№ 21 (3513) - 2018

Башкортостан мўв Уфа хон вошн кимит пўш йис путрӑт, моньщӑт моньщты ёх кўтн Россия мўвтє фестиваль вәс.  Щив арсыр вошӑт, кәртӑт эвӑт 60 хуят юхтыӑс. Мўң округев эвӑт щив Тимофей Молданов яңхӑс. Тӑм мирхотн мєт вән 85 о уват ими Раиль Кулмурзина, мєт ай – вет о уват пух Асман Рахманулов вәсңӑн.

Ас потты тыӑщ 2-мит хӑтӑн Югра мўвев уваттыйн 53 тӑхийн мир Вән этнографической диктант хӑншсӑт.
Ёмвошн щи мирхот Хӑннєхә па Мўв-авӑт музей хотн вәс. Тӑта округ культура вєрӑт тәты департамент кәща нє Н. Казначеева па вәнтӑты вєр хўват заслуженной рәпатнек, хӑнты мир учёной ими Е. Нёмысова ям ясңӑт лупсӑңӑн. ын путӑртсӑңӑн, щи хӑншты вєр – шєңк мосты вєр, вантэ, уша йи, муй округ хӑннєхуятӑт Россияйн вәты арсыр мирӑт оӑңӑн вәӑт.

Васы мӑнты тыӑщ 17-митн «Югра» нємпи айкеӑт ӑкӑтты хотн мир ямӑты вєрӑт оӑңӑн путӑр мӑнӑс.

Ёмвошн арсыр ёх вәйтантупсы вәум пурайн Югра мўв оса тӑхи  «Ассамблея народов России» нємасыя мирхот вєрӑнтӑс.
Щи ут кәща нє Елена Исламуратова ай павтӑс:
– Югра мўвн арсыр хӑннєхәйт кєша пўншум оса тӑхев хуна оа ӑн йис, тәп сыр-сыр вєрӑт эщӑтсўв. Мўң арсыр оса тӑхет ёх пиа ияха рәпитўв. Мєт шопӑң мос, арсыр мир кўтэн яма па әхсӑңа ат вәӑт. Щӑта Ёмвошн па Сәрхан вошн оса вєрӑт тәты хуятӑта нётты утӑт эщӑтты рӑх. Щив арсыр мир яңхты питӑт. Щӑта, вантэ, сыр-сыр айке уша вєрты рӑх. 

Советской Союз Коммунистической партия айат ёх комсомол тӑхи васы мӑнты тыӑщ 29-мит хӑтӑн 1918-мит он вєрса. Щӑта 1924-мит он тӑм ут В.И. Ленин нємн пунса. Ӛхӑт ай кєр тыӑщн 1926-мит он тӑм ут нємӑтса Всесоюзной Ленинской Коммунистической айат ёх тӑхия. Щи пӑта тӑм тӑхи 100 оа ювум емӑңхӑт єпн Ёмвошн шуши мир Ассамблея кәща ики Еремей Айпин Комсомол ёх мирхот вєрӑс. Тыв ӑктӑщум хуятӑт нәмӑмӑсэ, муй иты ыв айата вәмен вуаң комсомолец нєм тӑйсэ. 

Югра мўвн итәх вәнтӑт, орӑт па юханӑт нємасыя авӑман тӑйайт. Щиты «Сибирские увалы» нємуп ут ай тӑхет потты тыӑщ 15-мит хӑтӑн 1998-мит он Нижневартовcкой мўвн вєрса. Тӑм ут нємасыя така сӑра авӑман тӑйа 20 о. Иса хәум щурӑс мутас километра кєма вәнььман тӑйты мўв вєрман вә. 

Щимӑщ нємуп мирхот Ёмвошн ай тӑхет потты тыӑщ 19-21-мит хӑтӑтн мӑнӑс. Щӑта апӑтсот мутас хуят вәс па арсыр мирхотӑт, еңта пӑсанӑт, вантупсэт, якты-ариты хӑрӑт вєрӑнтсыйт. Щи ут эщӑтсы, ән Россияйн арсыр ясңуп мирӑт кўтэн әхсӑңа ат вәӑт. Щи вєр кәща хотӑтн рәпитты ёх, нўм мўв мир тӑхетн, әңха эвӑты хотӑтн па каш вєрты тӑхетн рәпитты мир нух тўңматӑт. Щи ёх мирхотн ияха ӑкумсӑт па әхсӑңа вәты вєр оӑңӑн путӑртсӑт. Мос лупты, вошӑң па кәртӑң кәщайт, ӑ рәпатнекӑт пӑты нємасыя кӑсупсы вєрсы, ән уша павӑтты, хуйтат әхсӑңа вәты вєр мєт яма эщӑтӑт. 

Россия мўвев правительства кәщайт тӑм йисн якты-ариты, тәса арсыр пурмӑсӑт вєрты,  хурамӑң әмӑтсухӑт ёнтты па айат хӑннєхуятӑт ямсыева щимӑщ вєрӑта еы вәнтӑты ёхўва муй нєңўва сыр-сыр мойупсэт нємасыя эщӑтсӑт. Кашӑң атэт мир эвӑт щи ёх ўв єпӑн вәты хуятӑтн шєңк сӑмӑңа па мосман тӑйыйт.

Ям арат о юхы «Ван рәтӑт» нємпи хӑнты мир емӑңхӑта Хӑнты-Муши кәрта яңхмємн ма нумсӑң па вєрӑң хӑнты хә пиа вәтаңа йисум. Щит Дмитрий Ильич Тарагупта.

Сўса йис. Ешаву хўв па ищки тӑэв ёхӑт. Тaрымaн-птмaн па щий яңхты-шушиыты питўв. Щи прайн ям ўң хӑтыет нмса питӑт, ям верӑт нмса ёхӑтӑт. Мосӑң, тӑм верӑт па нумӑмаӑв. 

Каркама оса вєрӑт тәты ики Александр Михайлович Константинов васы мӑнты тыӑщ 23-мит хӑтӑн 70 оа йис. ўв кєшӑа Ёмвошн СССР  хур хӑншты ики В. А. Игошев хотн нємасыя вәйтантупсы вәс. Щив рәтнаа, вәтаң ёха па ўв пиаа рәпитум хуята ӑкмийсӑт. 

ўңӑн «Мужские и женские ремёсла: музееведческий и этнопедагогический аспекты» нємуп мирхотн Ирина Семёновна Тырлина пиа путӑртсум. Щи айат нє Любовь Николаевна па Семён Александрович Айпин семьяйн єнмӑс. ўв ӑңке па аще – вәтаң хуятңӑн, мўң мўвевн па па тӑхетн ын ар мирн вәыйңӑн. Мос лупты, щи мирхота Ирина ӑңке пиа юхтыӑс, путӑртмємн пурайн Любовь Николаевна ищи и вєр оӑңӑн ай павтӑс. 

Рәт мир моньщӑт па арӑт нух хӑншӑ

«Я слушаю землю. Портрет на фоне безумной эпохи» нємпи вәйтантупсы Ёмвошн ай тӑхет потты тыӑщ 12-митн технолого-педагогической колледж хотн вәс. Щӑта айат ёх па мойң хуятӑт хӑнты мир писатель Еремей Айпин пиа вәйтантыйсӑт. Тӑм о ўңӑн ўв 70 тӑа йис.

Ёмвошн СССР  хур хӑншты ики В.А. Игошев хотн вухаь мир поэт Андрей Семёнович Тарханов нәмӑмӑты етнхот вәс.  Тыв рәтнаа, вәтаң ёха па ўв хӑншум путӑра мосман тӑйты хӑннєхәйт ӑктӑщсӑт. 

Ай тӑхет потты тыӑщ 30-митн «Торум Маа» йис пурмӑсӑт шавиты тӑхи 31 оа йис. Кашӑң о щи хӑтӑн музейн «Дары и дарители» нємпи вантупсы пўншы. Щӑта музея о мӑр мойум пурмӑсӑт вантӑыйт.

Ай тӑхет потты тыӑщ 20-21-мит хӑтӑңӑнӑн Ёмвошн «Игры народов России» нємуп кӑсупсы па арсыр мир ӛращты хӑр вәс, щит кавказской, «За вороток» нємуп рўщ кӑсупсы, куреш нємуп тюрской кӑсупсы па хӑнты ню тахли. Этноспорт мӑнум хӑрн айат ёх ӛрӑңа юх шәп тасӑт, щӑта әхӑ шәпи навӑрсӑт па «Рюхи» нємуп рўщ юнтутн юх е тӑхсӑт. Мос лупты, щи кӑсупсы «ЮграМегаСпорт» нємуп хот рәпатнекӑт эщӑтсӑт. 

Тӑм ванӑн Нуви сӑңхум районӑн Амня вошн йис пурмӑсӑт шавиты хотн хӑншӑң йиңӑт, хинтӑт вєрты вәйтантупсы вәс.  Тӑта сыры вантупсы эщӑтса, муй тӑхийн тәса вєрум пурмӑсӑт мира аьсайт. 

Сәрхан вошн ай тӑхет потты тыӑщ 19-20-мит хӑтңӑнӑн «Катра Сәрхан» тӑхийн финно-угрӑт ияха ӑктыйсыйт. Щив Мордва мўв, Санкт-Петербург, Ёмвош, Сәрхан, Русскинская эвӑт мойң мир юхтыйсӑт. Кӑт хӑт мӑр юхтум хуятӑт рәпитсӑт. 

Васы мӑнты тыӑщ 21-мит хӑтӑн аңки вош катра пурмӑсӑт авӑты хот пўңӑн вәты аңки-пасоль кәртӑн «Финно-угорской мир» нємпи емӑңхӑт постӑсы. 
 

Лыпӑт нуви
Ёлӑх хӑт,
Вәры ким
Солӑң сыен…
Нуви йиңка
Хопен хўвӑ,
Хумп әхтыйн
Әмща мӑн.
Вәнт сўңие
Нух аумэ, 
Щи мурта щи 
Хопн кӑсӑт.