№ 4 (3568) - 2021

Ван хӑтӆуп тыӆӑщн 29-мит  хӑтӆӑн Федеральной закон № 473-ФЗ єтӑс. Щи поступсы щирн 2021-мит оӆ эвӑӆт оӆӊитман Ас хӑӆты тыӆӑщ оӆӑӊ хӑтӆ эвӑӆт сыр-сыр рәпата вєрты ёха 12 792 шойт эвӑӆт шимӆ тыӆӑщ вух сухуптӑты ӑн рӑхӆ. Щит МРОТ нємуп поступсы тӑйӆўв, мӑта тӑхийн хӑншман вәӆ, муйкєм киньща шимӆ тыӆӑщ вух рәпитты ёха сухуптӑты ӑн рӑхӆ.

Тӑта мосванӑн 2021-мит оӆ Россия хон пєлӑк мўвев ӆуваттыйн Наука па технологияйт оӆа кантсы. Щи тумпийн округев ӆыпийн тӑм оӆэв «Кашӑӊ вєр вәйтты оӆа» постӑсы, рўщ щирн ки луптыя, Знания оӆа йис. 

Щи пӑта Югра мўвев Государственной биб­лиотека хот йитн Наука па  технологияйт оӆэв иха ӑктӑщум айӆат ёх пиӆа тәнӆуп тыӆӑщ нивӑӆмит хӑтӑӆн иса киникайт ӆў­ӊӑтты хотн рәпитты нєӊӑт пўншсӑт.
Сыры иха ӑктӑщум хӑннєхуятӑт еӆпийн щи нєӊӊӑн тӑмиты лупсӑӊӑн:  

Тӑм ванӑн округ кәща нє Наталья Комарова мирхот вєрӑнтӑс, щӑта уша йис, хуты Сўмӑтвош районӑн 2021-мит оӆн хәӆум йиӆуп ӑшкола пўншӆы.

- Няксимволь кәртӑн интӑм сыры пәӆьницая вәӆум хот йиӆпатӆы, щӑта ай няврємӑт хӑтӆ мӑр ӆавӑӆты питӆыйт. Ин щи хот 96 % вєрсы. Щив иса мосты хот пурмӑсӑт, мосты щўӊкӑт ӆәтсыйт, – лупӑс Наталья Комарова.

Интӑм шуши ёх вәӆты хотӑт ӆәтты щира субсидия вухӑӊ нётупсыйн мӑӆыйт. Хән щи нєпекӑн хӑншаньщум ёх хуԯыева нётӆыйт, кәща ёх йиӆуп программа вєрӆӑт, ӆәӆн шуши хуятӑт еӆӆы ищиты нётупсыйн ат мӑсыйт.

Тәнӆуп тыӆӑщ 5-митн Ёмвошӑӊ хурӑт вантты хотн округ кәща нє Наталья Комарова коронави­рус мәш мӑӆты ёха Россия мўв государственной па округ эвӑӆт ишӑкты нєпекӑт мойӆӑс.

Щи пурайн ӆўв ӑктӑ­щум ёха лупӑс: «Нын иса муй вєрӆӑты, ӆәӆн округев, Россия мў­вев ӛрӑӊа па тащӑӊа ат йис».

Кашӑӊ оӆ 1999-мит оӆ вўш эвӑӆт тәнӆуп тыӆӑщ 21-митн мўӊ мўвев хўваттыйн рәт ясӑӊ мӑӊхӑтӆ постӑӆы. Щи хӑтӆӑн Югра мўвевн 2015-мит оӆ вўш эвӑӆт шуши мирӑт хӑнты, вухаӆь па юрн ясӊӑтн диктант хӑншӆӑт.

Рәт ясӊӑт хӑтӆ постӑты вўраӊӑн мўӊ «Хӑнты ясӑӊ» па «Луима сэрипос» газетайӊӑӆўв єсӑӆты тӑхия округ дума депутат па ӛращты хә Руслан Проводников вохӑнтсўв. Ӆўв мўӊева депутат рәпатайӆ оӆӑӊӑн путӑртӑс.

Руслан Проводников Сўмӑтвошн сєма пи­тӑс па єнмӑс, щӑта ӑш­колайн вәнӆтыӆӑс. Ӑӊкеӆ – вухаӆь нє, ащеӆ – рўщ хә. Яӊ тӑӆ ӆуваттыйн ащеӆн ӛращты бокса мӑсы. Щи тӑхийн ӛращман ӆўв Россия мастер спорта нєм па па арсыр вуӆаӊ нє­мӑт па мойӆупсэт ёша павтыӆӑс.  

Вотас тыӆӑщ 8-мит хӑтӑӆн «Югра» нємуп айкеӆ ӑкӑтты тӑхийн шуши мир оӆӑӊӑн кина вєрты ими Анна Коряковцева па оператор икеӊӑн Михаил Сотников па Андрей Митрофанов пиӆа вәйтантупсы вәс. 

Ма пєрна ӑӊкєм Людмила Дмитриевна Боковая (Гришкина) оӆӑӊӑн хӑншты ӆӑӊхаӆум. Хән 1966-мит оӆн сєма питсум, ӆўв Ваньщавӑт кәртӑӊ пәӆьницайн тохтура рәпитӑс па ӑӊкємн пєрна ӑӊкия кантсы. Кәртӑӊ няврємӑтн сӑмӑӊа тӑйсы па тётя Люсяя аӆьщӑсы, инты вәнты ӆўв мўӊ пӑтэва щиты щи хӑщӑс. Ваньщавӑт кәртӑн ӆўв ма нәмӆы. Тӑм оӆ тәнӆуп тыӆӑщн 11-мит хӑтԯӑн Людмила Дмитриевна 80 тӑӆа йис.  

Сўмӑтвош район Игрим вошн ма вухаӆь хә Виктор Константинович Костин пиӆа вәтаӊа йисум. Ӆўв ар оӆ мӑр тўтӑӊ хопн округев хўват ӊхман рәпитӑс.

Виктор Константино­вич Сўмӑтвош район Комудваны кәртӑн вән вухаӆь семьяйн сєма пи­тӑс. Ӑӊкеӆ-ащеӆ – Анна Ефимовна па Константин Иванович Костинӊӑн – нивӆ няврєм тӑйсӑӊӑн, ӆапӑт пух па и эви. Ащеӆ Вуӆаӊ Отечественной ӆаӆя ӊхӑс. 

Тәнӆуп тыӆӑщ 23-мит хӑтӆӑн Россия мўвев ӆавӑӆты ёх мӑӊхӑтӆ. Тӑмхӑтӆ ма Касум ики, армияйн служитум хә Яков Никифорович Тарлин оӆӑӊӑн хӑншӆум.

Ӆўв мєт сыры рәтӆаӆ оӆӑӊӑн ай тәс. 

Никифор Георгиевич ащеӆ щирн ӆўв Тарлин рәт, Екатерина Николаевна ӑӊкеӆ щирн Ерныхов рәт эвӑӆт йиӆ. Тарлинӑт – щит тарум ёх, ӆыв хәнты Щаня хӑнты мўвев ӆавӑӆман юрн мир пиӆа тарӑнӆӑсӑт. Щи пийн Ар хотӑӊ ими ӆыв Тарлин рәтэӆ пиӆа Касум мўва юхтӑс. Ерныховӑт – щит юрн мир эвӑӆт тывум хӑнты рәт. Щи кӑт хӑнты рәтӊӑн – ӛрӑӊ па тарум. 

Рохпӑӊ кўрӑк тыӆӑщ 23-мит хӑтӑӆн иса Россия ӆуваттыйн мyвев ӆавӑӆты хә хуятӑт мӑӊхӑтӆ. Россия мўв армияйн служитты ёх хўв йис тєӆн мосты вєр тәӆӑт: мўӊ еӆӆы тӑӆӑӊа па ма вәӆтэв кєша ӆыв мўвев па мирӆўв ӆавӑӆӆӑт. Офицерӑт м щирн вәӆты айӆат хуятӑт вәнӆтӑӆӑт. 

Тӑм путӑр хӑншман вәӆ Елена Афанасьевна  Рокина эвӑӆт, ӆўв вўӆы тащ тӑйты кӑтӊӑн Афанасий Андреевич па Варвара Прокопьевна  Хатанзеевӊӑн хуща сєма питӑс.

Елена Афанасьевна Са­ранпаульн вәӆ, ӆўв ясӊӑӆн вән щащиӆаӆ, аӊщащи­ӆаӆ вўша хуӆыева тӑм мўвн вўӆы тӑйман вәсӑт.

Сўмӑт хӑнтэт па вухаӆьт пӑта йис вўш эвӑӆт мосты ха ӆўӊӑтсы. Сўмӑт ӑӆ, вәш, шув, тунты, лыпӑт иса вєра мӑнсӑт. Тунты эвӑӆт шуши ёх сыр-сыр пурмӑсӑт вєрсӑт па ёнтсӑт.

Хӑнтэт тунты хот вєр­сӑт, хот ӆаӊӆа ӆаӊ­сэӆ, сыр-сыр ан-сәнӑт, воньщупӑт, йиӊӆӑт, няв­рємӑт пӑта онтупӑт па па арсыр мосты утӑт ӆэщӑтсӑт. 

Югорск вошӑӊ киникайт ӆўӊӑтты хотн ар оӆ вәӆ па арсыр айӆат па вән хӑннєхуятӑт пиӆа рәпитӆ Ольга Николаевна Валинурова. Ма тӑта мосванӑн ӆўв пиӆэӆа нємасыя вәйтантыйӆсум па путрємӑсум. Мӑнєма әмӑщ вәс уша павӑтты, муй хурасуп вәйтантупсэт вєрӆӑт, муйсӑр айкеӆӑт киникаиӊ хӑншты ёхӆўв оӆӑӊӑн путӑртӆӑт. Муй щирн арсыр щимӑщ вєрӑт ӆыв хущеӆа мӑнӆӑт, ма тӑм нє иньщӑссєм.

- Ольга Николаевна, мєт оӆӑӊӑн мўӊева айкеӆ тў­ва, Россия мўвев мӑта тӑхи эвӑӆт нӑӊ тыв вәӆты-хоӆты юхӑтсӑн?

Щимăщ нємн мăсы Вуӆаӊ Отечественной ӆаӆь пурайн єнмум няврємăт оӆăӊăн вєрум документальной кина.

Тәняӆ Вуӆаӊ Победа 75 оӆ постăты щира Россия мўвев президент нємасыя поступсыйн ёш пос пунăс. Щи пийн Россия ӆуваттыйн щи оӆ ма постăты щира арсыр мосты вєрăт ӆэ­щӑтты питсыйт. Нижне­вартовской район культура вєрăт тәты профсоюз ёх Вуӆаӊ ӆаӆь пурайн «Ар вўрн шєӊкӆӑты рӑхӆ…» нємпи документальной кина вєрты пăта грант вух ёша павӑтсӑт, ӆывеӆа щи вєр тәты пăта 1 956 046 шойт вух мăсы. 

Вотас тыӆӑщ 15-мит хӑтӑӆн Ёмвошн «Буква» нємуп тӑхийн шуши мир шай яньщман рәт сӑӊ еӆӆы тәты вєрӑт, йис вәӆупсы ӆєрамтты суртӑт оӆӑӊӑн путӑртсўв. Кашӑӊ хӑннєхә ай павтӑс, муйсӑр вєрӑт 2020-мит оӆ мӑр ӆэщӑтӑс. 

Мєт оӆӑӊӑн ки­ни­ка ӆўӊӑтты хотн рәпитты нє Алла Иш­ти­мирова-Посохова сӑӊ вўс: