№ 5 (3593) - 2022

Ай кєр тыӆӑщ 4-8-мит хӑтӆӑтн Ёмвошн вўӆєӊ ёх VII-мит мўвтєӆ мир вән Конгресс мирхот вәс. Тыв Россия мўвев 29 тӑхи эвӑӆт вўӆєӊ ёх юхтыйӆсӑт. 

Ин Россия мўвев Арк­тической Совет ху­ща кәщая вәӆ, щирн щи вән мирхот мўӊ хущева ӆэщӑтсы. 

Тӑм пўш Югра мўвевн имухты 19-мит па 20-мит фестивальӊӑн мӑнсӑӊӑн. 19-мит кӑсупсы пӑта мєт вуӆаӊ мойӆупсы па 600 щурӑс шойт вух Индия мўвн єсӆум «Камешки» нємпи кина ӆэщӑтты ёх хоӆумсӑт. 20-мит кӑсупсыйн мєт вуӆаӊ мойӆупсыйн Роман Михайлов па Фёдор Лавров катӆуптӑсыйӊӑн, ӆын «Сказки для старых» нємпи кина ӆэщӑтсӑӊӑн.

Рәпата мӑты хӑннєхә! 2022-мит оӆ ай кєр тыӆӑщ оӆӑӊмит хӑтӆ вўш эвӑӆт 1991-мит оӆ вән кєр тыӆӑщ 19-мит хӑтӆ вўш эвӑӆт № 1032-1 «Россия мўв ӆуваттыйн рәпитты ёх» нємпи поступсы йиӆпатсы. Щиты ай кєр тыӆӑщ оӆӊитумн кӑши-мәш тӑйты хӑннєхә пӑта рәпата тӑхет па щирн мӑты питӆыйт, рўщ щирн «квота» аӆьӆы. Тӑм поступсы щирн мәщмӑӆтум хӑннєхә рәпатая вўюм пурайн мосты нєпекӑт мєт тәса па ма нух вантӆыйт, ӆәӆн тәп квота щирн щитӆаӆ ӆэщӑтман ат вәсӑт.

Тӑмхӑтӆ мўӊ хӑнты ясӑӊ газетаев 65 оӆ пос­тӑты вўраӊӑн вет­мит иньщӑсупсы хӑнш­ӆўв. Юхӆы ясӑӊ тыв китаты: khanty-yasang-65@mail.ru .

5. Мӑта оӆ вўш эвӑӆт газета хущи и пўш тыӆӑщ мӑр хӑнты ясӑӊ шурышкарской путрупсыйн айкеӆӑт хӑншты питсыйт?

Тӑта мосванӑн тәнӆуп тыӆӑщ 24-мит хӑтӑӆн Ёмвошн округев дума хот кәща Борис Хохряков депутатӆаӆ пиӆа иха VI-мит мирхот ӆэщӑтӑс. Араттєӆн тӑм вәйтантупсы пурайн 34 депутат вәс. Щи вєрӑт тумпийн тӑм мирхота нємасыя юхтыйӆсӑт: Югра мўвевн мєт вән федеральной инспектора вәӆты хә Александр Постников, округев ӆуватн почётной  гражданин нєм тӑйты хӑннєхә Юрий Важенин па правительства хотэв  хуща рәпитты арсыр вән па айшӑк кәщайт. 

Юрн нє Ольга Александровна Обатина Нуви сӑӊхум район Касум вошн йис пурмӑсӑт ӆавӑӆты хотн рәпитӆ. Ӆўв юрн хотн єнмӑс, щирн иса шуши мир йис вєрӑт тәса вәӆӆэ.

Ма Касум вошн шуши мир пурмӑсӑт ӆа­вӑӆты хота юхӑтмємн ши­ваӆӑсум, щив юхтум мойӊ ёх нянь вєрты вәнӆ­тӑӆыйт. Ӆывты хӑнты р­наса ӆәмӑӆтыӆум нє Оль­га Обатина вәнӆтӑс. Мин вәтаӊа йисмӑн па путӑртсумн, ӆўв хотӑӊ ёхӆаӆ оӆӑӊӑн ясӑӊ тәс:

Тәняӆ сўсн Кўтуп Васюган кәртӑӊ ӑшколайн вәсум па щи тӑхи оӆӑӊӑн рўщ ясӑӊа па литературая айӆат пухӑт па эвет вәнӆтӑты нє Светлана  Ненастьева эвӑӆт арсыр айкеӆӑт иньщӑссум. Тӑм нєӊев Кўтуп Васюган кәртӑн Каргасокской районӑн Томской областян сєма питӑс па айтєӆн  щӑта вәс, єнмӑс. Еша ӛхӑтшӑк кўтуп ӑшкола етшуптӑс, Томск вошн педагогической университетн вәнӆтыӆӑс. Иса 2002-мит оӆ вўш эвӑӆт тӑм кўтуп ӑшколайн няврємӑт рўщ ясӑӊа па литературая вәнӆтӑӆ.

Виктория Дмитриевна Юхлымова вәӆупсы хўватн Сўмӑтвошн вәӆ па рәпитӆ. Ӆўв шуши мир хӑннєхуятӑт кўтн ай тӑхет потты тыӆӑщн 1971-мит оӆн сєма питӑс. Ащеӆ – хӑнты хә Дмитрий Иванович Юхлымов па ӑӊкеӆ Ольга Петровна Юхлымова (Вынгилева) шәӊӑт – вухаӆь нєӊа вәс. Щи пӑта Виктория айтєӆн хӑнтэт па вухаӆят кўтн єнмӑс.

Ёмвош район Мосум мўвн Елена Тысовна Ряднова пиӆа вәтаӊа йисум. Ӆўв арсыр хӑнты пурмӑсӑт ёнтӑӆ, щи тумпи кәртӑӊ мӑӊхӑтӆӑт пурайн хӑнты щирн якӑӆ, хӑнты ясӑӊӑн стихотворенияйт ӆўӊӑтӆ.

Елена Тысовна Йиӆуп Мосум хущи 1959-мит оӆн тәнӆуп тыӆӑщ 8-мит хӑтӆӑн сєма питӑс. 

Щиты лупӑс Тэк кәртӑӊ ӑшколайн хӑнты ясӑӊ па Увӑс мир литература урокӊӑн тәты нє Олеся Вячеславовна Хандыбина. Ӆўв щирӑӆн, юӆн няврємӑт пиӆа рәт щирн путӑртты ки, хӑнты ясӊев еӆӆы сащты питӆ.

Олеся Вячеславовна Ас хӑӆты тыӆӑщ 22-мит хӑтӆӑн 1983-мит оӆн Сўмӑтвош район Тэк кәртӑн сєма питӑс. 

Ханты Чигаева По­лина Леонтьевна Рыскина курт (Сургутс­кой район) медицинской пунктны санитаркая ру­питл. Кашинг ёх утты хот тув йивотап тыстама тайтыттэ. 

Полина Леонтьевна курт художественной самодеятельны участ­воваитл: хорны ариит, пьесаитны ёнтл. 

Полина Леонтьевна 1958-мит отны декабрь­ны округ национальной художественной смотр­ны ус.

Б.Ларьякской сельс­кой Советны «2-мит пятилетка ударник» животноводческой фер­ма рупутникыт со­вещание утыс. Со­вещанияны утым ёх Кондинской район «Красной звезда» жи­вотноводыт общест­венной животноводст­ва продуктивность нох атымты пата вуим вохып­сы обсуждаитсыт.

Октябрьской рай­ма­га хой па ат тан­гыс, мухты сэма питл КПСС райком па раис­полком миим пе­ре­хо­дящий Вурта знамя.

Раймаг коллектив ру­путникыт там наград­ны ям верыт пата мой­тысаит. Тывет 1958-мит ота миинтым товар ты­ныты планэт 103,9 процента тарматсэт, член пайщикыт эвыт пай вох акытты план 120 процента, член пайщикыт коопери­роваитты план 382 про­цента тарматсэт. 

Мўвтєӆ имет мӑӊхӑтӆ вўраӊӑн ма Сәрханӆ мўв шўкщӑты вєрӑт тәса вәты имиет па арӑӊ-якӑӊ нєӊиет оӆӑӊӑн нынана айкеӆ тәты ӆӑӊхаӆум.  

Тӑта мосванӑн Сўмӑтвошн шуши мир вє­рӑнтты нєӊӑт хотн щи тӑхи хуща рәпитты хӑннєхуятӑт ӑшколайн вәнӆтыйӆты пухӑт па эвет пиӆа «Тыӆӑщ поры» вєрсӑт.

Мосӆ лупты, хуты щи­мӑщ мӑӊхӑтӆ увӑс хуятӑт иса йис пурайт вўш эвӑӆт постӑӆӑт. 

мӑӊхӑтӆ мӑнты хӑтӑӆн хӑннєхәйт вохӆӑт тыӆӑщ эвӑӆт, ӆәӆн иса аршӑк вой па хўӆ, тухӆӑӊ вой ат єнмӑс, мўвӑт па йиӊкӑт тащӑӊа ат йисӑт, хӑннєхуятӑт ма, тумтака ат вәсӑт.

Тәнӆуп тыӆӑщ 25-митн Ёмвошн йис пурмӑсӑт ӆавӑӆты па шавиты «Торум Маа» нємпи тӑхийн «Даритель музея» ванӆтупсы вєрӑнтсы. Мєт оӆӑӊ вәйтантупсы щӑта Нуви сӑӊхум район Ваньщавӑт кәртӑӊ нє Нина Шабаршина пиӆа вәс. Ӆўв щи хӑтӆӑн 65 оӆа йис. 

Ас хонӑӊӑн вәӆты шуши ёх йис пурайн щи соӆамӑт канащ ӆєтута аӆьсӑт. 

Муй арат хӑннєхә ӆє­ты питӆ, щи арат васы пириӆы. Оӆӊӑӆн васы сыстамтты мосӆ, щӑӆта ӆыпи утӑт нух вўты. Щӑӆта тухӑӆӊӑн эвӑтӆыйӊӑн. Сыс­там васы нюхи ара эвӑтты ӑн мосӆ. 

Тӑӆӑӊтєӆн васэт потум йиӊка пўта пунӆыйт, щӑӆта хўв мӑр кавӑртӆыйт. Хән нюхи кавӑртты етшӑӆы, щи пийн васы вуй и ана пунӆы, нюхи – па ана.

Ай кєр тыӑщ кимит хӑтӆ вўш эваӆт Ём­вошн Геннадий Райшев ху­дожественной галерея хотн «Геннадий Райшев: Графика. Избранное» нємпи хурӑң вантупсы пўншсы.

Тӑм вәйтантупсыйн 1960-1980-мит оӑтн оюпн па хӑншты хн хӑншум сыр-сыр хурӑт вантты рӑх. Интӑм щитӑт «классика современного искусства» нємн пунсы. Тӑта ӑнтә тәп ӑӆ щирн хӑншум хурӑт – «офорт, монотипия, линогравюра» ӆэщӑтум утӑт шиваӆӑӆўв.

Тӑм ванӑн ай кєр тыӆӑщ ветмит хӑтӑӆн, ет­на пєлка, Ёмвошн «Торум Маа» йис пурмӑсӑт ӑкӑтты тӑхийн рәпитты хӑннєхәйт «Тыӆӑщ поры» вєрсӑт. 

Щи мӑӊхӑтӆа нєма­сыя VII-мит Мўвтєӆ мирхота ӑктӑщум вўӆы тӑйты хуятӑт вохсыйт. Тӑм пўш вўӆєӊ ёх 16-мит Россия ӆуватн вәӆты  увӑс мўв йирӑт эвӑӆт тыв юхтыйӆсӑт. 

Мўвтєӆ мир вўӆєӊ ёх VII-мит вән мирхот пурайн ай кєр тыӆӑщ 8-мит хӑтӆӑн Югра мўв вўӆы тащ ӆавӑӆты 22 хуят кўтэӆн кӑссӑт.

Щи кӑсупсы пўншум пурайн округ кә­ща ӆӑӊкӑр хә Алексей За­бозлаев лупӑс: 

- Щикєм м, кашӑӊ оӆ щимӑщ кӑсупсыя аршӑк айӆат ёх юхтыйӆӆӑт. Щи кӑсупсы вўӆєӊ ёх вә­ӆуп­сы эвӑӆт тывӑс. Вўӆы тащ ӆавӑӆты вєра ӑшко­лайн киникайт эвӑӆт вәнӆтыйӆты ӑн рӑхӆ, щит тәп ащи-ӑӊки эвӑӆт уша вєрты рӑхӆ.

«Йис кәртӑт вәӆупсы» нємпи кӑсупсыйн 6-12 оӆ ӆуват няврємӑт кўтн хәӆмит тӑхия нух питӑс Ёмвошӑӊ пух Данила Самсонов. Ӆўв Тэк рәт кәртэӆ оӆӑӊӑн путӑр хӑншӑс.

Ма ӑӊкєм Ирина Вла­димировна Самсонова, эви опращ нємӆ Новьюхова, рәт мўвӆ – Тэк кәртые. Ӆўв щӑта сєма питӑс па єнмӑс. Ар пєлӑк рәтӆўв хўв пӑнта мӑнсӑт. Ин мўӊ пиӆэва тәп ӑӊкєм ный, щит Роза Григорьевна Новьюхова, Ёмвошн вәӆ. Ӑӊкєм па аӊкаӊкєм Роза апӑлнє мӑнєма Тэк кәрт оӆӑӊӑн ай павӑтсӑӊӑн.