№ 8 (3572) - 2021

Тӑм ванӑн айӆат ёх сыр-сыр кӑсты тӑхетн нух питум апрӑӊ вән кӑтӊӑн пиӆа ӆухн ӊхсӑт, щи вєр нємӆ «Тренировка с чемпионом». Тӑм вєр Ёмвошн вән кєр тыӆӑщ 8-мит хӑтӆӑн Александр Филипенко нємуп тӑӆ тәрумн кӑсты тӑхийн вәс. 

Тӑмӑщ вєрн иса 100 кєм ӆухн ӊхты ай­ӆат ёх ӑкумсӑт. Щит «Спор­тивная школа олим­пийс­кого резерва» Ёмвош эвӑӆт, «Югорский колледж олимпийского резерва» па Югра чемпионат тӑхетн кӑсум няврємӑт.

Вән кєр тыӆӑщ 14-мит хӑтӑӆн Ёмвошн шуши мир вәӆупсы па рәт ясӊӑт еӆӆы тәты вєр әхтыйн вән мирхот вәс. Тӑм вәйтантупсы Югра мўв кәща ӆӑӊкӑр хә Алексей Забозлаев тәс.  

Оса вєрӑт тәты де­партамент хуща рәпитты ими Алина Ха­лилова шуши мир рәт яс­ӊӑтн єсӑӆты газетайӊӑн, телевидения оӆӑӊӑн ай павтӑс:

Тӑта мосванӑн, вән кєр тыӆӑщ хәтмит хӑтӑӆн, Ёмвошн айкеӆӑт ӑкӑтты хӑннєхуятӑт «Центр профессиональной патологии» тӑхи тохтурӑт нўмпийн кәщая вәӆты хә Николай Ташланов пиӆа мирхотн вәйтантыйӆсӑт па путӑртсӑт.

Вән кєр тыӆӑщ 9-мит хӑтӑӆн Югра мўв оса ёх тӑхийн «Час с министром» нємуп мирхот вәс. Оса вєрӑт әхтыйн рәпитты хуятӑт Ёмвош округ промышленной вєрӑт тәты тӑхи кәща Кирилл Зайцев пиӆа путрємӑсӑт.

К.С. Зайцев ай пав­тӑс, муй иты ӆыв вой-хўӆ єнмӑӆты ёха «Развитие агропромышленного комп­лекса» нємуп поступ­сы унтасн нётӆӑт:  

Вән кєр тыӆӑщ оӆӊитумн мўӊ «Хӑнты ясӑӊ» па «Луима сэрипос» газетайӊӑӆўв єсӑӆты тӑхия округ дума депутат, Россия мўвев Увӑс мирӑт ассоциация кәща ӆӑӊкӑр хә, ар оӆ мӑр «Югра ӆыӆӊуптӑты» оса тӑхи кәщая вәӆум нумсӑӊ хӑнты хә Александр Новьюхов юхтыӆӑс. 

Вән кєр тыӆӑщ 4-8-мит хӑтӆӑтн Ямал мўв вуӆаӊ Салехард вошн Увӑс мирӑт кимит вән мирхот вәс.

Хўӆ веӆпӑсӆӑты, вўӆы ӆавӑӆты, вой веӆты вєрӑт еӆӆы тәты

Вән мирхотн хўӆ веӆ­пӑсӆӑты, вўӆы ӆавӑӆты па вой веӆты вєрӑт еӆӆы тәты оӆӑӊӑн тӑхи рәпитӑс. С.Н. Харючи мирхот пўнш­ман лупӑс:

Вән кєр тыӆӑщ 3-5-мит хӑтӆӑтн Нуви сӑӊхум район Касум вошн ма няврємӑт пиӆа «Айкеӆӑт хӑншты айӆат хуят» вәнӆтӑты хӑр вєрсум. Щӑта Касум вош ӑшколайн вәнӆтыйӆ­ты пушхиет ӑктӑщсӑт.

2021-мит оӆ вән кєр тыӆӑщ 13-мит хӑтӑн нәптӑ 67 оа вум Касум хӑнты имие, Касум мўв антропологической ӑшкола (КАШ) ӆэщӑтум хӑннєхә, «Нумсӑӊ ёх» нємпи ӆўӊ пурайн няврємӑт рўтьщӑты тӑхи пўншум хуят, Ас-угорской институтн увӑс мир йис вєрӆўв, хӑнты путӑрӆўв, ясӑӊӆўв йиӆуп щирн єсӑӆты тӑхийн научной рәпатнек, няврємӑт вәнӆтӑты нє па мир пєа иса пурайн сӑмӑң па апрӑӊ хуят Ольга Александровна Кравченко ӑнтәма йис. Хўв пӑнта иса кєша шәшмӑс м хӑннєхә.

Вән кєр тыӆӑщ 19-митн округ дума 51-мит мирхот вәс. Щи пурайн депутатӑт 25 вєр нух вантсӑт.

Щи мирхот пийн округ дума кәща хә Борис Хохряков, вице-спикерӑт Александр Саль­ников, Еремей Айпин па Наталья Западнова пиӆа вәйтантупсы вәс. Мєт сыры айкеӆӑт ӑкӑтты ёх округ бюджет оӆӑӊӑн иньщӑссӑт, юхӆы Б.С. Хохряков лупӑс:

Сырыя єтум «Хӑнты ясӑӊ» газетайн Иван Сандрин оӆӑӊӑн,  мӑта айӆат хә Ӆорвош район Ямал мўв «Северная панорама» айкеӆӑт ӆэщӑтты нєпекн «Ӆыӆӑӊ йиӊк» нємуп лопӑс вєрӑӆ, хӑншийӆсум. Ин еӆӆы щи айкеӆ тәӆєм, ма ӆўвеӆ иньщӑссєм, хутыса ӑшколайн па па тӑхийн вәнӆтыӆӑс па газетая рәпитты юхтӑс.
 

- Иван Эдуардович, сырыя мин путрємӑсмӑн, хуты нӑӊ Муши вошӑӊ кўтуп ӑшколайн оӆӑӊмит па нӆмит классӑтн еӆӆы вәнӆтыйӆты питсӑн?

Ай кєр тыӆӑщ 25-мит хӑтӑӆн Ёмвошн ремёслайт Центр хотн XVI-мит Россия арсыр ай кәртӑт па вән вошӑт кўтн наука хурасӑтн мӑнты «Юхи хӑщум па тӑм йисн вәӆты вєрӑт оӆӑӊӑн» ай няврємӑт па вәншӑк пухӑт муй эвет пӑта научной конференция вәс. Щи айӆат ёх мирхотн тәп Ёмвошн вәӆты па арсыр тӑхетн вәнӆтыйӆты пухӑт па эвет әмӑщ айкеӆӑт ӆўӊӑтты вєритсӑт.

Тӑмхӑтӆ хӑнты мир кўтн 30 муӆтас учё­ной хӑннєхә вәӆ. Мўӊ учёной мирев вән нєпекӆаӆн хӑнтэт йис вәӆупсы, ясӑӊ оӆӑӊӑн хӑншӆӑт. Ӆывты памӑтты хуятӑт тӑйӆӑт. Тӑм ванӑн Ирина Максимовна Молданова ищи учёной нєӊа йис. 

 Сыры Вән Аӊкӆум вош хәнты вән кәрта ӆўӊтӑсӑс, щӑта ар хӑннєхә вәс. Ин па кәртӑн рәпата шимӆ, вәншӑк па айӆат хуятӑт па вошӑта па кәртӑта вәӆты па рәпитты мӑнсӑт. Тӑта муӆтыкєм пирӑщ хуятӑт хӑщсӑт, айӆат ёх тӑта шимӆ вәӆ.

Кәрт кәщая щӑта По­лина Александ­ровна Колташкова рәпитӆ, мирн ма тӑйӆы. Кәртӑӊ кәща хот эвӑӆт пирӑщ, мәшӑӊ ёх, ар няврємӑӊ хоттєӆ мир па шимӆ тыӆӑщ вух ёша вўты хуятӑт нётӆыйт. 

Касум вошн Нуви сӑӊхум районӑн иса мир рўтьщӑты хӑтӆӑтн ӆавӑӆӆыйт. «Касум ёх» нємпи шуши мир йис вєрӑт ӆавӑӆты па нух аӆумты тӑхи хуятӑт ӆыв пӑтэӆа әмӑщ вєрӑт ӆэщӑтӆӑт. Тӑм ванӑн ма щив ӊхсум па уша павӑтсум, хутыса рўтьщӑты хӑтӆӑт вєрӑнтӆыйт.

Щи оӆӑӊӑн мӑнєма «Касум ёх» тӑхийн рәпитты нє Марина Ка­бакова путӑртӑс:

Вән кєр тыӑщ 10-мит хӑтӑн «Торум Маа» йис пурмӑсӑт тӑйты кәртӑн Ёмвошӑң па вошева мойӊа юхтум мир Вурңа имев мӑӊхӑт постӑсӑт.

Ёмвош округн 2011-мит о вўш эвӑӆт «Вурңа хӑт» поступсы унтасн вән мӑңхӑта эщӑтса. Щи пӑта ин Югра мўв вошӑтн, кәртӑтн тӑм мӑңхӑт вән кєр тыӑщ кимӑт рўтьщӑты хӑтӑтн постыйӆа.

Вән кєр тыӆӑщ 7-митн Нуви сӑӊхум вошн мир Вурӊа хӑтӆ постӑсӑт.

мӑӊхӑтӆ Этнокультур­ной центр ёх ӆэщӑт­сӑт. Щив вошӑӊ ӑшкола няв­рє­мӑт па тәса ёнтӑсты нє­ӊӑт вохӑнтсыйт. Щи хӑт­ӆӑн тӑм пўш сєма питум вет няв­рєм ӑӊкиӆаӆ-ащиӆаӆ мойӆупсэтн па ишӑк нє­пекӑтн катӆуптӑсыйт. Щи пийн «Увӑс хурамӑт» эвет-пухӑт яксӑт-арисӑт, кӑт ай эви стихотворения ӆў­ӊӑтсӑӊӑн. 

30 оӆ юхӆы «Хӑнты ясӑӊ» па «Луима сэрипос» газетайӊӑн ёх иха рәпитты  питсӑт, и редакция тывӑс, щит вән вєр. Сӑмєм хӑр вўш эвӑӆт м ясӊӑт нынана китӆум, тумтака, уяӊа-пищӑӊа вәӆаты!

Нын мосты айкеӆӑт, нўшайт, йис вә­ӆуп­сэв, хӑннє­хуя­­тӑт оӆӑ­ӊӑн әмӑщ путрӑт хӑншӆӑты, щирн нынана вән пәма­щипа лупӆўв. Ири­на Сам­сонова ма оӆӊємн путӑр хӑншӑс, мӑнєма шєӊк щит әмӑщ ӆўӊӑтты вәс, ӆўвеӆа ищи м ясӊӑт китӆум.