№ 8 (3524) - 2019

Ай кєр тыӑщ 27-митн РИЦ «Югра» хотн «Центр профессиональной патологии» нємуп тӑхи вуаң тохтур Николай Ташланов па щи хот рәпатнек Владимир Слабко ай павӑтсӑңӑн, хутысаты тӑн кәртӑта яңхты леккар әхӑ рәпитӑс.

Н. Ташланов тӑмиты щи оӑңӑн путӑртӑс: 

Вән кєр тыӑщ 9-мит хӑтӑн Ёмвошн РИЦ «Югра» нємуп тӑхийн айкеӆӑт ӑкӑтты хӑннєхуятӑт округев Пенсионной тӑхи кәща нє Татьяна Зайцева, ўв ӑңкӑр ёха Ольга Турнаева па Александр Сучков, рәпатайт мӑты тӑхи кәща Алексей Варлаков пиа вәйтантыйсӑт. Ияха юхтум па арсыр тӑхетн рәпитты кәщайт айкеӑт тәсӑт, муй щирн пенсияя ванамӑты па вәната ювум хәйт па нєңӑт пӑта тӑм юхи хӑщум оӑтн йиуп поступсэт єтсӑт.

Вән кєр тыӆӑщ няӆмит хӑтӑӆн Югра мўв ӆуваттыйн «Русское географическое общество»  нємуп всероссийской тӑхийн рәпитты ёх вошӑӊ мир пӑта әмӑщ ванӆтупсы пўншсӑт. Вантэ, кашӑӊ оӆ вән кєр тыӆӑщн иса мўвӑтн география, экология вєрӑт ԯєрамтты ёх «Марш парков» нємпи вєр ӆэщӑтӆӑт. Ӆәӆн мира география вєрӑт оԯӑңӑн ай павӑтты па научной вєрӑт ԯєрамтман мўв хўват яңхты вєр оӆӑӊӑн ищи путӑртты. 

«Устойчивое развитие коренных малочисленных народов Севера» поступсы щирн 2020-мит о вәнты шуши айӆат вәнӆтыйӆты ёха нётупсы вух ёша павӑтты рӑхӆ. 

Ёмвошн ай кєр тыӆӑщн Ас-угорской институтн рәпитты хуятӑт «Этнокультурное пространство Югры: опыт реализации проектов и перспективы развития» нємпи мирхот вєрӑнтсӑт.

Мирхотн филология, культурология, педагогика, история щирн наукайн рәпитты хуятӑт, няврємӑт вәнӆтӑты, культура вєрӑт тәты, оса тӑхетн кӑпӑртты ёх вәсӑт. Щи тумпи видеоконференция щирн 17 вәнӆтӑты тӑхи ёх арсыр районӑт эвӑӆт путрӑт хәӆӑнтсӑт. 

Хӑнты ими Акулина Павловна Яврова тӑм оӆ ай кєр тыӆӑщ 20-мит хӑтӆӑн 85 оӆа йис. Ӆўв ар оӆ мӑр Нуви сӑӊхум район Ваньщавӑт кәртӑн вәс, вухсар хотн рәпитӑс. Ӛхӑт оӆӑтн Людмила эвеӆ пиӆа Нуви сӑӊхум вошн вәӆты питӑс.

Ван хӑтӆуп тыӆӑщн 2018-мит оӆн Касум вошн «Харсурт ёх» нємпи киника єтӑс. Щит Рандымовӑт рәт ёх ӆэщӑтсӑт. Ӆывеӆа Касум вошӑң киникайт ӆўңӑтты хот ёх нётсӑт «Малая культурная мозаика Белоярского района» нємпи кӑсупсыя щи проект китты. Щӑта вухӑң нётупсы хоӆумсӑт. Щи вухӑт унтасн киника єсӑӆсӑт.

Щи киникайн Рандымовӑт вән рәт ёх оӆӑңӑн хӑншман вәӆ. Иса хоттєӆ хуятӑт киника пӑта катра па тӑм йис хурӑт кӑншсӑт. Киника ӆэщӑтты ӆывеӆа Елена Терентьевна Федотова нётӑс. 

Тӑм ванӑн Ёмвошн Россия мўв шуши мир рәт ясӊӑт оӆ пўншум пурайн тыв арсыр мирӑт юхтыйӆсӑт. Ӆыв кўтэӆн Красноярской мўв увӑс мирӑт вәӆупсы вантман тӑйты уполномоченной хә Семён Пальчин вәс. Ӆўв ай тәс, муй щирн Красноярской край мўвн шуши мирӑт вәӆӆӑт.

Ай кєр тыӑщ 27-мит хӑтӑн Ан юхан кәртӑн Сўмӑтвош районӑн рәпатаем щирн вәсум, хута ар пєлӑк вухаят вәӑт. Сырыя нємасыя щи кәртӑң кәща нє Татьяна Рукова (Гындыбина) пиа вәйтантыйсум па путрємӑсум.

Вән кєр тыӑщ 13-мит хӑтӑн «Йис Сәрхан» нємуп историко-культурной центр нємуп тӑхийн шуши мирӑт отдел хущи рәпитты хӑнтэт па вухаят хӑт кўтуп вўш эвӑт ияха ӑктӑщум вошӑң хӑннєхуятӑт епийн хурасӑңа «Вурңа хӑт» пориӑсӑт. 

Ай кєр тыӑщ 6-митн «Най Аңки» нємуп хӑр етшуптум хӑтӑн Ёмвош киникайт мийяты хотн Егор Морозов пиа вәйтантупсы вәс.

Ай кєр тыӑщн Мегион вошн няврємӑт хурӑт хӑншты вєра вәнтӑты ӑшколайн Светлана Солодиловайн хӑншум хурӑт эвӑт «Пространство настроений» нємпи вантупсы вәс. Ӆўв веншӑ пєы вантӑн – ўв щимӑщ ӑткӑш ими, щирн хура ищимщӑт. Ӆўв хуран вәупсыйн иты мўв-авӑт, ияха хурамӑңа пунум єтутӑт, хӑннєхәйт. Светлана – хурамӑң па сӑмӑң имие, щирн ищимӑщ хурӑт хӑншӑ.

Вән кєр тыӆӑщ 6-митн Ёмвошн «Югорский лыжный марафон» нємпи ӆухӑӊ кӑсупсы мӑнӑс. Щив Россия мўв яма ӆухн кӑсты ёх, па хон пєлӑк яртъяӊ мўв эвӑӆт мойӊ па кӑсты хуятӑт юхтыйӆсӑт. Кӑт щурӑс ветсот муӆтас хӑннєхә ӆухн хәхӑӆсӑт. 

Ӆыв пирисӑт, муй арат киломєтра хәхӑӆты ӆӑӊхаӆӑт: вет, хәс вет муй ветъяӊ. Щи кўтн кашӑӊ оӆ шуши хуятӑт ищи нымӑӆн хәхӑӆман кӑсӆӑт. Ӆыв кӑсты ӛшеӆ тӑм пўш 2020 мєтра хўваттыйн вәс. 

Вән кєр тыӑщ 13-мит хӑтӑн Ёмвош па округ эвӑӆт мойӊа юхтум  мир Вурңа имев емӑӊхӑт постӑсӑт. Хӑт кўтупн Бориса Лосева нємпи рўтьщӑты хӑра ар мир няврємӑт пиа ӑктӑщсӑт. 

Кашӑӊ оӆ хӑнтэт па вухаӆьт Вурӊа хӑтӆ вєрӑнтӆӑт. Вурӊа имев мєт сыры увӑс мўвева юхтумтӑӆ, хуӆна ӆоньщ уӆ. Хән ӆўв тыв юхӑтӆ, еша вәӆ хӑтӆӑт хошума щи йиӆӑт.  

Ай кєр тыӆӑщ 28-29-мит оӆн Ёмвошн ремёслайт па промыслӑт Центр хот хуща няврємӑт пӑта «Ремёсла и промыслы: прошлое и настоящее» нємпи XIV-мит конференция вәс.

Мосӆ лупты, хуты мєт сыры тәнӆуп па ай кєр тыӆӑщӊӑнӑн Хулимсунт, Белый Яр, Урай, Мегион, Лянтор, Сәрханӆ па Нижневартовск вошӑтн ищимӑщ научно-практической мирхотӑт вәсӑт. Щӑта няврємӑт соткєм научной нєпек ӆўӊӑтсӑт, щи тумпи ӆыв щи арат вәнӆтыйӆты хӑрӑт ӆэщӑтсӑт. Ияха ӆўӊӑтты ки – 800-кєм хуят щи мирхотӑта юхтыӆӑс.