Тәнуп тыӑщ 24-мит хӑтӑн Ёмвош округ уваттыйн «Югре – 900!» нємуп вән кӑсупсы оңитса. Тӑм вєр оӑңӑн «Открытый регион» нємуп тӑхийн рәпитты хуятӑт айке хӑншты ёха ай павӑтсӑт.

Любовь Николаевна Айпина Семён Александрович ике пиа Нижневартовской районӑн вўэт авӑман вўт кәртӑн вәӑңӑн. Ай кєр тыӑщн Ёмвошн вәум IV-мит вўєң ёх кӑсупсыйн ўв яма вўєт кирӑс па тўтъюх таяс. Щи вєрңӑн кӑсупсыйн хәмит па кимит тӑхеңӑна питӑс.

Тӑм о тәнуп тыӑщ 19-мит хӑтӑн Ёмвошн «Фонд поддержки предпринимательства Югры» нємпи тӑхи хуятӑт ыв саттэа вєр эщӑтты ёх пӑты нємасыя вәнтӑты хӑр эщӑтсӑт. ыв саттэа вєр эщӑтты ёх тумпийн тыв сыр-сыр социальной щирӑт эщӑтты хуятӑт, вошӑң апрӑң икет па имет, Ёмвош па Ёмвош район кәщайт па айкеӑт ӑкӑтты хуятӑт вохсыйт.

Тәнуп тыӑщ 20-мит хӑтӑн Ёмвошн А.В. Филипенко Центр зимних видов спорта нємуп тӑхи хот йитн округев уватн кӑсты щирӑт артаӑты кәщайт ияха юхтыйсӑт па мирхот эщӑтсӑт.

Щи вєр оӑңӑн Югра мўв мәшӑт яматы тӑхийн рәпитты кәщайт Ёмвошн РИЦ «Югра» хот йитн округев айкеӑт ӑкӑтты хӑннєхуятӑт пиа вєрум мирхотн ияха вәйтантыйсӑт па путӑртсӑт.

Рәт ясңӑт емӑңхӑтӑн Ёмвошн государственной киника ўңӑтты хотн «Хӑнты ясӑң» тӑхийн рәпитты ёх «60 о мир пӑты хӑншӑт» нємуп киника мира аьсӑт. Тӑм нєпек «Хӑнты ясӑң» газета 60 оа ювум пурайн эщӑтса. Киника Раиса Решетникова, Надежда Вах, Надежда Рагимова, Людмила Спирякова, Ульяна Данило па Ирина Самсонова хӑншсӑт. ыв ямсыева путӑртсэ, муй иты хӑнты ясӑңӑн газета рәпитты питӑс. Щӑта арсыр оӑтн «Хӑнты ясӑң» газетая хӑншиум ёх оӑңӑн ўңӑтты рӑх.

Мўвтє рәт ясӑң емӑңхӑт пурайн Югра мўв кәща нє Н. Комарова шуши мир рәт ясӑң па культура вєрӑт вантман тӑйты совет ёх мирхота ӑктӑщийӑс. Щи тумпийн округев арсыр вошӑт эвӑт видео щирн сыр-сыр ёх кәщайт, рәт ясӑң, культура вєрӑта вәнтыйты хуятӑт па оса рәпата тәты икет-имет округев губернатор пиа путӑртты ищи вєритсӑт.

Тәнуп тыӑщ 22- митн Ёмвошн округ дума 15-мит мирхот вәс. Депутатӑт 30 мутас вєр нух вантсӑт па мосты поступсэт вўсӑт.

Мӑнум он округ 
дума рәпата оӑңӑн

Тәня Русскинской ай кәрта емӑңхӑта округев арсыр тӑхет эвӑт сыр-сыр якты-ариты хотӑт ияха юхтыйсӑт па щив ӑктӑщум мир епийн хурамӑңа арисӑт па яксӑт. Мєт тәса «Тромъёван мокут» па «Тромъёван эви» тӑхеңӑн вантупсэт вєрсӑңӑн.

Тӑм хӑт ма нынана Нуви сӑңхум районӑн Касум вошн вәты хӑнты ими Римма Михайловна Потпот оӑңӑн хӑншты ӑңхаум.

Пётр Иванович па Федосья Александровна Каюковңӑн Нефтеюганской районӑн Петровы вәнт шуши тӑйӑңӑн. ын хәум няврєм єнмӑтсӑңӑн: Альбина, Вячеслав па Светлана. Вәнт шуше Салым вош эвӑт 60 километра вўшн омӑс.

Алёна Кечимова хотӑң ёха пиа Сәрхан район вәнт шушийн вә. Ма ўв пиэа путӑртсум, хән ўв Ёмвоша вўєң ёх кӑсупсыя юхтыӑс.

Нягань вошн ям ими вә — Клавдия Ксенофонтовна Шадрина. Щит няврємӑт вәнтӑты нє, вєртут вєрты, якты па ариты ими.  2009-мит он ўв рўтьщӑты мӑнӑс па ёнтӑсты вўянтӑс. Вантэ, интум ўвеа нємхута тєрматыйты ӑн мос. Мӑрємӑты морум иса ӑн тӑй, рәпитум хотӑа яңхємий, рәта ваємӑэ, каш хӑрӑтн якємий па арємӑ. Путӑртмємн пурайн Клавдия Ксенофонтовна ўв вәупсый тумпи опраща па рәта оӑңӑн ай павтӑс. Путрӑ эвӑт уша вєрсум, нєш, ма рәтам Костинӑт па Савинӑт ўвеа ищи рәта вәӑт. Мосӑң, «Хӑнты ясӑң» ўңӑтты ёх кўтн хуятӑт К.

Ёмвошн государственной архив хотн «Память исчезнувших деревень» нємуп йиуп киника мира аьса. Тӑм утн хӑншман вә, муйсӑр кәртӑт па вошӑт Ёмвош районӑн иса щира хут вәшсӑт. Мос лупты, 1936-мит о вўш эвӑт 2015-мит о вәнта Ёмвош мўвн 72 вош эвӑт тәп 30 ай вош хӑщӑс. Иса Югра мўв уваттыйн хәнты 292 ай вош вәс ин тәп 194 тӑхи вә.

Интӑм вәԯтэвн Россия па округ ԯуваттыйн яма ԯэщӑтты питсыйт тӑԯаңа вәԯты щирӑт. Урай вән вошн хӑнты хә Юрий Ильич Молданов вәԯ.

Тӑм хурн Сәрхан вош «Югра ыңуптӑты» тӑхи кәща нє Валентина Шадрина па рәт щирн тӑйты мўвӑн вәты айат хӑнты хә Марк Рынков оьӑңӑн.

ын китумтак емӑңхӑт мӑнты пурайн арсыр якты-ариты тӑхет эщӑтты вантупсэт кәщайт юкана вантӑңӑн па артаӑңӑн. Муйсӑр якты тӑхет хурамӑңа па яма якӑт муй ариӑт арсыр ияха ӑктӑщум мир епийн, щитӑт мєт оӑң тӑхийн ын юкантӑңӑн па мєт тынӑң па мосты мойупсэтн щи хӑннєхуятӑт мойӑңӑн.

Светлана Гавриловна Курбатова оӑңӑн тӑм пўш «Мамыкаеват — Тӑңӑт ёх» нємуп путӑрн еша хӑншийсум. ўв Октябрьской районӑн Поснокорт хущи сєма питӑс, ар о Няганян вә, 90-мит километрайн рәт мўв эвӑт. Светлана «Хӑнты ясӑң» нєпек унтасн рәта вәйтты ӑңха. Ма щирємн, щит вєрты кєн. Вантэ, Касум мир рәта яма вәӑт. Музейн рәпитты нєңӑт ищи ар хуят оӑңӑн вәӑт. Софья Максимовна Каксина ар о Касум мир оӑңӑн айкеӑт ӑкӑт, мосӑң, ўв ищи щи нєңа рәта вәйтты нёт.

Вет щурӑс арат километра Сахалин пәхӑр эвӑт Ёмвош округ-Югра вәнты. Щи пәхӑр увӑс пєлӑкн Поронай нємуп юханӑн (Охотской щорӑса увӑ) Поронайск вош омӑс. Щӑта 15-кєм щурӑс хуят вә, щи мир кўтн нивхӑт — щит шуши мир. «Ма Поронайск вошн вәум. Хәум хӑт па хәум ат тыв йисум. Хәум тухӑң хопн мӑнсум. Мєт сыры поездӑн нивкєм щос областев вуаң воша мӑнсум. Ӛхӑт Южно-Сахалинск эвӑт Хабаровск вәнты и щос мутас йисум.

Тәнуп тыӑщ 21-мит хӑтӑн Ёмвошн «Торум Маа» тӑхийн мир «Тыӑщ поры» емӑңхӑт постӑты ӑктӑщсӑт. Тӑм емӑңхӑт нивӑмиткєм пўш щи постӑы.

Тәня о Нижневартовской район арсыр вошӑтн па кәртӑтн айат ёх пӑта киникайт ўңӑтты X-мит вәйтантупсэт мӑнсӑт. Щи пурайн Югра мўвев поэтӑт па писателят Нижневартовск, Излучинск, Радужной вошӑтн па Варьёган кәртӑн няврємӑт пиа вәйтантыйсӑт па айкеӑт вәупсы хўватн хӑншум стиха оӑңӑн путӑртсӑт.

1999-мит о Ас потты тыӑщ 17-мит хӑтӑн генеральной ЮНЕСКО нємпи ўңтупсыйн рәпитты ёх нумса юхӑтсӑт мўвтє рәт ясӑң емӑңхӑт вєрты. Щи пура вўш эвӑт кашӑң о тәнуп тыӑщ 21-мит хӑтӑн щи емӑңхӑт постӑўв. Тӑм он ищиты мўвтє рәт ясӑң емӑңхӑт постӑты пӑты «Югра ыңуптӑты» оса тӑхи хотн вошӑң шуши мир ӑктӑщийсӑт. Тӑм вәйтантупсы «Рәт ясңємн ариум» нємн аьсы. Тәня о мєт оӑң пўш щимӑщ ўңтупсы вєрсы. Щи пурайн тӑта ай пушхӑт па ӑшколайн вәнтыйты эвет па пухӑт хӑнты па вухаь ясӑңңӑнӑн стихӑт путӑртсӑт.