№ 22 (3634) - 2023

Тăм ванăн округ мир мӑӆты вєр тәты департамент кәща хә Алексей Добровольский пиӆа онлайн хўват вәйтантупсы вәс. Ӆўв айкеӆ тәс, хутыса округев ӆуваттыйн тăм оӆн мир мӑӆты вєр ӆэщӑтсы. Щи тумпийн кашăӊ хăннєхә вєритăс сыр-сыр нўшайт оӆăӊăн иньщăсты.

Щиты кәща хәев лу­пăс, тăм оӆ Россия мўв ӆуваттыйн Югра мўв пушхие сєма питты вєрн нивăӆмит тăхия питӆ, хăннєхә сурма йиты вєрн ветмит тăхийн. Яӊ тыӆăщ мăр Югра мўвн 15411 щурăс тёпие сєма питăс. Ӆыв эвăӆтэӆа 7891 – пухие па 7520 – эвие, 148 – нёмăсӊăн пушхие па 5 – имухты хәӆум няврє­мие питăс.

Ёмвошн Ас потты тыӆӑщн 17-мит хӑтӆӑн «Центр молодёжных проектов» хуща ӑктупсы вәс. Щи ӑктупсы «Гражданские инициативы регионов 60-й параллели» вән мирхот пурайн ӆэщӑтса. Увӑс мир некоммерческой организацияйт ёх вәнӆтыйӆты хӑр хуща путӑртса, муй вўрн «Организация Объединенных Наций» (ООН) хуща экономической па социальной сове­та консультативный статус ёша павӑтты пӑта вохты нєпек хӑншты.

И.Ф. Пермяков нємпи Поӆнавӑт кәртӑӊ ӑш­кола вәнӆтӑты ёх па няврємӑт «Вўт ӑшколаен оӆӑӊӑн путӑрта!» нємпи Россия мўвтєӆ мир кӑсупсыйн кӑссӑт. 

Ёмвошн Ас потты тыӆӑщн 10-11-мит хӑтӆӊӑнӑн «ЮграТур 2023» ванӆтупсы вәс. Щит «Югра-Экспо» хуща пўншса. Тӑмӑщ вєр Югра кәща ёх ӆэщӑтсӑт.

Ванӆтупсы кӑт нумӑс щирн вєрум ут. И ну­мӑс – щит муй вўрн па мўв ёх мўӊ мўвев вантты пӑта тыв хущты, кимӑт нумӑс – муй вўрн мўӊ мўв мирев па мўвӑт вантты хущты. Тӑмӑщ ванӆтупсы хўв мӑр эвӑӆт кашӑӊ оӆ мўӊ мўвевн вєрӑнтӆа, тыв сыр-сыр Россия мўв сўӊӑт эвӑӆт арсыр мир ӑктӑщӆӑт. 

Тӑм оӆ па хон пєлӑк мўвӑт хуща вәӆты ёх тыв юхтыйӆсӑт, щит Чехия, Болгария, Словакия па Китай мўвӑт эвӑӆт.

Ас потты тыӆӑщ 30-мит хӑтӆӑн Югра мўвев кәща нє Наталья Комарова мир ещаӆт, округ дума депутатӑт па оса вєрӑт тәты ёх ещаӆт ясӑӊ тәты питӆ. Ӆўв путӑртӑӆ, хутыса 2023-мит оӆ мӑнӑс, муйсӑр м вєрӑт щи оӆн вәсӑт, муйсӑр вєрӑт әхтыйн кәща ёхӆўв еӆӆы питты 2024-мит оӆн кӑпӑртты питӆӑт. 

Тӑм ванӑн Югра мўвевн Росгвардия айкеӆӑт ӑкӑтты тӑхи хуятӑт «Россия мўвев таксар ёх!» вєрн ясӑӊ тәсӑт, муй пӑта Советской вошн и вош хўлы младший сержант Александр Бузин нємн пунса. Ӆўв мєт оӆӑӊ мўӊ мўвевн «Золотая звезда» нємуп вуӆаӊ мевӆ посн мойӆӑсы. 

Кәща ёх па ӆўв пиӆэӆа рәпитты хуятӑт ӑк­тӑщ­сӑт па Валентина Ва­лентиновна Бузина ӑӊкеӆ ими, рәт ёхӆаӆ, вәйтты ёхӆаӆ пиӆа вәйтантсӑт, ӆыв ӆәмӑтты сухӆаӆ па ӆўв хӑншум пищмайӆаӆ вантсӑт па Картопья тӑ­хийн ӆўв нємӑӆн пунум вош хўлыя ӊхсӑт.

Ма ныюм ими Анастасия Васильевна Отшамова (Новьюхова) вәӆмаӆ пурайн мӑнєма арсыр әмӑщ катра путрӑт путӑртӑс. Ӆўв Вән Шохан кәртӑн Вогулка юхан ӆыпийн (Вән юхан – щиты Ас мир ёхн нємн пунман вәс) 1930-мит оӆн вән кєр тыӆӑщ 15-мит хӑтӆӑн сєма питӑс.  

Анастасия Васильевна щиты путӑртӑс:

Васы мӑнты тыӆӑщ 23-мит хӑтӆӑн оса вєрӑт тәты хӑнты ики Александр Михайлович Константинов 75 оӆа йис, щи пӑта Ас потты тыӆӑщ 4-мит хӑтӆӑн «Торум Маа» нємпи катра пурмӑсӑт ӆавӑӆты хотн етнхот ӆэщӑтман вәс. Щит кӑтӊӑн тәсӊӑн: «Торум Маа» музейн наука вєрӑт тәты кәща ӆӑӊкӑр нє Раиса Решетникова па «Ёмвош ёх» ариты-якты тӑхи кәща нє Фаина Иштимирова. Етнхот әмща ӆэщӑтман вәс, щит тәты нєӊӊӑн Александр Михайлович Константинов вәӆупсэӆ оӆӑӊӑн иньщӑссӑӊӑн, ӆўв юхӆы тәх щосн ариман путӑртӑс.

Мєт сыры ӑӊкеӆ-ащеӆ оӆӑӊӑн иньщӑссы, ӆўв ястӑс:

Ас потты тыӆӑщ 16-мит хӑтӆӑн ма рәт­нєӊим Тамара Андреевна Нахрачёва 65 оӆа йис. Ӆўв Ёмвош округ «Ветеран труда» нєм тӑйӆ.

Тамара 1976-мит оӆн Томской область Кол­пашево вошн тынєсты вє­ра вәнӆтыйӆмаӆ пийн Нижневартовск воша рәпитты юхтӑс. Мєт сыры «Увӑс мўв» нємпи ӆапкайн тынєсты нєӊа вәс, щӑӆта пәщтайн рәпитты нумӑс вєрӑс. 

Щиты ӆўӊӑн 1977-мит оӆн Тамара тухӆӑӊ хопӑт ӊхты тӑхийн «От­деление почтовой свя­зи №13» рәпитты оӆӊи­тӑс. Оӆӑӊӑн оператора вәнӆтыӆӑс, щӑӆта оператора йис, 1979-мит оӆн васы мӑнты тыӆӑщ 1-мит хӑтӆӑн тӑм тӑхи кәщая павӑтсы.

Рәпатам щирн Сўмӑтвошн вәӆмємн нємасыя районӑӊ йис пурмӑсӑт шавиты хота ӊхсум, кәщайӆ пиӆа вәйтантыйӆсумн па путрємӑсмӑн. Тӑмхӑтӆ щи тӑхи кәща нєӊа Алёна Васильевна Леонова рәпитӆ.

- Алёна Васильевна, тӑм путрев оӆӊитты еӆпийн мӑтты айкеӆ ин нӑӊ оӆ­ӊенӑн тўва, муйсӑр тӑ­хийн сєма питсӑн па хута вәнӆтыйӆсӑн?

Щимӑщ нєм киника тӑйӆ, мӑта ут тӑм ванӑн рўщ ясӑӊӑн хӑншты хӑнты хә Вячеслав Кондин хӑншӑс па єсӆӑс. Ас потты тыӆӑщ 5-мит хӑтӆӑн «Торум Маа» музейн тӑм киника аӆьты щира вәйтантупсы вәс. Щит тӑм тӑхи кәща нє Людмила Алфёрова тәс. Ӆўв вўща вєрмаӆн ястӑс, Вячеслав щикўш Ёмвошн єнмӑс, тәп хурамӑӊ мўв-йиӊк пєӆы сӑмӑӊ хӑннєхәя йис, щи пӑта ар оӆ «Торум Маа» музейн рәпиттаӆн моньщӑт хӑншты питӑс. Тӑм киникайн хӑншман вәӆ, муй щирн Ёмвош и мӑӊ рєпн хӑннєхәйт моньщ войт пиӆа вәӆӆӑт.

Нижневартовской район Варьёган кәртӑн Ас потты тыӆӑщ 4-мит хӑтӆӑн «Искусст­вайт ат» нємпи Россия мўвтєӆ мир акция вєрӑнтсы. Щит «Этнографический парк-музей с. Варьёган» хотн рәпитты ёх ӆэщӑтсӑт. Хутыса щи хӑтӆ мӑнӑс, мӑнєма щи тӑхи кәща нє Олеся Геннадьевна Боровкова путӑртӑс.

Щи хӑтӆӑн 12 щосн музей хот овӑӆ пўншсы. Етн вәнты юхтум мойӊ ёх щӑта шавиты йис пурмӑсӑт шиваӆӑты па кашӑӊ пурмӑс оӆӑӊӑн уша павӑтты щир тӑйсӑт. Етн пєлка мойӊ ёх иха ӑкӑтсыйт. Музей кәща нє О.Г. Боровкова ӆывеӆа мӑӊхӑтӆ пиӆа м вўща ясӊӑт лупӑс. 

Тӑм ванӑн Ас потты тыӆӑщ яӊмит хӑтӑӆн «Ӆыӆӑӊ союм» ай ёх вәнӆтӑты тӑхийн вән мирхот вєрсы. Щит «Ӆыӆӑӊ союм» тӑхийн няврємӑт вәнӆтӑты ёх ӆэщӑтсӑт па вєрсӑт. Оӆӊӑӆн ӆыв ванӆтӑсӑт, финно-угорской мирӑт муй хурпи аканят тӑйӆӑт па хутыса щит ёнт­ӆӑт. Щи аканят катра пурайн па ин вәнты мўӊ округев музеятн вәӆӆӑт. 

Тӑм йисн мкєм ар хӑннєхә рәт ясӑӊ пиӆа вәӆупсэӆ хўватн вәӆ па рәпитӆ. Ӆыв кўтэӆн Любовь Геннадьевна Возелова ищи м арат оӆ мӑр хӑнты мир йис путрӑт, моньщӑт, вәӆты-хоӆты щирӑт артаӆуман тӑйӆ.

Хӑщум оӆӑтн тӑм нєӊев Ямал мўвн Пуӆӊавӑт вошн «Центр изучения Арктики» нє­муп тӑхи хуща научной вєрӑт ӆэщӑтман рәпитӆ. Муши воша Ӆорвош райо­на айкеӆӑт ӑкӑтты ӊх­мємн, ма нємасыя ӆўв пи­ӆэӆа вәйтантыйӆсум па вәӆупсэӆ муй рәпатайӆ оӆӑӊӑн иньщӑссєм.

- Любовь Геннадьевна, муй­сӑр хоттєӆ ёх хуща нӑӊ сє­ма питсӑн, мӑта тӑхийн єнумсӑн па хута ӑшколайн вәнӆтыйӆсӑн?

Тӑм ванӑн Ёмвоша Москва вош эвӑӆт рўщ нє Наталья Кошелюк юхтыӆӑс. Ӆўв учёноя вәӆ, тӑта хӑнты па вухаӆь хуятӑт пиӆа вәйтантыӆӑс, ӆыв пиӆэӆа путӑртӑс. Ӆўв «билингвизм» (кӑт ясӊуп) щирн хӑнты па вухаӆь ясӊӑт ӆєрамтӑӆ.

Наталья Москва вошн «Высшая шко­ла экономики» тӑхийн рәпитӆ, мӑнум оӆн фи­лологической наукайт кандидат нєм хоӆумтӑс. Хутыса ӆўв Ас-угорской ясӊӑт ӆєрамтты питӑс, щи оӆӑӊӑн щиты лупӑс:

Тӑм оӆ Ас потты тыӆӑщ оӆӑӊмит хӑтӆӑн округевн профессиональной образовательной тӑхетн вәнӆтыйӆты айӆат ёх кўтн увӑс мирӑт рәт ясӊӑтн олимпиада вєрӑнтсы. Тӑм вєр Ас-угорской институтн рәпитты хуятӑт ӆэщӑтыйӆсӑт. 

Колледжӑтн вәнӆ­тыйӆ­ты айӆат ёх хӑн­ты, вухаӆь, юрн ясӊӑтн кӑссӑт. Иса тӑм пўш 75 хуят олимпиада щирн рәпата хӑншсӑт. Ӆыв эвӑӆтэӆа хӑнты ясӑӊӑн – 39 айӆат ёх, вухаӆь ясӑӊӑн – 31 хуят, юрн ясӑӊӑн – 5 хуят. Рәт ясӊӑтн Сәрханӆ, Нуви сӑӊхум вош, Ӆаӊки пос, Игрим вош, Нижневартовской па Ёмвош колледжӑтн вәнӆтыйӆты айӆат ёх рәпатайт вєрсӑт. 

Мир ӊхты ӛш хонӑӊ кәрт хуща йи икилэ вәс. Ӆўв щимӑщ вєр тӑйс. Хуят ӆўв хущеӆа юхӑтӆ: ӆўв оӆӊӑӆн иньщӑсӆӑӆӆэ, моньщ тӑйӆ муй ӑнтә. Моньщ  тӑйты хуят хоӆты єсӑӆӆӑӆэ, ӆапӑтӆӑӆӆэ па яньӆщтӑӆӆэ. Щӑӆта ӆўв моньщ хәӆӑнтӑӆ. Мӑта хә моньщ ӑн ки тӑйӆ, ӆўв юхи ӑн єсӑӆӆӑӆӆэ, щи хӑннєхә кўш ищкийн ат певӆа. Ин икилэ хўв муй ван вәс, щиты айӆтыева вәтща вәс.  Имуӆтыйн йи пирӑщ ики юхтӑс па ӆўв хущеӆа хоӆты ясӑӊ лупӑс. Икилэ па юхтум хӑннєхәя щиты щи лупӆ: 

- Моньщ моньщтэн лампа ки хәӆа, моньщ ки ӑн тӑйӆӑн, еӆӆы мӑнты ӛшен  пєлка еӆӆы мӑна. 

Пирӑщ ики ӆўвеӆа щи­ты юхӆы лупийӆ: