№ 10 (3646) - 2024

Ёмвошн вән кєр тыӆӑщн 25-мит хӑтӆӑн РИЦ «Югра» хуща ӑктупсы вәс. Щӑта ай вошӑта касӑӆман ӊхты пәӆьница хуща рәпитты ёх ясӑӊ тӑйсӑт. Щит «Югорский центр профессиональной патологии» нємуп тӑхийн рәпитты тохтурӑт. Ӆыв путӑртсӑт, муй тӑхетн ӆыв тӑм оӆн, тӑӆ тәрумн ӊхсӑт, щит вєра хўв тӑхийн вәӆты ай вошӑт па ай кәртӑт. 

Щимӑщ нєм оӆӑӊмит вән мирхот тӑйс, мӑта ут Ас нопӑтты тыӆӑщ Москва хон вошн «Яндекс» хотн ӆэщӑтман вәс. Вантэ, 2022-2032-мит оӆӑт – щит мўвтєӆ шуши мирӑт рәт ясӊӑт ӆавӑӆты арт, щирн Россия мўвев арсыр мир вєрӑт тәты федеральной агентства (ФАДН) па «Россия мўвев мирӑт хот» нємпи тӑхеӊӑн ёх щимӑщ вән мирхот вєрсӑт. Тыв 50 тӑхи эвӑӆт 200-кєм рәт ясӑӊ еӆӆы Интернет хуща пунты вєрӑт тәты кәщайт, программистӑт, ӑӆ хуятӑт, айӆат ёх юхтыйӆсӑт. 

Ёмвошн вән кєр тыӆӑщн 23-25-мит хӑтӆӑтн ветмит пўш ӑктупсы вәс. Щи ӑктупсыя сыр-сыр ясӑӊӑн путӑртты мир, сыр-сыр йис вєрӑт вана тӑйты мир юхӑтсӑт. Щи мирев и нумӑсн, ха катӆӑсман вәӆӆӑт, и пӑнт хўват шәшӆӑт. Тӑмӑщ ӑктупсы сыр-сыр мўвтєӆ мирев кўтӆаӆн ӆәхсӑӊа вәӆты пӑта вєрӆа. Россия мўвев ӆуват мирев м нумӑсн ат вәӆӆӑт, м сӑмн ат вәӆӆӑт па йис ёхӆўв, йис вєрӑт тӑм хӑтӆ вәнта вана ат тӑйӆӑт. Щи пӑта тӑта вєра арсыр мир ӑктӑщсӑт, щи кўтн ариты-якты мир, вєрӑӊ ёх, учёной щира вәӆты хуятӑт, кәщая вәӆты хӑннєхәйт.

Хон вошн Ас нопӑтты тыӆӑщн 17-мит хӑтӆӑн «Выставка достижений народного хозяйства» хуща «Рабочий и колхозница» нємуп хот йитн ӑктупсы вәс, щит «Академическая история Югры» хӑншум нєпек оӆӑӊӑн путӑртты пӑта. Тӑм хот йитн па «Трудовые династии» ванӆтупсы вәс. 

Ас нопӑтты тыӆӑщ 28-мит хӑтӆӑн округ ду­майн шуши мир ассамблея 25-мит мирхот вәс, щӑта вет вєр нух вантсы.

Мєт сыры округ оса тӑхи кәща нє А. Ва­ганова ай тәс. Ӆыв ху­щеӆа рәпитты арсыр мир комиссия ёх шуши мир нўшайт тўӊматты щира 126 вєр оӆӑӊӑн арсыр кәщайта нєпекӑт китсӑт па ӆыв нух вантӆӑт па тўӊматӆӑт. 

Ин Татьяна Ива­новна Анисимова (Выртупенкова) Сәр­ханӆ вошн вәӆ, ӆўв Дёмино кәртӑн Сў­мӑтвош районӑн сє­ма питӑс. Хән вет тӑӆа йис, ӑӊкеӆ па ащеӆ пиӆа Поӆнавӑт воша вәӆты па рәпитты мӑн­сӑт. Щӑта ӆўв ӑш­кола етшуптӑс па учи­лищайн ӆєтут ка­вӑртты нєӊа вәнӆ­тыӆӑс. 

Татьяна Ивановна пу­тӑртӑс:

Тӑм вухаӆь нє Татьяна Петровна Хозумова пиӆа ма рәпатам щирн Сўмӑтвошн айкеӆӑт ӑкӑттыя ӊхмємн вәйтантыйӆсум. Щи пурайн сыр-сыр литературной вәйтантупсэт айӆат па вәнӆат хӑннєхуятӑт пӑта вошӑӊ киникайт ӆўӊӑтты хотӑтн ӆэщӑтсум. Ӛхӑт па веӆщи сыр-сыр тӑхетн рәпитты хәйт па нєӊӑт пиӆа вәйтантыйӆсум па арсыр мӑнєма мосты айкеӆӑт иха мсыева ӑкӑтсум. Айкеӆ тәты ёхӆам кўтн Татьяна Хозумова ӆикмӑс па ма ӆўв пиӆэӆа ищиты айкеӆ щирн мсыева путрємӑсум па рәпата вєрӆаӆ ушӑӊа-сащӑӊа щи пурайн вєрсум.

- Татьяна Петровна, мӑта тӑхийн нӑӊ сєма питсӑн, єнумсӑн, вәнӆтыйӆсӑн?

Йисӑӊ-нәптӑӊ рўщ ими Валентина Георгиевна Литвиненко тӑм юхи хӑщум оӆӑтн рўтьщуман пенсияйн Сўмӑтвошн вәӆ. Вәӆупсы хўватн ӆўв иса 32 оӆ мӑр «Югра вәӆупсы» нємуп айкеӆ хӑншты Сўмӑтвош районӑӊ газетайн рәпитӑс. 

Мєт оӆӑӊ пураитн, вантэ, иса корреспондент нє щирн сыр-сыр айкеӆӑт ӑкӑтман ай кәртӑт па вән вошӑт хўватн араттєӆн ӊхӑс па рәпитӑс.
Ӛхӑт па газета кәщая йис. 

Касум мўвн ар хуят вәӆ, хуйтат арсыр м па мосты вєрӑт вєрӆӑт, щӑта вәӆ­ты музея нётӆӑт. Лариса Алек­сеевна Ерныхова ищи Касум музей хотн волонтёра вәӆ. Ӆўв щӑта мӑӊхӑтӆӑт пурайн нётыйӆ. Тӑм пўш Вўӆєӊ ёх мӑӊхӑтӆ пурайн «Моньщ хот» тӑхийн хӑнты моньщӑт моньщӑс. 

Москва вошн ВДНХ хуща «Рабочий и колхозница» хотн «Трудовые династии» нємпи ванӆтупсы пўншсы. Щӑта Ёмвош округевн ар оӆ мӑр тәса рәпитты рәтӑт мира ванӆтӑсыйт. Ӆыв кўтэӆн шуши ёх ищи вәӆӆӑт. Щит Россия мўвев кәща Владимир Путин поступсы щирн вєрӑнтсы.

Вуӆаӊ Победа хăтӆ постăты вўраӊăн Увӑс мўв, Сибирь па Дальний Восток шуши мирӑт Ассоциация ёх нумса юхăтсăт «Победа хăтӆ» нємпи ар увăс мирăт ясӊăта тулмащтăты, ӆәӆн щит рәт ясӊăтн ариты. Щиты ӆыв мўвтєӆ акция хуща пиӆтăщсăт, мăта ут Россия мўв ӆуваттыйн 2020-мит оӆн «Победа хăтӆа нётты ёх» нємпи оса тăхи ӆэщăтсы.

Вән кєр тыӆӑщ 25-мит хӑтӑӆн «Торум Маа» йис пурмӑсӑт тӑйты хот йитн  Ёмвошн иха ӑктӑщум шуши мир хӑннєхуятӑт литературной вәйтантупсы ӆэщӑтсӑт. Щи етнхот ӆыв Прокопий Ермолаевич Салтыков – хӑнты мирев поэт шәӊӑт 90-мит оӆа вум хӑтӆа постӑсӑт. 

«Вўща вәӆа, хӑнум», – щиты хӑнтэтн тӑм поэт хәев катра пурайн аӆьщӑсы.

Вәйт ӆор тыӆӑщ 27-мит хӑтӆӑн Ёмвошн «Панӑн» нємпи айӆат ёх тӑхийн Югорской государственной университет ёх оӆӑӊмит пўш «ЭтноСтудФест» нємпи ариты-якты фестиваль ӆэщӑтсӑт. Вантэ, тәняӆ ӆыв тӑм вєр тәты пӑта округ кәща нє грант нётупсы вухн мӑсыйт.

Щи тӑхия ӆуӊум мойӊ ёх «Нӑӊ рәт ясӊенӑн вўща ясӊӑт лупа!» нємпи ай киникайн мойӆӑсыйт. Щӑта арсыр ясӊӑтн вўща ясӑӊ, вәянтты вєр, па м вәӆа ясӑӊ хӑншман вәӆ. 
Тӑта кашӑӊ мир оӆӑӊӑн ванӆтупсэт, єпӆӑӊ пӑсанӑт ӆэщӑтман вәсӑт.
мӑӊхӑтӆ пўншум пу­райн тӑм вєр тәты нє Раисия Сунгурова вўща вєрӑс:

Ас нопӑтты тыӆӑщ 18-мит хӑтӆӑн «Торум Маа» нємпи йис пурмӑсӑт ӆавӑӆты хотн Хоттєӆ ёх оӆ пӑта шуши мир хоттєӆ ёх пиӆа вәйтантупсэт ӆэщӑтман вәсӑт. Әмӑщ, тыв Ёмвошӑӊ хоттєӆ ёх мойӊа юхтыйӆсӑт.

Нефтеюганской районӑн «Моньщ» нємпи рўтьщӑты тӑхийн «Пунси Пуут» вәнт кәрт омӑсман вәӆ. Ас нопӑтты тыӆӑщ 17-мит хӑтӆӑн щӑта Мўвев хӑтӆ постӑсы. 

Тыв 70-кєм хӑннєхә юхтӑс, щит Нефтею­ганской районӑн Карка­теевы, Лемпино кәрт­ӊӑ­нӑн, Нефтеюганск, Лян­тор вошӊӑнӑн вәӆты ёх. 
Нефтеюганск вошн шуши мир вєрӑт тәты тӑхи кәща нє Ольга Во­ронова путӑртӑс, хутыса щи мӑӊхӑтӆ постӑты оӆӊитсӑт:

Тӑта мосванӑн вән кєр тыӆӑщ 18-мит хӑтӑӆн Ёмвош Государственной киникайт ӆўӊӑтты хот йитн ар пєлӑк эвӑӆт иха юхтум вошӑӊ хӑннєхуятӑт ӑктӑщийӆсӑт. Щи етнхотэӆ вєрум пурайн юрн мир шәӊӑт поэт хә «Юрий Вэӆӆа. Избранное» нємуп йиӆпа хӑншум киникаеӆ ванӆтупсы нємасыя щи ӆэщӑтсы.