№ 18 (3606) - 2022

Лыпӑт хойты тыӆӑщ 16-18-мит хӑтӆӑтн Нуви сӑӊхум вошн хәӆмит пўш «Сияние Севера» нємпи мўвтєӆ мир ариты, якты ёх фестиваль вәс. Щит Нуви сӑӊхум район сєма питум хӑтӆӑӆ пурайн ӆэщӑтман вәс. Тыв Россия мўвевн па па хон пєлӑк мўвӑт арсыр ясӊӑтн арӑт ариты, якӑт якты мир юхтыйӆсӑт. Щит Россия, Армения, Грузия, Белоруссия, Мексика па Доминиканской мўвӑт эвӑӆт юхтум мир.

Югра мўв тәса вє­рӑнтты хӑннє­хуя­тӑт лыпӑт хойты ты­ӆӑщ 14-мит хӑтӆ вўш эвӑӆт па 18-мит хӑтӆ вәнта Москва хон вошн Мўвтєӆ мир «Сокровища Се­ве­ра» XVII-мит ванӆтупсыйн рә­питсӑт. 

Югра мўвев делега­ция тӑхия ӆуӊум вєрӑнтты ёх мєт ар хӑн­нєхә тӑйс.

Хоньщупсы мәш (грипп) – щит инфек­ционной кӑши-мәш, вирусӑт эвӑӆт тывӆ. Хӑннєхә ӆыӆ шив мухты щи кӑшийн юхӑтӆа, хән мәшӑӊ хуят пиӆа и тӑхийн вәӆӆяӆ. Хән хӑннєхә кӑшаӊа йиӆ, ӆапӑт хӑтӆ мӑр ӆўв эвӑӆтэӆа па хуят хоньщупсы мәшн питты вєритӆа.

Мӑта щирн уша вєрты рӑхӆ: 

- Мәша йиты пурайн єӆ сух каврум;

 - ух кӑши;

Москва вошн нӆ хӑтӆ мӑр Югра мўвев оӆӑӊӑн ванӆ­тупсыя 20 щурӑс муӆтас хуят юхтыӆӑс. Ӆыв ӑнтә тәп сыр-сыр пурмӑсӑт вантсӑт, кашӑӊ хуят муӆты әмӑщ ут вєрты па єпӆӑӊ ӆєтут ӆавємӑты вєритӑс. 

Кӑсупсыйн Югра мў­вев оӆӑӊ тӑхия питӑс, кимӑт тӑхи – Ямал мўв ёх вўсӑт, хәӆмит тӑхийн – Камчатка мўв хуятӑт. Мєт вән Гран-при мойӆупсы Сахалин мўв хуятӑт ёша павӑтсӑт. 
Кашӑӊ щив юхтыӆум оса тӑхи муй па ӆўв саттэӆа вәӆум хуят ищи мойӆӑсыйт па ишӑк нєпекӑтн мӑсыйт. 

Округ мирев, хуйтат льготной категория тӑйӆăт, интăм рўтьщă­ты хотăта ӊхты питӆăт. 

Ешавәӆ Ас потты па ван хăтӆуп тылăщӊӑнӑн округевн вәӆты мир кăт тӑхия, щит Ялуторовск во­ша «Берёзовая роща» нємпи тӑхия па Омск мў­ва «Колос» тӑхия ӊхӆăт. Щӑта леккарăт кӑӆы ӆєрăт, щӑӆта ёш-кўр па нервной па эндокринной система кӑщи-мәшăт лекщитӆӑт.

Кашӑӊ оӆ лыпӑт хойты тыӆӑщн 18-мит хӑтӑӆн мўвӑт-йиӊкӑт, вәнтӑт вантман тӑйты ёх мӑӊхӑтӆ постӑӆӑт. Щи вєр вўраӊӑн Ёмвошн «Югра-Экспо» хуща «Югорский лесной фо­рум» нємуп вән мирхот мӑнӑс. Тӑм мирхот округ правительства кәщайт, округ мўв-авӑт ԯавӑԯман тӑйты вєрӑт тәты департамент па Югра мўв вәнтӑт вантман тӑйты тӑхи ёх ԯэщӑтсӑт.

Тӑм ванӑн Камчатка мўвн Российской айӆат ёх «Экосистема. Заповедный край» нємпи вән мирхота ӑкӑтсыйт. Иха ӆуӊӑтты ки, 450 муӆтас айӆат хуят вәйтантупсыйн вәс. Щӑта ӆыв мўвев-йиӊкев ӆавӑӆты щирӑт оӆӑӊӑн путӑртсӑт. Сырыя айкеӆ вєрсӑт, муй щирн ӆыв мўвӆаӆн щи вєрӑт ӆэщӑтӆӑт, хутыса хиет, ваншиет па иса єнумты утӑт шавиӆӑт па ӆавӑӆӆӑт. Щи тумпийн кўтэӆн путӑртсӑт, муй вєрты, ӆәӆн еӆӆы єнумты айӆат ёх рәт мўвиеӆ ищиты мосман па сӑмӑӊа ат тӑйсӑт.

Пириты хӑтӆ мӑнум пийн избирательной комиссия кәща хә Денис Корнеев айкеӆӑт хӑншты ёх пиӆа вәйтантыӆӑс. Лыпӑт хойты тыӆӑщ 11-мит хӑтӆӑн округевн вәӆты мир 13 вошӑтн па кәртӑтн кәщайт па 16 вошӑӊ па кәртӑӊ дума тӑхета депутатӑт пирисӑт. 

Югра мўвевн ар айӆат хуят вәӆ, хуйтат рәт мир вәӆупсы ванӑн тӑйӆӑт, рәт мир йис вәӆты щирӑт оӆӑӊӑн уша павӑтты ӆӑӊхаӆӑт. Щимӑщ айӆат хә пиӆа ма мӑнум ӆўӊӑн вәтаӊа йисум, щит Михаил Яркин.

Кондинской район Карл Маркс нэмып рыбартель ёх картопка нох вуты на­рымсыт. Там курт хоси, хута картопкаит омысман утсыт, хутым хатл мар 2,5 гектар туват тахи эвыт 30 кем тонн картопка вусы. Картопка харытны ат уттэт мар рупиттыт мис пусты нэнгыт.

Уны нётыпсы вертыт там верны пирся ювым па ар нявремынг ангкет. Мет яма рупиттыт тамись ёх, хотыса Наталья Егоров­на Иванова, 57 отып Мар­фа Васильевна Копьева па Анна Васильевна Копьева.

Йис вўш эвӑӆт киникайт пиӆа рәпитты ёх мєт нумсӑӊ па нєпекӑӊ хӑннєхуятӑта вәсӑт. Ӆыв арсыр вєрӑт оӆӑӊӑн вәйтсӑт, хӑннєхәя путӑртсӑт, муйсӑр нєпекӑт ӆўӊӑтты мосӆ. Библиотекаря йиты хуятӑт, щит киникайт мєт мосман тӑйты ёх. Ӆыв шєӊк ар вух ӑн вўӆӑт, тәп рәпатаеӆ мєт м па мосты рәпатая ӆўӊӑтӆӑт. 

Кондинской район Карл Маркс нэмып колхозны хут ветпыс­тыты хо Михаил Фё­дорович Тайлаков нуп­тыт хуват моттыкем сот тонн отынг сорт хут государствая мас. Тув ситы яма рупиттат пата мотты арат пуш пра­вительственной награ­да­ны мийтисы. Хун тув хутыммит квартал за­данияны масы, имох­ты ветпыстаты тахе­та ма­ныс. Михаил Фе­дорович Пихтовой ёхан хоси атармаин ветпыстыс па 10-мит сентябрь унта планыт кат пуша тарматсытэ. Сирны тув 5 молтас тонн ай па ун хут ветыс.

Ӆўӊ тәрумн мўӊ мўвевн мєт ӆавӑрт вєр – щит вәнтӑт ёсты шәкӑӊ тўтӑт. Щи тўтӑт мўвев-йиӊкев па саты тємӆӑт, ӆантӑӊ ёхмӑт, воньщумутӑӊ мўвӑт иса хоюм вәнта ёсӆайт.

Вәнт кәртӑн вәӆты ёха тӑмӑщ шәкӑӊ тўтӑт – щит мєт ӆавӑрт сурт. Хотӑт, пурмӑсӑт ёсӆайт, хӑннєхә ӆыӆ рўв рмӑӆӆӑт. Щи пӑта хән мўӊ вәнт кәртӑӊ ёх пиӆа вәйтантӆўв, ӆыв иса пўш щи тарум шәкӑӊ тўтӑт оӆӑӊӑн путӑртӆӑт.

Иса ёш войхут та­пыт­тот тэсятым мар Вон­зеват курт комсомоль­цыт, хота секретаря С.П. Молданов утл, колхозы­та уны нётыпсы вертыт.

Кашинг тапыт хутым хатл мар 5-6 комсомолец комсомольской органи­за­ция комитет член Ва­лентина Кожухова ёш итпины пум сэвырты тахия янгхтыт.

Сята тыв пум верты ёха пум сэвырты, коп­ная верты па яха тахты нёттыт.

«Искра» колхозны ёш войхут тапыттот тэсят­ты план тарматса. Там колхоз пум харетны яма рупитсыт Е. Калинина, С. Алексеев, И. Кузнецов, А. Оленев, М. Золотухин, Н. Калугин, Г. Оленева, Саша Калинин.

Ёш войхут тапыттот тэсятты па урожай вуты верны ям нётыпсы ма­сыт ИРП пристань па горпищекомбинат рабо­чиит па служащиит.

Щи оӆӑӊӑн мўв­тєӆ мир вўӆєӊ ёх мирхот пурайн Тыва мўв Кызыл вош эвӑӆт юхтум ими Свет­лана Алексеевна Дём­ки­на айкеӆ тәс. 

Кондинской район «Россия» колхоз кимит по­леводческой бригаданы там ванны картопка нох вуты верны воскресник верынтса. Воскресникты Совлинской курт хус мол­тас хоят утыс.

Там хатлытны кол­хозной картопка харны антапа туп колхозникыт, рабочиит па служащиит яма рупитсыт, но и кол­хозной пенсионернгын Иван Евгеньевич Гладков па Яков Иванович Мак­симов. Куш тынана кашинг хоя 70 от, но нын айтат ёх эвыт ёхи хасьта ант тангхатнгын.
 

Ветхущъяӊ оӆ юхӆы, щит лыпӑт хойты тыӑщ оӆӑӊмит хӑтӑн Ёмвошн ай няврємӑт увӑс мир культурая, рәт ясңӑта вәнтӑты щира нємасыя «ыӑң союм» (ин ДЭКОЦ тӑхия аӆьщаӆы) нємпи тӑхи пўншсы. 

Тӑм мосты вәнӆтӑты тӑхи мўӊева вєра мосӑс. Вантэ, «Ӆыӆӑӊ союмн» вет оӆ ӆуват вўш эвӑӆт пушхӑт 18 оӆ вәнты айӆат эвет-пухӑт шуши мир арӑта, якӑта, ущхўӆь утӑта, увӑс нарӑсты юхӑтн юнтты вєра, арсыр хура­мӑт вєрты щирӑта, оӆюпн хўрӑт хӑншты вєрӑта па иса Ас-угорской культурая вәнӆтӑӆы. 

Тӑмхӑтӆ мўӊ хәӆмит юнтты вєр хӑншсўв. Оӆӑӊмит па кимит юнтты вєр 16-17 номерӊӑн хущи вантаты.

1. Юхи хӑщум няврєм похла уӆты хӑт ёша вўӆӆэ па нух ёвӑӆмӑӆӆэ.

2. Иӆ питум хӑт әхтыйн вўӆы хот хәӆум х эвӑӆт омӑсӆы.

Ёмвошн вәӆты «Торум Маа» нємуп музей тӑм оӆ 35 оӆа йиӆ. Тӑм мӑӊхӑтӆ еӆпийн, лыпӑт хойты тыӆӑщн 16-мит хӑтӆӑн музей хуща «несубботник» нємуп хӑтӆ вєрӑнтса. 

Тӑм хӑтӆ вохсайт ка­шӑӊ кашащты хӑн­нєхәйт па мєт ӆавӑӆсайт щи ёх, мӑта хуятӑт лупты пӑкӆӑт: «Ма «Торум Маа» музей вєрӑнтсум». 
Музей сайтӑн хӑншман вәӆ: «Щимӑщ ясӑӊ араӆ пєлӑк ёх лупты пӑкӆӑт, арсыр вошн вәӆты ёх. Тӑм тӑхи вєра ар мир ӛрн музея йис!»

Ёмвошн лыпӑт хой­ты тыӆӑщн 17-мит хӑт­ӆӑн округ мир творчества хотн як­ты-ариты мир пӑта йиӆуп арӑӊ-моньщӑӊ оӆ пўншса. 

Мєт оӆӑӊ м вўща ясӑӊ Югра мўв куль­тура Департамент хуща рәпитты ӆӑӊкӑр хә В. Фри­зен вўс. Ӆўв ар м ясӑӊ юх­тум ёх пєӆа, якты-ари­ты мир пєӆа путӑртӑс: 

Лыпӑт хойты тыӆӑщ 24-мит хӑтӆӑн марийской учёной нє Марианна Юрьевна Семёнова (Андуганова) 50 оӆа йиӆ. Ӆўв хәскєм оӆ Югорской государственной университет хуща рәпитӆ. Тӑм ванӑн ма ӆўв пиӆэӆа путӑртсум па вәӆупсэӆ оӆӑӊӑн иньщӑссєм.

- Марина Юрьевна, нӑӊ вә­таӊ финно-угорской вән учёной, профессор Юрий Владимирович Андуганов шәӊӑт хә семьяйн сєма питсӑн. Муй щирн щимӑщ семьяйн єнумты?

Тӑмхӑтӆ мўӊ «Хӑнты ясӑӊ» газетаев 65 оӆ постӑты вўраӊӑн нивӆхущъяӊмит иньщӑсупсы хӑншӆўв. Юхӆы ясӑӊ тыв китаты: khanty-yasang-65@mail.ru.

18. Хән «Ленин пӑнт хўват» газета «Хӑнты ясӑӊ» нємн аӆьщӑсы?

Вўтн ӛхмӑӊ мўвн хәс хотуп кәр­тӑн Паннє Пўвлы вәс. Щӑта вәӆум мир шєӊк ӆәхсӑӊа кўтэӆн вәсӑт. Щи вєрн ха вўты ӊхсӑт. Кәртӑн атэӆт хуят ӑн хоӆӑӆ. Ӆўв шєӊк шәхӊӑӆтыйӆ.

Имуӆты хӑтӆӑн Паннє Пўвлы путӑртӑӆ сахӑт ёхӆаӆа лупийӆ: 
– Нын йира мӑнаты. Ма атэӆт кәртємн хоӆӆум. 

Мирн па вуӆытӆа: 
– Вәӆты ки ӆӑӊхаӆӑн, атэӆт аӆ хоӆа.