Ай кєр тыӑщ 13-мит хӑт вўш эвӑт па иса 17-мит хӑт вўш вәнта Ёмвошн биатлон нємуп мўвтє мир кӑсупсэт мӑнӑт. Щит пӑта РИЦ «Югра» хот йитн округев айке ӑкӑтты хӑннєхуятӑт Югра мўвев физической культура па спорт Департамент кәща хә Игорь Губкин, АУ «ЮграМегаСпорт» кәща хә Валерий Радченко, арсыр мўвтє мирӑт  биатлон тӑхи кәща хә Феликс Биттерлинг па Россия мўв биатлонистӑт тӑхи кәща ӑңкӑр хә Вадим Мелихов пиа вәйтантыйсӑт. 

Нефтеюганской районӑн Лемпино кәрт вә. Щӑта ветсоткєм хуят вә, 176-кєм хуят – хӑнтэт. Мєт сыры Лемпино кәрт оӑңӑн 1782-мит он хӑншсы.

Тӑм пўш РФ пенсионной поступсы вўраңӑн рўтьщӑты ёх, няврємӑң мир па шәкащты айат ёх па щирн вухн сухуптӑты питыйт. Щи оӑңӑн Ёмвош округ Пенсионной фонд кәща нє Татьяна Зайцева тӑм ванӑн ай павтӑс. ўв ясңӑн, тәня Юграйн 2,5-мит процент араттыя рўтьщӑты ёх ара йис. Кӑтєм о юхы 4% араттыя щимӑщ ёх аршӑк вәс. Ай кєр тыӑщ оӑңмит хӑтӑн мўң мўвевн 433,2 щурӑс рўтьщӑты хӑннєхә вәс, кўтуп рўтьщӑты вухе 19887 шойт вух арат. Югра хўваттыйн щи ут 1,8 кєша прожиточной минимум нємуп вєр киньщи ара вә.

Ай кєр тыӑщ 12-15-мит хӑтӑтн Нуви сӑңхум вошн «Педагог года Югры – 2018» нємпи вән мирхот мӑнӑс. Щӑта 52 хӑннєхә округ арсыр вошӑт эвӑт ӑктӑщиӑс. 

2018-мит о Ас хӑты тыӑщ оӑңмит хӑта округевн вәты па пириты щир тӑйты ёх 1131229 арат хӑннєхә нўх хӑншаньщсы. Щит пӑты интӑм ай кєр тыӑщ 18-мит хӑтӑн Россия мўв президент ики пириты 788847 хӑннєхә юхтыӑс. 

Ай кєр тыӑщ 1-7-мит хӑтӑтн Ёмвошн XVI-мит пўш Мўвтє «Най Аңки» фестиваль мӑнӑс. Тӑм он ар пєлӑк кина сӑмӑң па мосты вєра аьман вәс.

Елена Рокина (опращ щирн Хатанзеева) пиа ма 1997-мит он вәтаңа йисум. Щи пурайн мин ияха Ёмвош педагогической колледжа нарӑсты вєрӑта вәнтыйты тӑхия оӑң курса юхӑтсумн. Па айат ёх киньща ўв пєаа вантман имухты нумса юхӑтӑн, тӑм эви вєра вән ыпи ӛр тӑй.
 

Константин Васильевич Беляев технической наукайт кандидат ики, ар о мӑр шуши мир пиа рәпит. ўв Россия мўв научно-технической вән мирхота па иса мўвӑт минеральной ресурсӑт академияя уңман вә.

Нуви сӑңхум вошн вән, ащкам, ар йитпи па шєңк хурамӑң оӑңмит кўтуп ӑшкола вә па рәпит. Иатн Нуви сӑңхум воша айат хуятӑт пӑта литературной вәйтантупсэт эщӑтты яңхсўв. Щи хӑтӑтн арсыр ӑшколаитн вәнтыйты няврємӑт пиа вәйтантыйсўв, сыр-сыр айкеӑт вєрсўв. Кашӑң тӑхийн Югра мўвев поэтӑт, писателят сӑмӑңа тӑйсыйт па хәӑнтсыйт. 

Кашӑң хӑннєхә кўш муй тӑхия вәупсы ӛшӑн тәы, тәп єнмум мўв, шєңум тыхӑ вәты нәпӑт нәмман тӑйӑэ.

«Мария Сергеевна Мерова атэт эвия па хинєңа хотӑн вәс. ўв ай пура вўш эвӑт Пўпи як хотӑтн якӑс. Нәам щив яңхӑс па ӑңке ыкащман ай Маша щӑсаты ким вошитсӑэ. Ищипа эвие, хән ӑнке па имет пиа путӑртӑс, ишни ипийн якӑс. Интум вәнты ўв арӑң па якӑң ими. ўв ар няврєм якты вәнтӑс, мєт оӑңӑн «Оленьими тропами» тӑхийн якум ёх Саранпауль хущи, ӛхӑт Ёмвош айат ёх». 

Татьяна Гоголева, «О ценностях коренной Югры. Статьи, исследования, размышления» нємуп нєпек, 2007

Ин шуши мир арсыр тӑхетн рәпитӑт. Имутыйн Тюмень воша яңхмємн вухаь имие вәтаңа вєрсєм. ўв авӑрт тӑхийн кӑпӑрта. Тӑм хуятэв тәса па яма ар о вән вошн рәпитӑс.

Ёмвошн Ас-угорской институтн ай кєр тыӑщ 16-мит хӑтӑн киника ўңӑтты хотн ар мир ӑктӑщсӑт. ыв хуыева юрн мир поэт ики Юрий Кылевич Вэлла (Айваседа) шәңӑт нәмӑмӑты юхтыйсӑт. Тӑм о ўв ән 70 оа йис.  
 

Тәня он Русскинской кәртӑн «Хў па вой вепӑсӑты па вўэң хӑннєхуятӑт» емӑңхӑт пурайн ма рәпатаем щирн вўы тащӑт авӑты хуятӑт эвӑт сыр-сыр айкеӑт вўсум.  
 

Нуви сӑңхум район Ваньщавӑт кәртӑн ма Татьяна Михайловна Русмиленко пиа путӑртсум. Ике Валерий Борисович пиа вет няврєм тӑйӑңӑн. Татьяна няврємӑт хӑт мӑр авӑты хотн завхоз нєңа рәпит.

Тӑм ванӑн Касум мўвн 79-мит пўш вўєң емӑңхӑт вєрӑнтсы. Щи вән па әмӑщ емӑңхӑта вўы тӑйты ёх ӑктӑщсӑт, ән вўыа вантӑты, кӑсупсыйн нух питты па арсыр мойупсэт ёша павӑтты.

Ай кєр тыӑщ оӑңмит хӑтӑтн Ёмвошн «Мустанг» нємуп хӑрн IV-мит вўєң ёх кӑсупсы мӑнӑс. Щӑта хәс кӑт хуят Сўмӑтвош, Нуви сӑңхум, Сәрхан, Нижневартовской па Ёмвош районӑт эвӑт кўтэн кӑссӑт. Вет вуаң вєр кӑсупсыйн вәс: «Абсолютный чемпион», «Чемпион многоборья», «За лучшие производственные показатели», «Ветеран оленеводства» па «Самый молодой оленевод».