№ 8 (3596) - 2022

Вән кєр тыӆӑщ 19-мит хӑтӆӑн шуши мир ассамблея мирхот вәс, щит тӑм тӑхи кәща хә Еремей Айпин тәс. Тӑмхӑтӆ вет вєр нух вантсы. 

Мєт сыры мўв иӆпи питы вуй вўт тӑхи вєрӑт тәты департамент кәща хә Сергей Филатов вәнт шушет пӑта поступ­сы оӆӑӊӑн ай тәс: 

Югра Дума хуща вән кєр тыӆӑщ 8-мит хӑтӆӑн увӑс мир Ассамблея хуща мирхот вәс. Щи мирхота мўӊ Югра хуща веӆты увӑс мир «Вурӊа хӑтӆ» пӑта ёх ӑктӑщсӑт.

Там мирхотн Югра де­путатӊӑн Еремей Айпин па Татьяна Гоголе­ва вәсӊӑн.

Муй щирн м рәпатая нынана питты, щит тӑм йисн шєӊк ӆавӑртӑӊ па щухӆӑӊ вєр.

Арсыр айшӑк муй вән­шӑк айкеӆӑт иса мўӊ вәӆты-хоӆты щирӆўва тӑмхӑтӆ юхӑтӆӑт. Кашӑӊ хӑннєхә сотовой телефон, Ин­тернет юӆн тӑйӆ, щитӑт унтасн арсыр социальной вєрӑт уша павӑтты вєритӆ, тынєсты па ӆәтӑсты, ӆўвеӆа мосты нємӑӊ нєпекӑт ӆэ­щӑтты щир тӑйӆ.  

Вән кєр тыӆӑщ 8-мит хӑтӆӑн «ВКонтакте» соцсеть хуща онлайн щирн мирхот вәс, щӑта шуши мир нётупсэт оӆӑӊӑн путӑртсы. Щит внутренней политика департамент тӑхи кәща хә Александр Скурихин тәс.

Тӑта мосванӑн ай кєр тыӆӑщ 27-мит хӑтӑӆн Ёмвошн Россия хон пєлӑк  мў­вев ӆуватн «Ма Рос­гвардияйн слу­житсум» нємуп ванӆ­тупсы мӑнӑс.

Щи пурайн мўӊ ху­щева Югра мўвев оркестр кәщая вәӆты па мєт вән дирижёр хә па юхтӑс. Ӆўв лупӑс, хуты сырыя ищи Росгвардия тӑхийн служитӑс па ӛхӑт капитан запаса щирн па тӑхийн м рәпата мущатӑс. 

Тӑм оӆ вән кєр тыӆӑщ 13-мит хӑтӑӆн Манстӑр район Шӑнш­вошн ар оӆ мӑр няврємӑт пиӆа рәпитум вәнӆата вум имие Галина Ивановна Трибус 75 оӆа йис. Ӆўв вуӆаӊ ӆаӆь пийн, щит 1947-мит оӆн Лохтоткурт Микояновской районӑн вой-хўӆ веӆпӑсӆӑты хоттєӆ ёх хуща сєма питӑс.

Нуви сӑӊхум вошн вєрӑнтты имет кўтн ма Татьяна Ермиловна Тарасова пиӆа вәтаӊа йисум. Ӆўв хурамӑӊ хӑншет пиӆа ӆәмӑтсух ёнтӑӆ, хўӆ сух эвӑӆт нирӑт, тўтщаӊ хирӑт вєрӆ, сӑк кӑрӑтӆ.

Татьяна Ермиловна Сўмӑтвош район Кимкъясуй кәртӑн 1965-мит оӆн сєма питӑс. Ӑӊ­кеӆ Мария Дмитриевна Сангилева Щекурья кәртӑн єнмӑс, щит Саранпауль вош пўӊӑӆн вәӆ. Ащеӆ Ермил Ильич Сангилев Игрим пўӊӑӆн Люлюкары кәртӑн сєма питӑс.

Сумыт вош район Фрунзе нэмып колхоз­ны комсомолец Василий Себуров кур­тынг мирлны ям вертат пата мосман тайта. Тув, муйсыр рупутаны па ат миинтса, пунгыта нэммотты артны ант вуратл. Иса миинтты вер­тат тув мосты сирны верынттытэ.

Тунг мар т. Себуров хут ветпысны уттыйтл, а таты пораны колхозны, арсыр мосты рупутаит верынтл. Тув окружной Совета депутата пирийса. 

ТАМ СНИМОКНЫ: В. Себуров.
М. Салтанов фото.

Ём вош район «1-е мая» колхозны 170 колхозник эвыт айтат ёх 70-кэм арат. Колхозны утты комсомольской организация 50 ком­сомолец таит. Тыв кол­хозны арсыр рупутаитны рупиттыт. Тыв кутэтны ар яма рупитты хоят утл: хут ветпыс, харвой ветпыс па арсыр рупутаитны рупитты ёх.

Вән кєр тыӆӑщ 9-мит хӑтӑӆн Нижневар­товск вош «Нюӆ х» нємпи ӛращты вєра вәнӆтӑты па рўтьщӑты тӑхи пўӊӑӆн Вурӊа имев мӑӊхӑтӆ постӑсы.

Мойӊа па рўтьщӑты щира юхтум мир ещаӆт Югра па Ямал мўв­ӊӑн эвӑӆт вәнт шушийн вәӆты шуши хуятӆўв єтсӑт.

«Муй хурасӑӊ ӆор мўвие,
Муй хурасӑӊ Ас мўвие,
Сўмӑт хн иса єнмум,
Вусты ваншийн иса єнмум!»

Тӑмӑщ хурамӑӊ па хошум ясӊӑт пиӆа сєма питум па айтєӆн єнмум Ай Асэв рәт мўвӑӆ пєӆы ай кєр тыӆӑщ 28-мит хӑтӑӆн 2022-мит оӆн Ёмвош Издательства «Новости Югры» хот йитн моньщӑт хӑншты хә Владимир Енов йиӆуп киникайӆ єсӆӑс. 

Щиты Согом кәрт оӆӑӊӑн єтум киника нємӑтӆы, мӑта ут щи кәртӑн кўлуп хотн рә­питты нє Любовь Владимировна Чугайнова унтасн ӆэщӑтсы. Ӆўв путӑртӑс, хутыса интӑм йис пурайн ӆыв кўлуп хотн мир пӑта рәпит­ӆӑт, муйсӑр әмӑщ вєрӑт әхтыйн кӑпӑртӆӑт.

Рязань вошн 2022-мит оӆн ай кєр тыӆӑщ 16-20-мит хӑтӆӑтн йис арӑт-моньщӑт ӑкӑтты ёх вән вәйтантупсы вәс, щит фольклористӑт V-мит Всероссийской конгресс. Тӑм мєт ар мир ха ӑкӑтты вәйтантупсы, тыв юхтыйӆӆӑт учёной мир, йис арӑт-моньщӑт ӑкӑтты ёх, щи моньщӑт-путрӑт еӆӆы ариты-моньщты мир, тӑмӑщ йис вєрӑт пиӆа рәпитты хуятӑт, нумӑсн-сӑмн тӑйты йис вєрӑт пиӆа рәпитты ёх.

Вән кєр тыӆӑщ 9-мит хӑтӆӑн Нефтеюганск вошн Вурӊа ими мӑӊхӑтӆ вәс. Щит арсыр мирӑт йис вәӆупсы еӆӆы тәты тӑхи па «Югра ӆыӆӊуптӑты» вошӑӊ оса тӑхи ёх ӆэщӑтсӑт.

Мєт сыры хурӑт хӑнш­ты хӑнты нє Ири­на Мазалова «Югра мўв моньщӑт» нємпи ванӆ­тупсы аӆяс. Тӑм ими, ван­тэ, моньщӑӊ ими Таисья Чучелина рәт эвӑӆт йиӆ, щирн айтєӆн моньщӑт хә­ӆӑнтӑс па хурӑт хӑншӑс. Ӆўв хурӆаӆ пєӆы шєӊк әмӑщ вантты.

Йиӆуп оӆ оӆӊитты еӆпийн ван хӑтӆуп тыӆӑщн Россия мўвев хўватн әмӑщ вєр тывӑс. «Хӑншетн хӑншум Россия мўв хурас» нємн пунсы. Мєт сыры тӑм вєр Чувашия мўвн оӆӊитсы па ӛхӑт Россия кашӑӊ мўва китсы, ӆәӆн щӑта вәӆты шуши мир вєртутӑӊ хуятӑт рәт мўвеӆ хурас хӑншийн ат ёнтсӑт. Мосӆ лупты, хуты тӑм оӆ иса мўвев хўватн «Россия мўв йис вәӆупсы нух ӆэщӑтты оӆ» нємн аӆьсы. Щи пӑта тӑм вуӆаӊ вєр щи оӆа кантсы.

Ищки тӑӆ пурайн и вєра мосты ӆәмӑтсух – щит ёнтум посӑт. Кашӑӊ ёнтӑсты нє ӆўв щирӑӆн щит ёнтӑӆ па хурамтӑӆ. 

Тӑмхӑтӆ щикўш тови пура юхтӑс, тәп камн ищиты ищки вәӆӆяӆ. Щи пӑта хуӆна хошум ӆәмӑтсух ӆәмӑтты мосӆ. Тӑм оӆ арсыр посӑт ёнтӆыйт: ван па хўв пўнӑӊ сух эвӑӆт. Мєт әмӑщ па хурамӑӊ посӑт тывӆӑт хән арсыр сухӑт иха ӆыӆӑтӆыйт. Щи тумпи арсыр вой сух эвӑӆт сыр-сыр ӆәмӑтсух ёнтты рӑхӆ. 

Вән кєр тыӆӑщ 7-мит хӑтӆӑн хӑнтэт па вухаӆят па щи Вурӊа имиев хӑтӆ постӑсӑт. Округев вошӑтн па кәртӑтн хўв ӆавӆум вурӊа имев пӑта әмӑщ мӑӊхӑтӆӑт вєрӑнтсыйт. Ёмвошн ищи «Торум Маа» тӑхи хущи мир ӑктӑщсӑт, ӆәӆн вурӊа имева вўща ясӊӑт лупты. 

Вән кєр тыӆӑщ 12-мит хӑтӆӑн Ёмвошн «Торум Маа» тӑхийн па Саранпауль вошн шуши мир пурмӑсӑт шавиман тӑйты хотн «Мўвєм мӑнєма шєӊк мосӆ» нємпи ванӆтупсы пўншсы. Щит вухаӆь ими Аксинья Степановна Мерова шәӊӑт нәмты щира ӆэщӑтсы, тӑм хӑтӆ ӆўв 90 оӆа ӆәӆн йис.

Ӆўвеӆ нәмӑӆмӑты Ёмвошн па Са­ран­пауль хущи рәт ёх­ӆаӆ иха ӑктӑщийӆсӑт па кўтэӆн видеосвязь щирн путӑртсӑт. 

Тӑм ванӑн Ямал мўв вуӆаӊ Пуӆӊавӑт вошн шуши мир йис вәӆупсы тәты хотн 6-18 оӆ ӆуват няврємӑт пӑта кимит пўш «Ялякоця» (хӑнты щирн «Єтӑр хӑтӆ») нємпи ариты-якты кӑсупсы вәс.

Шуши мир йис вәӆупсы пєӆы сӑмӑӊ няврємӑт…

Тӑмхӑтӆ мўӊ хӑнты ясӑӊ га­зетаев 65 оӆ постӑты вў­раӊӑн ни­вӑӆмит инь­щӑсуп­сы хӑншӆўв. Юхӆы ясӑӊ тыв китаты: khanty-yasang-65@mail.ru.

8. Мӑта рўщ газе­та эвӑӆт сы­ры оӆӑтн «Ленин пӑнт хўват» нєпекн айкеӆӑт тул­мащтӑсыйт па хӑнш­сыйт?

Ӆальн нух питум хӑтӆ

Ӆаӆьн нух питум хӑтӆэв 
муӆты хўваттыйна вәс, 
Ратэв хуща хӑщ па 
раӊнум лавум пўла вәс, 
Тўтн ёсум мўвӑт, хиш
пәсӑӊ вантсўв, –  
Щи хӑтӆэв мўӊ пӑкты 
кємн ванамтсэв. 

Припев: