№ 11 (3599) - 2022

Щи оӆӑӊӑн шуши мирӑт Ассамблея мир­хот пурайн лупӑс округ дума депутат Татья­на Гоголева.

Мирхотн внутренней политика департа­мент кәща Александр Ску­рихин путӑртӑс, хутыса «Устойчивое развитие ко­ренных малочисленных на­родов Севера» поступсы хўват шуши мирӑт нётӆыйт. 

Ёмвошн Ас-угорской институт киникайт ӆўӊӑтты хотн ванӆтупсы пўншсы. Щит истори­чес­кой наукайт кандидат, хӑнты мир йис вәӆупсы, йис вєрӑт, арӑт, якӑт, моньщӑт тәса вә­ты хә Тимофей Алексеевич Молданов 65 тӑӆа йиты пӑта вєрсы.

Тӑм хӑтӆӑн Югра мў­вевн мойӊ ёх Тай­ланд, Индия, Сербия па Замбия мўвӑтн вәӆты ёх пиӆа видеосвязь щирн путӑртсӑт, иха арсыр ху­рамӑӊ хӑт омӑссӑт. Щит «Сад дружбы» нємпи вєр, щи унтасн арсыр мирӑт мўвӑт-йиӊкӑт хурамӑӊа вєрты щира хӑт омӑсӆӑт.

Тайланд мўвн вәӆты нє И. Новикова интӑм эстафе­та Югра мўвева мӑсӆэ: 

Тӑм ванӑн «Хӑнты ясӑӊ» па «Луима сэрипос» тӑхева мўӊ мўвев йис вєрӑт артаӆӑты хә Юрий Шагут юхтыӆӑс. Ӆўв тыв «Фотоальбом. Страницы памяти» кӑт хурӑӊ нєпек тәс, мӑта утӊӑн 2020-2022-мит оӆӑтн єсӆыйӆсӑӆэ. 

Щи оӆӑӊӑн оӆӊӑӆн шуши мирӑт ассамблея мирхот пурайн депутатӑт путӑртсӑт. Щӑӆта Ас нопӑтты тыӆӑщ 26-митн округ дума мирхотн депутатӑт щи поступсы нух вўсӑт. Щи тумпи ӆыв па 30 муӆтас вєр оӆӑӊӑн путӑртсӑт.

Щи хӑтӆӑн ӆыв Ём­вош округ Устав, правительства па округ кәща оӆӑӊӑн поступсэт йиӆпатсӑт. Округ дума кәща хә Борис Хохряков щи оӆӑӊӑн лупӑс:

Вән кєр тыӆӑщ кўтупн, айкеӆӑт ӑкӑтты рәпатам щирн, ма нємасыя  Нижневартовской районӑн Варьёганӑн вәсум па кәртӑӊ кәща кана вәӆты нє пиӆа путрємӑсум, муй щирн ӆыв ёхӆаӆ юхи хӑщум оӆӑтн вәӆӆӑт.

Вероника Владими­ровна Казамкина Но­воаганск вошэӆ кәща хот тӑхи эвӑӆт Варьёганӑн рә­питӆ. Щи пӑта щи пурайн ӆў­веӆ щи иньщӑссєм. 
 
- Вероника Владимировна, мӑта оӆ эвӑӆт кәртӑӊ кә­ща хотн рәпитӆӑн?

Хӑнтэт па вухаӆят катра йис вўш эвӑӆт вәнтӑн вәӆӆӑт. Тӑм йисн ӆыв муӆтыкєм кәртӑтн па вошӑтн вәӆты питсӑт. Тәп ин тӑм вәнты хуӆна ар хоттєӆ ёх вәӆ, мӑта хуятӑт вәнт эвӑӆт па тӑхия касӑӆты ӑн ӆӑӊхаӆӑт. Ӆыв вәнтыеӆ такӆы вәӆты ӑн вєритӆӑт. Тӑта ӆыв хотыеӆ, тӑта ӆыв вәӆупсэӆ, сӑма рӑхты тӑхиеӆ.

Иса мирыт кутны утты няврамыт емынгхатл 1-мит июнь хатлны отмечайтытта. Иса утты прогрессивной мир ий ясынгны лопсыт:

– Мунг ант эслтэв, тутн иса мирыт тять верыта тонгыттаит! Мунг тять тывты вер ант эслтэв!

Мунг советской му­вевны ай нявремыт оинга, амтынга эным­тыт. Мет айтат няв­ре­мыт ясляитны, са­ди­кытны, унышик няв­ремыт школаитны вос­питываиттаит. Ты­вет арсыр сирыпа раз­вивайтыттат пата мунг мувев ухтыны иса ус­ловияитны масыит.

Ас нопӑтты тыӆӑщ 27-мит хӑтӆӑн округ мир творчества хотн «Арӑӊ йис ёх хиӆэт, моньщӑӊ йис ёх хиӆэт» нємпи арӑӊ-моньщӑӊ вәйтантупсы вәс. Щив арӑт-моньщӑт хӑншты вәна вум ики Тимофей Алексеевич Молданов пӑта мир ӑкумсӑт, ӆўв тӑм оӆ 65 оӆа йис.

Тимофей Алексее­вич тащн рәпитты кӑтӊӑн хуща сєма питӑс, щит Алексей Михайлович па Евдокия Кузьминична Молдановӊӑн. Вўтвош хонӑӊӑн сєма питӑс, щит Сўмӑтвош (ин Нуви сӑӊхум) районӑн Югра хуща вәӆты вош. 

Мунг Коммунисти­ческой партияев, мунгев мосты Советской правительстваев няв­ремыт воспитываитты верны мет уны нумы­сыпсы вертынгын. Там ванны иса миритны утты нявремыт пата тотти хатл елпины КПСС Коммунистической пар­тия па СССР Министрыт Совет «1959 – 1965-мит отытны школа-интернатыт ара верты па рупиттаит ямамтты отынгны «Еты пета нявремыт школая питты етпины воспитываитты па медицинаны яма тыват обслуживаитты» отынгны кат пос­та­новление вуснгын».

Щиты лупӑс Раиса Александровна Ляхо­ва, ӆўв ар оӆ мўӊ ре­дакцияевн вух ӆў­ӊӑтты па мӑты нєӊа рәпитӆ. Тӑм ванӑн вән кєр тыӆӑщ 15-мит хӑтӆӑн ӆўв 68 оӆа йис.

Мӑнум газетайн ма ӆўв ӑӊкеӆ Анна Ивановна Муфт­ахит­ди­нова (Салтанова) оӆӑ­ӊӑн хӑншсум, ӆўв ӆаӆь пурайн эвия вәӆмаӆн тарма рәпитӑс.
Раиса Александровна нәмӆӑӆэ:

Няврємӑт этнокультурно-образовательной хотн Ёмвошн Ас нопӑтты тыӆӑщ 13-мит хӑт­ӆӑн вошӑӊ мир пӑта «Нәмӆэв» нємуп мирхот вєрӑнтса. Щи мирхот мӑӊхӑтӆ пӑта вєрса, ин 77 оӆа йис, хән мўӊ Вуӆаӊ ӆаӆьн нух питсўв.  

Ӆўӊ пура оӆӑӊмит хӑтӆӑн Югра мўвевн вәӆты шуши ёх Вўрщӑк мӑӊхӑтӆ постӑӆӑт, щит тови, ӆўӊ па мєлӑк тәты хӑтӆ. Щи хӑтӆӑн кашӑӊ оӆ «Торум Маа» тӑхийн вошӑӊ мир па няврємӑт ӑкӑтӆыйт.

Тӑм пўш мӑӊхӑтӆ вўр­щӑк оӆӑӊӑн ущхуӆь етн­хот эвӑӆт оӆӊитсы. Щит «Хӑтӆ» нємпи Ас-угорской театр ёх ванӆтӑсӑт. 

Юван Шесталов хәнты лупӑс, вухаӆь эвета па пухӑта ӆыв миреӆ юнтутӑт вәты мосӆ. Хән няврємӑт рўщ, вухаӆь па хӑнты юнтутӑт вәӆӑт, щи пурайн ӆыв мєт ар вєр вәты питӆӑт.

Лыпӑт єнумты тыӆӑщ 3-мит хӑтӆӑн Ёмвошн «БуквА» нємпи киникайт ӆўӊӑтты хотн Ямал мўв эвӑӆт юхтум ар оӆ хӑнты ративайн, телевиденияйн рәпитум нє, режиссёр, киникайт хӑншты па оса вєрӑт тәты нє Зинаида Викторовна Лонгортова (Хартаганова) пиӆа вәйтантупсы вәс.

Мєт сыры мойӊ нє киникайт ӆўӊӑт­ты хота хӑншум нє­пек­ӆаӆ мойӆăсӆэ. Тӑм вәй­тантупсы тәты нє Алла Иштимирова-Посохо­ва ӆўвеӆа вохӑс еша путӑртты, хән па муй пӑта ӆўв киникайт хӑншты оӆӊитӑс. Юхӆы ӆўв щиты путрӑӆ оӆӊитсӑӆэ:

Щимӑщ нєм вәнӆтыйӆты хӑр тӑйс. Щит Ас нопӑтты тыӆӑщ 27-мит хӑтӆӑн Ас-угорской институтн ӆэщӑтман вәс.

Эвета-пухӑта айтєӆн шуши мир юнтупсэт оӆӑ­ӊӑн вәты мосӆ, щирн щи хӑ­ра ӑшколайн няврємӑт вәнӆтӑты, интернатн, хӑтӆ мӑр ай няврємӑт вант­ман тӑйты, рўтьщӑты хӑ­рӑт ӆэщӑтты па «Югра ӆыӆӊуптӑты» оса тӑхи ёх юхтыйӆсӑт. 

Муй хурасӑӊ рәт мўвие!
Муй хурасӑӊ Ас мўвие!
Сўмӑт хн иса єнмум,
Вусты ваншийн иса єнмум!

Владимир Енов

Щимӑщ нєм етнхот тӑйс, мӑта ут Ас нопӑт­ты тыӆӑщ 20-мит хӑтӆӑн Ёмвошн киникайт ӆўӊӑтты хотн вәс. Щит хӑнты моньщӑт хӑнш­ты хә, айкеӆӑт ӑкӑтты хә Владимир Егорович Енов сєма питум хӑтӆăӆ пӑта ӆэщӑтман вәс. Ӆўв нәптӑӆ 55 тӑӆа йис.

Ёмвошн Ас нопӑтты тыӆӑщн 21-мит хӑтӆӑн иса тӑхетн «Музейт ат» вєрӑнтыйӆса. Мєт оӆӑӊ тӑмӑщ мӑӊхӑтӆ 1997-мит оӆн Берлин вошн вєрса. Щи пийн па вєра сора тӑм м вєр па мўвӑтн, па вошӑтн вєрты питса. 

Т.А. Молданова ар оӆ мӑр хӑнтэт па вухаӆь ёх вәӆмӑт нух хӑншӆӑӆӆэ па щи вантум утӑт наука щира тәӆӆэ. Ӆўв «Архетипăт хӑнты мир вәӆмӑтн» киника хӑншӑс па арсыр наука щир нивӆ нєпек щи оӆӑӊӑн хӑншман тӑйӆ. Щи кўтн и наука нєпекӑӆ нюр няврєм вәӆмӑт оӆӑӊӑн. Ӆўв ясӊӑӆн, йис хӑнты вәӆупсыйн няврєм вантум утӑт пєӆа вєра вантман вәсӑт.    

Тӑмхӑтӆ мўӊ «Хӑнты ясӑӊ» газетаев 65 оӆ пос­тӑты вўраӊӑн 11-мит иньщӑсупсы хӑншӆўв. Юхӆы ясӑӊ тыв китаты: khanty-yasang-65@mail.ru.

11. Хән Тюменской обком партия эвӑӆт поступсы тывӑс, хуты еӆӆы рўщ ясӑӊӑн єтты «Ленинская правда» округ газета хӑнты щирн ихурпия єсӑӆты ӑн мосӆ? (Вантэ, щи пурайн «Ленин пӑнт хўват» газета – щит «Ленинская правда» эвӑӆт тулмащ­тум газета вәс). 

Хӑнты ясӊевн йиӆуп хурамӑӊ нєпек єтӑс. Тӑм нєпек ай няврємӑт вўраӊӑн хӑншум. Нєпек нємӆ «Ӆєӊкӑр войе як» («Танец лесной мышки»). 

Щит финн ими, нєпек хӑншты нє Пиркко-Лии­са Суройегин хӑншум моньщ. Ин моньщ хӑн­ты ясӑӊа Федосья Мака­ровна Лельховайн, фи­ло­логической наукайт кан­дидат нєӊӑн тул­мащ­тӑса. Увӑс хӑнтэт ясӑӊ щирн хӑншман вәӆ, Ём­вошн єтум нєпек.