Тӑм ванӑн мўӊ округ Ипотечной агентствая пищма хӑншсўв па арсыр вєрӑт оӆӑӊӑн иньщӑссўв. Щӑта рәпитты ёх щиты юхӆы хӑншсӑт.

Тӑм оӆӑтн мўӊ Югра мўвевн карты пун мухты вух ӆоӆумты ёх вєра ара йиты питсӑт. Ӆыв сыр-сыр пищ тӑйӆӑт, щит йиӆуп информационно-коммуникационной технологияйт.

Ай тӑхет потты тыӆӑщ 26-мит хӑтӆ вўш эвӑӆт па иса 29-мит хӑтӆ вәнта округев мўв ӆуватн «Спасти и сохранить» нємуп  XXIV-мит фестиваль, ин онлайн щирн, нємасыя вән кәщаитн пўншсы.

Тӑмӑщ мӑӊхӑтӆ пўншум пурайн округ кәща нєӊев На­талья Комарова ин­тернет хўват айкеӆ тәс па щӑӆта тӑмиты щи лупӑс: 

Юхи хӑщум пурайн йис вәӆупсы ӆєрамтты ёх Пўпи якты хот пурайн ариюм арӑт нєпека нух хӑншсӑт. Ас-угорской научной институт хуща «Антология поэзии Медвежьего праздника северных манси» нємуп киника єтӑс. 

Ай тӑхет потты тыӆӑщ 30-мит хӑтӑӆн Ёмвошн телевиденияйн, радивайн па газетаитн рәпитты хӑннєхуятӑт округев Информационной технологияйт тӑхи кәща Павел Ципорин па «Открытый регион» тӑхи кәща Маргарита Козлова пиӆа нємасыя вєрум мирхотн и­­ха вәйтантыйӆсӑт па путрємӑсӑт.

Мирхота ӑктӑщум хӑннєхуятӑт еӆ­­пийн П. Ципорин пу­тӑртӑс, муй щирн тӑм йисн округев ӆуватн сыр-сыр йиӆуп айкеӆ ӆэщӑтты щўӊкӑт вєр­ӆыйт. 

Щи вән культурно-образовательной акция Россия мўвев культура Министерства, просвещения Министерства па «Яндекс» тӑхи ёх ӆэщӑтсӑт.

«Культурный марафон» – щит щимӑщ йиӆуп вєр, мӑта ут унтасн няв­­рє­мӑт цифровой щўӊкӑт щирн йиӆуп вєрӑт оӆӑӊӑн уша па­вӑтӆӑт. Щит вєрӆы, ӆәӆн пушхиет культура вє­рӑт мосман ат тӑйсӑт. 

Ай тӑхет потты тыӆӑщ 19-21-мит хӑтӆӑтн Москва воша Россия мўвев арсыр тӑхет эвӑӆт айкеӆӑт ӑкӑтты па хӑншты ёх юхтыйӆсӑт. Щӑта ӆыв вәнӆтыйӆсӑт, хутыса йиӆуп щирн айкеӆӑт хӑншты па мирева тәты мосӆ.

Оӆӑӊмит хӑтӆӑн «Ка­чественная прес­­са и перспективы её развития» мир­хот вәс. «Журналист» нєм­пи журнал кәща нє Лю­бовь Петрова мойӊ хуя­тӑта вўща ясӑӊ лу­пӑс. Ӆўв ясӑӊӆаӆ щирн, тӑм оӆ коронавирус мәш пу­райн айкеӆӑт ӆэщӑтты хуятӑта ӆа­вӑрт рәпитты вәс: 

Тӑмхӑтӆ Ас потты тыӆӑщ 9-митн хӑнты мир вуӆаӊ ики Генна­дий Степанович Райшев тум Тәрума мӑнӑс. 

Геннадий Степа­нович Ас потты тыӆӑщ 18-митн 1934-­мит оӆн Си­вох­­ребт ай вошн Са­маровс­кой мўвн Остяко-­Вогульской на­цио­нальной округн сє­ма питӑс. 

Тӑм ванӑн васы мӑнты тыӆӑщ 24-митн Нижневартовск вошн нәптӑ 63 оа вум хӑнты икие, округев тынӑң хӑннєхә, иса пурайн мир пєа сӑмӑң хуят Сергей Иванович Хунзи ӑнтәма йис. Хўв пӑнта иса кєша шәшмӑс м хӑннєхә.

Ай тӑхет потты тыӆӑщ 27-митн шуши мирӑт ассамблея мирхот видеоконференц­связь щирн вєрсы, щит Ассамблея кәща хә, округ дума депутат Еремей Айпин тәс.

Округ дума мирхот пурайн ай тӑхет пот­ты тыӆӑщ 29-митн депутатӑт 28 вєр нух вантсӑт, мирхот онлайн щирн мӑнӑс.

Оӆӊӑӆн ӆыв хӑннєхә правайт вәньӆьты нє еӆӆы вет оӆ мӑра На­талья Стребкова пи­рисӑт. Округ дума кәща хә Б. Хохряков щи оӆӑ­ӊӑн щиты лупӑс: 

м арат оӆ юхӆы ма Ӆорвош район Муши кәртӑн «Ван рәтӑт» нємпи фестиваль пурайн арсыр ариты-якты тӑхет вантсум, щи кўтн «Опаԯь тўт» (касум щирн «Увӑс тәрум тўт») нємпи мкәртӑӊ ариты тӑхи ёх вәсӑт. Щи тӑхи кәща нє Валентина Кимовна Пырысева пиӆа путӑртсум.

– Валентина Кимовна, еша «Опаԯь тўт» нємпи ариты тӑхи оӆӑӊӑн путӑрта.

Мӑнум газетайн ма Увӑс мўвева нӑртамӆы китум финн хә Фёдор Петрович Котонен оӆӑӊӑн хӑншсум. Ин еӆӆы Владимир Фё­дорович Котонен ӆўв пухӆ оӆӑӊӑн путӑр ӆэщӑтсум.

Ӆўв Ямал мўв Ӆор­вош район Му­шийн ай кєр тыӆӑщ 28-митн 1949-мит оӆн сє­ма питӑс. Щиты ай оӆ­ӆаӆ оԯӑңӑн нәмӑӆмаӆ:

Сўмӑтвошн вәӆты хә Юрий Алексеевич Себуров ащеӆ Вуӆаӊ ӆаӆя ӊхум вєр оӆӑӊӑн айкеӆ тәс. 

Ащеӆ – Алексей Деомидович Себуров Тўкъякӑӊ кәртӑн вәс. Катрая ар ай кәрт Тўкъякӑӊ пў­ӊӑӆн вәс, щит Щепур кәрт, Нўм Тўкъякӑӊ, Ӆўӊ кәрт. Тўкъякӑӊ – хӑнты щирн, щит «тўкъя кәрт», вантэ, ӆўв ӆєпӑӆн Ас кєрӆӑӆ. Мосӆ лупты, хуты Тўкъякӑӊ кәртӑн тәп 1937-мит оӆн колхос пўншсы па заготконтора вєрсы. Щи пӑта ай  кәртӑтн вәӆум кўтуп Ас хӑнтэт щив хуӆыева иса нух хӑнӆштӑсыйт. 

Щи вєр хӑнты, вухаь па юрн мирӑт йис культурая уңман вә. Вантэ, айтєн увӑс  хӑннєхә вой-хў веман, вўэт авӑман, сыр-сыр пурмӑсӑт вєрман па авӑрт вәнтӑң вәупсыйн вәты тәса хошман, кўш вәнт кәртӑтн, кўш ӑщкам нӛрумн вән ёха партум щирн вәӑт. 

Ӑ хӑннєхәя  шєңк авӑрт пит щиты вәты. Тәп каркам па апрӑң, пӑсты кўруп па рәпата пєа сӑмӑң, вє­рӑң па еы вўратты хуят вәнт шушийн вә­ты вєрит. Ищимӑщ хӑннєхә хураса увӑс мир кӑсупсэтн мосӑт.
 

Вәйт ӆор тыӆӑщ 23-мит хӑтӆ вўш эвӑӆт па иса 25-мит хӑтӆ вәнта Мегион вошӑӊ Экоцентр нємуп тӑхийн мўвӑт-йиӊкӑт ӆавӑӆты «Хӑтӆые» мӑӊхӑтӆ вєрсы. Округ мўвев ӆуватн ӆэщӑтум мӑӊхӑтӑӆн  щи тӑхи кәща Руслана Галив айкеӆӑт вєрӑс.

– Руслана Богдановна, нӑӊ увӑс мўвева юхӑт­ты еӆпийн па хута вәсӑн?

Хәӆумъяӊ муӆтас оӆ мӑр «Торум Маа» йис пурмӑсӑт шавиты хот рәпатнекӑт хӑнты, вухаӆь, юрн мир йис вәӆупсы оӆӑӊӑн айкеӆӑт тәӆӑт. Тӑм ёх унтасн мўӊ уша павӑтты вєритӆўв, хутыса йистєӆн вән ёхӆўв вәсӑт, йис мӑӊ вєрӑт, рәт ясӊӑт па культура ӆєрамтты щирӑт оӆӑӊӑн уша вєрӆўв. 

Вән амтӑӊ, хән шуши айӆат ёхӆўв йис вєрӑт ӆєрамтты па еӆӆы тәты кєши арсыр мосты вєрӑта вўянтӆӑт. Тӑм апрӑӊ ёх кўтн Ёмвошӑӊ киникайт ӆўӊӑтты хотн рәпитты и пєлӑк вухаӆь, и пєлӑк хӑнты айӆат нє Алла Иштимирова-Посохова вєрӆы ӑн омӑсӆ. Кўш и әмӑщ  проект етшуптӑӆ, имухты па йиӆуп вєра кўншємӑӆ. 

Ёмвошӑӊ Ас-угорской институт хуща ай тӑхет потты тыӆӑщ 21-22-мит хӑтӆңӑнӑн  вебинар-практикум вєрса. Тӑм пўш ёх йис юнтты вєрӑт оӆӑӊӑн путӑртсӑт.

Тәп щимӑщ юнтты вєрӑт оӆӑӊӑн, муй тӑхийн миева нәмӑсты мосӆ, щит муй вўрн х эвӑӆт вєрум юнтты утӑт ӑкӑтты па лосыт­ты,  муй вўрн сэвты лакӑт вєрты, муй вўрн топи­сӑн юнтты. 

Тӑм оӆ ай тӑхет потты тыӆӑщн колледжӑтн вәнӆтыйӆты айӆат ёх кўтн хӑнты, вухаӆь па юрн ясӊӑт әхтыйн кӑсты щирӑт ӆэщӑтыйӆсыйт. Мєт оӆӑӊ пўш щимӑщ кӑсупсы тәняӆ вєрӑнтсы.