Ас потты тыӆӑщ 13-мит хӑтӑӆн округ кәща нє Наталья Комарова интернет щирн Instagram тӑхийн Югра мўвн вәӆты мир пиӆа няврємӑт єнмӑӆты хоттєӆ ёх пӑта социальной нётупсэт оӆӑӊӑн путӑртӑс. Вантэ, интӑм коронавирус мәш пурайн ар пєлӑк пушхӑт пиӆа рәпитты тӑхет лӑп тәхӑрсыйт, вєрӆаӆ вевтама мӑнты питсӑт.

Ас потты тыӆӑщ 18-мит хӑтӆӑн «Югратур-2020» вән мирхот вәс. Тӑм оӆн ко­ронавирус мәш пӑта щи мирхот онлайн щирн вєрсы, тӑта 500-кєм хӑннєхә иха ӑктӑщийӆсӑт.

Ас потты тыӆӑщ 25-мит хӑтӆӑн Нефтеюганск вошн вәӆты Почётный гражданин нєм тӑйты хӑнты ими Ольга Ефимовна Скакунова 85 оӆа йис. Ӆўв Сўмӑтвош район Войтӑӊ ёх кәртӑн вой-хўӆ веӆпӑсӆӑты хә хоттєӆ ёх хущи сєма питӑс па єнмӑс, щирн шуши мир йис вәӆупсы тәса вәӆӆэ. Ольга Ефи­мовна 37 оӆ мӑр няврємӑт вәнӆ­туман рәпитӑс, Нефтеюганск вош тывум вўш эвӑӆт ай пушхиет пиӆа рәпитӑс, щирн вошӑӊ ёхн ма вәӆы па сӑмӑӊа тӑйӆы.

Ин пӑӆтап мәш юхтум пийн округевн рәпатайӆы хӑннєхә ӆапӑт пўш ара йис. Щи оӆӑӊӑн тӑм ванӑн Ёмвошн «Югра» нємуп айкеӆӑт ӑкӑтты хот йитн округев рәпата вєрӑт артаӑты департамент кәща кана  вәӆты хә Валерий Беспояско айкеӆ тәс.

Ас потты тыӆӑщ 16-митн «Югра» нємпи айкеӆӑт ӑкӑтты хотн мўв иӆпи питы вуй вўты округ тӑхи кәща хә Сергей Алек­санд­рович Филатов пиӆа вәйтантупсы вәс.

Ас нопӑтты тыӑщ хәӆмит хӑтӑӆн Ёмвошн «Югра» нємуп РИЦ хот йитн айке хӑншты па ӑкӑтты ёх иха ӑкӑтсыйт, ӆәӆн айкеӆ тәты, муй щирн ӆўӊ пурайн мир лекщитты «Николай Пирогов» нємуп тўтӑң хопн ӊхты тохтўрӑт рәпитсӑт.

Тӑм вєр оӆӑӊӑн мў­ӊева «Центр про­фессиональной пато­логии» нємпи пәӆь­ница кәща, Ёмвошӑӊ округ депутат хә Нико­лай Таш­ланов айкеӆ тәс. 

Ван хӑтуп тыӑщ 11-мит хӑтӑн Ёмвошн РИЦ «Югра» нємуп тӑхийн айкеӆӑт хӑншты ёх хот омӑсты департамент кәща хә Кирилл Мыскин пиа вәйтантыйсӑт. 

Ԯўв лу­пӑс, хуты хотӑт омӑсты де­партамента 2020-мит оӆн шєӊк ар вєр вєрты мосӑс. Мєт оӆӑӊ вєр, щит мир пӑта вәӆты хотӑт омӑсты. Тӑм вєрӑт вєрты ӆыв Российской Федерация В.В. Путин президентӑн партсайт па щи мосты вєр вән нє­пека хӑншман вәӆ. Щӑта хӑншман, муй­сӑр вєрӑт тӑм оӆ Россия ӆуваттыйн ԯэ­щӑтты мосӆ. 
 

Югра мўвевн кашӑӊ хӑнты, вухаӆь па юрн хуят Альбина Сергеевна Глухих (Уфимцева) вәятӆ. Вантэ, ӆўв «Новости Югры» нємпи газетайн рәпитмаӆн иса пурайн округ хўваттыйн ӊхиӆӑс па шуши мир вәӆупсы оӆӑӊӑн хӑншӑс. Тӑм йисн Наста ӆўв хиӆы тумпи хиӆнєңӑԯ ищи вән аӊкаӊкеӆ иты әмӑщ путрӑт, моньщӑт хӑншты питӑс. 

Михаил Никифо­ро­вич Андриевских 1906-мит оӆ Ас хӑӆ­ты тыӆӑщ 23-мит хӑтӑӆн Челябинской (интӑм Курганской) мўв Петрушино кәр­тӑн сєма питӑс.

1942-мит оӆ лыпӑт тыӆӑщн Михаил Анд­риевских ӆаӆь хӑра мӑнӑс. Щи пурайн вән тўтӑӊ хопн Пуӆңавӑт вош эвӑӆт Омск вош вәнта увӑс айӆат ёх тәсыйт. 

Ас потты тыӆӑщ 3-мит хӑтӆӑн Москва хон вошевн Россия мўвев арсыр мирӑт ӆәхсӑӊа вәӆты хӑтӆа «Гордость нация» нємпи премия хоӆумсы. Щит щимӑщ ёха мӑӆыйт, хуйтат иса муй вєрӆӑт, ӆәӆн Россия мўвев арсыр мирӑт ӆыв йис вәӆупсэӆ ӆавӑӆман ат тӑйсӑт па арсыр мирӑт кўтэӆн ӆәхсӑӊа ат вәсӑт.

Ас потты тыӆӑщ 19-мит хӑтӑӆн Конда мўвн сєма питум мирӑт пєӆа сӑмӑӊ хӑннєхә, оса рәпата вещката тәты вухаӆь ики Анатолий Николаевич Хомяков 90 оӆа йис. Анатолий Николаевич сємӊӑӆ эвӑӆт хӑтӆ хошмӑӆ, ӆўв вән унтас мўӊ мирева тәс, вєра сӑмӑӊ па мутрӑӊ икие.

Мўӊ, «Хӑнты ясӑӊ» газетайн рә­пит­ты ёх, мосты вухаӆь хӑннєхә нәптӑӆ ярхәса вмаӆ пӑта ар тёпӑӊ сӊӑт лупты ӆӑӊхаӆўв!

Хӑнты ими Ксения Ивановна Волосюк 40 оӆ мӑр лекщитты нєӊа Сўмӑтвош пәӆь­ницайн, щӑӆта 9 оӆ няврємӑт хӑтӆ мӑр тӑйты хотн пушхиет лекщитман рәпи­тӑс. Интӑм пенсияйн рўтьщуман вәӆ.

Ксения Ивановна 1950-мит оӆн Сә­пӑс­лӑң кәртӑн вән хӑн­ты семьяйн сєма пи­тӑс. Ӑӊкеӆ – Екатери­на Ефимовна Молдано­ва – ищи вән хоттєӆ ёх хущи єнмӑс. Ӆўв оӆӊӑӆн Ксения Ивановна щи­ты путӑртӑс:

Мўӊ шуши мирев кўтн ар нєпекӑӊ па нумсӑӊ хуят вәӆ. Ӆыв леккӑра рәпитӆӑт, няврємӑт вәнӆтӑӆӑт, нумсӑӊ нєпекӑт хӑншӆӑт па па арсыр мосты вєрӑт ӆэщӑтман вәӆӆӑт. 

Тӑм йисн айӆат ёх шєӊк ӑн ӆӑӊхаӆӑт ай кәртӑта вәӆты мӑнты. Щӑта рәпата шимӆ па итәх пурайн хуӆт пєӆы мӑнты ӆавӑрт вәӆӆяӆ. Сўсн па товийн хән Ас, ай асӑт па юханӑт хуӆна ӑн потсыйт, тәп тухӆӑӊ хопн па воша мӑнты рӑхӆ. Щӑӆта ай кәртӑн вәӆты пӑта тўтъх ӆәтты, муй па ӆэщӑтты, кәр ӑӆӆяты, йиӊк тәты мосӆ. 

Тәняӆ Югорск вошн вәӆты «Элегия» литературной тӑхи ёх грант нётупсы вух ёша хоӆумты пӑта вохты нєпек китсӑт. Ма щи вєр оӆӑӊӑн щи вошн вәӆты киникайт ӆўӊӑтты хот кәща нє Наталья Викторовна Анкина пиӆа путӑртсум.

- Наталья Викторовна, муй нын щи грант вух унтасн вєрсӑты?