№ 9 (3525) - 2019

Россия мўвн вәты кашӑң хоттє ёх Вуаң Отечественной аь пӑта тарма рәпитсӑт, ар пєлӑк мир ая яңхсӑт, ар мир аь хӑрн уха пунсӑа. Увӑс мирўв – хӑнтэт, вухаят па юрнӑт – ищи мўвев пӑта вуракӑт вошитты мӑнсӑт. Вантэ, мўң хуятўв кўш рўщ ясӑң ӑн тӑйсӑт, тәп ям вепӑс хуятӑта вәсӑт, щирн пушкан эвӑт мєт яма єсӑты па вәнт шушийн вәты иса хошсӑт. Нємӑт пӑтап вєр ыв пӑтэа ӑнтәм вәс.

Вән кєр тыӆӑщ 25-мит хӑтӑӆн Ёмвош недропользования департамент хот йитн айкеӆӑт ӑкӑтты ёх Югра мўв вәнтӑтн тўт хәрӑтты тӑхет вантты кәща нє Виктория Четина па округев вой веӆпӑс вєрӑт артаӆӑты тӑхи кәща ӆӑӊкӑр хә Алексей Залибеков пиӆа вәйтантыйӆсӑт.

Вән кєр тыӆӑщ 26-митн «Торум Маа» нємпи катра пурмӑсӑт ӆавӑӆты хотн вәӆты вухаӆь мир вуӆаӊ писатель хә Юван Шесталов хот йитн «Ты, струна моя, звени!» нємпи етнхот вәс. Щит вухаӆь мир нарӑсты сыйт хӑншум оӆӑӊ хә Владимир Шесталов шәӊӑт нәмӑӆмӑты пӑта ӆэщӑтсы, вантэ, 28-митн ӆўв ӆәӆн 55 оӆа йис.

Ванӆтупсыя Ёмвош техно­лого-педагогической кол­леджӑн вәнӆтыйӆты айӆат ёх юхтыйӆсӑт. Ӆывеӆа шєӊк әмӑщ вәс Владимир Шесталов оӆӑӊӑн уша вєрты.

Вән кєр тыӆӑщ 24-мит хӑтӑӆн Ёмвошн «Народный фронт за Россию» нємуп тӑхийн, мӑта ут округев хущи вәӆ па рәпитӆ, нємасыя мирхот вәс. Ияха ӑктӑщум хӑннєхуятӑт арсыр айкеӆӑт вєрсӑт, муй щирн тӑм юхи хӑщум оӆн Югра мўвн мәш ямӑӆты вєрӑт мӑнӆӑт. 

Рәпитты ёх емӑӊхӑтӆ Ёмвошн хӑтӆ кўтупн оӆӊитса. 

Арсыр тӑхетн рәпит­ты айӆат ёх, ӑшкола няврємӑт, «Открытие» нємуп тӑхийн рәпитты хуятӑт, пәӆьницайн кӑ­пӑртты ёх, вән нєпека вәнӆтыйӆты эвет, пухӑт па кӑсты вєрӑтн нух пи­тыӆум ветеранӑт вош хулэт хўват хәхӑӆсӑт. Иса 24 команда кӑсты щира ӑктӑщсӑт. Кашӑӊ хӑннєхә хәтсот мєтра кўт хәх­ӆӑс. Щӑӆта еӆӆы па хуят хәхӑӆмӑс, щиты кӑсум ёх хәӆум километра па няӆсот мєтра хәхӑӆсӑт. 

Вән кєр тыӆӑщ 17-18-мит хӑтӆӊӑнӑн Ёмвошн 13-мит пўш «Информационный мир Югры» нємпи вән мирхот вәс. Тыв айкеӆӑт ӑкӑтты 300 муӆтас хуят юхтыйӆсӑт. Тӑм оӆн мирхот «Цифра близко» нєм тӑйс.

Вән кєр тыӆӑщ 26-мит хӑтӆӑн Югра мўвев дума мирхотн депутатӑт мосты вєрӑт нух вантсӑт па поступсэт вўсӑт. 

Округ кәща ӆӑӊкӑр хә В. Кольцов путӑртӑс, муй щирн Югра мўвевн мир ямӑӆтӑты, няврємӑт вәнӆтӑты, социальной нётупсы вєрӑт тәты тӑхет 2018-мит оӆн рәпитсӑт. Тӑмӑщ артӑӆӑты вєр мўвевн хәтмит оӆ вєрсы, щит общественной советӑт ӆэщӑтӆӑт. Щиты 2018-мит оӆн иса округев ӆуваттыйн 347 тӑхи артаӆӑсы, щит мир ямӑӆтӑты – 57 тӑхи, няврємӑт вәнӆтӑты – 242 тӑхи, социальной – 48 тӑхи. И тӑхи оӆ мӑр тәп ипўш па кашӑӊ хәӆум оӆ нух вантты рӑхӆ. 

Ёмвош округ увӑс пєлӑкн Касум мўвн и хонӑӊӑн кӑт ай вошие омӑсӆӑӊӑн. Тәрум ӆор вош па Вўтвош, щӑта хӑнты па юрн мир вәӆӆӑт. Ӆыв хўв йис тєӆн тӑта вўӆы ӆавӑӆман, вой-хўӆ веӆпӑсӆуман, Ная-Вәрта пойкщуман вәӆӆӑт. 

1930-мит оӆӑтн тӑм вошӊӑ­нӑн вухсар єнмӑӆты тӑхи пўншса. Щӑӆта ищи пурайн Вўтвошн хўӆ веӆпӑсӆӑты кєша «1 мая» нємуп артель вєрса. Каркам мир амӑт­ман рәпатая кўншємӑсӑт. Мир атӆ па хӑтӆ хўӆ веӆты апӑрӆӑсӑт. Ар хуят ӆаӊки, вухсар па па войт веӆпӑсӆӑсӑт. 

Мария Константиновна Туркина – шуши мир хӑннєхә. Ӆўв лыпӑт єнумты тыӆӑщ 26-митн 1936-мит он хӑнты семьяйн Константин Платонович па Пелагея Николаевна Туркинңӑн Ермаково кәртӑн сєма питӑс. Щи кәрт Мегион вош пўңӑӆн нохӑр ёхум кўтн вәс. 

Щи пурайн – мух­сӑң, вўнш, вән­тӑн арсыр войт вәсӑт. Вәӆупсыйн арсыр ӆа­вӑрт сўртӑт вәсӑт, тәп му­хӑӆая ӑңкӑрмӑӆӑн – щикєм хурамӑң мўв. Щимӑщ хурамӑң мўвн єнмум эви айтєӆн сӑмӑң хӑннєхәя єнмӑс.

Тӑм птрэм мўӊ йисэвн няврэмӑт энмм оӆӑӊӑн. Щи верӑт 60-мет тӑӆӑтн вусӑт. Ёх ӆаӆь юпийн ӆавӑрта вус. Колхосэв кўш «миллионер» нэм мщатмaн тӑйс, тyп ёхӆaӆ нюр миллионер хрпия ӑн вусӑт. Няврэмӑт вyн ёхӆaӆ пиӆа ищи рупитсӑт. Кашӑӊ хят ӑӊкеӆа-ащеӆа верытты кемн нётспа верӑс. Ӆўӊ хӑтӆӑн ким этӆaн ки, нэмӆт хят ӑн щaлэмантaӆ-сыемaнтaӆ: хӆыева аеӆ-вунэӆӑн рупитсӑт. Ай няврэмӆaӆ па пӑнтӑн тyӆӆaӆ. Ёӆн хя хӑйӆайт. Хӆыева хун  няврэмиет садика яӊхсӑт. 

Ванкўтӆы мўӊ «Хӑнты ясӑӊ» газета хотэва нумсӑӊ, әмӑщ па путрӑӊ Сўмӑтвошӑӊ киникайт хӑншты хә Леонид Бабанин  мойӊа ӆўӊємийӆ. Ӆўв щи мурт әмӑщ хӑннєхә, ипўша Ас хўӆ, вўӆы нюхи муй па мавӑӊ ӆєтут мўӊ пӑсанэва тәӆ. Ияха ӆєвман па шай яньщман яма путӑртӆўв, няхӆўв, шуши мирӑт нўшайӆўв оӆӑӊӑн ясӑӊ тәӆўв, ӆәӆн уша вєрты, хутыса щитӑт тўӊматты рӑхӆ. 

Леонид Бабанин – вєра нумсӑӊ, вещ­кат па хӑрщи, рәпа­тайӆ пєӆа сӑмӑӊ хуят. Ӆўв 1959-мит оӆн Нижне­вар­товской район Ларьяк кәртӑн сєма питӑс па ин вәнты щӑта вәӆ. 

Ёмвош округн нєма­сыя хот вой лекщитты кєша ветеринарной служба тӑхи рәпитӆ. Ӆыв Югра мўв правительства унтасн мира нётӆӑт. 

«Год языков коренных народов в России» (ай кєр тыӑщ 21-22-митн Ёмвошн вәс) нємуп Мўвтє мирхотн рәт ясӑңа няврє­мӑт вәнтӑты нєңӑт ияха ӑктӑщийсӑт. Щӑта Башкортостан, Коми Республика па Краснодарской мўв эвӑт вәум нєңӑт ай павӑтсӑт, хутысаты ыв эвет па пухӑт вәнтӑӑт. Хӑнты ясӑң оӑңӑн ӑшколайн рәпитты нє Галина Лаптева ищи путӑртты вўтьщиӑс, тәп ӑн алємӑс.

«Россия мўв рәт ясӊӑт ӆавӑӆты оӆ» нємпи форум пурайн Ёмвоша арсыр мўвӑт эвӑӆт мир юхтыйӆсӑт. Ӆыв кўтэӆн Таймыр мўв Дудинка вош эвӑӆт Светлана Нереевна Жовницкая вәс. Ӆўв, нєш, нганасан мир пӑта 1999-мит оӆн оӆӑӊ­мит «Букварь» єсӆӑс.

Сәрханӆ вошн Историко-куль­турной центр «Йис Сәр­ханӆ» нємуп тӑхийн «Питы вухсар оӆӑӊӑн вєрум хот йит» вәӆ.

Вуӆаӊ Отечественной ӆаӆьн ӆаӆясум сӑран хә Никон Кондратьевич Хатанзейский тӑм ванӑн 93 оӆа йис. Ӆўв Коми мўвн Сыктывкар вошн вәӆ. Мӑнум оӆн ма ӆўв пиӆэӆа вәйтантыйӆсум, ӆўв путӑртӑс ӆаӆясум пураеӆ оӆӑӊӑн.