№ 21 (3633) - 2023

Щи оӆӑӊӑн уша йис вән мирхотн, мӑта ут Ас потты тыӆӑщ 1-мит хӑтӆӑн Сургутской государственной университет хуща вәс. Щӑта путӑр мӑнӑс, муй щирн щи университет хуща Увӑс мир айӆат ёх арсыр вєрӑта вәнӆтӑты пӑта атэӆт институт пўншты. 

Щи вән мирхотн Сәрханӆ госу­дарст­вен­ной университет почётной профессор хә, университет Попечи­тельской совет кәща хуят А. Сидоров лупӑс: 

Ёмвошн Ас потты тыӆӑщ кимитмит хӑтӆӑн «Югра» нємпи айкеӆӑт ӑкӑтты тӑхийн Игорь Бозов пиӆа вәйтантупсы вәс. Ӆўв Югра хуща Россия МЧС надзорной па профилактической вєрӑт тәты тӑхи кәща ӆӑӊкӑр хәя вәӆ. Ӆўв путӑртӑс, муй вўрн тӑӆ тәрумн вәӆты, муйсӑр вєрӑт вєрты, муй щира ӆавӆӑсман вәӆты шәкӑӊ тўтӑт сурта ӑн хойты пӑта. Игорь Валерьевич лупӑс:  

Тӑта мосванӑн Ёмвошн Ас потты тыӆӑщ оӆӑӊ хӑтӑӆн «Югра» нємуп айкеӆӑт ӑкӑтты тӑхийн «Центр профессиональной патологии» тӑхи вән тохтур хә Николай Ташланов пиӆа вәйтантупсы вәс. 

Тӑта мосванӑн Сәрханӆ вош пәӆьница хотн и 59 оӆа вум нєӊа вевтам мезотелиома нємуп хун мәш, мӑта ут ӑтмащ иса нухӆы пєӆы пўвӆӑс, тохтурӑтн мсыева артаӆӑсы па нух эвӑтсы. Щи операция шєӊк ӆавӑртӑӊа абдоминальной хирургия щирн тӑм йисн ӆўӊӑтӆы.

Щи пӑта хӑннєхә хун хуща нух пўв­ӆум тӑхи пиӆа тохтурӑт араттєӆн хәт муӆтаскєм щос арат вулкємӑсӑт па ищи­па тәса па мсыева щи­тэӆ айӆтыева нух эвӑтсӑт.

Нємуӆты вән мӑӊхӑтӆ ӑн пориӆӑсы муй вән кәщайт ӑн па юх­тыйӆсӑт, нємуӆты пурайн айкеӆӑт ӆэщӑтты газетайн щи вєр оӆӑӊӑн ӑн хӑншсы. Тәп Югра мўвевн Сәрханӆ вош травмбольница хотн рәпитты тохтурӑт хӑщум оӆн арсыр ӆавӑртӑӊ вєрӑт лекщиттэӆ пийн нємасыя щимӑщ тӑхи ӆыв хущеӆа пўншсӑт, хута хӑннєхә сыр-сыр мәш мӑӆты вєритӆ.

Тӑм юхи хӑщум тыӆщӑт мӑр Н. Комарова кәща нєӊев округ районӑт хўват ӊхӑӆ. Ӆўв вантӑӆ, муй щӑта тўӊщирӑӊа ӆэщӑтман вәӆ, муйсӑр вєрӑт па тўӊматты мосӆ. Ас потты тыӆӑщ 7-мит хӑтӆӑн ӆўв Сўмӑтвош па Нуви сӑӊхум районӊӑн хущи вәс. Оӆӊӑӆн Н. Комарова Сўмӑтвош районӑн рәпитӑс, щӑӆта Нуви сӑӊхум воша мӑнӑс.

Сўмӑтвош район

Хӑнты нє Наталья Борисовна Сопочина Сәрханӆ районӑн вәнт шушийн вәӆ. Ма ӆўв пиӆэӆа вәтаӊа йисум Сәрханӆ район Русскинская вошн вўӆєӊ ёх мӑӊхӑтӆ пурайн. Щӑта ванӑн вәӆты вәнт шушет эвӑӆт юхтум хӑнты ёх кўтэӆн кӑссӑт.

Наталья Борисовна щи кӑсупсыйн хӑнты ӆәмӑтсухӑт ӆәмтум имет пиӆа сора кўрн хәхӑӆман кӑсӑс. Ӆўв щи пурайн оӆӑӊмит тӑхия йис. Мосӆ лупты, ӆўв каркам нє, сора кўрн хәхӑӆты хошӆ, ар пўш щимӑщ кӑсупсэтн нух питыӆӑс. 

Мӑнум товийн Сәрханӆ районӑн Русскинская кәртӑн хӑнты хә Геннадий Александрович По­качев пиӆа вәтаӊа йисум. Ӆўв Рус­скинс­кая вош эвӑӆт сот верстайн вәнт шу­шийн хоттєӆ ёхӆаӆ пиӆа вәӆ. 

Югра-классик хуща васы мӑнты тыӆӑщн 15-16-мит хӑтӆӊӑнӑн «Аӆ юрєме» нємпи етн хот ванӆтӑсы. Щит мўӊ мўвев ӆавӑрт сўрт оӆӑӊӑн, Вуӆаӊ ӆаӆь оӆӑӊӑн ванӆтупсы. Щи спектакль Мария Кузьминична Волдина хӑншум киника щирн вєрса, щи киника нємӆ «Ӆыӆ рўв пӑта», щӑта ӆаӆь пурайн вәӆум ёх оӆӑӊӑн хӑншман вәӆ.

Васы мӑнты тыӆӑщн Ёмвошн «Хӑтӆ» нємпи хӑнты-вухаӆь мирӊӑн театр ёх «Чехов. Трагикомические истории» нємуп етнхот аӆьсӑт. Щит А.П. Чехов хӑншум хәӆум путӑрӆаӆ «Мойпӑр» (1888-мит оӆн хӑншум ут), «Предложение» (1888-мит оӆн хӑншум ут) па «Юбилей» (1885-мит оӆн хӑншум ут) хўват етнхот вәс.

Тӑм етнхот вєрты режиссёр хә Лео­нид Архипов ястӑс: 

Ма кӑт оӆ Поӆнавӑт ӑшколайн вәнӆтыйӆӆум, тәп нәмӑсӆум, мӑтты ки, ма 1-мит класс вўш эвӑӆт тӑта вәнӆтыйӆты питсум. Кӑт оӆ мӑр ма пиӆєма вәнӆтыйӆты эвет-пухӑт, вәнӆтӑты ёх ма пӑтєма рәт ёх иты йисӑт. Мӑнум тыӆӑщн вәнӆтӑты ёх хӑтӆ вәс, щи пурайн мўӊ ӑшколаевн «Учителями славится Россия» вєр ӆэщӑтсы. Ин ма Иван Федотович Пермяков нєм­пи ӑшколаев па вәнӆтӑты ёхӆўв оӆӑӊӑн хӑншты вўтщийӆӆум.

Мўӊ ӑшколаевн 27 вәнӆтӑты хуят рә­питӆ. 2008-мит оӆ вўш эвӑӆт Алексей Григорьевич Лузянин кәщая вәӆ, щи тумпи физика урок тәӆ. Юхи хӑщум оӆӑтн щимӑщ кӑсупсэтн нух питсўв:

Тӑта вәнтӑт әӊхӑн авӆӑт,
Ма еӆпємн тови вәнт,
Вантӆум щивеӆт, хӑт вәнӑт,
Еша хӑщ ӆыв пӑӆӊа хойӆӑт.
Єпӆӑӊ єпӑӆ кўш яньщӆум,
Ӆоӆь нохӑр х вәӆьняя вән моӆщӑӊӑн,
Сўмӑт х пєӆы щикєм вантӆум,
Эвийн ӆоӆь, лыпӑт йи русы.
Тӑмӑщ вәнт нӑӊ ӑнт па вәйтӆӑн,
Щикєм вантӆум, кўш єнумсум вәнтӑн,
Каркам хӑнты ӛш шуши вантӑӆӑн,
Щит мӑӆы, ёхиет, мўӊ хотӆўв ӆоӆьӆӑт.

Микуль Шульгин

Сўмӑтвош районӑн васы мӑнты тылӑщ 3-мит хӑтӆ вўш эвӑӆт 6-мит хӑтӆ вәнта вәйтантупсы вәс. Тыв ӑкумсӑт Ёмвош округ хуща вәӆты ёх, щи ёх няврємӑт пиӆа рәпитӆӑт, няврємӑт нєпека вәнӆтӑӆӑт. Ӑктупсы нємӆ «Сащмӑӆтӑты ӛш хўват» вәс.

Мєт оӆӑӊ пўш тӑм вәйтантупсы то­вийн оӆӊитса, карты щўӊкӑт мухты путӑртман. Щӑӆта тыв араӆ пєлӑк ёх па мўв сўӊӑт эвӑӆт пиӆтӑщсӑт, ӆыв няврємӑт вәнӆтӑты тӑхетн рәпитты мир, иса округев ӆуват эвӑӆт, муниципальной мўвӑт эвӑӆт вәӆӆӑт. 

Ай тӑхет потты тыӆӑщ 27-мит хӑтӆӑн йис пурмӑсӑт шавиты «Торум Маа» тӑхийн «Ли­тературная гостиная «Сказки земли Югорской» вєр ӆэщӑтсы. Щи пурайн щӑта Галина Ивановна Слинкина оӆӑӊӑн путӑртсы. Г.И. Слинкина путрӑт хӑншты па айкеӆӑт ӑкӑтты хуята вәс. Ӆўв ар оӆ округ ратива хущи рәпитӑс, «Архив рассказывает», «Солдатское письмо», «И вспомнила душа моя», «Сказки земли Югорской» передачайт вєрман вәс. 

(еӆӆы путӑр)

Анна Зверева (Гриш­кина) ӆапӑт тәрум, хәт тәрум ортум мўв Тўкъя­кӑӊ кәртӑн тәнӆуп тыӆӑщ 5-митн 1970-мит оӆн сєма питӑс. Аӆпа, щирн тарум хӑннєхәя йис.
Ӆўв ащеӆ-ӑӊкеӆ Ил­ларион Николаевич па Дарья Деомидовна (эви опращнємӆ Себурова) Гришкинӊӑн нивӆ няврєм тӑйсӑӊӑн. Анна айтєӆн аӊ­каӊкеӆ, ӑӊкеӆ эвӑӆт ими рәпата тәты вәнӆӑс: мис пәсты, ош, амп пўн вєрты, вой сух тӑнӑӆты, хурамӑӊ рнасӑт, щӑшкан сӑхӑт ёнтты па па вєрӑта. 

м арат оӆ юхӆы финно-угорской айкеӆӑт ӑкӑтты ёх пиӆа Мари Эл мўв Козьмодемьянск воша ӊхмємн ма горной мари мир йис вәӆупсы ӆавӑӆты тӑхийн вәсум. Щив Горно­марийской драматической театрӑн юнтты ёх вохсыйт. Мўӊева, мойӊ ёха, щи тӑхи оӆӑӊӑн ай тәсы. Щӑӆта тӑм хурамӑӊ тӑхийн артистӑт пиӆа хурӑт вўсўв.