№ 12 (3552) - 2020

Щиты мирхот пурайн лупӑс округ вәнӆтӑ­ты па айӆат ёх вєрӑт тәты де­партамент кә­ща хә Алексей Дренин.
 

Тӑм оӆн коронави­рус мәш вәӆ, щит пӑта ӑшкола етшуп­тӑты няврємӑт па еӆ­ӆы институтӑта, уни­­вер­ситетӑта вәнӆ­тыйӆ­­­ты питты айӆат ёх вәщ па вәйт ӆор тыӆӑщ­ӊӑн пурайн экзаменӑт мӑты питӆӑт.

Лыпӑт єнумты тыӑщ 16-мит хӑтӆӑн Ёмвош «Югра» нємуп айкеӆӑт ӑкӑтты хотн Югра мўв налоговой вєрӑт тәты тӑхи кәща нє Ольга Литова айкеӑт хӑншты па ӑкӑтты ёх пиӆа вәйтантыӆӑс.
 

Округ кәща нє Наталья Комарова кашӑӊ хӑтӆ видеоконференция щирн мирхотӑт вєрӆ, щи тумпи округ вошӑт па кәртӑт хўват ӊхийӆ.

Нуви сӑӊхум вошн вәс

Лыпӑт єнумты ты­ӆӑщ 11-мит хӑтӑӆн Ёмвош округ мир лекщитты пәӆьни­ца хотн Росгвардия хуща служитты ёх, «Молодёжка ОНФ» нємуп тӑхия ӆуӊ­ман вәӆты хуятӑт па «Волонтёры-ме­дики» кӑӆы мӑсӑт. Вантэ, лыпӑт тыԯӑщ 14-мит хӑтӑӆн иса мўватн кӑӆы мӑты ёх мӑӊхӑтӆ. 
 

Югра мўв әхтыйн Росгвардия хуща айкеӆӑт тәты тӑхи кәща нє Наталья Васильчен­ко лупӑс: 

 Югра мўвн ӑшкола етшуптум шуши ёх эвет па пухӑт кєша нємасыя еӆӆы вәнӆтыйӆты нєпек ӆэщӑтман вәӆ. Щи ут унтасн няврємӑт вәнт кәртӑтн, ай вошӑтн мосты вєрӑта вәнӆтыйӆты пӑкӆӑт.

Вантэ,  «Регио­наль­ный перечень про­фессий» нємуп нє­пек щирн шуши мир эвет па пухӑт еӆӆы вәнӆ­тыйӆӆӑт. Ӆыв увӑс мир йис вәӆупсы щирӑт, хӑнтэт, вухаӆьт, юрнӑт тӑюм катра ӆәмӑтсухӑт муй иты ёнтман вәӆӆӑт, щи вєрӑт әхтыйн вән нє­пекӑӊа йиты вєритӆӑт. Щи тумпи рәт ясӑӊ вє­рӑта вәнӆтӑӆыйт. 

Лыпӑт єнумты тыӑщ 12-мит хӑтӑн Россия уваттыйн мўвев мӑңхӑт постӑсы. Тӑм юхи хӑщум тыӆщӑтн округев мўва йиӆуп коронавирус нємуп мәш юхтӑс. Щит пӑта округевн вәӆты мира мӑӊхӑтӆ постӑты щира ар хуятн ӑктӑщты ӑн рӑхӑс. Тўӊщирӑӊа па вещката ӆэщӑтыйӆман, ӆәӆн коронавирус мәша мўӊ мўвевн вәӆты хӑннєхуятӑ­т аӆ питсӑт, Россия мӑӊхӑтӑӆн Югра хуща 100 муӆтас арсыр вєрӑт ӆэщӑтсыйт. 
 

1990-мит о лыпӑт єнумты тыӑщ 19-мит хӑтӑӆн Нуви сӑӊхум вошн мєт оӆӑӊ «Югра ыңуптӑты» оса тӑхи пўншсы. Интӑм оса тӑхи Нуви сӑңхум район ӆуваттыйн аӆьщӑӆы.
 

Щи еӆпийн 1989-мит о ван хӑтуп ты­ӑщн, хән Россия мўв хў­ваттыйн авӑрт вә­уп­­сы вәс, шуши мирӑт нў­шайт тўңматты мо­сӑс, щиты Ёмвош округ хуща мєт оӑң «Югра ыңуптӑты» оса тӑхи пўншсы. 

Оӆӑӊмит кәща

Лыпӑт тыӆӑщ 21-мит хӑтӆӑн Россия мўвев хўваттыйн леккарӑт мӑӊхӑтӆ постӑсы. Ма ӆӑӊха­ӆум хӑншты Нуви сӑӊхум район Вань­­щавӑт кәр­тӑн рәпит­ты тохтур Алексей Алек­сандро­вич Гав­ри­­лов рәпа­таеӆ оӆӑ­ӊӑн.
 

Тӑм пўш лыпӑт тыӆӑщ 16-митн нӆ оӆа йис щи вўш эвӑӆт, хән ӆўв щи кәр­та рәпитты юхтӑс. Ӆўв рәпатайӆ сӑмӑӊа тӑй­ӆӑӆэ, щи оӆӑӊӑн лупӆ:

Алексей Андриа­нович Алексеев 1916-мит оӆн Халапант кәртӑн (тӑм юхи хӑщум оӆ йисн Октябрьской районӑн) вой-хўӆ веӆ­пӑсӆӑты хоттєӆ ёх ху­щи сєма питӑс. Мосӆ лупты, хуты тӑм хӑнты хә 1942-мит оӆн ӆаӆясты вохсы. Ӆаӆь хӑрн пӑратсы. А.А. Алексеев нємӆ Югра мўв хущи тӑта мосванӑн «Книга памяти» нєпе­кӑн нух хӑншсы, мӑта ут 2015-мит оӆн єсӑӆсы.

Йистєӆн хӑнты Русмиленко рәт Кушеват кәрт пўӊӑӆн вәӆум кәртӑтн вәсӑт. Хәнты рўщ щурас ёх хӑнтэта рўщ милӑт тәсӑт, щи рәт эвӑӆт и ики щи рўщ мил щикєм мосман тӑйс, щирн хӑнтэт щи рәта Рўщмиллєӊки опращнєм мӑсӑт.
 

Вуӆаӊ Отечественной ӆаӆь оӆӊитум пурайн Поӆнавӑт кәрт эвӑӆт Нёмысовӑт рәт эвӑӆт вет хуят, щит Андрей Васильевич, Алексей Андреевич, Иван Петрович, Ти­мофей Петрович, Григорий Михайлович Нёмысовӑт рәт мўвев эвӑӆт вуракӑт во­шитты мӑнсӑт. 
 

Ара ариты хўӆӑӊ Ас пўӊӑӆн, путӑ­ра путӑртты ӆaнтӑӊ Ас пўӊӑӆн Ваньщавӑт вошн хӑнты имие Галина Ге­расимовна Молданова вәӆ. Ӆўв лыпӑт єнумты тыӆӑщ 23-мит хӑтӑӆн 65 оӆа йис. 
 

Вухаӆь нє Людмила Савельевна Хозумова пиӆа ма тәняӆ сўсн «Мань хап» нємуп ай хопӑӊ кӑсупсэт пурайн Ванзетур кәртӑн Сўмӑтвош районӑн вәйтантыйӆсум. Мин вәӆты-хоӆты щирӆаӆ оӆӑӊӑн путрємӑсмӑн.
 

Людмила Хозумова Ломбовож кәртӑн  Сўмӑтвош районӑн ву­хаӆь хоттєӆ ёх хуща сєма питӑс па айтєӆн вәс. 

Лыпӑт тыӆӑщ юхи хӑщум хӑтӆӑт мӑр тәняӆ ӆўӊӑн «Ма Ӆорвош мўвєм»  мӑӊхӑтӆ мӑнум пу­райн «Кунавӑт нє» якты-ариты тӑхи нєӊӑт пиӆа иха вәйтантыйӆсум па айкеӆ вўсум, муй щирн тӑм йисн ӆыв вәӆӆӑт па муй ху­расуп хӑнты арӑт сыр-сыр мирӑт еӆ­пийн ариӆӑт.  
 

Щиты лупӑс Угут кәртӑӊ киникайт ӆўӊӑтты хот кәща нє Евгения Анатольевна Эсаулова. Щив юхӑтмємн ма мєт сыры щи хота ӊхсум.
 

Тӑм ими эвӑӆт уша йис, хуты тӑм ки­никайт ӆўӊӑтты хот кәртӑн вән кєр тыӆӑщ 16-митн 1954-мит оӆн пўншман вәс. 

Валентина Нико­лаев­­на Соловар Ас хӑӆты ты­ӆӑщ 29- митн 1958-мит оӆн Касум кәрт Нуви сӑӊ­хум районӑн сєма пи­тӑс. Ӑшкола пийн Ёмвошн педучилище па Ленинград вошн пе­динститут, щӑӆта Новосибирск вошн ас­пирантура етшуптӑс. Ар оӆ Ёмвошн Нижне­вартовской пединститут филиал хуща, щӑӆта ЮГУ хуща айӆат ёх хӑнты ясӑӊа вәнӆтӑс. Интӑм Ас-угорской научной институтн рәпитӆ. 2010-мит оӆн ӆўв «Парадигма простого предложения в хантыйском языке» нємпи диссертация хоӆумтӑс па филоло­гической наукайт док­тора йис.

м арат оԯ юхԯы Касум мўвн вәты хӑнты хә Алексей Тарлин арӑт хӑншты оԯңитӑс. Тӑмхӑтӆ нюмша хӑнты хә ӆэщӑтум хура­мӑӊ па сӑмӑӊ путӑрӆаӆ нынӑна ванӆтӑты ӆӑӊхаӆўв.