№ 2 (3542) - 2020

Тӑта мосванӑн Ас хӑӆты тыӆӑщ 16-мит хӑ­тӑӆн Ёмвошн правительства хот йитн округ кәща вєрум Координационной совет тӑхийн сыр-сыр вән кәщайт иха вәйтантыйӆсӑт па рәпитты вєрӆаӆ муй нацпроектӑт оӆӑӊӑн путӑртсӑт. 

Вуӆаӊ Отечественной лаль пурайн Ленинград вош немщӑтн мухӑлая лӑп вўйӆясы, щи пӑта Ленинград вошӑӊ ёх 900 хӑтӆ няньӆы-ӆєтутӆы шәк вантман вәсӑт. Ас хӑӆты тыӆӑщ 27-митн 1944-мит оӆн Красной Армия солтатӑт щи вош пўӊӑӆн вуракӑт йира вошитсӑт.

Ас хӑӆты тыӆӑщ 27-митн Россия мўв хўваттыйн иса мирӆўв щи хӑтӆ нәмӑӆман ар м вєр вєрсӑт. Ёмвошн ищи тӑмхӑтӆ аӆӑӊсахӑт округ кәща нє Наталья Комарова па вошӑӊ мир блокадной Ленинград вошн вәӆум ёх нәмӑӆ­ман пӑта кев хура ӆыӆӑӊ ӑня лыптӑт пунсӑт. Мўӊ «Хӑнты ясӑӊ» па «Луима сэрипос» газетайӊӑӆўв хуща рәпитты ёх, ищи щив ӊхсўв. 

Тӑм ванӑн Ёмвошн правитель­ства хотн вән мирхота кәщайт ӑктӑщийӆсӑт. Ӆыв путӑртсӑт щи оӆӑӊӑн, муй иты 2020-мит оӆн Вуӆаӊ ӆаӆьн 1941-1945 оӆӑтн нух питум вєр постӑты мосӆ. Вантэ, 75 оӆ юхӆы мўӊ мирев нух питсӑт, щирн тӑм оӆ вән мӑӊхӑтӆ Россия мўв ӆуваттыйн ӆэщӑтӆа. Тӑм вән мирхот Югра мўв гу­бернатор ӆӑӊкӑр хә Алексей Шипилов тәс.  

Ас хӑӆты тыӆӑщ 17-митн Ёмвошн округ вәнӆ­тӑты па айӆат ёх вєрӑт тәты тӑхи хуща мирхот вәс. Шуши мир вәнӆтӑты вєрӑт вантман тӑйты тӑхи кәща нє Надежда Костылева щи мирхот тәс.

Мирхотн кӑт вєр нух вантсы: «Хӑнты ясӑӊ (1-4 классӑт)», «Юрн ясӑӊ (1-4 классӑт)», «Вухаӆь ясӑӊӑн ӆўӊтупсы (2-4 классӑт)» киникайт єсӑӆты вєр, Интернет ху­ща хӑнты, вухаӆь ясӑӊ­ӊӑнӑн хӑншты вєр.

Уша йис, хӑнты, ву­хаӆь па юрн ясӊӑт вәнӆтӑты киникайт Ас-угорской институт научной рәпатнекӑт па рәт ясӊӑта вәнӆтӑты ёх ӆэщӑтты па хӑншты питӆӑт. 

Вәйтӆор тыӆӑщ ветмит хӑтӑӆн Ёмвошн вәӆты округев киникайт ӆўӊӑтты хот 85-мит оӆ постӑс. Муй щирн щи хӑтӆӑт Государственной библиотека Югры хотн мӑнсӑт, округев кини­кайт ӆўӊӑтты хот кәща нє Ольга Павлова айкеӆ вєрӑс. 

Ӆўв ясӑӊӆаӆ эвӑӆт уша йис, хуты библио­тека хот 85-мит оӆа йиты пӑта ӆыв хущеӆа рәпитты хӑннєхуятӑт 2019-мит оӆ мӑр ушӑ­ӊа-сащӑӊа па вещката рәпит­сӑт.

Мӑнум оӆ юхи хӑщум тыӆӑщн Ёмвошн КТЦ «Югра-Классик» нємуп хот йитн Россия хон пєлӑк арсыр вошӑт эвӑӆт иха юхтум учёной ёх  мирхота ӑктӑщийӆсӑт, мӑта ут мӑнум пурайн кўтэӆн путрємӑсӑт, муй щирн Югра мўв йис вәӆупсы оӆӑӊӑн нєпек хӑншты еӆӆы питӆӑт.

(Сәрханӆ  мЎв  хӑнтэт  путрупсыйн)

Йэӊ ӱрәккә қөӆәммәт қӑтәӆнә, январь тысәӆнә, кат тьрасӽән қөсмәт оӆнә (Ханты-Мансийск) Йөм вочнә йимәӊ қӑтәӆа вуӽөйәм. «Российанә кӑнҷантәтә қӑтәӆ» пәтан ма ай ӆат крреспөндет йӱкан әтьә газетаӽины «Хӑнты ясаӈ» панә «Луима Сэрипос» вӆәм. Өс әйчэнә па әшкөльникәт панә студентәт па вочәты вуӽат: Пкачиӽи, Стрежевойи панә Мегионы ӆәӽ йвтәт. Панә өс телерадиокомпанийаӽи «Югра» ай ӆат пӑӽәт панә ӓвит вӆәт.

Щи оӆӑӊӑн уша йис округ дума кәща хә Борис Хохряков пиӆа вәйтантупсыйн, мӑта ут ван хӑтӆуп тыӆӑщ 26-митн «Югра» нємпи айт ӑкӑтты хотн вәс.

Мӑнум ӆапӑтмитн Россия мўв хонэв Владимир Путин Федеральной собрание ещаӆт путӑртӑс, муй щирн мўӊ еӆӆы вәӆты питӆўв, муйсӑр йиӆуп вєрӑт 2020-мит оӆ вўш эвӑӆт тывӆӑт. Щи путӑр пийн сыры рәпитум Россия правитель­ства ёхӆўв рәпата тӑхиӆаӆ эвӑӆт йира мӑнсӑт. Щи пийн йиӆуп премьер-министр хәя Михаил Мишустин павӑтсы па правительства ёх йиӆпа пирисыйт. 

В. Путин мєт оӆӑӊӑн няврємӑт сєма питты вєр оӆӑӊӑн лупӑс. Ӆўв щирӑӆн, Россия мўвев еӆӆы ма вәӆты пӑта мосӆ, ӆәӆн ар­шӑк няврєм сєма ат питӑс. 

Владимир па Эльвира Кечимовӊӑн Сәрхан район Когалым вош питӑрн 70-кєм вєрста вўшн вәӆӆӑӊӑн. Владимир ащеӆ – Иосиф Никитич Кечимов шәӊӑт, ӑӊкеӆ – Светлана Никитична (опращ нємӆ Русскина) – вўӆэт ӆавӑӆты кӑтӊӑн. Щи пӑта Владимир айтєӆн вўт кәртӑн ӑӊкеӆа-ащеӆа нётӑсман вәс. Юхи хӑщум оӆӑтн ащеӆ хўв пӑнта мӑнӑс, Светлана Никитична пухӆ хоттєӆ ёх пиӆа айкємн вўт кәртӑн вәӆ. 

Тӑм ванӑн Ёмвошн йис пурмӑсӑт шавиман тӑйты «Торум Маа» хотн вухаӆь ими шәӊӑт Анфиса Михайловна Хромова нәмӑӆмӑты етн хот вәс. Ӆўв ар оӆ Ёмвош округн рәпитӑс па вәс. ма па каркама кӑпӑртмаӆ пӑта «Ветеран труда», «Отличник народного просвещения РСФСР» нємӊӑн тӑйс. Тӑм вәйтантупсыйн кашӑӊ хӑннєхә ар м ясӑӊ вуӆаӊ вухаӆь ими Анфиса Михайловна Хромова оӆӑӊӑн лупӑс. 

Ас хӑӆты тыӑщ 13-мит хӑтӑн Ёмвошӑӊ киникайт ӆўӊӑтты хотн рәпитты и пєлӑк вухаӆь и пєлӑк хӑнты айӆат нє Алла Иштимирова-Посохова ӆэщӑтум «Ас/Шай» – «Обь/Чай» нємпи вєр унтасн «Рәт ясӊӑт ӆєрамтты щирӑт йиӆуп вәӆупсыйн» вәйтантупсы вәс.

Тәняӆ Югра мўв кәщайт иха ӑктӑщийӆсӑт па округев ӆуватн вәӆты шуши мирӑт нётупсы тәты пӑта вән мирхот вєрсӑт.

Сыры ӑктӑщум хӑн­нєхуятӑт еӆпийн округев кәща оӆӑӊ ӆӑӊкӑр хә Алексей Шипилов вўща ясӑӊ тәс па иньщӑсӑс, хуты тӑм оӆн ӆыв шуши мирӑт пӑта нётупсэт вєрсӑт.

«Хӑнты ясӑӊ» нєпек ӆўӊӑтты ешӑк ёх!
75 оӆ юхӆы мўӊ советской ёхӆўв Вуӆаӊ Отечественной ӆаӆьн нух питсӑт. Щит вән мӑӊхӑтӆ! Щи оӆӑӊӑн нәмман нумсӑт ӛрӑӊа па така йиӆӑт, щи хӑтӆӑн мўӊ пӑрум ёхӆўв нәмӑӆмӑӆӆўв. Тӑм пӑӆтап ӆаӆьн мєт ар советской хӑннєхуятӆўв пӑрсӑт. Ӆаӆь оӆӊитум пурайн кашӑӊ хот эвӑӆт хуятӑт рәт мўвев вәньӆьты па вуракӑт вошитты мӑнсӑт. Хӑнтэт, вухаӆят, юрнӑт ищи!

Владимир Волдин нємуп хӑнты мир оса тӑхийн рәпитты ёх йиӆуп тыӆӑщ 26-мит хӑтӑӆн Ёмвош районӑн Кышик вошн киника ӆўӊӑтты хотн вәйтaнтупсы вєрӑнтсӑт. Тыв Нуви сӑӊхум район, Ёмвош эвӑӆт йис пурмӑсӑт шавиман тӑйты хотӑтн, киника ӆўӊӑтты  тӑхетн, учёной ёх па арсыр оса тӑхетн рәпитты хуятӑт ӑктӑщийӆсӑт. 

Тәняӆ ван хӑтӆуп тыӆӑщ оӆӊиттыйн Ёмвошн культура, искусства, йис вєрӑт әхтыйн рәпитты хуятӑт, вєртутӑӊ ёх иха ӑктыйӆсыйт. Щӑта «АртФеномены народного искусства Югры. Живая культура традиций» вєр ӆэщӑтыйӆсы. 

Щив округев арсыр районӑт, вошӑт па кәр­тӑт эвӑӆт хӑннєхуятӑт юхтыйӆсӑт. Тӑм вєр Россия мўв президент грант вухӑт унтасн тывӑс. 

Вәйтантупсыя юх­тум хуятӑт вєрум пур­мӑсӆаӆ ванӆтӑсӑт. Ӆыв путӑртсӑт, муй щирн щит вєрты рӑхӆ, муй щит пӑта мосмитӆ. Вошӑӊ па мойӊ ёх пӑта нємасыя лекцияйт, кӑсупсэт, мастер-клас­сӑт вєрӑнтсыйт.

Тӑм йисн хӑнты мир учёной ики Тимофей Молданов ар ӛр пунӆ, ӆәӆн хӑнты мирев Пўпи якты хот еӆӆы ат вәс. Вән научной нєпек хӑн­шӑс, Ёмвошн нємасыя Пўпи якхот ӑшколайн няврємӑт щи вєра вәнӆтӑӆ, щи тумпи округев ӆуваттыйн Пўпи якты хот ӆэщӑтӆ. 

Кашӑӊ пурайн, хән муӆты әмӑщ ут вєрты оӆӊитӆӑн, нӑӊ пӑтэна муӆты м ут пўншӆӑн. Кашӑӊ йиӆуп вәйтантупсыйн, йиӆуп хӑннєхә, вәӆупсэӆ, әмӑщ вєрӆаӆ оӆӑӊӑн уша павӑтӆӑн. 

Хәнты Касумн вән Мущӑӊ ики вәс. Имуӆты щосн тыв нюхӑс муй йиӊк вой кӑншты мӑнӑс. Тўта Касумн кәняра йиӊк вой йис. Тӑм Ӆємӑӊа юхтӑс. Хән Ӆємӑӊа юхтӑс, па нәмӑсӆ: «Тӑта йиӊк вой хуӆна вәӆ. Щирн тӑм юханӑтн йиӊк вой вәс. Ӆємӑӊӑн вәс. Щӑӆта мӑнтӑӆ сахӑт, юхан тый эвӑӆт тыв єтӑс. Хопн щи мӑнӆ. Имуӆтыйн муӆты муй вой ёша щи павтӑс. Мӑнтаӆн вантӑӆ, хӑщ па мир вәӆты тӑхия юхӑтты питӑс. Щитыса хопн мӑнтӑӆ сахӑт имуӆтыйн кӑт хә ещаӆт єтсӑӊӑн. Вантаӆ, хӑнты хурасупӊӑн.