№ 13 (3625) - 2023

Лыпӑт тыӆӑщ 22-мит хӑтӆӑн округ кәща нє Наталья Ко­марова вухаӆь мир поэт Юван Шесталов нємпи вухаӊ мой­ӆупсэт шуши хуятӑта катӆуптӑс. 

Щимӑщ нєм ӆўӊтупсы кӑсупсы тӑйс, мӑта ут Югра мўвевн «Центр технологий электронной демократии» нємпи тӑхи ёх ӆэщӑтсӑт. Тӑм оӆ Ас хӑӆты тыӆӑщ 27-мит хӑтӆӑн 80 тӑӆ постӑсўв щи пура вўш эвӑӆт, хән Ленинград вош блокада нух вўсы, щирн тӑм кӑсупсы ӆэщӑтсы. Югра мўвевн тӑм кӑсупсы ай кєр тыӆӑщ 10-мит хӑтӆ вўш эвӑӆт «Грани Ленинградской блокады» вєр хўваттыйн оӆӊитсы. 

Лыпӑт єнумты тыӆӑщ 18-мит хӑтӆӑн Сәр­ханӆ вошн «Катра Сәрханӆ» нємпи музейн Сайма юхан хуща 22-мит пўш ай хопӑтн кӑ­супсы ӆэщӑтман вәс. Кўтэӆн Сәрханӆ па Ниж­невартовской районӊӑн 18-40 оӆӑта вум 37 ики па ими па 41 па еӆӆы оӆа вум икет па имет 600 мєтра хўваттыйн ай хопӑтн ӊхман кӑссӑт.

Мєт сыры хӑнтэт Йиӊк ӆәӊха пойкщӑсӑт па нуви щӑшкан сух сўӊа щеӆ вух мәӊхӑла йирсӑт па Сайма юхан хуща єсӑӆсӑт. 
Щӑӆта кӑсупсы оӆӊитсы.

Нефтеюганской районӑн «Моньщ» нємпи рўтьщӑты тӑхи вәӆ. Лыпӑт тыӆӑщ 24-мит хӑт­ӆӑн щӑта шуши ёх ай хопӑтн кўтэӆн кӑссӑт.

Кӑсупсыйн 75 хуят кӑсӑс, щит Неф­тею­ганской район Чеус­кино, Лемпино, Пой­ковской, Салым кәртӑт, Нефтеюганск вош па Сәр­ханӆ район итәх кәртӑт эвӑӆт юхтум ёх. Ӆыв кўтэӆн Чеускино кәрт эвӑӆт юхтум ёх оӆӑӊмит тӑхия питсӑт. Кимит тӑхия Сәрханӆ район эвӑӆт юхтум шуши ёх йисӑт, хәӆмит тӑхия – Лемпино кәрт эвӑӆт юхтум хуятӑт. 

Лыпӑт тыӆӑщ 30-мит хӑтӆ вәнта Югра мўвн вәӆты ёх пищ тӑйсӑт вәнӆтыйӆты вєрӑт оӆӑӊӑн хӑншты, вәнӆтыйӆты вєрӑт оӆӑӊӑн муӆты нумӑс вєрты. Щит иса 46 вәнӆтыйӆты тӑхет оӆӑӊӑн хӑншты пищ вәс, муй вўрн щи тӑхетн вәнӆтыйӆты вєрӑт мєт м тӑхи пєӆа кєрӑтты. Тӑмӑщ вєр нємӑӆ «про ОБРАЗОВАНИЕ в Югре», щит Югра кә­ща ёхӆўв па вәнӆтӑты па наука вєрӑт тә­ты департамент хуща рәпитты ёхӆўв ха пиӆтӑщман вєрум нумӑс. 

Тӑмӑщ вєр «Откры­тый регион» тӑхи ёх ӆэщӑтты питсӑт. 

Лыпӑт тыӆӑщ 23-мит хӑтӑӆн округев Дума хотн шуши мир ассамб­лея ёх депутатӑт 18-мит мирхот вәс. Арсыр иха ӑкмум вєрӑт тәса вєрты па тўӊщирӑӊа ӆэщӑтты пӑта Еремей Айпин депутат ёхӆаӆ  еӆпийн мсыева па хўв путӑртӑс. 

Лыпӑт тыӆӑщ 29-мит хӑтӑӆн округев Дума хотн 21-мит мирхот вєр­сы. Щи пурайн иха ӑктӑщум депутатӑт араттєӆн 27 поступсы ушӑӊа вєрсӑт па мсыева артаӆӑсӑт. 

Ӆыв кўтэӆн депутатӑт арсыр нётупсы щи­рӑт оӆӑӊӑн путӑртсӑт щи­мӑщ хӑннєхуятӑта, мӑта ёх тӑм йисн ӆаӆясты мӑнсӑт. Щи пӑта округ Дума хот кәща хә Борис Хохряков лупӑс: 

- Тӑм мирхотн мўӊ нє­масыя йиӆуп поступсы вў­ӆўв, мӑта утэв унтасн ар­сыр вуӆаӊ нётупсэт ӆаӆь хӑрӑта китум ёхӆўва ӆэ­щӑт­ты вєритӆўв. 

Тәняӆ оӆ лыпӑт тыӆӑщ сухӑнты кємн Муши вошн Ӆорвош районӑн мӑнум «Ма Ӆорвош мўвєм» мӑӊхӑтӑӆн вәсум па рәпатам ӆэщӑтты щирн айкеӆӑт кӑншсум. Щи пурайн и хӑнты ими Зинаида Васильевна Шиянова (Кельчина) пиӆа вәйтантыйӆсум па путрємӑсум. 

Тӑм нєӊев Ӆорвошн сєма питӑс, айтєӆн єнмӑс. Ӛхӑт 1984-мит оӆн кўтуп ӑшкола етшуптӑс па икия мӑнӑс. Щи киньща икисаӊӑн китумтак ӆын вәӆтэӆ  хўватн хўӆ веӆпӑс­ӆуман вәсӊӑн. Хән Зинаида Васильевна 45 оӆа йис, ӆўв рўтьщӑты пенсияя мӑнӑс. 
Щи вєр оӆӑӊӑн айкеӆ тәты нєӊєм тӑмиты щи мӑнєма лупӑс: 

Ар пўш па арсыр тӑхетн ма иса Татьяна Нюдихасвовна Лар па Елена Хабиевна Уфимцева пиӆа вәйтантыйӆсум. Щитємн кўш мӑта вошєма  айкеӆӑт ӑкӑттыя ат мӑнӆум, щи юрн имеӊӑн па щӑта мутшӑӆум, хуты ӆын арсыр иха юхтум мирӑт еӆпийн якӆӑӊӑн, ариӆӑӊӑн па юнтӆӑӊӑн.Щи киньща тәняӆ оӆ нємасыя ӆын пиӆана вәйтантыйӆсум па айкеӆӑт  вўты щирн иха м хўв путрємӑсўв. Тӑм пўш па ищиты Пуӆӊавӑт вошн вәйтантсўв па щӑӆта нумӑсӆам ӑкӑтсум па ӆыв оӆӊеӆн айкеӆєм хӑщум кўтн нємасыя хӑншты питсум.

Щимӑщ нєм етнхот тӑйс, мӑта ут лыпӑт єнум­ты тыӆӑщ 9-мит хӑтӆӑн «Югра ӆыӆӊуптӑты» оса тӑхи хотн Маргарита Фёдоровна Рябова (Яркина) шәӊӑт нәмӑӆмӑты щира ӆэщӑтман вәс. Тӑмхӑтӆ ӆўв 65 оӆа ӆәӆн йис.

Кашӑӊ оӆ лыпӑт тыӆӑщ 22-мит хӑтӆӑн Ём­вошн «Торум Маа» музей хущи «…Когда заря с зарёю сходится» нємпи мирхот вєрӑнтӆы. Щит вухаӆь мир поэт Юван Николаевич Шеста­лов шәӊӑт нәмӑӆмӑты щира вєрӆы. 

Юван Николаевич 1937-мит оӆн лы­пӑт тыӆӑщ 22-мит хӑтӆӑн Сўмӑтвош район Камрадка вухаӆь кәртӑн сєма питӑс. Ӆўв айтєӆн ӆавӑрт ӆаӆь пура оӆӑӊӑн ар путӑр хә­ӆӑнтӑс, щирн айӆат пу­раеӆн ӆаӆь оӆӑӊӑн сти­хотворенияйт хӑншты питӑс. «Языческая поэма» киникайн ӆўв нух питум ёх оӆӑӊӑн ар, «Салют над Невой» стих хӑншӑс. 

Унъюган нєпум ай вошн Манстӑр район Ёмвош округ хуща лыпӑт тыӆӑщ 26-28-мит хӑтӆӑтн «III Айпинские чтения» нємпи мирхот вәс, мӑта тӑхийн карты щўӊкӑт мухты па хон пєлӑк ёх ищи путӑр тӑйсӑт. Тӑм оӆн конференция Еремей Данилович Айпин 75 оӆа вмаӆ пӑта вєрса.

Ӆўв хӑнты хӑншты хӑннєхә. Еремей Айпин государства па мир пӑта рәпитты поли­тической деятель, «Союз писателей» тӑхия ӆуӊман вәӆ, политической наукайт кандидат, «Заслуженный деятель культуры Ханты-Мансийского автономного округа-Югры» нєм па тӑйӆ. 

Россия мўвев хўваттыйн 190 муӆтас арсыр мир вәӆ. Кашӑӊ мир ӆыв культураеӆ, ӆыв йис вєрӆаӆ ӆавӑӆман тӑйӆӑт. Москва хон вошн «Сугрев» нємпи тӑхи ёх нумӑсн юхӑтсыйт Россия мўвевн вәӆты арсыр мирӑт яньщты шай ӆэщӑтты, щиты мойӊ ёх єпӆӑӊ шайт яньщман арсыр мирӑт оӆӑӊӑн уша павӑтты щир тӑйӆӑт. Хутыса ӆыв щит вєрсӑт, мўӊева «Сургев» тӑхийн рәпитты нє Наталья Штыкало путӑртӑс.

Ӆыв 2018-мит оӆ вўш эвӑӆт щи вєр әхтыйн рәпитӆӑт. Щит вєрӆӑт, ӆәӆн мойӊа юхтум ёх щи шай сувенир иты ат ӆәтсӑт. Н. Штыкало лупӑс:

Лыпӑт тыӆӑщ 19-23-мит хӑтӆӑтн Ёмвошн «Торум Маа» йис пурмӑсӑт шавиты тӑхийн вән мирхот вєрӑнтсы. Щӑта Югра мўвев 13 вош эвӑӆт шуши мир йис пурмӑсӑт тәса вєрӑнтты ёх иха ӑкӑтсыйт. 

Мирхота 67 хуят юх­тыӆӑс, ӆыв кўтэӆн нивӆ хуят вәнӆтӑты хуя­тӑта вәсӑт. Нӆъяӊ кӑт хуят щи хӑтӆӑт етшуптӑты пийн вуӆаӊ нєпекӑтн катӆуптӑсыйт. Щи тумпи лупты рӑхӆ, вәнӆтӑты хӑр пийн «Торум Маа» му­зея 35 хӑннєхә 56 йиӆпа вєрум пурмӑс мӑсӑт. 

Иха ки ӆўӊӑтты, семинар мӑнум мӑр музей хота 427 хуят юхтыӆӑс, щирн мосӆ лупты, щит шєӊк мосты па вуӆаӊ мирхот вәс. 

Лыпӑт тыӆӑщ ртъяӊмит хӑтӆ вўш эвӑӆт па иса 11-мит хӑтӆ вўш вәнта Пуӆӊавӑт вошн Ямал мўвн мўвтєӆ мир «Нӛрум мўв ӆыӆ» мӑӊхӑтӆ вәс. Щимӑщ вуӆаӊ вєр пӑта мўӊ Ямал мўв шуши ёхӆўв вәӆты-хоӆты щирӑт ӆавӑӆты па еӆӆы тәты тӑхи кәща нє Ольга Владимировна Гизатуллина (Огаркова) пиӆа вәйтантыйӆсўв па ӆўв пиӆэӆа тўӊщирӑӊа путрємӑсўв.

Шуши мир йис вєрӑт ӆавӑӆӆӑт

- Ольга Владимировна, мӑтты айкеӆ нӑӊ оӆӊенӑн мўӊева ин путӑрта?

Ӆор ӆоньщӑн питсы –
Шєӊк хурамӑӊ.
Хўвн нуви ӆоньщ,
Нємӑӆт ӑн кӑӆ.
Хӑтӆ єтӑс, ищки, мўӊева ищки
Кєр нәмӑӆта, ӆоньщӑн питса.

Вәнт – ӆўӊӑн вусты,
Сўсн – хӑншӑӊ,
Тӑӆн – нуви ӆоньщӑӊ ёшӑӊ.

Ас, вәнт, ӆор.
Ма шєӊк амӑтӆум.
Тўкъякӑӊ кәрт шумая
Вәӆ ай Юхан ас.
Хурамӑӊ щала,
Щищкет ариӆӑт,
Йиӊк щурыйӆ,
Мирн щит щи нәмӆы.

Хурамӑӊ ӑня єнмӑӆ
Па нхӆ.

Пӑтламӑс.
Нюр ӛш иты кӑӆ тыӆӑщ
Вән Асэв хуща.