№ 6 (3546) - 2020

Тӑм ванӑн редакцияева английской ясӑӊӑн пищма юхтӑс. Щит Швей­цария мўв эвӑӆт Витус айӆат хә хӑншӑс. Ин щи пищма ӆўӊтаты:

Ай кєр тыӆӑщ 13-мит хӑтӑӆн Ёмвошн РИЦ «Югра» нємуп айкеӆӑт  ӑкӑтты тӑхийн телевиденияйн муй радивайн па газетаитн рәпитты хӑннєхуятӑт Фонд развития Югры кәща ӆӑӊкӑр хә Алексей Федяев, округевн вәӆты «Лента» нємуп тынєсты-ӆәтӑсты хӑрӑт кәща хә Василий Рудольф па Ёмвош районӑн ӆэщӑтум «Богдашка» нємуп крестьянско-фермерской тӑхи кәща хә Владимир Башмаков вєрум мирхотн вәйтантыйӆсӑт па ӆыв кўтэӆн путрємӑсӑт, муй щирн округевн ӆєтутӑт вєрӆайт па муй хурасуп тӑхетн хӑннєхуятӑта еӆ тыныӆайт.
 

Тӑта мосванӑн вән кєр тыӆӑщ 11-мит хӑтӑӆн Ёмвош Государственной библиотекайн йиӆуп нєпекӑт ӆўӊӑтты хот йит пўншсы. Щи вән тӑхи нємасыя Валерий Константинович Белобородов нємн нємӑтсы. Мосӆ лупты, хуты тӑм рўщ хәев ӑнтәма ювмаӆ еӆпийн айкеӆӑт хӑншты хәя вәӆты-хоӆты щирӑӆн иса вәс па рәпитӑс. 

Ай кєр тыӆӑщ 12-мит хӑтӆӑн Ёмвошн округ дума депутатӑт мирхота ӑктӑщийӆсӑт. Ӆыв тәп и вєр нух вантсӑт, щит Россия мўв Конституция поступсы йиӆпатты оӆӑӊӑн.

Ай кєр тыӆӑщ 19-мит хӑтӑӆн Ёмвош округ правительства хуща Югра мўвн вәӆ­ты хӑнтэт, вухаӆят па юрнӑт вәӆупсы сур­тӑт артаӆӑты щира рәпитты тӑхи ёх мир­хота ӑктӑщийӆсӑт. 

Арсыр мирӑт кўтн тәса вєрӑнтты хӑннєхуятӑт вәӆӆӑт. Щимӑщ вухаӆь нє пиӆа Югорск вошн, рәпатам щирн щив ӊхмємн, вәйтантыйӆсум па м хўв путрємӑсмӑн. 

Нягань вошн «Югра ӆыӆӊуптӑты» оса тӑхи ёх вотас тыӆӑщ 8-мит хӑтӑӆн мирхота ӑктӑщийӆсӑт. Тӑм вән вәйтантупсыйн Нягань вош оса тӑхи кәща нєӊа Наталья Борисовна Есаулкова мирн пириса. Мин ӆўв пиӆаӆа оса вєрӑт оӆӑӊӑн путӑртсумн:

Вән ӆаӆь оӆӊитум хӑтӆ вана щи юхтӑс, лупты ӆавӑрт, муй арат хуят шависа, щӑта сурум вәйтӑс. Тӑм ванӑн «Книга памя­ти Шурышкарского района» ма ёшєма хойс.

Иван Андрианович Проскуряков 915-мит он Кондинской волостян Берёзовской уезд хущи Калтысьяны кәртӑн сєма питӑс. Па хӑнтэт иты вой-хў вепӑсӑс, щит пӑта аь хӑра питман пушкан єсӑты хәя павӑтсы. 
Тӑм хӑнты хә Вуаң Отечественной аь пу­райн Ленинград вош вәнььман вәс. 1942-мит он ўв аь хӑрн мәш­мӑтсы па еы аясты ӛр ӑн тӑйс. Щит пӑта мшӑка вма пийн 1943-мит он юхи єсӑсы па Ёмвошн вәум «Новый путь» нємуп колхоз кәщая павӑтсы. 

Кирилл Семёнович Посохов 1919-мит он Мўыкәртӑн сєма питӑс. 1939-мит он Остяко-Вогульск хущи тәп педучилища етшуптӑс, имухты армияя вўсы па финнӑт пиа аясты мӑнӑс. Ӛхӑт Кавказ мўва служитты китсы. Мєт оӑңӑн ўв рядовой сотата вәс, 1941-мит он офицерской ӑшкола етшуптӑс, щи пийн Кусары нємуп вошн (Азербайджанской ССР) Телавской зенит­ной артиллерия тӑ­хийн вәнтыӑс па артиллерист нємуп хәя йис. Вуаң Отечест­венной аьн аясты питман лейтенант нєм тӑйс, 1942-мит о вәнты взвод кәщая вәс, ӛхӑт аь хуаты вәнты батарея нємуп тӑхийн ух хәя вәс.

Сӑран ики Георгий Ильич Семяшкин Сў­мӑтвош район Патра­суй кәртӑн вәс. Вуаң Отечественной аь оңитумн ўв па хуятӑт пиа тўтӑң хопн атн ая тәсыйт. Ӆаӆь хӑр эвӑӆт имеӆа пищма китыӆӑс: «Тынӑң Ирина имєм! Ны­нана лупты ӑңхаум, аршӑк рәпитаты, госу­дарственной план тә­са вєраты. Нын ма рә­питты питӑты ки, мўң сорашӑк нух питўв. Ма ма, тӑаңа вәум. Ен немщӑт кӑӑт, ма мўвев па ёхўв авӑты щира ар тарӑнӆӑты питум». 1942-мит он лыпӑт хойты тыӑщн Ирина Андреевна юхи хӑщум пищмайн юхӑтсы.

Ай кєр тыӆӑщн 21-мит хӑтӆӑн кәртӑӊ хәев Алексей Владимирович Гындышев 55 оӆа ийс. Ӆўв ащеӆ Владимир Иванович Войтӑӊ ёх кәрт эвӑӆт, ӑӊкеӆ Татьяна Никитична Ваньщавӑт нє вәс.

Владимир Иванович колхосн рәпитӑс: веӆ­пӑсӆӑс, хотӑт омсӑс.
Татьяна Никитична 1950-1952-мит оӆӑтн Но­винской леспромхосн (Первомайской участ­кайн) павӑрт сэвӑрман рәпитӑс.

Мария Ивановна Урубаева – вухаӆь ими – лыпӑт хойты тыӆӑщ 30-митн 1922-мит оӆн Конда мўв Тӑӆ Чекатка кәртӑн сєма питӑс. 1943-мит оӆн ӆаӆя мӑнӑс. Северно-Западной, Ленинградской, Вол­ховской, 1-мит па 2-мит При­балтийской фронтӑтн карты кеӆ хў­ват путӑртты нєӊа рәпитӑс. Щи тумпи ар­сыр рәпатайт вєрсӑт: рава тохнум карты кеӆӑт нух йирсӑт, тўтӑӊ әхӆӑт ӊхты ӛш ӆэщӑтсӑт па па вєрӑт.
Щи тумпи японцӑт пиӆа ӆаӆясӑс. Тарма ӆаӆяс­маӆ пӑта 14 мевӆ пос ёша павтӑс, щит «За оборону Ленинграда», «За победу над Германией» па па  утӑт. 

Тӑм хуятэв тәса ай юӆн рнасӑт ёнтӑӆ, ай няврємиет кєша киникайт хӑншӑӆ. Ар оӆ мӑр ай тохтура рәпитӑс. Вухаӆь ясӑӊӑн стихӑт, путрӑт хӑншӑӆ. Ӆўв ӑӊки, щащи, аӊкаӊки па оты пиӆӑӆ кєша м ими. Мўва сащум, йиӊка сащум поэт ики Юван Шесталов оӆӑӊӑн киника хӑншӑс. Югра мўв поступсэт вухаӆь ясӑӊа тулмащтӑсӆэ. Хўӆыева тӑм вєрӑт вухаӆь мир учёной, поэт нє Светлана Селивёрстовна Динисламова (эви опращ нємӆ Садомина) вєрӑс. 

«Няврєм вәнӆтӑты хӑннєхә рәпатайӆ мосман тӑйӆӑӆэ ки, щит вєра м. Тәп щи тумпи эвет па пухӑт мосман тӑйӆӑӆэ, щит нємасыя няврєм ма вәнӆтӑты хӑннєхә. Итәх учителят нумсӑӊӑт па ар киника ӆўӊӑтӆӑт, тәп ӆыв сӑмеӆн няврємӑта ӑн таӆӆайт. Вантэ, эвет па пухӑт вана таӆман тӑйты мосӆ, щирн тәп ай ёх ма вәнӆтӑты тывӆ». Тӑмӑщ ясӊӑт рўщ мир писатель ики Лев Николаевич Толстой хўв йисн лупӑс. Ӆўв нюр иса тӑм ясӊӑт хӑнты ими Зоя Ивановна Проскурякова оӆӑӊӑн хӑншӑс. 

Сўмӑтвош район Игрим вошн ай кєр тыӆӑщ 13-15-мит хӑтӆӑтн «Анеквам ханса» («Щащєм хӑншет») нємпи мирхот вєрсы. Щӑта вухаӆь нєӊӑт намтӑт па тўтщаӊӑт ёнтӑсты вәнӆтыйӆ­сӑт. Мирхот Саранпауль вошн вәӆты «Центр этнотехнологий» тӑхи ёх ӆэщӑтсӑт.

Щи тӑхи кәща нє Ев­гения Вьюткина «Анек­вам ханса» («Щащєм хӑншет») ӑшкола ӆэ­щӑтты щира «Кочующая школа» нємпи проект нєпек хӑншӑс.

Хәс вет оӆ тумпийн Сўмӑтвошн йис пурмӑс тәса вєрты ёх па йис вєрӑт наука мухты тәса тәты ученый ёх иха ӑктӑщийӆсӑт. Щирн, йис вєрӑт тўӊа тәты щира, ӆыв нумӑс пунсӑт иха катӆӑсман и нумӑсн вәӆты. Щирн ӆыв вєрсӑт «Союз масте­ров традиционных промыслов коренных наро­дов Югры», щит 1995-мит оӆн вәс. 

Ай кєр тыӆӑщ 14-15-мит хӑтӆӊӑнӑн Сў­мӑтвош район Игрим вошн «Хошум хот» нємпи мирхот мӑнӑс. Щӑта нєӊӑт нирӑт ёнтӑсты вәнӆтыйӆсӑт.

Щи мирхот Сў­мӑтвош район администрация па «Юг­ра ӆыӆӊуптӑты» тӑхи ёх ӆэщӑтсӑт па вєрсӑт. «Хошум хот» вєрӆы, ӆәӆн шуши мир йис вєрӑт нух аӆумты па ӆавӑӆ­ты. Сўмӑтвош районӑн «Югра ӆыӆӊуптӑты» тӑ­хийн рәпитты нє Лю­бовь Кашлатова лупӑс, хуты «Хошум хот» нємпи оӆӑӊмит мирхот 2015-мит оӆн вєрӑнтсы.