№ 16 (3652) - 2024

Тӑм тыӆӑщ 20-мит хӑтӆӑн округ кәща хә Руслан Кухарук Советской района ӊхӑс. Ин хӑншӆўв, муйсӑр нўшайт оӆӑӊӑн ӆўв Советской вош кәща па район депутатӑт пиӆа путӑртӑс.

- Интӑм ма хәсмит пўш Югра мўвев муни­ципалитетӑт кәщайт пиӆа вәйтантсум. Хән округева рәпитты юхӑтсум, оӆӑӊмит мирхотн ма лупсум, хуты ӆўӊ мӑр ма тӑта вәӆты кашӑӊ воша ӊхӆум па щӑта вәӆты мир нўшайт оӆӑӊӑн уша павӑтӆум, – лупӑс округ кәща кана вәӆты хә Руслан Кухарук.

Югра кәща Руслан Кухарук Москва хуща ӊхӑс, щӑта Россия мўвевн Дальний Восток вєрӑт тәты министр хә Алексей Чекунов пиӆа вәйтантыӆас. Кәща ёхӆан Сўмӑтвош па Нуви сӑӊхум районӊӑн оӆӑӊӑн путӑртсӑӊăн, щитӊӑн тӑм оӆ Арктической зона ӆыпия хӑншсайт.

Югра кәща щира вәӆты хә Руслан Кухарук округев вошӑт хўват мир пиӆа вәйтантман, путӑртман ӊхӑӆ. Тӑм ванӑн ӆўв Нягань вош кәщайт пиӆа, щӑта вәӆты окружной па щи вош депутатӑт пиӆа, рәпата тӑхетн кәщая вәӆты ёх пиӆа вәйтантӑс. Тӑм мўв – щит 19-мит тӑхи, муй тӑхия тӑм оӆн Руслан Кухарук ӊхӑс. Щиты ӆўв вантӑӆ, муй вўрн, муй нумӑсн мирев вәӆ, муйсӑр нўша ӆыв тӑйӆӑт, муй вўрн иса тӑхетн вәӆупсы еӆӆы тәты, муӆты атум ки, муй щирн еӆӆы ма кєрӑтты.

1989-мит оӆн вәйт ӆор тыӆӑщ 10-11-мит хӑтӆӊӑнӑн Ёмвошн хӑнты па вухаӆь ёх оӆӑӊмит пўш вән мирхота ӑктӑщсӑт па вәӆум нўшайӆаӆ оӆӑӊӑн путӑртсӑт. Щи вўш эвӑӆт 35 оӆ мӑнӑс. Тӑм пўш вәйт ӆор тыӆӑщ 8-мит хӑтӆӑн Ёмвошн ӆыв па щи ӑкӑтсыйт, мирхот «Коренные малочисленные народы Севера: гарантии прав и механизмы их реализации» нєм тӑйс.

Конда мўв хуща вәтаӊ хә Владимир Власович Ишматов вәӆ. Тәняӆ Кондинской район 100 тӑӆ постум пурайн ӆўв «Почётный житель Кондинского района» нємн мӑсы. Ӆўв ар оӆ рәпитӑс, щит эвӑӆт 30 муӆтас оӆ мир мӑӆтӑс, щи тумпи Кондинской район кәща ӆӑӊкӑр хәя вәс, шуши мир нўшайт тўӊматӑс. ма па вещката рәпитмаӆ пӑта «Шуши мир йис вєрӑт еӆӆы тўвум вєр хўват округ премия лауреат» па «Ветеран труда» нємӊӑн хоӆумтӑс.

Мўӊ ӆўв пиӆэӆа вәй­тантыйӆсўв па вә­ӆупсэӆ па рәпатайӆ оӆӑ­ӊӑн иньщӑссэв. 

Ма мирєм ясӑӊ 

Вәйт ӆор тыӆӑщн 23-мит хӑтӆӑн ӆапӑтъяӊ оӆа йиӆ, хән сєма питӑс Ольга Александровна Кравченко (Молданова). Ин ӆўв хўв пӑнта питман вәӆ. Тәп нумӑсӆаӆ па вєрӆаӆ айӆат ёхн тӑка катӑӆман тӑйӆайт. 

Няврємӑт кәрт – щит тӑм йисн няврємӑт пӑта вєрум тӑхи, щӑта ӆыв вәнт мўвн вәӆӆӑт па йис ёх вєрӑт уша вєрӆат. Ар оӆ кўш мӑнӑс, ищимурт тӑмӑщ няврємӑт кәртӑт хуӆна еӆӆы вәӆӆӑт.

30 оӆ тўмпийн Ясунт вош хонӑӊӑн тӑмӑщ пар­щин хотӑӊ кәрт тывӑс. Мєт оӆӑӊ няврємӑт – щит Саранпауль эвӑӆт юхтум вухаӆь пушхиет. Оӆӑӊ кәща ими тӑм хӑтӆ вәнта кәщая вәӆ, щит Любовь Павловна Стаканова. Йистєӆн Ясунт кәрт ӆавӑӆты ӆәӊх вурщӑк хурн вәӆ, щит пӑта ӆўв щи няврємӑт ӆавӑӆты ӆәӊха йис, ӆўв канӑӆа щирн вот сух ёнтса.

Вәйт ӆор тыӆӑщ 8-мит хӑтӆӑн Ёмвошн хурӑт хӑншум хә Митрофан Алексеевич Тебетев сот оӆа вум пӑта әмӑщ вәйтантупсэт па етнхотӑт ӆэщӑтыйӆсыйт. Тӑм хӑнты хуятэв Россия художникӑт тӑхия ӆуӊман вәс, ӆўв Ёмвош вуӆаӊ хуят нємн кантыйӆсы. Митрофан Алексеевич вәӆмаӆ мӑр 400 муӆтас хур хӑншӑс. 

Мемориальной сохӑӆ пўншсы

Вәйт ӆор тыӆӑщ 9-мит хӑтӆӑн шуши мирӑт мўвтєӆ мӑӊхӑтӆ постӑӆы. «Торум Маа» нємпи шуши мир пурмӑсӑт шавиман тӑйты тӑхийн кашӑӊ оӆ щи мӑӊхӑтӆ постӑӆы. Тӑм оӆн щи хӑтӆӑн мўӊ мирев па постӑсӑт: хур хӑншум хӑнты хә Митрофан Тебетев шәӊӑт сєма питум хӑтӆ вўш эвӑӆт 100 оӆ, хур хӑншум хӑнты хә Геннадий Райшев шәӊӑт сєма питум хӑтӆ вўш эвӑӆт 90 оӆ, «Югра ӆыӆӊуптӑты» оса тӑхи пўншмаӆ вўш эвӑӆт 35 оӆ.

мӑӊхӑтӆ оӆӊиттыйн округ кәща ӆӑӊкӑр нє Елена Шумакова мойӊ ёха вўща ясӑӊ лупӑс:

Шуши мирӑт хӑтӆ постӑты хӑтӆӑн, мӑта ут вәйт ӆор тыӆӑщ 9-митн вәӆӆяӆ, йис пурмӑсӑт шавиты «Торум Маа» тӑхийн әмӑщ вәйтантупсы вәс. Щӑта путӑртсы, хутыса йис рәт ӆєрӑт, йис вєрӑт, рәт ясӊӑт мосты щирн хӑйты па еӆӆы тәты. Тӑм вәйтантупсы «Торум Маа» тӑхи кәща нє, «Югра ӆыӆӊуптӑты» оса тӑхи ух ими Л. Алфёрова па исторической наукайт кандидат нє, Югорской университетн айӆат ёх вәнӆтӑты ими Т. Молданова тәсӊӑн. Мирхота Югра мўв арсыр тӑхет эвӑӆт шуши хуятӑт юхтыйӆсӑт. 

Оӆӊӑӆн Людмила Алфёрова лупӑс: 

Вән кєр тыӆӑщ 12-мит хӑтӑӆн Сәрханӆ вошн шуши мирӑт тӑхийн иха ӑктӑщум хӑнтэт па вухаӆят «Вурӊа хӑтӆ» порыӆӑсӑт. Ищи хӑтӑӆн аӆаӊ вўш эвӑӆт ма нємасыя Сәрханӆ вошӑӊ айӆат ёх библиотека хота ӊхсум, хута ӑшкола арсыр айшӑк классӑтн вәнӆтыйӆты ай няврємӑт пиӆа хӑнты мирев хурасӑӊ моньщӑт моньщсум па әмӑщ путрӑт мўӊ вәӆупсы щирӆўв оӆӑӊӑн ӆывеӆа тәсум. 

Ёмвошн «Торум Маа» этнографической музей хуща вәйт ӆор тыӆӑщн 2-мит хӑтӆӑн хур хӑншты хә ванӆтупсы пўншса, щит хӑнты хуят Митрофан Алексеевич Тебетев. Тӑм оӆн ӆўв сєма питум хӑтӆӑӆ эвӑӆт сот оӆ мӑнӑс. Щи киньща па и тӑм тыӆӑщн 8-мит хӑтӆӑн ӆўв нємӑсыя сєма питум хӑт­ӆӑӆн тӑта мӑӊхӑтӆ вєрӑнтса.