№ 21 (3537) - 2019

Васы мӑнты тыӑщ 22-мит хӑтӑн Ёмвошн вантупсыйн Алла Иш­тимирова-Посоховайн хӑншум «Ёш пӑтєм пєа ӑңкӑрма» нємпи киника оӑңӑн уша вєрсўв. Щӑта Аллайн хӑншум «Ёш пӑтєм пєа ӑңкӑрма» нємпи ўңӑтты ар 16 финно-угорской ясӑңа тул­мащтуман вә. 

Тӑм ванӑн Ёмвоша оса вєрӑт тәты ёх, каркам айӆат хуятӑт, Югра мўв вошӑтн, районӑтн правительства хуща рәпитты кәщайт, щурасӆӑты хӑннєхәйт, культура вєрӑт тәты тӑхетн кӑпӑртты хуятӑт ӑктӑщсӑт. Ӆыв нәмӑссӑт, муй иты Ёмвош округ 90 оӆа йиты мӑӊхӑтӆ постӑты. Иха юхтум мир ӆапӑт арсыр вєра ортӑщсӑт па сыр-сыр вәйтантупсэт мӑӊхӑтӆ кєша ӆэщӑтсӑт. Ӆыв хуӆыева 30 муӆтас арсыр вєрӑт постӑты щира нух вантсӑт. 

Югра мўв кәща ими ӆӑӊкӑр нє Ирина Максимова мўв-авӑт ӆавӑӆты вәнӆтӑты вєрӑт әхтыйн мирхот ӆэщӑтыӆӑс. 

Оӆӑӊмит пўш тӑмӑщ мирхот 2005-мит оӆн вєрсы. Интӑм щит вет­хущьяӊмит пўш вәс. А.А. Дунин-Горкавич Увӑс мўвев ӆєрамтман тыв юхтыӆӑс. Щи мирхот вєрӆы, ӆәӆн округ мир, айӆат ёх ӆўв оӆӊеӆн веккєши ӑт нәмӑссӑт.

Мирхота юхтум хуя­тӑта мўв-авӑт ӆавӑӆты вє­рӑт әхтыйн рәпитты департамент кәща ӆӑӊ­­кӑр хә Егор Збродов вў­ща ясӑӊ лупӑс. Ӆўв ясӑӊ­ӆаӆ щирн, тӑм мирхот вәнтӑт-юханӑт ӆавӑӆты вєрӑт әхтыйн рәпитты ёх пӑта вән унтас тәӆ. 

Ас потты тыӆӑщ 4-мит хӑтӑӆн Россия мўв ӆуваттыйн арсыр мир кўтэӆн ма па ӆәхсӑӊа вәӆты мӑӊхӑтӆ постӑсы. Ёмвош округ вән кәща ими Наталья Владимировна Комарова щи хӑтӆ арсыр ёх губернатор нємуп нємасыя мойӆупсыйн па ишӑкты нєпекӑтн катӆуптӑсӆэ. 

Вәйт ор тыӑщн Ёмвошн округ ӆуваттыйн няврємӑт вәнтӑты ёх па щи вєрӑт әхтыйн рәпатнекӑт, щи тумпи па хон пєлӑк Финляндия, Казахстан, Армения, Россия мўвӑт па Югра ӆуваттыйн вошӑт, кәртӑт эвӑӆт няврємӑт вәнӆтӑты ёх, киникайт єсӑты тӑхет кәщайт, оса вєрӑт тәты па компьютерной щирӑт тәса вәты хуятӑт вән мирхота ӑктӑщийӆсӑт. ыв путӑртсӑт, хутыса йиӆуп щирн Россия па округ уваттыйн вәнтӑты вєрӑт эщӑтты, ән няврємӑт па айат ёх рәт па па ясңӑта, литературая, йис вәупсыя, искусства вєрӑта мєт ма ванємӑты.

Лыпӑт хойты тыӆӑщ юхи хӑщум хӑтӆӑтн Югра мўв правительства хотн наука па вәнӆтӑты вєрӑт вантман тӑйты тӑхи ёх мирхота ӑктӑщийӆсӑт. Щит округев арсыр вошӑт эвӑт вәнӆтӑты вєрӑт тәты ёх кәщайт, учёнойт, рәт ясӑң, культура вєрӑта вәнтыйты хуятӑт па оса рәпата тәты икет-имет вәсӑт. Ӆыв шуши мир рәт ясӑңа па литература вєрӑта няврємӑт вәнӆтӑты хуята йиты вєр оӆӑӊӑн путӑртсӑт.

Ас потты тыӆӑщ оӆӑӊмит хӑтӑӆн иса Россия мўв ӆуваттыйн па 30 па хон пєлӑк мўвӑтн арсыр мирӑт «Большой этнографический диктант» нємуп ут хӑншсӑт. Ёмвошн тӑмӑщ әмӑщ вєр сыр-сыр хотӑтн ӆэщӑтса. Ма айӆат ёх вәнӆтыйӆты Технолого-педагогической колледжа ӊхсум. Тыв оса вєрӑт пиӆа кӑпӑрты хуятӑт, няврєм вәнӆтӑты ёх, кәщайт па студентӑт юхтыйӆсӑт. 

Васы мӑнты тыӑщ 29-митн «Югра» нємпи айкеӑт ӑкӑтты хотн Ёмвошӑң «Центр профессиональной патологии» нємпи леккар хот вән тохтур Николай Ташланов па «Николай Пирогов» нємпи леккар тўтӑң хоп вән тохтур Владимир Слабко пиа вәйтантупсы вәс. ын ай тәсңӑн, хуты тӑм ванӑн «Николай Пирогов» леккар тўтӑң хоп юхы кєрӑс.

Николай Ташланов лу­пӑс, лыпӑт єнумты ты­ӑщ 1-мит хӑт вўш эвӑт васы мӑнты ты­ӑщ 20-мит хӑт вәнты «Николай Пирогов» нєм­пи леккар тўтӑң хоп округ 45 кәрт хуща ң­хӑс. Щӑта рәпитум 19 тохтур 6 024 хуят нух вантсӑт.

Тӑм ванӑн Ёмвошн лекщитты нєӊӑт пӑта мирхот мӑнӑс. Ӆыв рәпатаеӆ әхтыйн еӆӆы вәнӆтыйӆсӑт. Тыв округевн вәӆты 80 пәӆьница эвӑӆт кӑтсот муӆтас лекщитты хуят юхтыйӆсӑт. Вән мирхот вєрсы кӑт вуӆаӊ хӑтӆ вўраӊӑн: Ёмвош медицинской академия 25 оӆа йис, 85-оӆ юхӆы Югра мўвевн оӆӑӊмит фельдшерско-акушерской ӑшкола пўншсы.

Тӑм ванӑн Нуви сӑӊхум района Тәрум ӆор кәрта ӊхмємн вой-хўӆ  веӆпӑсӆӑты, вўӆы ӆавӑӆман вәнт шушийн вәӆты ики Егор Кириллович Лозямов пиӆа путрємӑсум. Ӆўв ясӊӑӆ тӑмиты оӆӊитсӑӆэ:

Ваньщавӑт кәртӑн вәӆты хӑнты нє Маргарита Туева Ас потты тыӆӑщ 2-мит хӑтӆӑн 50 оӆа йис. Ӆўв рўтьщӑты вәнты няврємӑт хӑтӆ мӑр ӆавӑӆ­ты хотн ӆєтут кавӑртман рәпитӑс. Вет няврєм єнмӑӆтӑс, ин няврємӆаӆа хиӆэт єнмӑӆты нётӆ. 

Нуви сӑӊхум район Ваньщавӑт кәрт ӑшколайн 2017-мит оӆ вўш эвӑӆт кәщая Игорь Владимирович Филиппов вәӆ. Щӑта оӆӑӊмит ӑшкола 1931-мит оӆ вўш эвӑӆт рәпитты питӑс. 2021-мит оӆн ӆўв 90 оӆа йиӆ, щи кўтн 24 оӆ мӑр кәщая хӑнты нє Софья Романовна Балашова вәс. Сыры оӆӑтн щӑта ар няврєм вәнӆтыӆӑс, кәрт вән вәс, ин тәп 17 пушхие ӑшколая ӊхӑӆ.

Ас потты тыӆӑщ 4-митн Россия мўвевн «День народного един­ства» нємуп мӑӊхӑтӆ постӑӆы, ӆәӆн иха ӆәхсӑӊа, и нумӑсн шәк вєр ӑн вантман еӆӆы вәӆты.

Округев ӆуваттыйн тӑм мӑӊхӑтӆ постӑ­ты пӑта арсыр вәйтан­тупсэт, якты хӑрӑт, ванӆ­тупсэт ӆэщӑтӆыйт. Югра мўв социаль­ной вєрӑт әхтыйн департамент ёх партупсы щирн Нягань вошн «Мўӊ и мир» нємпи мӑӊхӑтӆ 15 пўш вєрӆы. Тӑм арӑӊ-якӑӊ хӑр па хурамӑӊ ванӆтупсы Нях вош хоттєӆ ёха па няврємӑта нётты тӑхи ёх унтасн ӆэщӑтсы.

Ас потты тыӆӑщ 3-мит хӑтӆӑн округев ӆуваттыйн арсыр культура тӑхетн мӑӊхӑтӆӑт вєрӑнтсыйт. Щит «ночь искусств» щирн нємӑтсы. Йис пурмӑсӑт ӆавӑӆты па шавиты «Торум Маа» тӑхийн щи хӑтӆ вўраӊӑн «Хошум хот» етнхот вәс. 

Тӑм оӆ «Торум Маа» тӑхев йиӆуп хота касӆӑс. Па щи вєр пӑта щӑта вән мӑӊхӑтӆ вєрӑнтсы. Ар мойӊ мир щив ӑктӑщ­сӑт, сыр-сыр хошум яс­ӊӑт путӑртсӑт па мой­ӆупсэт мойӆӑсӑт. «То­рум Маа» тӑхи ёх, вантэ, вәӆтэӆ мӑр ӆапӑтмит тӑхия щи касӑӆсӑт. Мєт вән ванӆтупсы хӑрэӆ Ёмвош ӆапӑт вән пайт кўтн и пайн вәӆ. Щӑта рәпитты ёхӆаӆ хот йитӑт па тӑхийн вәӆӆӑт. 

Кудымкар вошн Коми-Пермяцкой мўвн сыр-сыр коми-пермякӑт мир вәӆты-хоӆты щирӑт ванӆтӑты тӑхет ӆэщӑтман вәӆӆӑт. Ӆыв кўтэӆн тӑм ӆўӊӑн ма нємасыя автономной некоммерчес­кой «Центр поддержки социальных и культурных проектов» нємуп тӑхия ӊхсум па кәща нєӊӑӆ Вера Механошина пиӆа вәйтантыйӆсум па м хўв путрємӑсмӑн.

Васы мӑнты тыӑщн «Хӑнты ясӑң» па «Луима сэрипос» газетайңӑнӑн рәпитты ёх хуща финно-угорской рәт мирӑт мӑӊхӑтӑт вўраңӑн айӆат ёх мойӊа юхтыйӆсӑт. Тӑм финно-угорской рәтӆўв Увӑс мир па Дальний Восток айӆат ёх Ёмвошӑӊ мирхотн вәсӑт. 

Удмуртия мўва ңхмємн ма «Лудорвай» нємпи удмурт мир йис кәрт-музей хуща вәсум. Щит Ижевск вуӆаӊ вош 17 вєрста пўӊӑӆн вәӆ. Лудорвай удмурт ясӑӊ эвӑт тулмащтӑты ки – щит мӑӊ вәнт х нўв.

м арат оӆ юхӆы Нуви сӑӊхум вош эвӑӆт Ёмвоша хӑнты ими вәӆты юхтӑс. Щит Валентина Елисеевна Швецова (Ерныхова). Ӆўв ёнтӑсты вєр пєӆы сӑмӑӊ имие, щи тумпи рәт хӑнты ясӑӊӑн арӑт хӑншӑӆ. Тәняӆ мўӊ вошевн «Ёмвош ёх» нємпи ариты-якты тӑхи тывум пурайн ӆўв ищи мўӊ хущева ӊхты питӑс. Арсыр арӑт эвӑӆт ӆўв хӑншум арӆаӆ ищи ариӆўв. 
Тӑм ванӑн рәт Касум мўвӑӆн воньщумут ӑкӑтман Валентина Елисеевная моньщ нумса юхтӑс. Ин щит ӆўӊтаты!

Нюӆӆы ики