№ 17 (3605) - 2022

Атынг нявремыт шко­лаета ёхытсыт. Тывен шенгк ям, что школает нох тэсятса па итып мастерской верса. 

Полноватской куттып школа итпа ис, но мет мосты вер сит антом. «Школа утыпсы пита яха ат утсынгын» – си закон посны школаит па сира верты питсаит. Там от нявремыт итып программа посны унтлтыйтты питтыт.

Там школа учителит ре­шитсыт, тутн нявремыт ар унтлтаты отны ант маты па си кутны практичес­кой верыт арамты рупутая унтлтаты пата.

Нягань вош пәӆь­ницая ар вак­цина китса. Щит «Со­виг­рипп» йиӆуп пур­тән, нивӑӆ щурӑс вак­цина вәӆты мир пӑта тәса.

Пәӆьницайн рәпитты ёх путӑртӆӑт, тӑм вакцина, мӑттэ, шєнк м, така кӑшитты хӑннэхәйт пӑта, и хотн вәӆты ёх, ка­шитты ӑн питӆӑт. Ищиты нәмӑсӆ терапевтической тӑхийн вән кәщая рәпитты нє Надежда Арсланова. Нягань вошн вәӆты мир  прививка вєрты партсайт. Кашӑӊ хуят ӆўвеӆа мосты прививка вєрӆ. Щӑӆта па муй микрорайон тӑхийн вєрты, ӆўв уша павӑтӆӑт.  

Ёмвошн йиӆуп 9-мит ӑшкола пўншсы. Округ кәща нєӊэв Наталья Комарова, государственной дума депутат нє Ольга Ануфриева, Ёмвош кәща хә Максим Ряшин, тӑм ӑшкола кәща хә Юрий Личкун, «Квартал» нємпи хотӑт омӑсты тӑхи кәща хә Василий Балесный, округ па Ёмвош няврємӑт вәнӆтӑты вєрӑт тәты тӑхи ёх па Ёмвош дума депутатӑт няврємӑта м ясӊӑт лупты юхтыйӆсӑт.

Йиӆуп ӑшколайн 1056 няврєм вәнӆтыйӆты вє­ритӆӑт. 

Октябрьской район кәртӑтн няв­рє­мӑта па вән хуятӑта грипп мәш эвӑӆт пуртән лоньщты питсы. Щимӑщ пуртән ӆоньщты мосӆ хәт тыӆӑщ ӆуват пушхӑт вўш эвӑӆт няврємӑта, пирӑщ хуятӑта, кӑши-мәшӑӊ ёха, кӑшаӊа вәӆты имета па рәпит­ты ёха. 

Югра Депздрав айкеӆ хӑнты ясӑӊа тулмащтӑс: Надежда Вах

Тӑм оӆ оӆӊитум пура вўш эвӑӆт ӑн рәпитты 988 нє сєма питум няврємӆаӆ пӑта нётупсы вух ёша хоӆумсӑт, щи вєра 30 миллион муӆтас шойт вух мӑнӑс.

Ас хӑӆты тыӆӑщ вўш эвӑӆт ӑн рәпитты ӑӊкета Югра мўв Россия пенсионной фонд эвӑӆт вух сухуптӑсы. Сырыя щит соцзащита тӑхи ёх вєрсӑт.

Кашӑӊ оӆ лыпӑт хойты тыӆӑщ оӆӑӊ хӑтӆ еӆпийн Ёмвош округевн вәнт шушетн па ай кәртӑтн вәӆты няврємӑт ӑшколая ӑкӑтӆыйт. Щи пӑта нємасыя кәща ёх муй па учителят вертолёт тўтӑӊ хопн ай кәртӑт па вәнт шушет хўват ӊхӆӑт. Тӑм пўш ищи щи вєр ӆэщӑтсы. 

Нуви сӑӊхум район Касум кәрт кәща ими Алсу Назырова вәйт ӆор тыӆӑщ 29-31 хӑт­ӆӑтн Вўтвош, Тәрумӆор вош па вәнт шушийн вәӆ­ты хуятӑт хущи ӊхӑс. Ӆўв щив мосты кўрус тәс па няв­рємӑт Касума ӑкӑтсӑӆэ.

Вәйт ӆор тыӆӑщ 28-30-мит хӑтӆӑтн Татарстан мўв Казань хон вошн Россия мў­вев арсыр мирӑт яс­ӊӑтн айкеӆӑт хӑншты ёх IX-мит вән мирхот вәс. Тыв 30 тӑхи эвӑӆт 250 муӆтас хуят ӑк­тӑщсӑт. 

Свияжск пәхӑр-кәрт

Вәйт ӆор тыӆӑщн 30-31-мит хӑтӆӊӑнӑн Округ народной творчества хот хуща мєт оӆӑӊ креативной индустрия ӑшкола пўншса. Тӑм ӑшкола федеральной проект «Россия хуща вєрум нумӑс» мухты ӆэщӑтса. Тӑм ӑшколайн няврємӑт кӑт оӆ мӑр вәнӆтыйӆты питӆӑт, иса тыв тӑм ол 80 хӑннєхә юхӑтсӑт.

Сытоминской куттып школа нох тэсятты вер­ны нётыпсы Сургутской район эвыт «Родина» колхоз ёх вертыт. Тыв кат ота си ис нётты питмет и кашинг от 15 сёрыс шоитны мийтят. 

Там от колхоз средс­тваны колхозникытны школа итып хотхарны, хоттангытны, итып ку­рытны и па отытны верса. Интам школа новия, хошма ис.

С. Афанасьев 

Луговской куттып школа (Ём вош, район) йитып от хуньсита 25 август унта тэсятса. Учителитны директор школа Малышкин М.М. ёш итпины классыт, пар­таит отипны нэрсаит. Сята яма рупитсыт Анд­реева Ф.Е., Чаунина Д.П., Ржанова Л.В. па янас учителит. Сит то­хитпи отынгмит классыт парта ухтытат, классной сохыт няр пум хорасып отипны, а па тахитат парта хосьны хопшат отипны нэрсаит. Ситы версаит школаны сит пата, партаит па клас­сной сохтыт тутн па от иса классытны ситы верта. Симись памтыпсы журналны «Народное образование» уил. 

Шимит хатл хасис итып учебной от унта. Кашинг школа нох тэ­сятта, тутн нявремыта унтлтыйтты ям ат утыс. Ситы яма нявремыт вуты Ларьякской куттып школа тэсятытыс. Там школаны курыт итпа верымыт, пар­таит отипны нэрымыт. Тата тат унта мосты арат тутьюх сопастым. Ов хоси итып плакат верым. 

С. Волков

Кашинг от школа омыс­ты вер арамтл. Там от Чеускино хоси ни­выт клас­сып школа верта. Лямино хоси итып шко­ла етшипты вутсис. Аганской тапыт классып па Сургутской няты кла­ссып школайн­гын нох тэсяттайнгын.

Сургутской куттып шко­ла учителит пата кат хот етшиптатыйнгын.

Ёмвошн вәйт ӆор тыӆӑщн 30-мит хӑтӆӑн мўв иӆпи питы вуй вўты ёх мӑӊхӑтӆ еӆпийн кӑт хӑннєхә йиӆуп нємӑӊ кевӊӑн пўншсайӊӑн. «Югра хәсӑт», щит нефть па газ хуща рәпиттум хӑннєхәйӊӑн пӑта, ӆын каркама рәпитсӑӊӑн па ар мосты вєр вєрсӑӊӑн.

Тӑм тӑхийн УрФо хуща Российской Федерация президент ӆӑӊкӑр хә Владимир Яку­шев па Югра кәща нє Наталья Комарова м вўща ясӑӊ лупсӑӊӑн.

Терроризм пиӆа ӆаӆясты хӑтӆ ещаӆт Югра мўв Росгвардия ёх ванкўтӆы арсыр вәйтантупсэт ӆэщӑтӆӑт. 2004-мит оӆн лыпӑт хойты тыӆӑщ 1-3 хӑтӆăтн Беслан вошн террористической шәкӑӊ вєрн 300 муӆтас ухӆаӆ пунум хӑннєхә нәмӑӆмӑты щира вәйтантупсы ӆэщӑтсы. Щи пурайн ар вәнӆтӑты ёх па няврємӑт ăнтәма йисăт. Щи шәкӑӊ пӑӆтап вєр пăта сӑмӆўв ин вәнты кӑшитӆӑт.

Тӑмхӑтӆ нын уша вєрӆӑты хӑннєхә артериальной дав­ленияйӆ нух єӆумты пурайн муй щирн ӆўвеӆа нётты мосӆ па муй ӑн рӑхӆ вєр­ты. 

Гипертонический криз – щит хән хӑннєхә артериальной давленияйӆ шӑӊкап нух єӆумăӆ па хўв мӑр ая ӑнт йиӆ. Щит тывийӆ, хән хӑннєхә ар­териальной давленияйӆ ванкўтӆы вәншӑк вәӆӆяӆ. Щимӑщ мәша муӆтыкєм аӆӑӊ саты питыйӆӆы. Щи пурайн кӑшитты хуята ӑн рӑхӆ муӆты шӑнкап щирн вєрты (шӑӊкап нух ӆоӆьты, иӆ омӑсты, иӆ уӆты, иӆ нюрийӆты) па па муӆты ӆавӑрт ут вєрты.

Вәйт ӆор тыӆӑщн 22-25–мит хӑтӆӑтн шуши мир Ассамблея Югра Дума депутат нє Т.С. Гоголева Нижневартовской район пєӆа, Аган кўтупн вәӆты вәнт кәртӑта ӊхӑс.

Касум ӆаӆь пурайн ар хӑнты мир Касум мўв эвӑӆт Сәрханӆ мўва касӑӆсӑт. Опращ нємӆаӆ еша па хурасупа вєрсӑт па щӑта вәӆты питсӑт, щиты Молдановӑт Мултановая йи­сӑт. Тыв юхтум хуятӑт тӑта вәӆты хӑнтэт пиӆа ӆыӆтӑщсӑт, няврємӆаӆ кӑт хӑнты щирн путӑртты хошӆӑт: касум па сәрханӆ щирн. 

Тӑм юнтӑн аршӑк няврєм вєритӑӆ юнтты. х пайн и х хӑщӆ па щит пиӆа еӆӆы юнтты мосӆ. Оӆăӊ юнт 16 номерн вантаты.
 

1. Хӑщум и хие ёш ӆаӊӆа пун­ты па нухӆы вущкӑты. 

2. Щи пийн вән па шӑшийӆты паӊӊӑн кўтн катӑӆты па щив тӑӊӑрты. 

Тӑм няниет вєрты пӑта мосӆ: 50 грамм дрожжи, хәӆум пушӑх, хәт вән нялы саккар, и ай нялы суӆ, и литра па и ӑстакан нуви ӆант, и пачка маргарин.

Мєт сыры нянь шўм омӑсты мосӆ. И ӑстакан лоньщи йиӊка 50 грамм дрожжи рўвӑтты. Щӑӆта хәӆум вән нялы саккар па кӑт вән нялы ӆант пунты па ха рўвӑтты. Хошум тӑхия омӑсты, нянь шўм нух ат єӆмӑӆ.

Лыпӑт хойты тыӆӑщ кимит хӑтӆӑн Ёмвошн «Торум Маа» тӑхийн шуши мир вәнӆтӑты оӆӑӊ ӑшкола оӆӑӊӑн ванӆтупсы пўншсы. Щи оӆӑӊӑн айт ӑктӑс па щи пурайн вәнӆтыӆум хуятӑт пиӆа вәйтантыӆӑс культорологической наукайт кандидат нє Любовь Кашлатова. 

Мєт оӆӑӊ архив нєпе­кӑт 1933-мит оӆ щирн хӑнш­ман вәӆӆӑт. Сў­мӑтвош районной архив нєпекӑтн хӑншман, хуты Муликәрт начальной ӑш­кола 1927-мит оӆн пўнш­сы. Кәща хәя щӑта щи пурайн И.В. Ендырев вәс. 

«Ильбигорская» община па «Касум ёх» тӑхи хўвн каш тӑйсӑт пўнӑӊ нюки хот ланкуп ёнтты. Ӆыв вєра ӆӑӊхасӑт тӑмӑщ пурмӑс ёнтты вєр уша павӑтты. Ӆыв нумсеӆ йинмӑс Департамент культура грант ёша павӑтмеӆн.

Мєт оӆӑӊӑн вўӆы су­хӑт сорӑӆтӑсӑт. Тӑӆ нюки хот ланкуп пӑта тӑюм вўӆы сухӑт мосӆӑт, щирн ӆывты тӑнӑӆты кєн­шӑк, шушӆаӆ машӑк нух питӆӑт.

Вәйт ӆор тыӆӑщн ма Ямал мўва Шу­рыш­карской района Хӑнты-Муши кәрта ӊхсум. Щӑта вєртутӑӊ ёх пӑта мӑӊхӑтӆ вєрӑнтсы. Ӆыв ӆапӑт мӑр арсыр әмӑщ вє­рӑт па пурмӑсӑт ванӆтӑсӑт па йиӆуп щи­рӑта вәнӆтыйӆсӑт. Иса мӑӊхӑтӆа Ямал мўв Пуӆӊавӑт вош, Ов­кәрт, Муши, Ӆорвош кәртӑт эвӑӆт мир юхтыйӆсӑт. 

Тӑмхӑтӆ мўӊ «Хӑнты ясӑӊ» газетаев 65 оӆ постӑты вўраӊӑн ӆапӑтхущъяӊмит иньщӑсупсы хӑншӆўв. Юхӆы ясӑӊ тыв китаты: khanty-yasang-65@mail.ru.

17. Мӑта оӆн «Ленин пант хуват» газета 2000-мит номер єтӑс?