2023-мит оӆ лыпӑт хойты тыӆӑщ вўш эвӑӆт шуши мир ӑшколаятн няврємӑт программа щирн рәт ясӑӊа вәнӆтӑты питӆыйт. Щи оӆӑӊӑн шуши мирӑт Ассамблея мирхот пурайн вәнӆтӑты вєрӑт тәты департамент кәща хә Алексей Дренин лупӑс.

1994-мит оӆ вўш эвӑӆт Ас нопӑтты тыӆӑщ 15-мит хӑтӆ хоттєӆ ёх мӑӊхӑтӆа аӆьты питсы. Кашӑӊ хӑннєхуята хоттєӆ ёх мӑӊ­хӑтӆ амат тәӆ. Вантэ, рәт йис вәӆупсы, рәт ӆєр мўӊева ӛр, м нумӑс па әмӑщ еӆӆы вәӆты щира мӑӆ. 

Тӑм оӆ вән кєр тыӆӑщ 4-мит хӑтӆ вўш эвӑӆт Югра мўвевн «Ӆаӆяс­ты ёха мойӆупсы – 2022» нємпи акция ӆэщӑтты оӆӊитсы. 

Тӑм мосты вєр мәш­мӑӆтум па ӆаӆясты ёх вєрӑт тәты «Содружест­во» нємуп оса тӑхи хуятӑт па Добровольческой гуманитарной вєрӑт әх­тыйн рәпитты ёх унтасн ӑкӑтты питсыйт.

Тӑм ванӑн Ёмвошн РИЦ «Югра» нємуп айкеӆӑт ӑкӑтты хотн XIX-мит мўвтєӆ мир «Спасти и сохранить» нємпи телефестиваль оӆӑӊӑн айкеӆ тәты щира мирхот ӑктыйӆсы. Тыв округев ӆуваттыйн мўвӑт-автӑт авӑты, вәнт войт-хўӆӑт, вәнтӑт ӆавӑӆман тӑйты вєр тәты тӑхи кәща кана вәӆты хә Алексей Ковалевский, вуӆаӊ хурӑт хӑншты ёх музей хуща рәпитты нє Елена Мотова па Югра мўвн ӆэщӑтум пурмӑсӑт, ӆєтутӑт па па сыр-сыр утӑт па хон пєлӑк мўвӑта тыныты щира китты вєрӑт тәты вуӆаӊ кәща нє Ирина Гайченцева нємасыя вохсыйт.

Вән кєр тыӆӑщ 21-мит хӑтӆӑн хур хӑншты хә Г.С. Райшев Галерея-мастерская хуща «Юг­ра ӆыӆӑӊ йис вєрӑт» ванӆтупсы хот йитн Андрей Анатольевич Рябов пиӆа вәйтантупсы вәс. Ӆўв мўӊ мўвев оӆӑӊӑн айкеӆӑт ӑкӑтты па хӑншты хә.

Андрей Рябов ясӊӑӆ ӆўв сӑмӑӆн вана тӑйты вєрӑт оӆӑӊӑн мӑнӑс. Ӆўв  сӑма мәстум, нумӑсн тӑйты Ёмвошӆ оӆӑӊӑн путӑртӑс. Тӑм вошӑӊ ёх йис вєрӑт оӆӑӊӑн, тӑм вошӑӊ ёх йис вәӆупсы оӆӑӊӑн путӑртӑс.

Тӑм ванӑн «Хӑнты ясӑӊ» газетаева Сўмӑтвошӑӊ путрӑт хӑншты хуят Леонид Бабанин пищма хӑншӑс. Нєпекн ӆўв айкеӆ тәс, хуты Сўмӑтвош район сыры кәщая вәӆум хуят Владимир Фомин па ӆўв ӆӑӊкăр хәйӆ Сергей Титов унтасн Ас нопӑтты тыӆӑщн хўӆ веӆпӑсӆӑты ёха хўӆ веӆты кєншӑка питӆ.

Клещевой энцефалит – щит атум вирусной мәш, мӑта ут эвӑӆт хӑннєхә вєра кӑшаӊа, вевӆы-кәсӆы питӆ муй па иса ӑнтәма йиӆ. 

Муй щирн тӑм мәш оӆӑӊӑн уша вєрты рӑхӆ: хӑннєхә кӑшитӆ, єӑ 38-39 градус вәнты каврума йи, ухӆ вєра кӑ­ши, ёша-кўра кӑ­шитӑт, охӑтты вўрат, охӑтӆ. 

Муй щирн щи мәш катӑӆты вєритӆы:

- хән ай войн пў­рємӑӆыйн;

Оӆӑт вєра сора мӑнӆӑт, ин 77 оӆа щи йис, хән мўӊ Нух Питум мӑӊхӑтӆ тӑйты питсўв. Тәп щи шәкӑӊ вєрӑт ин па ма нәмӆӑӆўв, щи вєрӑт оӆӑӊӑн и хӑннєхә па хӑннєхәя путӑртӑӆ, и нәптӑӊ ёх па нәптӑӊ ёха путӑртӆӑт. Щимӑщ хӑннєхә мўӊ мўвевн ăнтә, мӑта хотӑӊ ёхӆаӆ щи ӆаӆь пурайн шәк ӑн вантсӑт.

Щиты мўӊ аӆьщӑсўв етнхот, мӑта Вуаң Победа мӑңхӑт епийн Ас нопӑтты тыӑщ 6-мит хӑтӑн Ёмвошн «Югра ыңуптӑты» оса тӑхийн вєрсўв. «Вуаң нух питум хӑт арсыр мир унтасн тывӑс» нємпи вәйтантуп­сы мӑнӑс.

Тәп тӑта мосванӑн 77-мит оӆа йис, хуты Вуӆаӊ ӆаӆь вєр сухнуптӑсы. Щи пӑта Ас нопӑтты тыӆӑщ ртъяӊмит хӑтӑӆн Вуӆаӊ ӆаӆьн нух питум ёх мӑӊхӑтӆ Россия хон пєлӑк кәртӑтн па вошӑтн нємасыя пориӆӑсӑт. 

Ёмвош вуӆаӊ вош хулы хўват ищи тӑм пўш «Бессмертный полк» нємӑӊ тӑхийн вәӆ­ты хӑн­нєхуятӑт мӑнсӑт. Кашӑӊ хӑннєхә ӆаӆьн вәӆум па щи ӆавӑртӑӊ пураитн вещката рә­питум ӆыв ёхӆаӆ нєпек хурас­ӆаӆ тәс. 

Октябрьской район Карл Маркс кол­хоз Кайгатюрской па Сергинской ёш вой-хут тайты фермайнгын ий хорасып кус тайтынгын, но вертатны тын кат хорасыпнгын. 1959-мит от отынгтым артны Кайгатюрской ёш вой-хут тайты ферма, Сер­гинской ферма эвыт эсымйингк пусты верны ёх хасьман утыс, но май тылысьны верыт кимит сирны манта пит­сыт. Там ферманы 90 мис эвыт хатл тунгта 400 литраны эсымйингк пусыттыт, то Сергинской ферманы 86 мис эвыт, туп 200-220 литраны пусыттыт.

Арӑӊ-якӑӊ, моньщӑӊ па путрӑӊ, апрӑӊ па ушӑӊ, сӑмӑӊ па амтӑӊ, каркам па вєрӑӊ Касум мўвн вәӆты хӑнты нєӊие Валентина Григорьевна Тарлина (эви опращ нємӆ Кондина) тӑм товийн сєма питум хӑтӆ вўш эвӑӆт 55 оӆ постӑс. 

Валентина вєра-вєра апрӑӊ нєӊие. Арсыр тәс вєрӑт тумпийн тӑм ванӑн ӆўв рўщ па хӑнты ясӑӊӊӑн ӆўӊӑтты арӑт хӑншты питӑс. Аӆпа, сӑмӑӆ эвӑӆт Тәрум Ащийн миюм сащ мира аӆьты нумса юхтӑс. 

Увӑс мирӑт хўв йис вўш эвӑӆт ӆәмӑтсухӆаӆ па кўра ӆәмӑтты утӆаӆ вой па хўӆ сухӑт эвӑӆт ёнтсӑт па ӛхӑт әмӑщ пӑта ёнтум утӆаӆ хурамтты питсӑӆаӆ. Кўш сӑхӆаӆ, кўш вейӆаӆ, кўш нюки вейӆаӆ, посӆаӆ, рнасӆаӆ иса хурамӑӊ хӑншийн вєрман вәсӑт. Кашӑӊ хӑнши ӆўв кан щир тӑйӆ, итәх хӑншет ӆавӑӆты щирӑт тәсӑт. 

Щит Алла Иштимирова-Посохова хӑншӑс. Щи оӆӑӊӑн «Югорика» нємпи киникайт яӊмит ванӆтупсы сухнум пурайн уша йис. Щит Ёмвошн Ас нопӑтты тыӆӑщ 17-18-мит хӑтӆӊӑнӑн вәс. Тӑм ванӆтупсы пурайн «Югорская книга – 2022» нємпи кӑсупсы ӆэщӑтсы.

Мосӆ лупты, тӑм оӆн щи вән ванӆтуп­сыйн киникайт єсӑӆты 43 тӑхи ёх па 18 ӑӆ хуятӑт ӆыв хӑншум нєпекӆаӆ аӆьсӑт. Иха ӆўӊӑтты ки – 174 киника вәс. Мєт ар киника ЮГУ па Ас-угорской науч­ной институт ёх хӑншсӑт. 

Ёмвошн Мўв-авӑт па Хӑннєхә музей ху­ща Ас нопӑтты ты­ӆӑщн 6-мит хӑтӆӑн «Увӑс мирев сӑкӑӊ пурмӑсӑт» ванӆтуп­сы пўншса. 

Щи вєр вєрты нумӑс пунӑс па щи нум­сӑӆ щира ванӆтупсы На­талья Тучкова ӆэщӑтӑс, ӆўв музейн история па эт­нография отделн рәпитӆ, щит исторической наукайт доктор, этнограф, хӑнтэт, вухаӆь ёх па самодийской мир вәӆупсы наука щира тәӆӆэ. 

Щимӑщ нєм тӑйс ӊта пӑсан, мăта ут вән кєр тыӆӑщ 29-мит хӑтӆӑн Ас-угорской институтн вәс. Щи мирхот «Ассамблея народов России», «Высшая школа экономики», округ мир творчества хот па Ас-угорской институт ёх иха ӆэщӑтсӑт.

Ас-угорской институт кәща нє Виктория Сподина вўща вєрӑс па лупӑс, ӆыв институтэӆн учёной ёх хӑнты ясӑӊ еӆ­ӆы тўвман иса муй вєр­ӆӑт.

Тӑмхӑтӆ мўӊ хӑнты ясӑӊ газетаев 65 оӆ постӑ­ты вўраӊӑн ртъяӊмит па яӊмит иньщӑсупсэӊӑн хӑншӆўв. Юхӆы ясӑӊ тыв китаты: khanty-yasang-65@mail.ru.

9. Муйсӑр оӆн газетайн путрӑт хӑнты ясӑӊа тулмащтуман хӑнты мир поэт Микуль Шульгин рәпитӑс?

10. Хуйтат хӑнты поэтăт эвăӆт «Ленин пант ху­ват» газетайн 1964-мит оӆн рәпитӑс.