№ 3 (3543) - 2020

Ӆаӆь вєрӑт тӑмхӑтӆ вәнты мсыева Югра мўв хӑннєхуятӑтн нәмӆыйт. Щит пӑта Ас хӑӆты тыӆӑщ 27-мит хӑтӑӆн Ёмвошн КДЦ «Октябрь» нємуп хотн «Блокадный хлеб» вәйтантупсы вәс.

Вўща, вўща, ма рут мўвем, 
Ма мирием, ма ӑӊкием. 
вты Асн ат па мӑнӆ
м птрием, м арием.

Тӑта щиет нявремиет…
Сэмиеӆаӆ тўт лавмиет.
Нёӆӑӆ катӆм нёӆӑӊ пхем, 
Юхӆәӆ катӆм юхӆӑӊ ёхем.

Рут мўвемӑн ӆойиӆӑӆм, 
Рут мўвием умӑщӆӑӆэм. 
Щимщар ваттм кӑт ӆхием
Ма-са, ма-са ӆумтыӆӑӆэм.

Нёхӑс хухӆм нёхӑс юшем, 
Ӆаӊки хухӆм ӆӑӊки пӑнтэм.
Варӑс щевлӑӊ щевлӑӊ сый, 
Ӆоньщӑн ныӆа нёхӑс ӆый. 

Щи оӆӑӊӑн мирхот пурайн лупӑс округ кәща ӆӑӊкӑр хә Всеволод Кольцов, мӑта ут «Югра» нємпи айт ӑкӑтты хотн вәс.

«Щимӑщ нємасыя штаб тӑхи Москва хон вошевн вәӆ, мўӊ ищи Ёмвошн ищимӑщ тӑхи пўншсўв. Кәщая щӑта ма питӆум. Мўӊ кәщайт, вән тохтурӑт пиӆа йиӆуп коронавирус уша вєрты питӆўв па муй иса вєр­ты питӆўв, ӆәӆн щи­мӑщ ӆавӑрт мәш мўӊ хущева аӆ юхтӑс», – лу­пӑс В. Кольцов.

Ас хӑӆты тыӆӑщ 23-мит хӑтӑӆн Ёмвошн РИЦ «Югра» нємуп тӑхийн Пенсионной фонд тӑхи кәща нє Татьяна Зайцева пиӆа вәйтантупсы вәс.

77 оӆ юхӆы Вуӆаӊ Отечественной ӆаӆь пурайн мєт ӆавӑрт Сталинградской ӆаӆь сухнӑс. Щит вәщ тыӆӑщ 1942-мит оӆ 17-мит хӑтӆ вўш эвӑӆт 1943-мит оӆ тәнӆуп тыӆӑщ кимит хӑтӆ вәнты Воронежской, Ростовской, Волгоградской областятн па Калмыкия мўвн вәс. Щӑта 1 миллион 130 солтатӆўв пӑрсӑт.

Россия мўв оборона министерства тӑхи хуятӑт «Дорога памяти» нємпи вєр ӆэщӑтсӑт. Хута Вуӆаӊ ӆаӆь пурайн мўвев ӆавӆум ёх оӆӑӊӑн хӑншман питӆ па хурӆаӆ щив вєрӆыйт.

Щи вєр Российской армия вуӆаӊ музей тӑхи ӆэщӑтӆӑт. Щӑта ӆаӆь хӑ­рӑтн тарӑнӆум хуятӑт, оборонной заводӑтн рәпитум ёх, партиза­нӑт, Ленинград вошн атум суртӑт вантум хӑннєхуятӑт, ӆаӆь хӑ­рӑтн айкеӆӑт ӑктум ёх, хуӆыева, хуйтат ӆа­ӆяссӑт, рәпитсӑт щи ӆа­вӑрт пурайн, ӆәӆн рәт мўвеӆ фашистӑт эвӑӆт вәньӆьты. 

Россия мўвевн тӑм оӆн ӑӊкет-ащет няврємӆаӆ пӑта аршӑк тыӆӑщ вухн мӑты питӆыйт. Декретной па больничной вухӑт ищи вәна йиӆӑт. Муй арат тыӆӑщ вух Югра мўвевн ӑӊкет-ащет вўты питӆӑт, щи оӆӑӊӑн «Фонд социального страхования»  хущи путӑртсы.

ВӘЯТН ЩИ ОӐҢӐН

Ас хӑӆты тыӆӑщ 30-мит хӑтӑӆн Ёмвошн КТЦ «Югра-Классик» нємуп хот йитн иха ӑктӑщум округев правительства кәщайт, ӑӆ хӑннєхуятӑт Россия мўв Президент Федеральной собрания тӑхия хӑншум айкеӆӑт хәӆӑнтсӑт па уша вєрсӑт. Россия хон пєлӑк Президент хә Владимир Путин путӑртӑс, хуты кашӑӊ хӑннєхә уша ат вєрӆ, муйсӑр тӑхет па мӑта поступсэт Конституция хущи ма па тәса еӆӆы ӆэщӑтты мосӆ.

Щиты лупӑс айӆат учёной нє Галина Ле­онидовна Нахрачёва. Тӑм ванӑн ма ӆўв пиӆаӆа вәйтантыйӆсум па еша путӑртсум.

«Хӑнты ясӑң» катра газета вантмємн ванкўты нєпека нух хӑншум әмӑщ путрӑт, пищмайт, йис хӑнты мир арӑт, моньщуптэт, амамӑтщет шиваыйӆсум. Мєт амтӑӊ, хән кўш шуши мирӆўв арсыр мўвӑтн, вошӑтн вәӆӆӑт, хӑнты ясӊев шавиман тӑйӆӑт. Щиты «Хӑнты ясӑң» 2001-мит оӆ лыпӑт хойты тыӆӑщ 15-мит хӑтӑӆн 37-мит номерн әмӑщ пищма хӑншман вәс.

«Сӑмєм ўв, Асєм ув»

Александр Иванович Исыпов (1926-1999-мит оӆӑтн вәс).

18 оӆа вмаӆн ӆаӆясты мӑнӑс. Рәт мўв, па хон пєлӑк Австрия мўв Вена хон вош, Венгрия мўв Буда­пешт хон вош, Чехословакия мўв эвӑӆт фашистӑт вошитӑс. Герма­нияйн Победа хӑтӆ постӑс.  «За отвагу», «За взятие Вены», «За победу над Германией» па па мевӆ посӑт тӑйс.

Никита Степанович Тарасов щӑщєм апщи  1941-мит оӆн Омск вошн артиллерийской ӑшкола етшуптӑс па ворошиловской стрелок иты ӆаӆь хӑра китсы.

Москва хон вош эвӑӆт вуракӑт вошитӑс. Щӑӆта Сталинград вош пўӊӑӆн ӆаӆясӑс. Ван хӑтӆуп тыӆӑщ 19-митн 1942-мит оӆн пӑрӑс. Верхне-Кумской станица пўӊӑӆн шавиман вәӆ. 

Ас хӑӆты тыӆӑщ 27-мит хӑтӆӑн вухаӆь мир нарӑсты, сувӑт хӑншты хә Эмиль Иванович Косполов 80 тӑӆа йис. Мосӆ лупты, хуты юхи хӑщум оӆӑтн ӆўв Шапша кәртӑн вәна пєлка вум па мәшӑӊ ёх вәӆты интернат-хотн вәӆ. 

Щирн округ мир творчества хот ёх ӆўв пӑтэӆа етнхот аӆьты щив мӑнсӑт. Щи­кєм әмӑщ вәс шива­ӆӑты, хуты сє­ма питум хӑтӆӑӆ пос­тӑты пӑта хиӆнєӊӑӆ юхтӑс. 

Мєт сыры интернат-хотн рәпитты ёх вўща ясӑӊ вєрсӑт. Тӑта вәӆты ӑӆ ёха әмӑщ вәс вәты, муйсӑр вуӆаӊ хуят пиӆа ӆыв вәӆӆӑт.

Афанасий Алексеевич Гриш­кин 1913-мит оӆн сєма питӑс.

Вуӆаӊ Отечественной ӆаӆь пу­райн Берлин вәнты ӆаӆяс­ман ӊхӑс. Щи пийн ӆаӆь пӑта пурмӑсӑт вєрты заводӑн рәпи­тӑс. 1946-мит оӆн юхӆы кєрӆӑс, ар мевӆ пос тӑйс.

Тӑм пўш оса вєрӑт тәты айӆат хӑнты нє Наталья Борисовна Есаулкова оӆӑӊӑн ӆӑӊхаӆум хӑншты. Ӆўв Нягань вошн па Октябрьской районӑн Ас-угорской айӆат тӑхи кәща нєӊа вәӆ. Щи тумпи Ёмвош округ шуши мир «Югра ӆыӆӊуптӑты» нємуп оса тӑхи хуща Нягань вошн кәща ӆӑӊкӑр нєӊа рәпитӆ. Щӑӆта Россия мўв арсыр айӆат ёх оса тӑхия ӆуӊман вәӆ. Тӑм каркам нє ай няврємӑт хӑтӆ мӑр тӑйты 6-мит хотн физкультура вєрӑта тёпиет вәнӆтуман Нягань вошн кӑпӑртӑӆ. Вантэ, каркам хӑннєхә арсыр вєра сора кўншємӑӆ.   

Мӑнум оӆн Ёмвошн ма хӑнты хә Денис Кельмин пиӆа вәйтантыйӆсум па путӑртсум. Ӆўв нарӑсты утӑт вєрты мирхота тыв юхтыӆӑс.

Тӑм айӆат хә хӑнты семьяйн сєма питӑс. Ащеӆ – Михаил Дени­сович Кельмин – вой-хўӆ веӆпӑсӆуман вәӆ, ӑӊкеӆ – Светлана Пенчевна Кельмина (Айваседа) – тунты эвӑӆт арсыр пур­мӑсӑт вєрӆ, щи тумпи вўӆы сух эвӑӆт ӆәмӑт­сух ёнтӑӆ. Светлана Пенчевна ащеӆ – юрн хә. Юрн мир хӑншты хә Юрий Кылевич Вэлла – щит ӆўв щатьщащеӆ вәс, ӆўв вәӆупсэӆ мӑр вәнт шушийн вўӆэт ӆавӑӆ­ман вәс. 

Тәнԯуп тыԯӑщ нивӑӆмит хӑтӑԯн Ёмвошн А.В. Филипенко нємуп тӑԯ кӑсупсэт ԯэщӑтты хӑрн «Лыжня России – 2020» нємпи ԯўхӑң кӑсупсы мӑнӑс. Тӑта тәня о иты 1500-кєм вошӑң мир кўтэԯн кӑссӑт.

Юхи хӑщум оӑт вўш эвӑт па тӑмхӑт вәнты вошӑң шуши мирўв ԯўхӑң кӑсупсыйн кӑсты юхтыйӆӆӑт. 

Сўмӑтвошӑӊ районной краеведческой музей хот кәщая ар оӆ мӑр Людмила Васильевна Андриянова вәӆ па рәпитӆ. Щив ӊхмємн ма нємасыя ӆўв пиӆӑӆа вәйтантыйӆсум па путрємӑсум. 

Тӑм йисн ар ут вєрӆы мўӊ мирев тащӑӊ вәӆупсы еӆӆы тўвман. Тәняӆ юхи хӑщум тыӆӑщн Ёмвошн округ мир творчества хот ёх нємасыя вәнӆтӑты хӑр ӆэщӑтсӑт. Щив юхтум няврємӑт, вән хуятӑт топщитты вәнӆтыйӆсӑт. 

Хӑнты мир арсыр нум­сӑӊ юнтупсэт тӑйӆ. Тӑм хӑтӆӑн хӑнты мирев йис вәӆупсы ӆєрамтты хә Тимофей Молданов па Касум кәртӑӊ хә Яков Тарлин нємасыя юн­тут аӆьсӑӊӑн. Кӑт хуят ёшӆаӆ кеӆн лӑп йир­сыйт, мосӑс мәӊхӑл ӑн кєтумман єӊхӑсӑщты.