№ 2 (3662) - 2025

2025-мит оӆн ок­ругевн кӑт вуӆаӊ мӑӊхӑтӆ постӑты питӆўв. Ас нопӑтты ты­ӆӑщн Вуӆаӊ Оте­чественной ӆаӆьн нух питум хӑтӆ вўш эвӑӆт 80 оӆа йиӆ. Ван хӑтӆуп тыӆӑщ 10-мит хӑтӆӑн 95 оӆа йиӆ щи пура вўш эвӑӆт, хән Ёмвош округев тывӑс. 

Россия мўвев кәща Владимир Путин 2025-мит оӆ «Мўвев ӆа­вӑӆты ёх оӆа» аӆьсӑӆэ. Юг­ра мўвев кәща Руслан Кухарук тӑм оӆ «Йис вє­рӑт нәмман тӑйты оӆ» нємн пунсӑӆэ.  

Тӑм оӆ Ас хӑӆты тыӆӑщ 23-мит хӑтӆӑн округ кәща хә Руслан Кухарук рәпатайӆ щирн Сў­мӑтвоша ӊхӑс. Щӑта ӆўв район пәӆьницая ӆуӊтыӆӑс, мӑта хот йиӆпатты пийн ӆўӊӑн вәйт ӆор тыӆӑщн пўншсы.

Кашӑӊ оӆ Россия мўвн Ас хӑӆты тыӆӑщн 27-мит хӑтӆӑн Вуӆаӊ ӆаӆь пурайн Ленинград вош эвӑӆт блокада нух вўюм хӑтӆ постӑӆы. Тӑм хӑтӆӑн Югра мўвевн вәӆты мир ищи щи пӑӆтап пурайн пӑрум хӑннєхуятӑт нәмӑӆмӑӆӑт. Тӑм оӆ округ кәща хә Руслан Кухарук, кәща хуятӑт, оса па рәпитты тӑхетн кӑпӑртты хӑннєхуятӑт, СВО тӑхийн ӆаӆясум ёх ӑня лыптӑт кев хураса пунсӑт. 

Ёмвошн Ас хӑӆты тыӆӑщн 16-мит хӑтӆӑн региональной информационной «Югра» тӑхи хуща ӑктупсы вәс, щӑта путӑр мӑнӑс, муй вўрн Югра Росгвардия ёх 2024-мит оӆн рәпитсӑт. Тӑм мӑнум оӆэв мўвев-йиӊкев ӆавӆӑсты оӆ нєм тӑйс. Ӑктупсыйн Югра Росгвардия Управления хуща рәпитты хә, полиция полковник Евгений Симаков путӑртӑс.

Ӆўв путӑртум яс­ӊӑӆн Росгвардия ёх тӑм оӆ каркама рә­питсӑт, ӆыв Югра пра­воохранительной органӑт пиӆа пиӆтӑщман вәсӑт. ха пиӆтӑщман 2024-мит оӆн округев хуща ӆыв сыр-сыр атум вєрӑт сора вәйтсӑт па ма тўӊматсӑт.
Ӆўв путӑртӑс: 

Щи оӆӑӊӑн Россия мўвев кәща хә Владимир Путин лупӑс. Тӑм айкеӆ округ дума кәща хә Борис Хохряков Югра мўвев вошӑт кәщайт па округ дума депутатӑт 27-мит координационной мирхот пурайн тәс. 

- Россия мўвев кәща хә Владимир Путин ястӑс – нумсӑӊ айӆат ёх арсыр мосты вєрӑта вәнӆтӑты па нётты мосӆ. Тӑм йис айӆат хуятӑта нух питум ёх эвӑӆт рәт мўвев сӑмӑӊа тӑйты вәнӆтыйӆты мосӆ, – еӆӆы округ дума кәща хә Борис Хохряков ястӑс. 

Мӑнум оӆ ван хӑтӆуп тыӆӑщн Ёмвошн «Югра» нємуп тӑхийн айкеӆӑт ӑкӑтты хӑннєхуятӑт округев «Мўвев ӆавӑӆты ёх» тӑхи кәща хә Игорь Илык пиӆа вәйтантыйӆсӑт.

Щиты лупӑс ма упим, ма пиӆнєӊєм, вәнӆтӑты нєӊєм, фи­лологической наукайт кандидат нє, арӑӊ нє, иха рәпитты нєӊєм Людмила Тихоновна Гурьева (Шульгина). 50 оӆ юхӆы тарум ищки Ас хӑӆты тыӆӑщн 27-мит хӑтӆӑн Тихон Константинович Шульгин па Зоя Дмитриевна Лонгортова хуща мєт ай эвие нуви тәрума щи юхтӑс. 

«Хӑнты ясӑӊ» газетаев ӆўӊӑтты ёх!
Ин мўӊ «И рәт – и рәпата» кӑсупсыйн нух питум ёх путрӑт хӑншты питӆўв. Касум кәртӑӊ пух Данил Белкин (11 оӆ ӆуват) йис хӑнты Рандымовӑт рәтэӆ оӆӑӊӑн путӑр хӑншӑс па китӑс. Ӆўв 6-13 оӆ ӆуват кӑсум няврємӑт кўтн оӆӑӊмит тӑхия питӑс. Ин ӆўв путрӑӆ ӆўӊтаӆн!

Йис пура вўш эвӑӆт Ильпикәртӑн Хар­сурт рәт ёх вәсӑт, вўӆы тащ тӑйсӑт, вой-хўӆ веӆ­пӑсӆӑсӑт. Щи пурайн ар хӑнты хуят вәнт кәртӑтн вўӆы ӆавӑӆман, вой па хўӆ веӆпӑсӆуман вәсӑт.

Кышик кәрт вўт оӆӑӊӑн ай хотые омӑсӆ. Щӑта ухӆ вотум пирӑщ ики вәӆ. Кашӑӊ хӑтӆ аӆӑӊа ӆўв ким єтӆ па хот питӑрн пўн сэвты нармӑӆ. Муйсӑр щит ики… Вәйтман тӑяӆн, щит Мосумн мєт сыры коммуниста питум па ар ӛр мир вәӆупсы такамты пӑта миюм хә Кирилл Николаевич Харанзеев. 

– Нәмӆєм, хуты Сыӊ-Вар кәртӑн мўӊ оӆӑӊ пўш колхоз вєрсўв, – путӑртӑӆ Кирилл Николаевич, – вўтн вәӆум ёх амӑтман колхоза вўянтсӑт.

– Муй атум. Ма щи­рємн, пӑнтэн хӑймен пийн мәстӑӆ щи оӆӑ­ӊӑн пуртємӑты. Урӑк ясӑӊ, урӑк путӑр щӑӆта ӑн тывӑӆ, вєрум вєрӆам хӑннєхә сєма питсӑт. Кашӑӊ ӛш, кашӑӊ вєр оӆӑӊ тӑйӆ, – әмща оӆ­ӊитсӑӆэ ясӊӑӆ Яков Иванович Сенгепов. 

Єнмӑс ӆўв Мосум мўвн. Ӛхӑт вәӆупсы пӑнтӑӆн ӆўв Ӆємӑӊ пєӆа тәсы па Дарко-Горшковӑн колхозн рәпитты питӑс. Каркам па хӑрщи ёшуп хә йиӆуп тӑхийн имухты мутшӑсы. Яков Сенгепов хўӆ веӆпӑс бригадира пириса. Сыры киньща ӆўв вўянтӑс така рәпитты. Кўш ӆўӊ, кўш тӑӆ, сўс муй тови – иса рәпатаитн планӆаӆ тӑрумӆӑт. 

Оксана Ефимова (Маслова) Хулимсунт вошн Сўмӑтвош район хуща сєма питӑс. Ӆўв Ёмвошн кәща хот хуща муниципальной собственность Департаментӑн рәпитӆ. Щӑӆта па Оксана увӑс мирев йис вєрӑт вана тӑйӆӑӆэ. Пиӆӑӊ ёхӆаӆ пиӆа вухаӆь мир йис хӑншет ӆўв тӑм йис ӆәмӑтӆяты сухӑта вєрӑнтӆӑӆэ, щимӑщ вєрӑт вєрты тӑхи нємӆ «АМ•Югорский бренд одежды». Тӑм ванӑн па ӆўв «Колыбель» нємуп проект вєрӑнтӑс, щӑта ищи йис вєрӑт пиӆа рәпитӑс.

Мӑнум сўсн Асов кәртӑн Ӆорвош районӑн вәсум па рўтьщӑты кємн ӑнь­хєм эвӑӆт айкеӆӑт вўсум, муй щирн ӆўв Пуӆӊавӑт вошн Ямал мўвн хӑнты мирев арӑт ариты хот тӑм юхи хӑщум оӆӑтн вєрӑс.

- Татьяна Ивановна, мӑтты айкеӆ нӑӊ оӆӊенӑн мўӊева тўва па путӑрта, муй щирн «Увӑс мўвие» ариты хот юхи хӑщум оӆӑтн Пуӆ­ӊавӑт вошн ӆэщӑтсӑн?

Тәняӆ сўсн Югра мўвевн вәӆты вошӑт ӆуватн Россия хон пєлӑк финно-угорской мўвтєӆ мир писателят мирхот мӑнӑс. 

Щиты лупӑс Ямаӆ мўвӑӊ нє, ӆўӊӑтты арӑт хӑншты нє Ев­докия Езиковна Се­расхова. Тӑм вәй­тан­тупсы хӑнты ясӊев ӆєрамтты учёной нє Ирина Молданова тәс. 

Ӆўв мєт сыры мойӊ нє оӆӑӊӑн путӑртӑс:

Ас хӑӆты тыӆӑщн 7-мит хӑтӆӑн Касум вошн «Нумсӑӊ ёх» нємпи Ресурсной центр тӑхийн «Пространство перемен» нємпи хот пўншсы. Мосӆ лупты, «Нумсӑӊ ёх» тӑхи хуятӑт щит пўншты пӑта хўвн рәпитты оӆӊитсӑт, тәп тӑм ванӑн хот ӆэщӑтсӑт. Сырыя тӑм хотн катра ӑшкола ӆєтут хот вәс, щи катра хот нух вєрсӑт, интӑм хўрамӑӊ па ӆӑщкам йиӆуп хота тывӑс, хот ӆыпийн арсыр хӑрӑт рәпитты питӆӑт. 

Щи хот ӆэщӑтты «Пўпи» тӑхи кәща нє Марина Кабакова, «Нумсӑӊ ёх» нємпи тӑхи кәща нэ Елена Федотова па «Люкан» тӑхи кәща нє Татьяна Любавина нумса вєрсӑт. Елена Терентьевна путӑртӑс:

Щи оӆӑӊӑн вәй­тантупсыйн, мӑта ут Ас хӑӆты тыӆӑщ 17-мит хӑтӆӑн вәс, ар оӆ «Хӑнты ясӑӊ» па «Луима сэрипос» газетайӊӑӆўвн рә­питум ёх путӑртсӑт.

Ёмвошн вәӆты па тыв мойӊа юхтыйӆты мир хӑнты па вухаӆь ёх вәӆупсы оӆӑӊӑн уша павӑтты ки ӆӑӊхаӆӑт, ӆывеӆа вәнт кәртӑта ӊхты ӑн мосӆ. Щи оӆӑӊӑн Ёмвошн «Торум Маа» музей хуща уша павӑтты рӑхӆ. 

Мӑнум рўтьщӑты хӑт­ӆӑн, Ас хӑӆты ты­ӆӑщ 25-митн, щӑта мойӊ ёх пӑта «Вәнт шушийн и хӑтӆ» вәс. Тыв Ёмвошн па Нижневартовск вошн вәӆты ёх юхтыйӆсӑт. «Торум Маа» музейн рәпитты хә Сергей Конев путӑртӑс, хутыса хӑнтэт па вухаӆят вәнт кәртӑтн вәӆӆӑт:

Мӑнум оӆ ван хӑт­ӆуп тыӆӑщ 26-мит хӑтӆӑн округ мир ремёслайт хотн «Вєр­тутӑӊ хуят 2024» нємпи шўкщӑты вє­рӑт тәса вәты ёх кўтн кӑсупсыйн нух пи­тум хуятӑт ишӑк нє­пекӑтн мойӆӑсыйт.

Тӑта кӑт вєрӑт хў­ват, щит «Худо­жественная реконст­рукция» па «Народное ис­кусство» пурмӑсӑт ванӆтӑты мосӑс.
Щиты «Мастер года» кӑсупсыя па щи нєм кат­ӆуптӑты щира Нижне­вартовской, Советской, Сәрханӆ, Нуви сӑӊхум районӑт па Ёмвош, Нуви сӑӊхум, Сәрханӆ, Урай, Югорск па Лян­тор вошӑт эвӑӆт йис вєрӑт тәса вәты 60 хӑннєхә ӆэщӑтум 265 пурмӑс кит­сы.