Увӑс мир мӑӆты па тӑӆаӊа вәӆты вєр ок­ругев пәӆьницайт хущи така вантман тӑйӆы. Кашӑӊ шуши хуята ипўш оӆ мӑр тохтурӑта ванӆтыйӆты мосӆ. 

Ван хӑтӆуп тыӆӑщн Сәрханӆ вош хәӆмит пәӆьницайн шуши хуя­тӑт пӑта нємасыя хӑтӆ вєрӑнтсы. Щи хӑтӆӑн кашӑӊ хуят пәӆьницая юхӑтты па тохтурӑта ванӆтыйӆты щир тӑйс.

«Мўӊ щимӑщ хӑтӆ щи пӑта ӆэщӑтӆўв, ӆәӆн хӑннєхә мәшӑт оӆӑӊӑн сырышӑк уша вєрты па мосты щирн ӆўвеӆ лек­щитты», – лупӑс пәӆь­ница мєт вуӆаӊ тохтур хә Дмитрий Гуз.

Тӑм оӆ мўӊ, «Хӑнты ясӑӊ» па «Луима сэрипос» газетайӊӑн хущи рәпитты ёх, няврємӑт кўтн рәт ясӑӊӑн кӑсупсы вєрӑнтсўв. Айӆат хуятӑт мўӊ хущева 13 арат ай кина па 16 арат хӑншум путӑр китсӑт. 

Югорской научной ӑшкола ёх грант вух унтасн щимӑщ рәпата тәӆӑт: «Динамика и константа в югорском языковом сознании». Щи вухӑӊ нётупсы 2018-мит оӆн североведения гумани­тарной институт хущи Югорской научной ӑшколайн рәпитты ёх хоӆумсӑт. 

Щи вух унтасн учё­ной ёх ӆєрамтты питӆӑт, хутыса Ёмвош округевн этнолингвистической вєрӑт мӑнӆӑт. Оӆӊӑӆн ӆыв хӑншты питӆӑт, хутыса Югра мўвевн шу­ши мир ясӊӑт ӆєрамт­ӆыйт. Щӑӆта ӆыв хӑнш­ӆӑт, муй иты рўщ ясӑӊ па шуши мир ясӊӑт иха вәӆӆӑт. 

Щи вєр пӑты учёнойт 1 миллион 200 щурӑс шойт вухн мӑсыйт. 

Ёмвошӑӊ округ мӑӊхӑтӆ еԯпийн шуши мир Ассамблея ёх кәща Еремей Айпин мирхот ӑктыӆӑс, ӆәӆн оӆ мӑр тўӊматум вєрӑт оӆӑӊӑн путӑртты па уша вєрты, хутыса еӆӆы рәпата тәты. 

Ван хӑтӆуп тыӆӑщ 9-мит хӑтӑӆн Югра мўвн вәнӆтӑты вєрӑт тәты тӑхийн мирхот вәс. Тӑта ясӑӊ мӑнӑс щи оӆӑӊӑн, муй вўрн хӑнты, вухаӆь па юрн щирн ӑшколайн вәнӆтыйӆты ай ёх кєша киникайт хӑншты мосӆ. 

Ван хӑтӆуп тыӆӑщ 4-мит па 5-мит хӑтӆӑтн Франция мўвн Париж вошн арсыр мир рәт ясӊӑт еӆӆы тәты вєрӑт әхтыйн вән мирхота ӑктӑщийӆсӑт. Тӑм вәйтантупсыйн 150 муӆтас ясӊӑт наука щирн уша вєрты учёной ёх па арсыр мўвӑт эвӑӆт оса тӑхет кәщайт вәсӑт.

2016-мит оӆн Нуви сӑӊхум район Ваньщавӑт кәртӑн мўӊ оӆӑӊмит пўш няврємӑт айкеӆӑт хӑншты па газета ӆэщӑтты вәнӆтӑсўв. Тӑм оӆ лыпӑт хойты тыӆӑщн кимит пўш щимӑщ вәнӆтӑты хӑр ӆэщӑтсўв. Тыв 7, 8 па 9-мит клас­сӑтн вәнӆтыйӆты пушхиет юхтыйӆсӑт.

Хәӆум хӑтӆ мӑр ма няврємӑт пиӆа вәйтан­тыйӆсум, айкеӆӑт хӑнш­сўв. Щӑӆта пушхиета ванӆтӑсум, хутыса компь­ютерӑн газета вєрты мосӆ. «Ас ёх айкеӆӑт» нємпи няврємӑт пӑта газета вєрты оӆӊитсўв. Компьютер хўват газе­та вєрты ма Екатерина Клещенок вәнӆтӑсум.

Ёмвошӑӊ округев мӑӊхӑтӑӆн Югра мўв губернатор ими Наталья Комарова, Дума кәща хә Борис Хохряков, Югра мўв хўваттыйн рәпата мӑты тӑхи кәща ики Александр Кобанов па округ уваттыйн профсоюзӑт кәща Фёдор Сиваш 2020-2022-мит оӆӑт хўватн кашащты нєпека ёш пос пунсӑт. 

Тӑм мосты вєр нєма­сыя интӑм ӆэщӑтсы, вантэ, ван хӑтӆуп ты­ӆӑщ 31-мит хӑтӑӆн сы­рыя ёш пос пунум нєпек сухнӑӆ. 

Кашащты нєпек рә­патнекӑта, рәпата мӑты тӑхи хуятӑта па Югра мўв кәщайта вән унтас тәӆ. Вантэ, рәпатайн ты­вум вевтам вєрӑт кєн­шӑк тўӊматты питӆ.

Шуши мир кўтн имет ики­ӆаӆ иты вўԯы вєрӑта вўянт­ԯӑт. Когалым вош пўӊӑӆн 65-кєм вєрста вўшн и пєлӑк хӑнты, и пєлӑк юрн айӆат нє  Людмила Кечимова, ащеӆ опращ нєм Айваседа, вәнт кәрт вєрӑс. Апрӑӊ Людмила 15-кєм оӆ «Лукойл Западная Сибирь» мўв иӆпийн тащ вўты тӑхийн рәпитԯ. Ипўш нумӑс вєрӑс крестьянско-фермерской тӑхи пўншты. Сәрханԯ районӑн ар хуят кан вўԯы тащ тӑйԯӑт.  

Ваньщавӑт кәрт Ас хонӑӊӑн омӑсӆ. Тӑм ай кәртӑн вәӆты мир мисӑт, ошӑт, щищкурекӑт єнмӑӆӆӑт, щи киньщи мєт ар ӆов тӑйӆӑт.

Ӑӊки – щит мєт ву­ӆаӊ, муй хӑннєхә тӑйӆ. Няврєм мєт оӆӑӊмит ясӑӊ лупӆ «ӑӊки», рўщ муй хӑнты щирн лупӆ. Ӑӊки ӆавӑӆты па мос­ман тӑйты мосӆ.

Ма ӑӊкєм нємӆ Ольга Никитична Клещенок (эви опращ нємӆ Мол­данова). Ӆўв м, кашӑӊ па хурасӑӊ. Мин ван­кўтӆы шай яньщман әмӑщ вєрӑт оӆӑӊӑн путӑртӆумн, нхӆумн. ха ӆєтут кавӑртӆумн, ай нянят вєрӆумн. Ма ӆўвеӆа юӆн нётӆум.

Мӑнум ӆўӊӑн ма апщєм пиӆа няврємӑт рўть­щӑты «Артек» нємпи тӑхийн вәсум. Щи тӑхи Питы щорӑсн Крым мўвн Ялта вош хонӑӊӑн омӑсӆ. Ма  әмща щӑта рўтьщӑсум.

Щив юхӑтмевн хот йитӑт хўват тәсыюв. Ма отрядэвн вәӆты эвет па вожатойт пиӆа вәта­ӊа йисум, щит Таня, Лена па Серёжа. Кашӑӊ хӑтӆ рўтьщӑты тӑхевн арсыр әмӑщ етнхотӑт вєрӑнтсыйт. 
Хӑтӆ мӑр мўӊ що­рӑса па бассейн хущи певӑӆты ӊхсўв.

Кашӑӊ оӆ «Товары земли Югорской» нємпи тынєсты хӑра Касум кәртӑӊ мир вўӆы нюхи, хўӆ, пуркайт тыныты юхтыйӆӆӑт. Ӆыв кўтэӆн Вўтвош кәртӑӊ кәща нє, «Вош Юхан» нємпи община тӑхи кәща нє Прасковья Константиновна Гарипова (Молданова) вәс.

Щи община 2017-мит оӆн тывӑс. «Мўӊ 420 щурӑс шойт грант вухн мӑсыюв, щи унтасн хӑнты ай хоп вєрты вәнӆтӑты хӑр ӆэщӑтсўв. Мўӊ хуще­ва Геннадий Сенгепов вєрӑнтты хә вәӆ. И хоп Ка­сум кәртӑӊ йис, кат­ра пурмӑсӑт ӆавӑӆты хот, и ай хоп Вўтвошев кәрт пӑта вєрсўв», – лу­пӑс П.К. Гарипова.

Тӑм ванӑн Ёмвошн Россия мўвтєӆ Увӑс мир кӑсупсы вәс. Тыв Россия мўв арсыр вошӑт, кәр­тӑт эвӑӆт кӑсты ёх юхтыйӆсӑт. Ӆыв кўтэӆн вәс Варьёган кәртӑн няврємӑт кӑсты вєрӑта вәнӆ­тӑты хә Александр Юрьевич Фальченко. Ма ӆўв пиӆэӆа путӑртсум.

Угут кәрта ӊхмємн ма пәӆьницайн вуӆаӊ тохтур ими Ольга Сухова па няврємӑт лек­щитты нє Ирина Арапова пиӆа путӑртсум. Ӆын пәӆьница, тохтурӑт, рәпатайӆаӆ па нўшайӆаӆ оӆӑӊӑн путӑртсӑӊӑн.

– Ольга Леонидовна, еша путӑрта тӑм пәӆь­ница оӆӑӊӑн.

Нуви сӑӊхум район Касум вошн ма вәтаӊа йисум хӑнты нє Екатерина Михайловна Инночкина пиӆа. Ӆўв тәса нянь вєрты хошӆ, щирн Касум вош йис пурмӑсӑт ӆавӑӆты тӑхия ӆўв вохӆы, щӑта мойӊ хуятӑта ванӆтӑӆ, хутыса нянь кәр ӑӆьты мосӆ, хутыса нянь вєрты. 

Тӑм хӑнты нє Хўӆӆор кәртӑн сєма питӑс па єнмӑс. Ащеӆ – Михаил Алексеевич Песков – вўӆы ӆавӑӆты хәя, вой па хўӆ веӆпӑсӆуман вәс. Ӑӊкеӆ – Ираида Антоновна Тарлина – ищи Хўӆӆорӑӊ нє вәс. Щӑта Екатерина ай пу­ра оӆӆаӆ мӑнсӑт, ӑӊкеӆ эвӑӆт ӆўв арсыр нє вєрӑт вәнӆтӑс, мєт ма нянь вєрты хошӆ. 

Хӑннєхә сєма питмаӆ вўш эвӑӆт уяӊа вәӆ, вантэ, ӆўв ӑӊкеӆ пиӆа и сухумн йирӆы, мӑта ут ӑн шиваӆӑӆы. Ма ӑӊкєм нємӆ Вера Никитична Тимиргалеева (эви опращ нємӆ Молданова). 

Ӆўв мӑнєм мосман тӑйӆӑӆэ. Ӆўв вәӆупсы мӑнєма мӑс, амтӑтьӆяты вәнӆтӑсаюм. Ма па хәӆум упи тӑйӆум. Муй арат хӑтӆ ӑӊкєм ӑн уӆӑс мўӊ ая вәӆмевн. Ӆўв иса м па ущхўӆь вєрӑт ин вәнты ма нәмӆӑӆэ. Хән мўӊ ая вәсўв, мәшитсўв, ӑӊкев сӑмӆ ищи кӑ­шаӊа вәс. 

Ма сєма питмєм вўш эвӑӆт аӊкаӊкємн вәнӆтӑӆыюм, ӆўв ма пӑтєма ӑӊки кана вәӆ. Щит хӑнты нє Лина Григорьевна Молданова. Ӆўв хӑнты семьяйн сєма питӑс, щирн рәт мирӆ йис вєрӑт, йис вәӆупсы ма па тәса вәӆӆэ.

Ӆўв мӑнєм м вєрӑта вәнӆ­тӑсӆэ, урокӑт вєрты нётӑс, ӑш­колая сэвӊӑӆам сэвӑс. Интӑм ма аӊкаӊкєма юӆн иса вєрӑтн нётӆум. Ӆўв шєӊк мосман тӑйӆ мәрӑх воньщумут, ӆўӊ пурайн мин ха вәнта щи воньщумут ӑкӑтты ӊхӆўв. 

Увӑс мир хӑнты, вухаь па юрн мирӑт йис культурая уңман вәӆӑт. Айтєн увӑс  хӑннєхә вой-хў веман, вўэт авӑман, сыр-сыр пурмӑсӑт вєрман па авӑрт вәнтӑң вәупсыйн вәты тәса хошман, кўш вәнт кәртӑтн, кўш ӑщкам нӛрумн вән ёха партум щирн вәӑт. Ӑ хӑннєхәя щиты вәты шєңк авӑрт пит. Тәп каркам па апрӑң, пӑсты кўруп па рәпата пєа сӑмӑң, вєрӑң па еы вўратты хуят вәнт шушийн вәты вєрит. Ищимӑщ хӑннєхә хураса увӑс мир кӑсупсэтн мосӑт.

Тӑм оӆ «Хоттєӆ ёх» оӆа аӆьщӑсы. Па щи вўраӊӑн Поӆнавӑт кәртӑн «Мєт м хуят» әмӑщ кӑсупсы ӆэщӑтыйӆсы. Кўтэӆн нивӆ хуят кӑссӑт. Ӆыв ванӆтупсыя вєрум пурмӑсӆаӆ тәсӑт, хотӑӊ ёхӆаӆ оӆӑӊӑн путӑртсӑт, арӑт-якӑт, вәӆтэӆ мӑр ёша павтум мойӆупсэт, ишӑк нєпекӑт ванӆтӑсӑт.

Округев сєма питум хӑт вўраңӑн Ёмвош «Югра-Экспо» хотн хәум хӑт мӑр «Товары земли Югорской» нємпи тынєсты вантупсы рәпитӑс. Тыв Югра мўв эвӑт кӑтсот мутас мєт тащӑң па рәпата пєа сӑмӑң мир юхтыйсӑт.