№ 12 (3576) - 2021

Округ кәща нє Наталья Комарова Ёмвошн Россия хӑтӆ еӆпийн айӆат ёха паспорт нєм нєпек ёша мӑс. 

 Россия мўв паспорт нєм нєпек ёша хоӆумтты – вуӆаӊ вєр. Тӑмхӑтӆ нын пиӆана хотӑӊ ёхӆан тыв юхӑтсӑт. Ӆыв пӑтэӆа щит ищи вән вєра вәӆ,  – лупӑс округ кәща нє. 

Иса щи хӑтӆ хәс пас­порт нєм нєпек ёша мӑсы. Щит Ёмвош ӑш­колайт па гимназия тӑ­хийн вәнӆ­тыйӆты няврємӑт, мӑта хуятӑт 14 оӆа йисӑт. Ӆыв вәнӆ­тыйӆты па па вощӑӊ хотӑт хущи арсыр кӑсупсэтн кӑсӆӑт па ар мосты вєрӑт ӆэщӑт­ӆӑт.

Хӑнты ясӑңа тулмащтӑс: 
Надежда Вах

Ёмвош округн вәӆты шуши мирӑт грант щирн нётты оӆӑӊӑн нємасыя нєпек ӆэщӑтсы. Хута хӑншман вәӆ, муйсӑр вухӑӊ нётупсэт вәӆӆӑт, муй щирн щи нётупсэт ӑӆ хӑннєхәя ёша павӑтты рӑхӆ. Щи нєпек округев внутренней политика департамент ёхн хӑншсы. 

Щи нєпек щирн увӑс мир пӑта нємасыя нивӑӆ вухӑӊ нётупсы вәӆ, щит: 

- вухӑӊ нётупсы йис путрӑт, культура вєрӑт, рәт ясӊӑт ӆавӑӆты щирӑт, шўкщӑты па вєрӑнтты вєрӑт ӆэщӑтты пӑта (щит «Устойчивое развитие коренных малочисленных народов Севера» госу­дарствен­ной программа щирн округев культура вєрӑт департамент ёхн ӆэ­щӑтӆы);

Лыпӑт тыӆӑщ 16-митн округ дума вән 53-мит мирхот вәс. Щи пурайн депутатӑт 43 вєр нух вантсӑт.

Щи мирхот пийн округ дума кәща хә Б. Хохряков айкеӆӑт ӑкӑт­ты ёх пиӆа вәйтантыӆӑс: 

 Тӑмхӑтӆ мўӊ ар иньщӑсупсэт нух вантсўв, щи кўтн федеральной кәща ёх рәпата оӆӑӊӑн ищи путӑртсўв.

«О бесплатной юриди­ческой помощи в Ханты-Мансийском автономном округе – Югре» оӆӑӊӑн Б.С. Хохряков лупӑс: 

Тӑм оӆ лыпӑт тыӆӑщ 11-мит хӑтӑӆн шуши мир Ассамблея мирхотн депутӑт па тумпийн Югра мўв ыв саттэа вєр тәты ёх правайт вәньӆьты вухаь хә Н. Евлахов, мўвӑт-авӑт вантман тӑйты тӑхи кәща ӆӑӊкӑр хә А. Бирюков, мўв иӆпи питы вуй па газ вўты вєрӑт па природной ресурсӑт әхтыйн департамент хуща шуши мир вәӆупсы вантман тӑйты кәща Е. Лавров, мўв-авӑт вєрӑтн коррупция эвӑӆт ӆавӑӆты тӑхи хә А. Сирук вәсӑт.

Лыпӑт єнумты ты­ӆӑщ 14-мит хӑтӆӑн Мўвтєӆ мир кӑӆы мӑты ёх хӑтӆ. Тӑм оӆ щи хӑтӆ постӑты щира так ясӑӊ «Кӑӆы мияты! Иса мир вәӆупсы еӆӆы ат мӑнӆ» пунсы.

Кӑӆы мӑты ёх вән унтас тәӆӑт. Тӑм оӆ щи ёх кўтн ар айӆат хуят вәс. Тӑм хӑтӆӑн округ пәӆьницая ар хуят кӑӆы мӑты юхтыйӆ­сӑт. Округ пәӆьница кӑӆы мӑты вєр тәты тохтур А. Сухарева лупӑс, Ёмвошн хәӆум щурӑс муӆтас хӑннєхә кӑӆы мӑӆ. Ӆыв унтасэӆн мўӊ вошевн иса пурайн кӑӆы тӑрмӑӆ. Оӆ мӑр вет щурӑс литра вўр ӆэщӑтӆы.

Лыпӑт єнумты тыӆӑщ 15-мит хӑтӆӑн Ёмвошн БРИКС па ШОС мўвӑт Мўвтєӆ мир XII-мит вән мирхот рәпитты оӆӊитӑс. 

Югра мўв кәща нє Наталья Комарова вўща ясӑӊ лупӑс: 

 Мўӊ щимӑщ пурайн вәӆӆўв, хән информа­ционной технологияйт мўӊ вәӆупсэв шєӊк сора еӆӆы тәӆӑт. Бразилия, Индия, ЮАР – щи мўвӑтн мєт ма искусственной интеллект вєрӑт еӆӆы тәӆыйт. 2022-мит оӆн мўӊ хущева айӆат ёх пӑта Junior IT-форум ӆэщӑтты мосӆ.

Россия мўв прави­тельства хуща анали­тической тӑхи кәща Константин Калинин ястӑс: 

Тәняӆ оӆ тәнӆуп тыӆӑщ вўш эвӑӆт увӑс мир нємасыя Реестр тӑхия хӑншты питсыйт. Щит шуши мир вєрӑт ӆэщӑтты федеральной агенства тӑхи тәӆ. Муй пӑта щи вєр тәты оӆӊит­сы? Щи оӆӑӊӑн мўӊева «Многофункциональ­ный центр» тӑхи кәща хә В. Михайлов, округ дума депутат А. Новьюхов па «Югра ӆыӆӊуптӑты» тӑхи ух нє Л. Алфёрова путӑртсӑт. 

Лыпӑт тыӆӑщ 17-мит хӑтӑӆн Ёмвошн айкеӆ ӑкӑтты хӑннєхуятӑт округев Общественной палата кәща ёх пиӆа вәйтантыйӆсӑт па путӑртсӑт.   

Лыпӑт тыӆӑщ 21-мит хӑтӑӆн Ёмвошн РИЦ «Югра» нємуп тӑхийн айкеӆ ӑкӑтты хӑннєхуятӑт округев ӆуватн пириты вєрӑт ӆэщӑтты кәща хә Денис Корнеев пиӆа вәйтантыйӆсӑт. Пирєсты вєрӑт ӆэщӑтты кәща хә ясӊӑт пийн уша йис, хуты тӑм оӆэв сўсн округев ӆуваттыйн вәӆты хӑннєхуятӑт арсыр кәщайт па депутатӑт пириты питӆӑт. Тӑм оӆн, вантэ, сўс пєлӑкн ӆыпӑт хойты тыӆӑщн ин Россия мўв хўватн пирєсты хӑтӆ пўншӆы.

Хән айӆат хӑннєхуятӑт вәӆупсы хўватєӆн сӑмӑӊа тӑйты па мсыева рәпитты вєрӑт кӑншӆӑт па щӑӆта щимӑщ тӑхета вәнӆтыйӆты мӑнӆӑт, щи вән вєр пураитн сыр-сыр хоттєӆ ёх и рәпата хуща воӆты-хоӆты щирєӆн катӆӑсыйӆман вәӆӆӑт. Рўщ щирн-ки тәса лупты, щит рәпитты хӑннєхуятӑт династия.

Ас нопӑтты тыӆӑщн Россия ӆуваттыйн мўвев границайт ӆавӑӆты ёх мӑӊхӑтӆ постӑӆы. Щирн ма хӑнты хә Алексей Немысов оӆӑӊӑн хӑншты ӆӑӊхаӆум. Ӆўв Россия па Китай мўвӊӑн границайн служитӑс.

Ӆўв путӑртӑс, хутыса щив мӑнӑс:

Мўӊ округев «Хӑнты ясӑӊ» газетаева айкеӆӑт ӆэщӑтты па хӑншты нє Любовь Вынгилева Сўмӑтвош эвӑӆт тәняӆ оӆ пуӆяӊ акеӆ ики оӆӑӊӑн айкеӆ вєрты вєритӑс. Вантэ, щи пурайн мсыева уша ӑн павтӑс, муй щирн па хуты акеӆ ики шәӊӑт щи вуӆаӊ ӆаӆь хӑрӑтн ӆаӆясӑс. Ӛхӑт тўӊщирӑӊа па ма сыр-сыр архивӑт хуща рәпитӑс муй па акеӆ ӆаӆясум тӑхета нєпекӑт хӑншӑс па веӆщи ушӑӊа-сащӑӊа вєрсӑӆэ, мӑта оӆн па муй щирн акеӆ ики тарма ӆўв рәт мўвӆ ӆавӑӆман вәс па хута пӑратсы.

Вулаӊ ӆаӆь сухнуптум вєр вўшӑт эвӑӆт 76 оӆ мӑнӑс па мўӊ хӑннєхуятӆўв ищипа щи ӆавӑртӑӊ пурайт нәмӆӑт, ӑнт юрємӑӆӑт. Тәняӆ оӆ Сўмӑтвош район йис пурмӑсӑт шавиты хот йитн рәпитты нєӊӑт щи ӆаӆь хӑрӑтн вәӆум хӑнтэт, вухаӆят па юрнӑт оӆӑӊӑн «Шєӊк ар хә ёх Ӆєв юханэв па Ас хўватн тарнӑӊ хӑра тәсыйт …» киника єсӑӆсӑт. Итәх хӑннєхәйт ӆаӆь хӑрӑтн иса хуӆтпєӆы вәтшӑсыйт, кимит ёх пӑрӑтсыйт па тәп муртӑӊ хәйт ӆыв рәт мўвӆаӆа ӆаӆь сухнум пийн юхӆы пєӆа юхӑтсӑт. 

Тӑм оӆ лыпӑт тыӆӑщ 30-мит хӑтӑӆн Ёмвошн вәты йинтпӑң-ўяң ими Людмила Зубакина (Гришкина) нәптӑӆ ӆапӑтъяӊа йиӆ. Тӑм нхмулӑӊ, путрӑӊ па апрӑӊ хӑнты ими пєӆа вантман ӑн па ястӑӆа, хуты нәптӑӆ 70 оӆ. Ищиты савра-вавра шәшийӆ, әмща путӑр тәӆ па айӆат ёх иты хурамӑӊа вантӑсты ӆӑӊхаӆ. Вәна пєлка вум имие кўш камн, кўш кәща хотн мўӊев шиваӆӑӆӆэ ки, имухты ӑпӑӆмӑӆӆэ па мосӆтӑӆӆэ. 

Айтєӆн тӑм апрӑӊ, рәпата пєӆа каркам имие йинтуп тәса катӑӆты хошӆ. Щиты пӑта рўтьщӑты вўша вмаӆн м арат хӑнты рнас ёнтӑс, щи кўтн шуши мир ӆәмӑтсух йиӆуп щирн хурамтты хошӆ. 

Мир мӑты ёх мӑңхӑт вўраӊӑн ма Сәрханӆ хӑнтэт эвӑӆт вәӆты Покачевӊӑн лекщитты нєӊӊӑн оӆӑӊӑн ай павӑтты ӆӑӊхаӆўм. Щит вән сӑмуп, каркам ёшпи, пӑсты кўруп тохтўрӊӑн – Тамара Сидоровна Тэвлина (опращ нємӆ Сардакова) па Людмила Николаевна Покачева (опращ нємӆ Тэвлина). Ӑӊки па эви. 

Тӑм мӑнум Ас нопӑтты тыӆӑщ хуӆаман, рўтьщӑты 29-30-мит хӑтӆӑтн Касум вошэвн «Касум ёх» нємпи музей хот хуща «Йис Югра мўвев нарӑсты сыйт» вән мӑӊхӑтӆ вәс. 

Тӑм ванӑн мўӊ редакцияева айӆат хӑнты писатель хә Дмитрий Сергеевич Кельчин юхтыӆӑс. Ма ӆўв пиӆаӆа вәӆупсэӆ па путӑрӆаӆ оӆӑӊӑн путӑртсум.

Тӑм айӆат хә ван хӑтӆуп тыӆӑщ 9-мит хӑтӆӑн 1995-мит оӆн Пуӆӊавӑт вошн сєма пи­тӑс. Любовь Викторовна Теткина (Кондыгина) Ольга эвеӆ па Дима пухӑӆ атэӆт єнмӑӆтӑс.

Тӑм вошн Дима хӑтӆ мӑр ай няврємӑт тӑйты хота ӊхӑс, щӑӆта кимит ӑшколайн вәнӆтыӆӑс. Щиты вәнӆтыӆум оӆӆаӆ нәмӑӆмӑсӆэ: 

Михаил Григорьевич Кельчин шәӊта па ӆўв пухӊӑӆаӆа – Георгия па Владимира кантум путӑр

Ух пӑтємн тәрум ӆәӊхӑӆ па хәсӑт. Сӑмєм сый щикєм ма сыяӊа сащӆ. Хуӆтпєӆа ӊк пәхӑӆты сый – щит Йиӊк щӑр нўмпийн Шәшты хуятӑт. Ӆўв пӑтлам кўтн ӑн кӑӆ. Тәрум ӆәӊхӑт хәс сємӑт тәп кӑӆӆӑт. Йиӊк щӑр нўмпийн Шәшты ху­ятӑт пурӆийн ӊк пәхӑӆ­ӆӑт. Пурӆи – щит вән аӆты кєши. Вән аӆты кєши – щит йинтуп хурпи пӑсты тый, х нӑӆӑӊ ӊк пәхӑӆты ӆа­вӑрт карты. Пурӆи ӊкәруп пурмӑс. Ащи ӑнтәма йиӆ, пурӆэӆ хӑщӆ. Ищимӑщ пурӆи пиӆа, ӆўвеӆ ӆапӑт­ум вєрӆ, пухӑӆа хӑйӆӑӆӆэ.

Хәнты йисн вәшум вәртӆан
Нємӆаӆ тӑм йисн ӑн нәмӆӑн.
Ӆаӆь хӑрна тарӑн тўвум ёх
Хәнты вмеӆ мўва-турна…
Тәп щи ӛреӆ па тармеӆ ин
Ӆыӆӑӊ мирэва щи питсӑт.
Щи ӑн хәрӆӑты тўт мўӊев иса партум ут, 
Cӑм пєлкэвн тӑйӆўв тўт. 

Ванта ма ӆаӆь ёхӆам вєншӑт,
Нуви тәрумн нәмӆайт!
И нартупн батальонэн ӆоӆь –
Па щи ӆәхӑсӆам уша вєрӆум.
Хәс вет оӆа кўш ӑн йисӑт,
Ӆавӑрт пӑнта ӆыв щи питсӑт.
Щитӆан ӆавӑрт суртӑн штык унтасн ӆаӆяссӑт,
Берлин вош щи вўсӑт.

Нуви сӑӊхум районӑн лыпӑт тыӆӑщ 5-митн «Культура хӑтӆ. Мўвтєӆ мирӑт ӆєтут кавӑрт­ты вєр» вәйтантупсы вәс. Щит арсыр мирӑт кўтэӆн ӆәхсӑӊа вәӆты па кашӑӊ мир культура вєрӑт ванӆтӑты пӑта ӆэщӑтсы. Щив районӑн па вошн вәӆты арсыр мир хуятӑт: хӑнтэт, вухаӆят, рўщӑт, хӑтанят, киргизӑт юхӑтсӑт, ӆәӆн ӆыв ӆєтут кавӑртты вєреӆ па єпӆӑӊ ӆєтутӆаӆ мойӊ мира ванӆтӑты.