Васы мӑнты тыӑщ 16-митн «Югра» нємпи айкеӑт ӑкӑтты хотн армияя мӑнты вєр оӑңӑн путӑртсы.

Округ военкомат хуща пухӑт слу­житты вєра эщӑтты тӑхи кәща хә А. Ка­заков лупӑс: 

– Нємасыя поступсы щирн, Югра мўвев эвӑт 1700 муӆтас ху­ят арсыр тӑхета служитты китты мос. Ӆыв арсыр войскайт хущи мўвев ӆавӑӆты вєрӑта вәнӆтыйӆты питӆӑт.

Округевн вәӆты шуши мирӑт пӑта госпрограмма хўватн 2021-мит оӆн нётупсы щирн кашӑӊ оӆ мӑр єсӑӆты вухӑт иса араттєӆн 26-мит миллион арат шойт вуха нух єӆӑтӆыйт. Щимӑщ вуӆаӊ вєрӑт оӆӑӊӑн Югра мўв правительства кәща нє Наталья Комарова нємасыя вән мирхотн ай тӑхет потты тыӆӑщ ртъяӊмит хӑтӑӆн ӆӑӊкӑр ёхӆаӆ пиӆа вєрум мирхотн йиӆуп поступсы ӆэщӑтӑс. 

Ай тӑхет потты тыӆӑщн 7-мит хӑтӆӑн округев оӆӑӊӑн айкеӆӑт хӑншты ёх хўӆ па нюхи эвӑӆт ӆєтут вєрты тӑхия ӊхсӑт. Щимӑщ рәпатайн вәӆты ёх па щи ӆєтут тыныты «Ферма» нємуп тӑхи Ёмвошн вәӆ. 

«Кулинария высокого вкуса» тӑхи кәща хә па «Ферма» нємуп тынєсты пос кәща хә Вячеслав Кукель путӑртӑс, муй вўрн хўӆ па нюхи айкємн шўка вєрӆа-ӆєщӑтӆа, муй хўват мӑр щи утӑт ӆапкайн шавиман тӑйты рӑхӆ, мӑта ӆапкаятӑн тӑмӑщ ӆєтут ӆәтты пищ вәӆ.

Лыпӑт хойты тыӆӑщ 30-митн «Стой­бищная школа – сад» проект щирн Сәрханӆ районӑн мєт ай пушхиет пӑта вәнӆтыйӆты тӑхи пўншсы. Щит Русскинская ӑшколая ӆуӊман вәӆ. 

Щи вєр унтасн Сәр­ханӆ районӑн У-6 нємпи вәнт шушийн вәӆты ай пушхиет ӑш­колая ӆэщӑтыйӆты щир тӑйӆӑт. 

Васы мӑнты тыӆӑщ 19-мит хӑтӆӑн Нижневартовск вошн хӑнты мир вәтаӊ айкеӆӑт ӑкӑтты ими Таисья Степановна Себурова ӑнтәма йис.
Мўӊ «Хӑнты ясӑӊ» па «Луима сэрипос» нємпи газетайӊӑӆўвн рәпитты ёхӆўв пӑта щит вән шәк. Ӆўв 1949-мит оӆн тәнӆуп тыӆӑщ 23-митн Тўкъякӑӊ кәртӑн сєма питӑс, ащеӆ Вуӆаӊ Отечественной ӆаӆьн Ленинградской фронт ху­ща ӆаӆясӑс.

Округевн ин тӑм­хӑтӆ вәнты Рос­сия хон пєлӑк ӆу­ватн вўюм йиӆуп  поступсы щирн IT-стойбища нємуп тӑхет пўншӆыйт. 

Интӑм Россия мўвевн кәща ёх поступсы ӆэщӑтӆӑт, ӆәӆн Нуви сӑӊхум па Сўмӑтвош районӊӑн Арктической зоная ӆуӊман ат вәсӑт. Щи оӆӑӊӑн мўӊева Государственной Дума депутат Татьяна Гоголева путӑртӑс.

Тӑмхӑтӆ Тэк кәртӑӊ хә Сергей Афа­насье­вич Неттин оӆӑӊӑн хӑншты ӆӑӊхаӆум. 

Ӆўв катра Тэкн хӑн­ты вән хоттєӆ ёх хуща сєма питӑс. Ащеӆ – вой-хўӆ веӆпӑсӆӑты хә Афанасий Григорьевич па ӑӊкеӆ – Мария Ва­сильевна Неттинӊӑн.  

Сырыя мӑнум тыӆщӑтн ма Вуӆаӊ ӆаӆя па Япония хон пєлӑк мўва ӆаӆясты ӊхум хӑнты хә Пётр Алексеевич Мотошин оӆӑӊӑн хӑншсум. Ин вўтьщӑӆум йиӆуп айкеӆ ӆўв имеӆ оӆӑӊӑн хӑншты, Ӆўв ӆаӆясум оӆӑт мӑр тўӊщирӑӊа па вещката сыр-сыр ӆавӑртӑӊ рәпатайт вєритты кємн иса мсыева вєрӑс па ӆэщӑтӑс. 

Тэк кәртӑн ӑшкола тумпи интернат хот рәпитӆ. Щив Пәкӑр, Устрём па Шайтанка ай хӑнты кәртӑт эвӑӆт няврємӑт вәнӆтыйӆты оӆ мӑр тәӆыйт. Интернатн няврємӑт ӆавӑӆты па вантты хәӆум хуят рәпитӆ. Ӆыв кўтэӆн Наталья Леонидовна Яркина (Миляхова) воспитатель нє вәӆ. Ӆўв щӑта тәп и оӆ рәпитӆ. Ма ӆўвеӆ иньщӑссєм, муй рәпатайӆ әхтыйн кєна тывӆ, муй па ӆавӑртӑӊа мӑнӆ.

Рәт мўвеӆ ӆавӑӆман Вуӆаӊ ӆаӆь пурайн мкєм арат хӑнты ёх пӑратсы. Тӑм 2020-мит оӆн, вантэ, ӆаӆь сухнуптум вўш эвӑӆт араттєӆн 75-мит оӆ питӑс. Щит пӑта, ма щирємн, мосӆ тўӊщирӑӊа ар пўш м па хурасӑӊ ясӑӊӑн мўӊ акиӆўв муй щатьщащиӆўв нәмӑӆмӑты, мӑта хӑннєхуятӑт щи Вуӆаӊ ӆаӆь оӆӑтн рәт мўвев ӆавӑӆты мӑнсӑт. 

Пелагея Егоровна Ерныхова (эви оп­ращнємӆ Тарлина) вән кєр тыӆӑщ 10-мит хӑтӆӑн 1929-мит оӆн Нярса кәртӑн сєма питӑс. Ӑӊкеӆ па ащеӆ вўӆэт ӆавӑӆман па хўӆ веӆман вәсӊӑн. 

Тӑм оӆ Ас хӑӆты тыӆӑщн Сўмӑтвош район Саранпауль вошн вәӆты вухаӆь ими Мария Васильевна Фризоргер 65 оӆа йис. Ӆўв 35 оӆ мӑр няврємӑт вәнӆтӑты нєӊа рәпитӑс.

Мария Васильевна Ясунт ай вухаӆь кәртӑн 1955-мит оӆн вән вухаӆь хоттєӆ ёх хущи сєма питӑс. 

Хәӆумъяӊ хәт километра Ёмвош эвӑӆт мєт йис ёх вәӆум мўв вәӆ, щит Западной Сибирь хуща, тӑм весӑӊ мўвен нємӑӆ Луговское. Щи тӑхи ученой ёхн вєра вана тӑйӆа, тӑта арӑӊ-моньщӑӊ йисн, мосӑӊ па сырышӑк тӑм мўва мєт оӆӑӊ ёх юхӑтсӑт. Тӑта весӑӊ йисн вәӆум сыр-сыр воят ӆўв шўкӆаӆ хӑщсӑт, па щи йисн єнмум хӑт-варсӑт эвӑӆт поӆт шўкӑт па хӑщсӑт. Щи йис вєрӑт 13 щурӑс оӆ тумпийн вәсӑт, мўвев-йиӊкев щирн нюр па хурасупа вәс.

Ай тӑхет потты тыӆӑщ 14-мит хӑтӑӆн Ёмвошн РИЦ «Югра» хот хуща округев Фонд развития па рўтьщӑты тӑхет ӆэщӑтты кәща Владислава Вишневская, «Югорской Долина» хот кәща Екатерина Горбунова па ищи хотэӆн арсыр рўтьщӑты вєрӑта айӆат ёх вәнӆтӑты тӑхи кәща Евгения Вторушина Югра мўвев телевиденияйн, радивайн муй газетаитн айкеӆӑт вєрты хӑннєхуятӑт пиӆа вәйтантыйӆсӑт. 

Мойӊ ёх тәтьӆяты па рўтьщӑты щира мӑӊхӑтӆ еӆпийн «Югра» нємпи айкеԯӑт ӑкӑтты хотн «Туризм в Югре. Новые реалии» нємуп вєр оӆӑӊӑн мирхот ӆэщӑтсы.

Мегион вош Экоцентр нємуп тӑхийн вәйт ӆор тыӆӑщ 23-мит хӑтӆ вўш эвӑӆт па иса 25-мит хӑтӆ вәнта 2018-мит оӆн «Хӑтӆые» мӑӊхӑтӆ вәс. Щи хӑтӆӑт пурайн ма Историко-культурной экологической центр нємуп тӑхийн Мегион вошн научной вєрӑт артаӆӑты нє Александра Мингалимова пиӆа вәйтантыйӆсум па увӑс мўвевн вўӆы ӆант єнумты щирӑт оӆӑӊӑн айкеӆ вўсум. 

Юхи хӑщум оӆӑтн Россия мўвев хўват­тыйн вәӆты финно-угорской мирӑт рәт ясӊӑтн ӆыв йис вә­ӆупсэӆ оӆӑӊӑн кина вєрты питсӑт. 

Щиты хәнты финн хә Фёдор Петрович Котонен лупӑс. Со­ветско-финской па Вуӆаӊ Отечествен­ной ӆаӆьӊӑн пурайн Ленинградской об­ласть эвӑӆт финнӑт Кев па пєлка кит­сыйт. 

Щи оӆӑӊӑн иӆєпн вәӆты хәм, и мўвн Ӆорвош районӑн вәӆум хә Владимир Фё­дорович Котонен ӆўв пухӆ путӑртӑс: