№ 6 (3522) - 2019

Ай кєр тыӑщ 13-мит хӑтӑн «Открытый регион – Югра» нємуп тӑхийн айке хӑншты ёх пиа Ёмвош негосударственной пенсионной фонд кәща нє Мария Стулова па экономической вєрӑт тәты департамент хуща рәпитты ими Анна Губанова вәйтантыйсӑңӑн.   

Ай кєр тыӑщ Ёмвошн округ кәща нє Наталья Комарова ўв-сом омӑсты тохтурӑт пиа вәйтантыӑс.

Вәйтантупсы  пўншум пурайн кәща нєңев ям ясңӑт лупӑс па мух омӑсты операция вєрум тохтурӑта ишӑкты нєпекӑт мӑс. Щиты лупӑс: «Тӑм ванӑн тәнуп тыӑщн мўң леккарўв мєт оӑң пўш мәшӑң хуята мух омӑссӑт. Щи операция яма мӑнӑс. Округ пәьница тохтурӑта вән пәмащипа путӑртум. Мос лупты, хуты тәня сӑм хуща 5318 операция, ўв-сом омӑсты 1560 операция вєрсы. Щи тумпи юхи хӑщум хәум о мӑр вєрк омӑсты щира 30 операция вєрсы, щи эвӑт кӑт – тӑм о».

Ёмвош округевн социальной развития департамент ёх нєпек китсӑт, муйсӑр нётупсэт увӑс мир хуятӑт пӑта мўң округевн вәӆӆӑт. Щи нётупсы «О государственной программе Ханты-Мансийского автономного округа – Югры «Устойчивое развитие коренных малочисленных народов Севера» па «Социальное и демографическое развитие» поступсэңӑн щирн ӆэщӑтӆы.

1. Шимӆ тыӆӑщ вух вўты хуятӑт щимӑщ нётупсыйн вєрӆыйт:

– лекщитыйӆты тӑхи вәнты яңхты па юхӆы йиты пӑта и хӑннєхә 20 щурӑс шойт вух арат вәнты сухуптӑӆы;

– няврємӑт ӆәмӑтсухн ӆәтты пӑта:

Тӑм оӆ тәнӆуп тыӆӑщ хәс оӆӑңмит хӑтӑӆн Ас-угорской институтн рәт ясӑң емӑңхӑтӑӆн «Фронтальный диктант на хантыйском, мансийском, ненецком языках» вєрыйӆсы. Арсыр тӑхетн мўвев ӆуватн хӑнты, вухаӆь па юрн ёхӆўв диктант хӑншсӑт.                   

Югра мўв кәща нє мойупсы хоумты щира округев вўєң ёх кўтн V-мит кӑсупсы мӑнум пурайн «Югра ыңуптӑты» оса тӑхета ӆуӊум ёх мирхота  ӑктӑщийсӑт.

Юхи хӑщум оӑт иты оса тӑхев кӑт-хәум пўш тӑн па ўңӑн вәйтантыйӑт, ән кўтэн арсыр вєрӑт, нўшайт оӑңӑн путӑртты, ияха уша вєрты, муй щирн щитӑт тәса тўңматты рӑх па айке тәты, муйсӑр йилуп вєрӑт ыв кәртан, вошан тывӑт.

Ай кєр тыӑщ 4-митн «Дух огня» нємуп кинайт вантӑты тӑхи кәща Сергей Соловьёв па Ёмвош округ – Югра ух нє Наталья Комарова щи ут вәтща лӑп тәхӑрсӑңӑн. Щит мӑнум апӑт Мўвтє па российской дебют нємуп утңӑнӑн кашӑң хӑрн нив кина вантӑсы, «Дебют – короткий метр» нємуп утн нивхущъяң йиуп кина вәс. Щи тумпи «Твоё кино» нємуп кӑсупсы мӑнӑс, ай кинайт па хурӑң вєр вәс.

Тӑта мосванӑн ай кєр тыӑщ 11-мит хӑтӑн Ёмвошн Югра мўвев правительства хот йитн округев, арсыр оса тӑхет па мўв ипи тащ кӑншты кәщайт нємасыя мирхот вєрсӑт. Щи мирхот мӑнум пурайн ыв ушӑңа-сащӑңа путрємӑсӑт, муй щирн Югра ӆуватн йипа вўюм мўвӑт-йиңкӑт авӑты «Экология» нємуп поступсы пиа еы рәпитты па муйсӑр вєрӑт щи унтасн ямсыева эщӑтты тӑмхӑт мос.

Леонид Борисович Русмиленко ай кєр тыӆӑщн 14-мит хӑтӆӑн 60 оӆа йис. Ӆўв Евгения Петровна па Борис Никитич Русмиленко ар няврємӑң тыхӑӆн оӆӑң пуха вәӆ.

Лёня Шурышкарской районӑн Касум нюӆ кәртӑн сєма питӑс. Щӑта пәӆьницайн санитаркая рәпитӑс Акулина Павловна Яврова (Сандрина), ӆўв няврємие аӆтум пуха вўсӆэ, ин вәнты нәмӆӑӆэ: 3,600 кила ӆавӑртупсэӆ вәс, 53 сантиметра пӑӆаттэӆ. Щи пурайн хуйтат нәмӑссӑт, 23 оӆ вәӆман Лёня ӆўвеӆа вєңа йиӆ.

Светлана Владимировна Карнаухова Ёмвошн сєма питӑс, тәп ар о Урай вошн рәпитӑс, ин рўтьщуман вә. Ма ўв пиаа вәна ювум ёх пӑта эщӑтум «Возрождение» нємпи тӑхийн вәйтантыйсум па путӑртсум.

Сергей Алексеевич Покачев Ими-Ягун вўт кәртӑн сот мутас вўы авӑман вә. Щи тумпи хў вепӑсӑ. 

ўв пиаа ма Русскинской кәртӑн вўы ёх кӑсупсыйн вәйтантыйсум. Щи пурайн ўв тынєсты хӑрн вўы нюхи, арсыр хуӑт, воньщумутӑт, ёшн вєрум хурамӑң пурмӑсӑт тыныйс.

Сәрхан мўвн Русскинской вошн лыпӑт хойты тыӑщн 1990-мит он Сургутской район райисполком поступсы щирн Тәрум юхан хӑнтэт вәупсы уша вєрты щира национальной центр культура вєрӑт әхтыйн  пўншса. Мєт оӑң кәщая тӑта сәрхан хӑнты ими Лидия Ивановна Сопочина вәс. 

Ай кєр тыӑщ оӑңмит хӑтӑн Игрим вошӑң кәщая вәты нє Тамара Грудо пиа вәйтантыйсум па уша вєрсум, хуты тӑм юхи хӑщум оӑтн ыв воше хущи хӑннєхуятӑт вәӑт па рәпитӑт.

Щит пӑта, рәпатаем щирн, нємасыя вошӑң кәща нєңєм иньщӑссєм:

– Тамара Александровна, муй арат хӑннєхә ин вошн вә?

XXI-мит нәпта йис. 2019-мит оӆ ай кєр тыӑщ мӑн. И о етшуптӑ, йиуп оа йи. Пушӑхўв єнумӑт, айат ёхўв вәна йиӑт, вәупсы еы мӑн. Вәната ювум хуятўв айтыева хўв пӑнта шәшӑт. Мєт амтӑң, хән, мўң айат ёхўв кўтн вәна пєлка ювум мутрайң ӑңкиўв-ащиўв хуна вәӑт. Мосӑң, ай пурайн тәх мӑрн щиты ыват ӑн хәӑнтсўв, интам кашӑң ясңие, кашӑң путрые, моньщие, арие мєт тәса хәӑнтўв, вантэ, тӑм сорни рәт ясңӑт хўват иса шуши мир вәупсы оӑңӑн уша вєрты рӑх. Мос, ән йис хуятўв ястум ясңӑт сӑмўва веккеши ат питсӑт.

Мегион вошн «Хунзи» община тӑйты хӑнты ики Сергей Хунзи пиа вәйтантыйсум па путрємӑсум.

Мос лупты, хуты Сергей Иванович Хунзи Мелёксим ай кәртыенӑн орвош районӑн сєма питӑс, айтєн єнмӑс. Ӛхӑт Питор вошн ӑшкола етшуптӑс па па тӑхийн вәнтыӑс. Щӑта хоттє хуятӑңа ювма кємн Нижневартовск воша касӑс, хута ин тӑмхӑт вәнта вә.

Ай кєр тыӆӑщ 9-мит хӑтӆӑн Нуви сӑңхум район Касум вошн 80-мит пўш вўӆєң ёх кӑсупсы мӑнӑс. Щив районӑн вәӆты вўӆєң ёх, арсыр тӑхет эвӑӆт мойң хуятӑт ӑктӑщийӆсӑт.

Хўв йис тєн Ас па аңа юханңӑн хонӑңӑн вәум хӑнтэт па вухаьт тӑн тыӑщ єнумты муй па тӑрумты пурайн нємасыя тыӑщ кєша поры эщӑтыйсӑт. 

«Тӑм мойупсы ма ай Ася эвиема па Алексей Анатольевич ащєма мойӑум. Эвием тӑмхӑт и о па и тыща йис. Упєм – Лидия Покачева, ищиты оӑңмит тӑхия питӑс. Тәп ащєм ӛрн мин тӑмхӑт кӑсты вєритсумн, вантэ, ўв ат-хӑт вўэт авӑман вәнт шушийн вә. Тӑм вуаң мойупсэт тәп ащев ӛрн хоумсумн», – щиты Сәрхан район эвӑт юхтум айат хә Виталий Русскин лупӑс. Вантэ, ўв тӑм о округ кӑсупсыйн иса вўԯєң ёх кўтн мєт яма кӑсты хәя йис.