№ 14 (3554) - 2020

Айӆат хӑнты пух Игорь Алек­сандрович Лельхов лыпӑт єнум­ты тыӆӑщ 27-мит хӑтӑӆн 2019-мит оӆн армияя Мурманской мўва тәсы. Ӆўв щӑта атомной ракетной «Пётр Великий» нємуп вән крейсер ху­ща служитман вәԯ. Щӑӆта юхи йитаӆ еӆпийн «Адмирал флота Советского Сою­за Горшков» нємуп крейсер тўтаӊ хопн ӊхӑс. 

Югра мўвн 700-кєм вәнт кәртӑтн вәӆты хӑнтэт, вухаӆят па юрнӑт интернет тӑйӆӑт. Ӆыв «IT-стойбище» нємуп вєр унтасн вәнт кәртӆаӆа интернет таӆса. 

Ӆўӊа йитыйн кашӑӊ хӑннєхә тӑӆ кєша ӆэщӑтыйӆ. Итәх хуятӑт ӆўӊӑн хот омӑсӆӑт, әхӑӆ, хоп вєрӆӑт па тәх ёх хўӆ веӆпӑсӆӑӆӑт, юхӑл вєрӆӑт. 

Вантэ, ӆўӊ хӑтӆ хўв, ёш ар вєра хойӆяӆ. Тӑм мӑта хошум хӑтӆӑтн вўӆы кәртӑтн имет кє­пӑӆаӆ кӑшмӑӆӆӑт. Уйӊ нє­ӆӑм па хӑншӑӊ сӑх ёнт­ман омӑсӆӑт. Щи кўтн ин мәрӑх воньщты пура юхтӑс.

«Россия – страна возможностей» нємпи тӑхи ёх соткєм арсыр тӑхи кәщайт эвӑӆт иньщӑссӑт, ма муй ӑнтә, хуты интӑм коронавирус мәш хоюм пурайн рәпитты хуятӑт юӆн рәпитӆӑт па муйсӑр рәпатнекӑт тӑм йисн мосӆӑт. 

Ас нопӑтты тыӆӑщ 2020-мит оӆн Югра мўв шуши мир вәӆупсы щирӑт артаӆӑты хӑннєхуятӑт уша вєрсӑт кӑт тӑхи, щит: муй щирн катра пура вўш эвӑӆт «Вошӑӊ ики ӆўӊӑӆтуп ар» па «Ар хотӑӊ ими ар», мӑ­та утӑт иса касум мўв хӑнтэтн ӆўӊӑӆтуп ӆэщӑтты хӑтӆӑтн тәса па хурасӑӊа ариман муй якман тӑйсыйӊӑн. 

Вәйт ӆор тыӆӑщ 9-митн Ёмвош дума 41-мит мирхот вәс. Депутатӑт мосты поступсэт нух вантсӑт па вўсӑт.

Дума кәща хә Б. Хох­ряков мирхот пўн­шумн лупӑс, хуты тӑм ванӑн Россия мўв вуӆаӊ поступсы йиӆпатсы. 

Округевн пирєсты тӑ­хета 700-кєм щурӑс хуят юхтыӆӑс, щит иса мўвевн вәӆты хӑннєхуятӑт эвӑӆт 62 процента питӆ. Па 69 процента хуятӑт йи­ӆуп Конституция пӑта ясӑӊӆаӆ мӑсӑт. 

Хӑнты ими Лина Григорьевна Молданова хәумъяң мутас о мӑр Нуви сӑңхум район Ваньщавӑт кәртӑн няврємӑт хӑт мӑр тӑйты хотн рәпитӑс, интӑм пенсияйн рўтьщуман вә.

Тәняӆ оӆэв товийн, ай кєр тыӆӑщ юхи хӑщум хӑтӆӑтн, ма Игрим вошн  Сўмӑтвош районӑн рәпатам щирн вәсум па арсыр хӑннєхуятӑт пиӆа вәйтантыйӆсум па путрємӑсум. Ӆыв кўтэӆн Центр ремёсел нємуп тӑхи хот йитн нємасыя сыр-сыр айкеӆӑт методист щирн рәпитты вухаӆь нєӊӑт эвӑӆт па вўсўм.  

Округевн кашӑӊ кәртӑн мир мӑӆты хотӑт омӑсӆӑт, тәп мєт ай кәртӑтн щи­мӑщ тӑхи ӑнтәм. Ӆыв вәншӑк кәртӑта пиӆт­ман вәӆӆӑт. Тэк кәр­тӑн пәӆьница хот вәӆ па щив Устрём па Пәкӑр кәртӑӊ ёх ӆуӊӆӑт.

Товийн Тэк кәр­та ӊхсум па мир лекщитты хота ӆуӊ­тыйӆсум, щи тӑхи кәща нє Любовь Михайловна Кузнецова (Новьюхова) пиӆа рәпатайӆ оӆӑӊӑн путӑртсумн. Интӑм щӑта кӑт тохтур рәпитӆ. Ӆўв кәща нєӊа па Саранпауль вош эвӑӆт юхтум айӆат нє акушеркая вәӆ. 

Тӑм путрӑт Вуӆаӊ ӆаӆь пурайн рәпитум эвет оӆӑӊӑн хәнты Ваньщавӑт ӑшколайн вәнӆтыӆум эвет па пухӑт хӑншсӑт. Ин ӆыв вәна па семьяяӊа йисӑт, тәп хӑншум утӆаӆ хӑщсӑт па мўӊ ӆўӊӑтты вєритӆӑӆўв.
Тӑм вєр киникайт ӆўӊӑтты хотн рәпитты нє Нина Васильевна Шабаршина унтасн тывӑс. Мосӆ лупты, хуты Нина Васильевна ар щимӑщ путӑр ӑктӑс.
 

Николай Алек­сандрович Неттин 1895-мит оӆн Сўмӑтвош уезд Тэк кәртӑн сєма питӑс. Лыпӑт єнумты тыӆӑщ 18-мит хӑтӆӑн 1943-мит оӆн ӆаӆя мӑ­нӑс. Рядовой хәя, пуш­­кан эвӑӆт єсӑӆты хәя вәс. Вәщ тыӆӑщ 1944-мит оӆн вәшӑс.

Александр Гри­горьевич Неттин 1920-мит оӆн Сўмӑтвош район Тэк кәртӑн сєма питӑс. Вәщ тыӆӑщ 13-мит хӑтӆӑн 1942-мит оӆн ӆаӆя мӑнӑс. Рядовой хәя, пушкан эвӑӆт єсӑӆты хәя вәс. Ай кєр тыӆӑщ 1943-мит оӆн вәшӑс.

«Хӑнты ясӑӊ» газетайн рәпитты ешӑк ёх, вўща вәӆаты! Россия мўв ӆуваттыйн вўнш тыӆӑщ хуӆаты хӑтӆӑтн Военно-Морской Флот мӑӊхӑтӆ постӑӆы.  Ма хоттєӆ ёхӆам эвӑӆт нӆ хә хуят Военно-Морской Флот хуща армияйн вәсӑт. 
 

«Товары земли Югорской» нємпи ванӆтупсыйн мӑнєма шєӊк әмӑщ вәс рәт Ӆорвош мўвєм эвӑӆт хӑнты имие шиваӆӑты, ӆўв пуркайт тыныйс. Ма имухты ӆўв хущеӆа мӑнсум, вўща вєрсум па еӆӆы иньщӑсты питсєм.

- Вўща вәӆа, имие! Еша нӑӊ оӆӊенӑн путӑрта.

Югра мўвн Советской вошн рәпатам щирн вәӆмємӑн, арсыр хӑннєхуятӑт пиӆа вәйтантыйӆсум па путрємӑсум. Ӆыв кўтэӆн рўщ мир  поэт па оӆюпн хурӑт хӑншты хә Александр Смирнов вәс. Тӑм хӑннєхә, щи тумпийн, сыр-сыр әмӑщ путрӑт вєрӆ.

Тӑм вәӆтэвн рәт хӑнты ясӊев тӑруптӑты питсэв. Йиӆпа єнумты нартуп няврємӑт рәт щирн шимӆ путӑртӆӑт. Зоя Никифоровна Лозямова ясӊӑӆ ма тӑйман ар оӆ мӑр хӑн­ты ясӊӑт иха ӑктӑс. 

Ин ӆўв иса яӊ щу­рӑс муӆтас ар­сыр ясӑӊ нух хӑншман тӑйӆ па щитӆаӆ рўщ ясӑӊа пунсӑӆэ. Тӑм нәп­тӑӆ вәна вум ими хӑнты па рўщ ясӊуп словарь еша вәӆман ми­ра ванӆтӑӆ. Мин ӆўв пи­ӆаӆа вәйтантыйӆсумн па путӑртсумн: 

Тәняӆ ӆўӊӑн ӆыпӑт тыӆӑщ юхи хӑщум хӑтӆӑт мӑр «Ма Ӆорвош мўвем» мӑӊхӑтӆ вәӆум щосӑтн «Щаня ёх» якты-ариты тӑхи хӑннєхуятӑт пиӆа иха вәйтантыйӆсум па путрємӑсум, муй щирн ӆыв тӑм йисн вәӆӆӑт.
Тӑм юхи хӑщум оӆӑтн «Щаня ёх» якты-ариты тӑхи кәща нєӊа Галина Артанзеева павӑтсы. Щит пӑта ма лўвеӆ иньщӑссєм. 

- Галина Гавриловна, нӑӊ «Щаня ёх» якты-ариты тӑхи кәщая вәӆ­ӆӑн па айкеӆ щи вєр оӆӑ­ӊӑн мўӊ «Хӑнты ясӑӊ» газетаева тўва. 

Ясӑӊ щирн рәт мирев Эстония мўвн вәнӆтыйӆты па наука вєрӑт тәты ми­нистерства тӑхи кӑсупсы ӆэщӑтсӑт. Тӑм мойӆупсы нємасыя ясӑӊ щир рәтнӑйт кєша вєрса. 

Ным Няръёх кәрта ӊхмємн ма няврємӑт вухаӆь ясӑӊа вәнӆтӑты нє Лариса Николаевна Карпенко (Хозумова) пиӆа вәйтантыйӆсум па путӑртсум.

Тӑм вухаӆь нє ван хӑт­ӆуп тыӆӑщ 19-митн 1970-мит оӆн Сўмӑтвош район Са­ранпауль кәр­тӑн сєма питӑс. Ӑшкола пийн еӆӆы хӑтӆ мӑр ай няв­рємӑт тӑйты хотн эвет-пухӑт пиӆа рәпитты вәнӆтыӆӑс. Еӆӆы ӆупӑс: 

Еша вәӆман вухаӆь мир рәт ясӊеӆн «Митрайӊ х» тур сыйң киника хәӆӑнтты питӆӑт. Щимӑщ тўрсыйӊ киника «Центр продвижения языков и культур обско-угорских народов» нємуп оса тӑхийн рә­питты ёх ӆэщӑтӆӑт. Щи тӑхи кәща нєӊа  Майя Ефимовна Макарова рәпитӆ. Мин ӆўв пиӆаӆа вәйтантыйӆсумн па путӑртсумн:

- Майя Ефимовна, тўр сыйӊ киника вєрты кє­­ша  хуӆща вух вўсты?