№ 15 (3507) - 2018

Тӑта мосванӑн, вәщ тыӑщ 17-мит хӑтӑн, Ёмвошн РИЦ «Югра» нємуп айкеӑт ӑкӑтты хот йитн округев телевиденияйн, радивайн па арсыр газетаитн рәпитты хӑннєхуятӑт «Итоги призывной кампании «Весна — 2018» мирхотн Югра мўвев военной комиссариатн рәпитты кәщайт пиа вәйтантыйсӑт па айат ёх армияя ӑкӑтты вєрӑт оӆӑӊӑн уша павӑтсӑт.

Вәщ тыӑщн мирхот вәс, хута Стратегия социально-экономического развития нємуп вєр нух вантсы. Щит ропӑхн тухӑң хопӑтн атыйты вєр па «Развитие агропромышленного комплекса и рынков сельскохозяйственной продукции, сырья и продовольствия в Ханты-Мансийском автономном округе — Югре на 2018-2025 годы и на период до 2030 года» нємуп поступсы оӑңӑн путӑр мӑнӑс.

Ёмвошн РИЦ «Югра» нємуп тӑхийн вәщ тыӑщ 12-мит хӑтӑн телевиденияйн, радивайн па газетаитн рәпитты хӑннєхуятӑт «Меркурий» тӑхи оӑңӑн арсыр айкеӑт уша павӑтсӑт.

Мӑнум апӑтмитн Ёмвошн правительства ёх мирхот вәс. Кәща ёх Россия президент миюм партупсэт эщӑтты оӑңӑн путӑртсӑт.

Вәщ тыӑщ 19-мит хӑтӑн Ёмвошн РИЦ «Югра» нємуп айкеӑт ӑкӑтты тӑхийн рәпитты хӑннєхуятӑт Югра мўв промышленность хущи вәты АПК управления тӑхи кәща хә Дмитрий Наливайко па государственной поступсэт АПК управления тӑхийн эщӑтты кәща хә Александр Фадин пиа вәйтантыйсӑт. Кәщайңӑн путӑртсӑңӑн, хуты тӑм йисн сыр-сыр хотӑң войт па єтутӑт єнмӑты тӑхет округев эвӑт ар нётупсыйн мӑыйт.

Ёмвошн вәйт ор тыӑщ 2-мит хӑтӑн пириты комиссия кәща хә Денис Корнеев айкеӑт ӑкӑтты ёх пиа вәйтантупсы вєрӑс. ўв тӑм сўс лыпӑт хойты тыӑщн питты пирєсты хӑт оӑңӑн путӑртӑс. ўв ясӑңа щирн, щи хӑтӑн автономной округңӑн па Тюменской областян вәты мир Тюменской область губернатор хә пириты питӑт. Щи тумпи мўң округевн 727 депутат па 46 муниципальной тӑхет кәща ёх па пириӑт.

Хурн Варя Брусницина па пурмӑс вєрты хә Александр Сайнахов. Щи эвие лыпӑт тыӑщн «Тәрум Маа» музей хущи вєртут вєрты хӑрн ӑңке-аще па Павел Тользин щатьщаще пиа вәс.

Варяен ӑңки Анастасия Тользина Касум эвӑт вә, Анатолий Брусницин аще — вухаь хә Конда мўв эвӑт. Тӑм семья Ёмвошн вә, Анастасия па Анатолий щи музейн рәпитӑңӑн. Щатьщаще Касум эвӑт нємасыя щив юхтыӑс, ўв вєртут вєрты ики. Вухаь хә Александр Сайнахов арсыр мўвӑтн вәты мирн вәы. ўв ар о пурмӑсӑт вєр па нәам вантупсэта, щӑта пурмӑс вєрты хӑрӑта яңхӑ.

Сәрхан вошн «Соцветие» нємпи якты-ариты емӑңхӑт пурайн тынєсты хӑрӑт рәпитсӑт. Щи артӑн ма хәум тынєсты хӑр шиваӑсум, щит нєш, и вєрӑнтты ими эщӑтма. ўв пиӑа вәтаңа йисум, щит Римма Кирилловна Молданова.

XX-мит «Мужские и женские ремесла: музееведческий и этно-педагогический аспекты» нємуп вєртут вєрты хӑрн, щи ут лыпӑт тыӑщн «Торум Маа» музейн вәс, щӑта Павел Михайлович Тользин пиа путӑртсум. Мєт сыры ўв рәта оӑңӑн путӑртӑс, вантэ, мўң мўвев тумпи Тользинӑт Ямалн вәӑт. Ӛхӑт ўве иньщӑссєм, хән пурмӑсӑт вєрты вәнӑс па «Хӑнты ясӑң» нєпек ўңӑт муй ӑнтә.

Павел Кириллович Дунаев пиа ма Советской вош киникайт ўңӑтты хот йитн ай кєр тыӑщ 27-мит хӑтӑн вәйтантыйсум па путрємӑсум. Тӑм Лозьва юханӑң вухаь ики Ханкокәртӑн 1959-мит он нуви тәрум ипия юхтӑс па ай пура оа иса щи кәртӑн мӑнсӑт.

Валерий Алексеевич Каданцев пиа ма ай кєр тыӑщ 26-мит хӑтӑн Югорск вошн А.И. Харизова нємуп киникайт ўңӑтты вән хот йитн вәйтантыйсум па ўв пиэа путрємӑсум. Щи щосн вош эвӑт ияха ӑктӑщум хӑннєхуятӑт пӑта ма литературной вәйтантупсы эщӑтсум, хута хурамӑң хӑнты арӑт арисум па йис пура моньщӑт арсыр вошӑң мирӑта рўщ ясӑңӑн моньщсум. Щӑта аюм-китум айкеӑт тәсум щи хӑннєхуятӑта, муй щирн йис пура вўш эвӑт па ин тӑмхӑт вәнта тӑм увӑс мўвевн хӑнтэт вәсӑт, вой-хў вепӑсӑсӑт, вәлупсыа эщӑтсӑт.

Тамара Семёновна Макарова Тэк куртэвн нэңӑт кўтн мет нптӑ вун. Туп щиты нэмт хят ӑн нмӑма. ўв таксӑр, нявлак сӑмпи па каркам ёшпи нэ, кашӑң хӑт вуты хӑтӑ ещат умща вантӑ. Мўң, вуна пелка ювм ёх, мты ям вер яха верты питўв ки, Тамара Семёновна ёхӑт, яха верӑв щи верӑӑв.

«Хӑнты ясӑң» 11-мит нєпекн хӑншсўв, хутысаты «Гостеприимный чум» нємуп емӑңхӑт Нижневартовск хущи мӑнӑс. Щи ут «Хунзи» нємуп община эщӑтӑс. Каш хӑрн арсыр ясңуп ёх вәсӑт, итәхӑт пиа щӑта путӑртсум.

Понавӑт вошн кашӑң о вәщ тыӑщ кимит рўтьщӑты хӑтӑн хў вепӑсӑты ёх емӑңхӑт вєрӑнты. Щӑта вәты хӑннєхуятӑт ясңӑт щирн, щит мєт әмӑщ ўң емӑңхӑт. Щит пӑта «Созвездие» нємуп культура тӑхийн вошӑң хуятӑт ияха ӑктӑщсӑт, ән ыв кўтєн сыр-сыр кӑсупсэт эщӑтты па вантупсэт пўншты. Тӑта мӑтты ки кашӑң вош хўыйн вән емӑңхӑта йис. Аӑң вўш эвӑт ям, тєвӑң ўң хӑтые вәс. Ас эвӑт ай вот рўвие пуӑс.

Ас нопӑтты тыԯӑщн ма Венгрия мўвн рўтьщӑсум. Хон тухԯӑң хопн Будапешт воша мӑнсум ма щи пурайн нәмӑссум, мўвев ԯуваттаԯн вән и вәԯты Югра тӑхев муԯты пӑта Ева Шмидт пиԯа вантӑсԯ. Учёный ими шуши мир ясңӑт па вәԯупсы нух ԯєрамтӑс па мєт сыры нумсӑн юхӑтсы увӑс йис вєрӑт, моньщӑт, арӑт ԯавӑԯман тӑйты пӑта нємасыя тӑхи пўншты. Щи пӑта ԯўв мўң хущева па па хон мўватн яма вәйтсы.

Тӑм ванӑн 29 хӑтӑԯн Ёмвошн шуши мир ияха ӑктӑщийԯсӑт. 28 хӑтӑԯн Ева Шмидт венгерской вуԯаң ими шәңӑт 70-мит оԯа йис. Тӑм вәйтантупсы Алла Иштимирова-Посохова па Виталий Сигильетов ԯэщӑтсӑңӑн.

Вәщ тыӑщ 18-25-мит хӑтӑтн Марий Эл мўвн финно-угорской айкеӑт ӑкӑтты ёх пӑта Валериан Петров нємпи хур вўты вәнтӑты вєр эщӑтман вәс. Валериан Петров шәңӑт — мари мир па финно-угрӑт кўтн айкеӑт ӑкӑтты па хур вўты вәтаң хәя вәс. Шӑь, хуты 2014-мит он ӑнтәма йис.