№ 12 (3600) - 2022

Лыпăт тыӆăщ 16-17-мит хăтӆӊăнӑн Москва хон вошн Россия мўвев Общественной палата хуща «Устойчивое развитие этнокультурного сектора» нємпи Россия ӆуват вән III-мит мирхот вәс. 

Лыпӑт тыӆӑщ 15-мит хӑтӆӑн Ёмвошн «Югра» нємуп РИЦ хот йитн па онлайн щирн айке хӑншты па ӑкӑтты ёх иха ӑкӑтсыйт, ӆәӆн «Югра мўвн сєма питты вєр» нємпи йиӆуп щир оӆӑӊӑн айкеӆ тәты. Щи оӆӑӊӑн мўӊева округ кәща хотн ЗАГС вєрӑт әхтыйн кәща Евгения Мальцева па Информационной технологияйт вантман тӑйты департамент хуща рәпитты кәща Галина Михайлова айкеӆ павӑтсӑӊӑн.

30 оӆ юхӆы 1990-мит о лыпӑт єнумты тыӆӑщн 12-мит хӑт­ӑн Россия мўвн Дек­ларация оӑӊăн пос­тупсы нєпек вўсы. Щи пура вўш эвӑӆт кашӑӊ оӆ лыпӑт єнумты ты­ӆӑщ 12-мит хӑтӑн Россия мўв мӑӊхӑтӆ постӑӆы. 

Ищи пурайн Россия мўв әхтыйн кәща мєт оӆӑӊ президент хуята аӆьщӑты питсы. Ищи пу­райн вуӆаӊ Конституция нєпек йиӆпатсы па вот вой сухев интӑм хураса  вєрсы: нуви, єтар хӑри па вўрты оьпӑтн. 

2022-мит оӆ Ас нопӑтты тыӆӑщ 27-мит хӑтӆӑн Югра мўвев правительства поступсы щирн «Реполовский кедровый бор» ӆавӑӆман тӑйты тӑхия вєрсы. 

Щит Ёмвош районӑн Ӆаӊаӆ юхан хонӑӊӑн Реполово кәрт эвӑӆт хәӆум киломєтра вўшн омӑсӆ. Щи тӑхи хуща 177,4 гектар мўв вәӆ, щит мєт вуӆаӊ па наука щирн мосты тӑхи. Щӑта ар нохӑр сєм мӑты нохӑр хӑт єнумӆӑт, щирн ӆыв мєт ӆавӑӆман тӑйӆыйт. Щи тумпи щӑта щимӑщ войт вәӆӆӑт, ӑня лыптӑт па хӑт єнумӆӑт, мӑтайт па мўвӑтн шимӆ муй иса ӑнтәм.  

Мир лекщитты па мӑӆты ёх мӑӊхӑтӆ еӆпийн Ёмвошн Югра мўв тохтурӑт, леккарӑт па ай тохтурӑт вән мирхота ӑктăщийӆсăт. Әмӑщ, хуты тӑм пўш лекщитты хуятӑт тумпийн вәйтантупсыя пăӆтап кӑши-мәш эвӑӆт мӑӆтум ёх ищи вохсыйт. Щиты иха ӆўӊӑтты ки, округ вошӑт, кәртӑт эвӑӆт щурӑскєм леккар па мӑӆтум хӑннєхә, лекщитты вєр тәты кәщайт па айӆат ёх мирхота юхтыйӆсӑт.

Ма щатьщащєм, Сидор Петрович Гришкин, Тўкъякӑӊ хӑнты кәртӑн Сўмӑтвош уездӑн ар няврємӑӊ хоттєӆ ёх хуща 1908-мит оӆн сєма питӑс. Ӆаӆь еӆпийн ар пєлӑк вой па хўӆ веӆпӑсӆуман колхосн рәпитӑс. Имуӆтыйн 1938-мит оӆн кәртӑӊ ёхӆаӆн колхосӑӊ кәща хәя щи пирисы.

Щи пурайн, вантэ, мкєм ар пәсты мисӑт па ӆовӑт тӑйсӑт па щи хотӑӊ войт пӑта кашӑӊ ӆўӊӑн шєӊк ар турн вєрсӑт.

Югра мўвев вән па хурамӑӊ, мўӊ рәпата щирн тӑта вәӆты арсыр ай вошӑт па кәртӑт хўваттыйн ӊхӆўв. Щиты тӑм ванӑн ма Мосум мўвн вәсум. 

Ма оӆӑӊмит пўш щив мӑнты вўратсум, щирн сыры щи вош оӆӑ­ӊӑн интернетн ӆўӊӑтсум. «Остяко-Вогульск» нєм­пи газетайн интернетн «Слав­ный Кышик» нємпи ай­кеӆ ӆўӊӑтсум. Щӑта хӑнш­ман, щи вош, аӆпа, кӑт сот муӆтас оӆа йис. Интӑм Кышик вошн 700 муӆтас хӑннєхә вәӆ. Щив ӊхмємн вошӑӊ мир пиӆа вәтаӊа йисум. 

Ӆьаӆь – ҷит йисы мырәтнә пәлтә йӑсәӈ. Ӆьаӆь – ҷит ӄӑнтәӽ ӄө сәмӈә тӑӆәӽтәтә ӄынь. 

Великий Отечествен­ный ӆьаӆьнә ар мыр йӽ ҷәт пӑрәт, ҷәт ӄыньа мә­ӈәт. Ӆьаӆьӽә мәнәм ар мыр йӽ, ӆьаӆьнә пӑрәм ар мыр йӽ аӈкит ит пә Нум Торәмнә исләт панә мыр йоӽ ӆӑӽәӆмин, ӆәйәӆмин тӑйӆэт. 

Кондинской район­ны Нахрачи поселокны няв­рамыт тайты ясли хот омысмет кат ота йис. Но няврамыт туп ий пелык хотлны тайтайт, а кимит пелык хотйитл хотна па анта етшиптыта.

Сютны ангки нэнгыт ясли заведующий тов. Ковалева па главной врач тов. Тищенко хо­ся нявремтат садика тэсятты отынгны тыл­ситны янгхтыт, а тыв няв­ремтат яслия ант ву­тыит. Камн пуш тыв ий ясынг лоптыт, что няврем тайты тахи антом.

Ветхосьянг от вуш Клавдия Гавриловна Первова Сумыт­вош районны «40 лет Ок­тяб­ря» сельхозар­тель­ны мис пусты нэнга си рупитл. Рупитым оттат мар вотанг ям рупута верыт хотымтыс па там маным от тувета юкантым мистат эвыт 1450 литра эсымйингк аршик пусыс иса «40 лет Октября» колхоз мис пусты нэнгыт киньси.

Тӑта мосванӑн Варьёган кәртӑн Нижневартовской районӑн вәсум па щӑта вәӆты пәӆьница хота ӊхсум па арсыр мәш вєрӑт мӑӆты нєӊӑт пиӆа вәйтантыйӆсум па айкеӆӑт ӑкӑтсум. Тӑм тӑхийн хуят лекщитты  нє рәпатайт Людмила Егоровна Тырлина тўӊщирӑӊа ӆэщӑтӆ па щи вєр оӆӑӊӑн ӆўвеӆ мкєм хўв иньщӑссєм. 

- Людмила Егоровна, мӑта вәнӆтӑты тӑхи па хән нӑӊ етшуптӑсӑн?

Ёмвош район Согом кәртӑн 43 оӆ мӑр хӑнты нє Валентина Ивановна Захарова леккара рәпитӑс. Тӑм оӆн рўтьщӑты мӑнӑс, тәп ин вәнты кәртӑӊ мәшӑӊ хуятӑт мосты пурайн лекщитӆ.  

Тэк кәртӑң «Шоврые» нємпи хӑтӆ мӑр пушхиет ӆавӑӆман тӑйты хот 1947-мит он пўншсы. Ая вәӆман ма щив ищи ӊхсум, ӑӊким щӑта рәпитӑс. Щит нюр тӛпӑӊ па хошум тӑхи.

Ёмвош район Мо­сум мўвн ма хӑнты нєӊӊӑн Ольга Холо­дилова па Марина Лозямова пи­ӆа вә­таӊа йисум. Щи упе­ӊӑн Кышик вошн вәӆ­ӆӑӊӑн, хӑнты мир йис вєрӑт тәса вәӆӊӑн, мӑӊхӑтӆӑт пурайн хӑнты якӑт якӆӑӊӑн, вошӑӊ няврємӑт щи вєрӑта вәнӆтӑӆӊӑн. 

Ащӑн – Октябрь Алек­сеевич Лозямов – Касум вош эвӑӆт вәс. Ӑӊ­кӑн Манстӑр районӑн сєма питӑс, ӆаӆь пийн ая вәӆмаӆн ӑӊкеӆ па упи­ӆаӆ пиӆа Касум воша касӑӆсӑт. Щӑта ӆўв єнмӑс па Октябрь Алексеевич пиӆа вәтаӊа йис. 

Ёмвошн «Торум Маа» музей хуща лыпӑт тыӆӑщ 6-10-мит хӑтӆӑтн няврємӑт юхӑтман вәсӑт, щит «Таксар махум» нємпи няврємӑт йис вєрӑта вәнӆтӑты, йис вєрӑт ванӆтӑты пӑта ӆэщăтум вєр. 

Лыпӑт єнумты тыӆӑщ 5-мит хӑтӆӑн Сәрханӆ вошӑӊ кўтуп хӑрн XXIII-мит пўш «Соцветие» нємпи вән мӑӊхӑтӆ вәс. Щит Россия мўвев ӆуваттыйн арсыр мирӑт йис вәӆупсы ӆавӑӆты оӆа вєрсы. мӑӊхӑтӆ «Сот ясӑӊ – и нумӑс» нємн пунсы.

Тӑм йисн Сәрханӆ вошн и нумӑсн ӆәх­сӑӊа сот муӆтас мир вәӆ, щирн «Соцветие» фес­тиваль – щит щи вош пӑта вуӆаӊ вєр.

Мўв-авӑт па Хӑннєхә музей хуща лыпӑт тыӆӑщ 3-мит хӑтӆӑн «Хӑнты па вухаӆь мир: Хот па Тәрум» ӆәӊх пурмӑсӑт ванӆтупсы пўншса.

Тӑм ванӆтупсы этнограф, исторической наукайт тохтур Измаил Нухович Гемуев (1942-2005-мит оӆӑт) 80 оӆа ювум пӑта ӆэщӑтса. Щи хӑннєхә мўӊ увӑс мўвн вәӆты мирев йис вєрӑт наука щира тәты пӑта сыр-сыр вєрӑт вєрӑс. 

Тӑмхӑтӆ мўӊ «Хӑнты ясӑӊ» газетаев 65 оӆ постӑты вўраӊӑн кӑтхущъяӊмит иньщӑсупсы хӑншӆўв. Юхӆы ясӑӊ тыв китаты: khanty-yasang-65@mail.ru.

12. Хән «Ленин пӑнт хўват» газетайн хӑнты мир писатель Григорий Лазарев кәща ӆӑӊкӑр хәя йис?