№ 23 (3563) - 2020

Ёмвошн мир рәпатайн тӑрматты тӑхийн рәпитты ёх «Поддержка занятости населения» нємпи поступсы унтасн кашӑӊ оӆ хӑнтэта, вухаӆята па юрнӑта рәпата кӑншты нётӆӑт. Шуши мира рәпитты тӑмӑщ тӑхета рӑхӆ вўянтты:

Ёмвошн «Югра» нємуп айкеӆӑт ӑкӑтты тӑ­хийн ван хӑтӆуп тыӆӑщ оӆӑӊмит хӑтӑӆн вәй­тантупсы вәс. Вантэ, йис пурмӑсӑт шавиман тӑйты тӑхет 9-мит пўш «Югорской полевой музейной биеннале» нємуп мирхот ӆэщӑтӆӑт. 

Щи вән вєр оӆӑӊӑн Мўв-Авӑт па Хӑн­нєхә музейн рәпитты нє Лариса Поршунова ай павтас:

Тӑмхӑтӆ вўш эвӑӆт ван хӑтӆуп тыӆӑщ 3-мит вәнта мўӊ вән мир­хот вєрӆўв. Вантэ, тӑм вәйтантупсы мўӊ 2004-мит оӆ вўш эвӑӆт ӆэщӑтыйӆӆэв. 

Тӑм ванӑн айкеӆӑт ӑкӑтты па хӑншты ёх вәнӆтыйӆты па айӆат ёх вєрӑт тәты тӑхи кәща хә Алексей Дренин пиӆа вәйтантыйӆсӑт. Ӆўв путӑртӑс, хутыса ӆыв тӑм оӆ мӑр рәпитсӑт па еӆӆы вєрӆаӆ оӆӑӊӑн ай тәс.

Ӆўв ясӑӊӆаӆ щирн, 2021-мит оӆн «Об­разование» нєм­пи нацпроект па щирн вєрӆы, «Учитель бу­дущего» па па йиӆуп вєрӑт тәты оӆӊитӆыйт.

2020-мит оӆн аршӑк няврєм сєма питӑс. Ок­ругевн 120 щурӑс пуш­хие хӑтӆ мӑр тӑйты хота ӊхӆӑт. 

Ван хӑтӆуп тыӆӑщ 4-митн Ёмвошн хӑнты ики Анатолий Иванович Райшев ӑнтәма йис. Ӆўв 2001-мит оӆн Ёмвош округн мєт вән кәща ӆӑӊкӑр хәя рәпитӑс. Щӑӆта м арат оӆ мӑр шуши мир вєрӑт тәты департамент хуща кәщая вәс. 

2020-мит оӆ вәйт ӆор тыӆӑщ 13-мит хӑтӆ вўш эвӑӆт Россия мўв ӆуваттыйн рәпата вєрӑт оӆӑӊӑн поступсы йиӆпатсы. Щиты рәпата тӑхи лӑп тәхӑрты муй па рәпатнекӑт шимӆа йиты пурайн тыӆӑщ вух йиӆуп щирн ӆўӊӑтты па сухуптӑты питӆы. Щитӆ «Федеральный закон от 13.07.2020 № 210-ФЗ»  нєм тӑйӆ.

Мєт тәса йиӆпатум вєр вантты ки, 178 па 318 нємуп пос­тупсыйӊӑн па щирн ӆэщӑтсыйӊӑн. 

Ёх вәйтантты «Югра» тӑхийн видеоконференция вәс, щив округев арсыр тӑхет эвӑӆт айкеӆӑт тәты ёх ӑкумсӑт. Тӑм пўш мойӊ хә щира Югра мўв ӛш вєрӑт вантман тӑйты департамент кәща хә Константин Гребешок вәс.

Тӑм путӑр мӑнӑс 2020-мит оӆ мӑр вєрум рәпатаеӆ оӆӑӊӑн, мӑта вєрӑт ма мӑнсӑт, муйсӑр рәпата хуӆна вєрты мосӆ.

Щиты няврємӑт тухӆӑӊ хопӑтн Паштӑр, Тўкъякӑӊ па Ваньщавӑт кәртӑт эвӑӆт Поӆнавӑт кәрта, Вўтвош па Тәрум ӆор кәртӊӑн эвӑӆт Касума тәсыйт.

Тӑм оӆ Югра мўвевн сўс рўтьщӑты пура васы мӑнты тыӆӑщ 26-мит хӑтӆ вўш эвӑӆт Ас потты тыӆӑщ 8-мит хӑтӆ вәнты ӆэщӑтман вәс.

Округ кәща нє Наталья Комарова ай тәс, муй щирн 2020-мит оӆн правительства, округ дума ёх рәпитсӑт.

Югра мўвев тынӑӊ хуятӑт!

Няврємӑт вәнӆтӑты хуят иса пурайн вуӆаӊ хуята ӆўӊтӑсӑԯ. Ӆўв пушхӑт нєпекӑӊа йиты вәнӆтӑԯ, м хӑннєхәя питты нётӑԯ па хӑннєхуятӑта мосты нумсӑт тәԯ.  

Тӑм оӆ тови пурайн Сўмӑтвошн ай няврє­мӑт вәнӆтӑты нє  Юлия Прокопьевна Морозова (Смолина) пиӆа вәйтантыйԯсум. Ӆўв рәпатайӆ оӆӑӊӑн мӑнєма путӑртӑс. 

Тәняӆ Мегион вош пўӊӑӆн «Югра» нємпи рўтьщӑты хӑрн «Хӑтӆые» фестиваль пу­райн ма юрн ики Па­вел Янчевич Айваседа пи­ӆа вәтаӊа йисум. Ӆўв пиӆа­ӆа вәӆупсэӆ оӆӑӊӑн путӑрт­сумн.

Павел Янчевич вәщ тыӆӑщ 20-митн 1941-мит оӆн Тянча мӑӆӑӊ хуща сєма питӑс, щит Варьёган кәрт пўӊӑӆн вәс. Щи мӑӆӑӊ ащеӆ нємн мӑсы. Ащеӆ Тянча Ыйавич нєм тӑйс, тәп паспорт миюм пурайн ӆўв нємӑӆ юврая хӑншсы – Тянча кана Янча хӑншсы. Ащеӆ – юрн хә. Ӑӊ­кеӆ Марфа Матвеевна Тылчина – Аган юхан хӑнты ими вәс. 

Хӑтӆ єтты пєлӑк мўвн Варъюхан вош пўӊӑӆн Ампутинской вәнт кәрт  мойң мир рўтьщӑты кєша вәԯ. Ампута юхӑн мўвн хўв йистєӆн хӑнты хә Виталий Казамкин рәтнайт вәсӑт. Ин ӆўв тӑта Нэля имеԯ пиӆа (эви опращ нємӆ Пяк) вәӆ­ӆӑӊӑн. ӊ оԯ юхԯы тӑм апрӑң имеӊӑн-икеӊӑн  вәнтӑң, ӆорӑӊ йис мўвн рўтьщӑты тӑхи пўншсӑӊӑн, ԯәԯн щӑта сыстам рўвн рўтьщӑты, вой па хўԯ веԯпӑсԯӑты мир ат пӑксӑт.

Касум мўвн Вўтвош кәрт вәӆ. Катра оӆӑтн щит рәпатайӊ па мирӑӊ вош вәс. Вухсар єнмӑӆты тӑхи, ӑшкола па кан вўӆы тащ кәртэвн тӑйсўв. Няврємӑт вәнӆтуман щӑта Максим Тимофеевич Молданов 41 о мӑр рәпитӑс. 

Хӑнты нє Татьяна Валентиновна Молданова-Ользина ар оӆ мӑр Ваньщавӑт кәртӑн ай няврємӑт вәнӆтуман рәпитӆ. Тәняԯ ԯўв мӑнєма путӑртӑс вәԯупсэԯ па рәпатайԯ оԯӑйңӑн. 

Татьяна Валенти­новна Сўмӑтвошн ван хӑтӆуп тыӆӑщ 1974-мит оӆн сєма питӑс, щӑ­та ай пура оӆӆаӆ мӑнсӑт. Щи тумпи ӆўв ванкўтӆы аӊкаӊкеӆ па аӊщащеӆ хущи, щит Акулина Алек­сандровна па Кузь­ма Илларионович Мол­дановңӑн, Ваньщавӑт кәрта юхтыӆӑс. 

Касум тый кәртӑн хўв йис тєӆн Харсурт ики вәс. Ӆўв пухӆ Степан Николаевич Рандымов имеӆ Варвара Талюковна Пяк пиӆа ищи щи кәртӑн м арат оӆ вәсӊӑн. Степан Николаевич вой-хўӆ веӆпӑс ӛшӑтн шәшийӆ, имеӆ юӆн пўнӑӊ юӆ ёнтман, няврємӆаӆ єнмӑӆман кӑпӑртӑӆ. 

Ас потты тыӆӑщ 3-мит хӑтӆӑн «Торум Маа» нємпи этнографической музейн Россия мир ӆуваттыйн «Ночь музеев» акция пурайн «Югра оӆӑӊӑн ясӑӊ» нємпи вән программа вєрсы.

Тӑм мєт оӆӑӊ вєр, хута ёх путӑртӆӑт-ариӆӑт па имухты щи вєр карты щўӊкӑт хў­ват ванӆтӑӆы. Тӑм ванӆ­тупсы хәӆумкєм щос мӑр мӑнӑс. Вєра арсыр вән вєрӑт ха тәсыйт па щи вєрӑт оӆӑӊӑн пу­тӑр мӑнӑс. Щит мўӊ Юг­ра мўвева 90 оӆ, щит Вуӆаӊ Победа 75 оӆ па щи киньща иса мирев ха ма вәӆты вєрӑт мӑӊхӑтӆ оӆӑӊӑн па тӑта путӑртсӑт. 

Ас потты тыӆӑщ 1-8-мит хӑтӆӑтн Красноярск вошн Увӑс мир кӑсупсэт хўват Россия Чемпионат па Первенство вәс. Щив Ненецкой, Ханты-Мансийской, Чукотской, Ямало-Ненецкой автономной округӑт, Камчатской, Красноярской мўвӊӑн, Саха (Якутия), Тюменской па Сахалинской областьӊӑн эвӑӆт сот кӑсты хуят юхтыйӆсӑт.

Юнтут – кашӑӊ няврєм пӑта мосты пурмӑс. Юнтты пурайн пушхие вән ёхӆаӆ пєӆа вантман ӆўв мирӆ вәӆупсы оӆӑӊӑн нәмӑсӆ. 

Ас потты тыӆӑщ 3-мит хӑтӆӑн Искусство атн Касум мўвн вәӆты «Тунты вєнш» нємуп театр ёх онлайн карты щўӊкӑт мухты йиӆуп юнтты вєр ванӆтӑсӑт, щит «Щӑӊры-хоӊра» нємуп ванӆтупсы па щи оӆӑӊӑн хўв мӑр путӑртсӑт. «Щӑӊры-хоӊра» – щиты хӑнтэтн вертолёт аӆьщӑӆы.

Тӑм ванӆтупсы кӑт режиссёр Анне Тюрпу (Таллин вош) па Игорь Устинович (Санкт-Петербург вош) вєрсӑӊӑн. Касум мўвн вәӆты ӑӆ ёх юнтсӑт, ӆыв нємасыя театр щира ӑн вәнӆтыйӆсӑт.

Пӑстэк вәнт хўват пәрӆийӆ,                
Арсыр әмӑщ вой вантыйӆ:                     
Тӑмен тыйӊ аӊнәп,                              
Тумэн па ващ сємуп,                                  
Вєншӑӆ иса мормӑӊ.