№ 14 (3386) - 2013

Сора округ библиотека хотӑт Югра мўвев писателят хӑншум йиуп электронной киникайт ёша павӑтӑт. Щи оӑңӑн лупӑс округ кәща нє Н. Комарова местной самоуправления мирхот пурайн.

Вәщ тыӑщ 17-мит хӑтӑн Ёмвош округев кәща нє Наталья Комарова ӑңкӑр ёха пиа мирхот вєрӑс, хута вошӑтн вәты-хоты хӑннєхә сухуптӑты тынӑт оӑңӑн айке тәс. Вантэ, кашӑң хоттє ёх и тыӑщ мӑр коммунальной вухӑт закон щирн сухуптӑ.

Лыпӑт тыӑщ 27-митн округ дума 24-мит мирхот мӑнӑс.Щӑта 24 вєр нух вантсы, ыв кўтэн кӑт вєр шуши мирўв оӑңӑн. Мєт сыры, муй щирн тәня шуши мирӑт айкеӑт ӑкатты тӑхет поступсы рәпитӑс.

Вәщ тыӑщ нивӑмит хӑт хоттє хуятӑт емӑңхӑта ўңтас. Щит пӑта Ёмвошн вәты Россия мўв Пенсионной фонд тӑхийн ар няврємӑң нєңа хәтъяң вет щурӑсмит сертификат нєпек мӑсы. Щи нєпек унтасн хоттє ёх государства эвӑт нясот нивӑ щурӑс мутас шойт вухн сухуптӑыйт. Щӑта щи вухӑт йиуп хот әтты щира муй няврємӑт еы вәнтыйты пӑта закон щирн мӑты рӑх.

Ёмвош округев природной ресурсӑт департамент грантӑт пӑта хәум кӑсупсы щир вєрӑс.

Лыпӑт тыӑщ 19-митн Ёмвошн «Югралесхоз» тӑхийн арсыр вән кәщайт мирхот вєрсӑт. Щи пурайн Югра мўв кәща ӑңкӑр хә Сергей Полукеев лупӑс: «Ма щирємн, вәнтатн-йиңкӑтн єнўмты воньщўмут, нохӑр сєм па вой-хў мєт сыстамӑт. Щит пӑта юхи хӑщўм оӑт мӑр округев правительства кәщайт нємасыя щи вєр нўх аумты щира ар вух єсӑӑт. Шуши мир рәт общинайт щи унтасн ям тыӑщ вух хоумтты вєритӑт».

Округ кәща нє Н. Комарова Сўмӑтвош района яңхман Ломбовош, Сосьва па Кимкьясуй вухаь кәртӑтн вәс. Щӑта ўв кәртӑң хуятӑт пиа вәйтантыӑс па ыв вәупсэ па нўшайа оӑңӑн путартӑс.

Тӑта мосванӑн вәщ тыӑщ 12-мит хӑтӑн Ёмвошн округев Дума хот йитн Мўвӑт-йиңкӑт ӑвӑты департамент кәщайт Югра мўв уватн хў вепӑсӑты тӑхетн рәпитты кәща ёх пиа мирхот вєрсӑт. Щи пурайн ыв сыр-сыр нєпекӑт ўңӑтсӑт: «Муй щирн хў вепӑсӑты вєр Ёмвош округевӑн мӑн», «Муйсар хў вепӑсӑты тӑхет тӑм кўтн ыв закон щирн вўты вєритӑт», «Муй щирн хў вепӑс унтасн ыв арсыр округева юхӑтты моиң ёх пиа рәпитты вєритӑт», «Хуты тӑм йисн хў вепӑсӑты тӑхет ӑвӑты рӑх».

Лыпӑт тыӑщ 30-мит хӑтӑн Нуви сӑңхум район Ваньщавӑт кәртӑн «Будущее Югры в руках молодежи» нємпи мирхот вєрӑнтсы. Щӑта Нуви сӑңхум, Сўмӑтвош районңӑн па Ёмвош эвӑт юхтум айат ёх ӑктӑщийсӑт. ыв кәртӑтн вәты айат ёх нўшайт нух вантсӑт.

Хӑнты мир әмӑтсуха әмӑтюм няврємиет пєы вантты шєңк әмӑщ. Ма Нуви сӑңхум район Ваньщавӑт кәрта яңхмємн вантсум, муй щирн няврємӑт хӑнты әмӑтсухӑт аьсӑт. Щи етнхот лыпӑт тыӑщ 29-мит хӑтӑн вәс.

Сәрхан вош увӑс мирӑт культура хот кәща нєңа ар о мӑр вухаь нє Марина Викторовна Самсонова вә па рәпит. ыпӑт тыӑщ 22-мит хӑтӑн ыв хущеа район арсыр ай кәртӑт па вошӑт эвӑт хӑнты ёхўв ияха юхтыйсӑт па ай хопӑтн кӑссӑт. Муйсар пурайтн тӑмӑщ кӑсупсэт вєрты питсӑт па муй унтас ыв шуши мирӑта тәӑт, щи вєр оӑңӑн нємасыя щи тӑхи кәща нє пиа путрємӑсум.

Марина Викторовна Кабакова Тәпӑ вошн няврємӑт вәнтӑты нєңа ювма юпийн Касум вошн эвет па пухӑт вәнтӑс. Ӛхӑт ўв щӑсаты йира мӑнӑс па Амня кәртӑн вәты музейн рәпитты питӑс. Щи айат нє хәум пух па эви тӑй. ўв пиаа лыпӑт тыӑщн Нярса кәртӑн «Нумсӑң ёх» нємуп рўтьщӑты тӑхийн вәйтӑнтсум, хута ўв кашӑң ўң рәпит.

Вәнтыйты вєрӑ сухнум пурайн тӑм рўщ эви 1999-мит он Сўмӑтвош рай­он пәьница хота рәпитты китсы.

Кимит ай тохтўр нє – щит Галина Иргиевна Азыдова. ўв Сўмӑтвош район пәьницая Калмыкия мўв эват 2009-мит он рәпитты юхтӑс.

Вәщ тыӑщ 2-4-митн Когалым вошн шуши мир йис культура, ясӑң авӑты вєр оӑңӑн мўвтє мир научной мирхот мӑнӑс. Щит округ дума хәсмит оа йиты пӑты вєрсы. Вантэ, щит па он вән кєр тыӑщ 6-митн постӑты питы. Округ дума кәща ӑңкӑр хә, шуши мирӑт Ас­самблея кәща Еремей Айпин мирхот пўншӑс.

Мўвтэ мир яматы тӑхи щирн иса мўв уваттыйн кашӑң секунда мӑр хоңса таты вєр эвӑт и хӑннєхә сурма пит. Россия мўвевн 44 миллион хӑннєхә шар таӑт, кашӑң о щи вєр эвӑт 400-500-кєм хуят ӑнтәма йи.

Тӑм ванӑң ар тӑхетн рәпитты хӑнтэт, вухаят мирхота ӑктӑщийсӑт. Щӑта Ёмвош педколледжӑн вәнтыйты шуши эвет, пухӑт оӑңӑн путӑр мӑнӑс. Мирхот пўншты епийн «Мойтэт» нємуп тӑхийн вәты рўщ эвет, пухӑт хӑнты арӑт арисӑт па шуши мир нарӑсъюхӑтн нарӑссӑт. Щи юпийн щи хот кәща нє Ольга Бывалина ясӑң вўс па ай павтӑс, тӑм он педколледж хущи 297 хӑнты па вухаь вәнтый, 222 хуят общежитияйн вәӑт. Ярхәс айат ёх – ар няврємӑң семьяйт эвӑт, хәумъяң мутас хуят – шәкащты эвет, пухӑт, 69 хуят – нўша семьяйтӑн єнумсӑт.

Сўмӑтвош район Саранпауль воша яңхмємн ма ӑшкола кәща пиа вәйтантыйсум. Щит Андрей Дмитриевич Попов. Мин путӑртсумн ӑшкола вєрӑт оӑңӑн.

Ас хӑты тыӑщн «Хӑнты ясӑң» оӑңмит газетайн хӑншсум, хуты тәня айке ӑкӑтты ёх пиа хӑт єтты пєлӑк мўвн рўтьщӑты тӑхет вантсум. Щи мўв хўват мўңев «Спутник» тӑхийн вәты кәща ӑңкӑр хә Василий Сочи­лин тәтьяс.

Москва хон вошева рәт ясңӑта вәнтӑты ёх кӑсупсыя яңхмємн ма тувинской ясӑңа вәнтӑты нє Алевтина Петровна Байыр-оол пиа вәтӑңа йисум.

Геннадий Фёдорович Гурин Невьянск вошн Свердловской областян єнмӑс. Хәнты щи вош Демидовӑт хон воша вәс. Вошие Нейва юхан хонӑңӑн омӑс, щит пӑты Невьянск нєм тӑй. Щӑсаты юхан хўват и ки єсащты, Нейва щӑта хӑтань щирн Ницца нємн аьщӑы. Мос лупты, щи мўвн катра йисн хӑнтэт па вухаят вәсӑт, щит пӑты щӑта ар тӑхийн юханӑт па орӑт хӑнты па вухаь щирн аьщӑыйт. Нейва ищимӑщ нєм тӑй. Вәйтантыймємн Г.Гурин лупӑс, ай вўш эвӑт уша вєрты ӑңхӑс, «Нейва» рўщ ясӑңӑн щит муйсӑр ут? XVII-мит йисн Нейва юхан Невья нєм тӑйс, ӛхӑт рўщӑтн Нейвая аьщӑты питсы. Итәх нєпекӑң ёх луплӑт, хуты хӑнты щирн Невья щит Нуви юхан.

Тӑм ванӑн Ёмвош эвӑт Нуви сӑңхум воша «Най-вәрт путрӑт. Легенды земли Божественной» нємуп киника тәсы. Щи вошн вәмємн Римма Михайловна Потпот щи нєпек мӑнєма вантӑс па лупӑс, ўв щит ут эщатӑс, хурӑт Игорь Потпот ике щив хӑншӑс.

ыпӑт тыащ 22-мит хӑтӑн Сәрхан вош увӑс мирӑт культура тӑхийн шуши ёхўв ай хопӑтн кӑссӑт. Ияха ӑктӑщум хӑнтэт кўтн Лянтор вош эвӑт кӑсупсыя Сергей Степанович Сенгепов юхтӑс. Манєма шєңк әмӑщ вәс вантты, хуты тӑм ики вєра тәса эщӑтум ай хопӑ кӑсты тӑхия тәсэ. Ӛхӑт ўв кӑсупсыйн йис хӑнтэт щирн сора-сора ай хопӑн еы па юхы пєа яңхӑс.

2013-мит он Понавӑт кәрт 300 оа йис. Щи вєр оӑңӑн «Полноват. Вехи истории» нємуп киника єтӑс, хута хӑншман, муй щирн щи кәрт тывӑс, хуйтӑт па муй щирн щӑта интум вәӑт.

ыпӑт тыӑщ 22-мит хӑтӑн Сәрхан вош увӑс мирӑт культура ӑвӑты тӑхийн ай хопӑң кӑсупсы вәс. Щи пурайн ма Сытомино вош эвӑт кӑсты щира юхтум хӑнты нє Любовь Николаевна Кузнецова (Сенгепова) пиа вәйтантыйсум па путрємӑсум, хуты ыв тӑмӑщ ай хопӑң кӑсупсэт пєа вантӑт па муй әмӑщ вєр щитӑт хӑнтэта тәӑт.

Вәщ тылӑщн Ёмвошн Семейный совет мӑнум пурайн округ правительства кәща нє Н. Комаро­ва ар няврєм єнмӑтум хуятӑта, рәт ясӑң па йис вәупсы нух аумты ёха, айат эвета па пухӑта, вән унтӑс вєрум хӑннєхәйта ишӑк нєпекӑт, мойупсэт катуптӑс. Мўнева шєңк әмӑщ вәс, хән шуши мир кўтн кӑт хуятңӑн Юван Шесталов нємпи премия ёша павӑтсӑңӑн. Щит Ваньщавӑт кәрт эвӑт киника ўңӑтты хотн рәпитты хӑнты ими Нина Васильев­на Шабаршина па Югорский университетӑн рәпитты вухаь нє Светлана Силиверстовна Динисламова.