылтап вāруӈ­кве нтгыт. 

– Волонтёрыт нāнан нтгыт?

– Кāркам хōтпат ōл­гыт. Ам командамт 45 сāвит лумхлас ōлы, хоть­ют мāшинал, кāтыл нты. Тувыл мāк таи - нм­хуньт ат ртхатгыт. Смо­родин Николай, Ку­ниныт, Шкребцовыт ос мōт сāв кол­тāглыт акваг нт­гыт. Ам тāна­нылн пуссын яныг пӯмащипа лāвēгум. 

– Манхурип проектыт самын патгыт манос ань ōлгыт? 

– Колувт щар руптан ос хоса ӯрхатнэ проект Югорский биатлон «Се­вер­ный след» ōлы, тав ōвыл щёс мāньполь тпос 11 хōталт ēмты. Акв­матрт щāй айнэ порат ты вāрмаль урыл яныг хōтпат потыртасыт. Тувыл мāн номсахтуӈкве ōвыл­тахтасӯв, тлы порат маныр вāруӈкве? Тох ты тла самын патыс, ётыл тав Президенский грант нампа касылт нōх-патыс ос ань ōвыл щёс вāрыг­лаӈ­кве щпитахтв. 

Рēтыӈ свой тпос по­рат с акв проект лаль тотаве. Тав округ кӯ­щаюв грантыт нōх-патыс. Тав наме «Откры­тый город­ской фести­валь-конкурс военно-пат­рио­тической песни «СВОя Победа».  Суссыл­тап пōс – хōнлум хōтпа­тын пӯмащипа лā­тыӈ лāвуӈ­кве. 
2024 тāлт «Югорские россыпи» колув «Приз­на­ние» нампа премиял майвес. Ты мӯйлупса Лемпино 240 тāлэ тōв­лум кастыл вāрим нампа проект тотыс. Тувыл 2025 тāлт Юван Шесталов пре­ми­я щирыл нōх-патыс. 

– Маныр ёвтысын гранд-олныл? 

– Мāн сāвсыр ханты маснут, рнкол, сцена мгыс ос мт пормасыт ёвтысӯв. 

Лемпино пāвлувт сосса мāхумыт ōлгыт. Тāн тāнки пēс йис тланыл лаль нёвымтаӈкве нтгыт. Тамле колыт мāнь лӯимā мирыт тланылн нт­гыт мощ с хультуптаӈкв. Тыщир лāтӈув, пормаса­нув иӈ лылыӈыг ōлгыт. 

Галина ДУНАЕВА