Ягрим пвылт ам Глафира Васильевна Саратина ёт вщинтахтасум. Мн хосат тгыл вйхатымн кос, ос ам туп Анатолий Константинович йкатэ урыл хансыгласум. йкатэ хосат тимыг мтум. Ам ань ква такви лупсатэ урыл китыгласлум. Глафира Васильевна тох потыртас:

- Ам Алы Нярихумит пвылт самын патсум тот яныгмасум. Школа стламум порат Ханты-Мансийскан минасум, тот 1954-1958 тлытт педучилищат ханищтахтасум. Тувыл кит тл Сургутский районт врт лнэ нврамыт вылт классыт ханищтасанум. Ты юи-плтЛенинград ӯсн А.И. Герцен нампа институтн лаль ханищтахтуӈкве ктвсум. Тот 1960-1965 тлыт сыс ханищтахтасум. Педагогический институт стламумпорат Ягримн ёхтысум, тыг та лмыгтасум.

Тот колыл майвсум колумт ащирмаӈ, вит тотуӈкве срыс. Школат св тла юв ёхтгум колсори рӯпатат вриянум. Тетрадкат сунсуӈкве щар типлаг ӯнтгум кӯр плттл ёл-ӯнтгум ке, ктагум тув-полявг нматыр хансуӈкве ат врмгум.

Тувыл пвлыӈ гииг Надя Саратина ос Валя Ульянова ёт юрщхатасум, акваг акван-нт хатсӯв. Тлы Надя Саратина нум такви палтэ луӈкве ввыстэ .Тн каӈкт тнки колнт лсг. Тув ёхтгын коланыл акваг ргыӈ по сыӈ. Амкинмн ксыӈ хтал кӯр плтуӈкве вит тотуӈкве ат рыс ёмас. Тгув ос тетрадканум сунсуӈкве тра та ӯнтылматгум

Надя Анатолий каӈке ёт вйхатсум тувыл нг татотвсум. йка мнтыл ги ос пыг янмалтасмн. гимн Марина Марьямова Тюмень ӯст лы бухгалтер кӯщаиг рӯпиты. Пыгмн Алексей Миасс ӯст лмыгтас рынкан нвыль мшинал тотыглы.

Ам йкам тимыг мтме юи-плт Тюмень ӯсн с внтлысум. Анатолий Константинович свтл «Игримгаз» колт рӯпитас, мн тувыл квартирал майвесмн. 2007 тлт тув лмыгтасум лщмарт ӯсн ханьщувласум. Тюменит «Югра» нампа организация лы тот св хтпат акван атхатыглгыт. Пуссын пенсиян патхатам мхум, округув янытыл хт-ти рӯпитасыт. Тн свсыр ялпыӈ хталыт врыглгыт аквъёт матыр пормасыт сагуӈкве, маснут нтуӈкве манос ргуӈкве акван хнтхатыглгыт «Строитель» нампа культура колн сялантгум. Тот Любовь Собянина ханты ос мньщи мхум акван-атыглыянэ. Тувыл «Миснэ» нампа ргынкружокт рггум Мн свсыр ялпыӈ хталыт ргуӈкве ввиньтлавв. Таимгыс яныгпла хт-пат театрын ялнэ мгыс олнтл билетыл мивет. Та щирыл мн сыресыр спектаклит сунсуӈкве врмв. Стапыл сагим пормасанув савалап нврам колын ёвтавет манос мт матумпла хтпатын майлавет.

Тувыл Галина Проскурякова «Посиделки» нампа кружок врыс. Мн тот мнкищнэ хансаӈ супыт н туӈкве ханищтахтв. Марщумлаӈкве ат лы мв акваг матыр ти врыглв. Поравакв ты щёс мины. Ам ос ксыӈ туи тыг гримн ёхталгум. Надежда Констатиновна палт мощ лгум. Нярихуми лӯи пвылн рӯтанум палт ялаплгум ос ювлеӯсн та мингум. 

- Наӈ ннки омагынтягын урыл с мощ потыртн

- Ам амки парищн  а м у м  Е н и з о р о в а  лыс щум Василий Мануйлович Енизоров хнтлуӈкве тотыг лавес гмыӈ-мосыӈыг ювёхтыс. Вежакоры ос Мулигорт колхозыт председателиг приявес рӯпитас Тот хӯл алыщлан артелит лсыт Омам Евдокия Ивановна Паштор пвылныл лыс тав сртын тимыг мтыс. Омагум-тягум хӯрум пыг ос акв гищсг янмалтасг.

- П ӯ м а щ ӣ п а . Ам вглум наӈ налыман тл школат рӯпитасын св нврам ханищтасын. Ты тл мньполь тпост 75 тлын твлыс. Мн газетат рӯпитан хтпат наӈын янытлылӯв! Пустгыл лаль луӈкве лвилӯв, св сымыӈ хтпа ляпат вос лгыт гин пыгын ос апганын ӯргалым вос ньщавн. Ханищтан нврамытн акваг вос номавен, матыр номт ньщгынке тлагвосмты. Пускт пус лгыл. Трумёт тырёт.