Хӑнты эви Елена Шуганова тӑм он «Мисс студенчества Финно-Угрии – 2019» кӑсупсыя мӑн. Щи оӑңӑн уша йис, хән Югорской государственной университетн округ мир эвет кўтн кӑсупсы вәс.

Ван хӑтуп тыӑщн округ оса тӑхет департамент хуща мирхот вәс, щӑта арсыр кәщайт, депутатӑт, айкеӑт ӑкӑтты ёх, учёныйт ӑктӑщийсӑт. Мос лупты, 2019-мит о – щит ООН генеральной ассамблея ёх щирн Мўвтє мир шуши мир ясңӑт о. Щирн мирхотн ӑкмум ёх путӑртсӑт, муй ыв па он рәт ясӑң авӑты пӑта вєрты питӑт.

«Хӑнты ясӑң» па «Луима сэрипос» газетайңӑн юкан кәща нє Галина Кондина путӑртӑс, хутыса интӑм газетайңӑўв интернет хуща арсыр тӑхетн ўңӑтты рӑх.

Мӑнум он ван хӑтуп тыӑщн Ёмвош кәща хотн Координационной совет нємуп мирхот мӑнӑс, хута ай павӑтсы, муй щирн пирӑщ па мәшӑң хуятӑта унтас вєры. Щи оӑңӑн арсыр департаментӑтн рәпитты мир путӑртсӑт.

Ван хӑтуп тыӑщн округ вәнтӑты па айат ёх вєрӑт тәты департамент кәща хә А.А. Дренин шуши мир ясңӑт па вәупсы авӑты вєрӑт тәты научно-координационной совет ёх мирхот вєрӑнтӑс. Щӑта ай тәсы, муй щирн 2018-мит о мӑр совет ёх рәпитсӑт.

Ван хӑтуп тыӑщн округ губернатор ӑңкӑр хә Алексей Шипилов шуши мир вәупсы вантман тӑйты комиссия ёх мирхот ӑктыԯӑс. 

Сырыя кәщайт путӑртсӑт, муйсӑр мўвтє мир вәйтантупсэт 2019-мит он ԯэщӑтԯыйт. Югра мўв оса тӑхет вєрӑт тәты департамент кәща ӑңкӑр нє Инна Арканова айке тәс, хуты 2019-мит он увӑс мир пӑта Мўвтє ня вәйтантупсы нух хӑншман вә:

 1. Финно-угорской мир Консультативной тӑхи ёх мирхот. Тӑм тӑхи 1992-мит он пўншсы, ән финно-угорской мирӑт рәт ясңӑт па иса культура вәупсы єрамтты па еы шавиман тәты. 

Йиуп о оңитум юпийн оӑңмит номерн ма Югра мўв депутат, хӑнты мир эвӑт вәты хә Александр Новьюхов рәпата оӑңӑн тәп и пєлӑк путӑр нынана хӑншсум. Интӑм путрєм еы тәєм.

– Александр Вячеславович, нӑң щиренӑн, депутат пӑта мєт вуаң вєр щит муй? 

Тӑм йисн катра верӑт кӑншты питсайт. Щит шеңк ям. Мўң вун хятӑт ӑн ки питўв опращ верӑт оӑңӑн птӑртты, хуща ай няврэмӑт йис верӑт вуйтты питӑa. Там птрэм мӑн йис хот оӑңӑн. Щит ма опращем омсум хот. 

Ван хӑтуп тыӑщн Сўмӑтвошн Любовь Константиновна Вынгилева пиа вәйтантыйсум. Муй щирн па мӑта мўвӑтн вәупсы щирӑ мӑнӑс, муй хурасуп рәпата тӑйс, щи вєра оӑңӑн ма ўве иньщӑсты питсєм.

– Любовь Константиновна, сырыя нӑң ай пура оӑн, ӑңкен-ащен муй нӑӊ хоттє ёхӑн оӑңӑн мӑтты айке газетаева хӑншты пӑта тўва. 

«Товары земли Югорской» нємпи вантупсыйн ма Сўмӑтвош район кәща хә Владимир Иванович Фомин пиа вәйтантыйсум па иньщӑссум, муйсӑр тӑхет ыв районэ эвӑт вантупсыя юхтыйсӑт па муй тәсӑт?

Сўмӑтвош район кўтуп ӑшколайн Елена Николаевна Ясинская арсыр классӑң айат ёх рўщ ясӑңа па литературая вәнтуман рәпит. ўв 1976-мит он Ивановской государственной университет етшуптӑс. Ханты-Мансийской округ мўвевн иса 1987-мит о вўш эвӑт няврємӑт вәнтӑ. Сўмӑтвош кўтуп ӑшколайн айат ёх вәнтӑты 1995-мит о вўш эвӑт питӑс. Щиты 23 о ўв тӑта вә па рәпит.

Лыпӑт хойты тыӑщ яртъяңмит хӑтӑн Тюмень вошн вәты хӑнтэт,  вухаят па юрнӑт Мўвтє шуши мирӑт емӑңхӑтэ постӑсӑт. ывеа арсыр увӑс ёх, культура па область кәщайт щи вєре эщӑтты нётсӑт.

Тюменян К.Я. Лагунов ики нємуп киникайт ўңӑтты хот йитн нємасыя шуши мир хуятӑт емӑңхӑтэа юхтыйсӑт. Щи пурайн областной правительства, культура тӑхет па арсыр увӑс ёхўв оса вєрӑт ямӑты кәщайт шуши мирӑт вәты-хоты щирӑт оӑңӑн тәс айкеӑт вєрсӑт.   

Щиты лупӑс Галина Русмиленко, ўв 2008-мит о вўш эвӑт Нуви сӑңхум вошн пәьницайн инфекционной отделения хуща ай еккӑр нєңа рәпит. ўв мӑнєма вәупсэ па рәпатай оӑңӑн айке тәс.  

аңки пос воша яңхмємн ма няврємӑт па айат ёх рўтьщӑты «Фортуна» нємпи хота яңхсум па кәща хә Евгений Захаров пиа путӑртсум.

– Евгений Игоревич, тӑм тӑхи оӑңӑн еша путӑрта.

Мӑнум о ван хӑтуп тыӑщн мўң Касум вош эвӑт няврємӑт пиа Сәрхан района Сытомино па Лямина кәртңӑна яңхсўв па «Шәкӑң ари нумсєм, ма щи хӑйиямєм» нємпи етнхот аьсўв. Тӑм эщӑтум утэв мўң вещи па тӑхия тәсэв. 

Щив хўв ӛш вәс, тухӑң хопн, машинайн, оньщ хўват яңхты карты хопн тәсыюв. Щи пӑта итәх пурмӑсўв шўкаӑсӑт па щив юхтум юпийн нух эщӑтсӑўв. ән етнхотэв тәс щирн вантӑты, нємасыя хот йит мос, хута лампа тўт хот питрӑта мосты щирн хәтӑты пит. 

Мӑнум йиуп о рўтьщӑты хӑтӑт мӑр Касум мўва Нуви сӑңхум район, Россия вошӑт па па хон пєлӑк мўват эвӑт ар мойң мир юхтыӑс. Кӑт семья па хон пєлӑк Турция мўв эвӑт, Белоруссия мўв, Ямал мўв, Омск, Брянск, Екатеринбург вошӑт эвӑт мойң хуятӑт вәсӑт.

«Торум Маа» музей рәпатнекӑт кашӑң о «Югра Тур» нємуп вантупсыйн шуши мир пурмӑсӑт вантӑӑт па хӑннєхәйт щитӑт вєрты вәнтӑӑт. Иатн щи вантупсыйн музейн рәпитты нє Наталья Краснопеева пиа вәйтантсум. Югра-Экспо хотн ўв мира «Времена года. Летние ремёсла обских угров» нємуп вантупсыйн шуши пурмӑсӑт оӑңӑн ай павтӑс па мойң ёх лапи вєрты вәнтӑс. Щит вєрта мӑр рәпатай оӑңӑн путрємӑсмӑн. 

– Тӑта арсыр туристической тӑхет эвӑт хӑннєхәйт вәӑт, щи ёха музеев оӑңӑн ай павӑтўв. Щи юпийн аршӑк хуят «Торум Маа» хущи юхтыйӑт. 

2017-мит он ван хӑтуп тыӑщн «Хӑнты ясӑң» нєпекн Эстер Рутткаи-Миклиан пиа путӑр єтӑс (http://www.khanty-yasang.ru/khanty-yasang/no-24-3492/7238). Щит Антал Регули нємуп музея кәща нє Зирц вошн Венгрияйн. Щи нєпекӑн А. Регули па щи хә нємуп музей оӑңӑн хӑншман вә. Щи хә XIX-мит йисн Увӑс мўва обско-угорской ясӑңңӑн єрамтты юхтыӑс. Щи юпийн ўв лупӑс, хуты щитңӑн венгерской ясӑң пиа рәта вәӑңӑн. Щӑта Эстер ай павтӑс, муйсӑр музеятн хӑнты па вухаь пурмӑсӑт нух шавиман вәӑт.