Ювле хультум тпос оигпаме порат сосса мāхум «Трум Маа» музейт акван-атхатыгласыт. Тот Ӯй йӣквнэ хӯрмит хтал вāрмалит мāхумн суссылтавсыт. Ань ты тла нпакн хансаве. Ты проект сосса мāхум пс йис лнэ-хӯлнэ вāрмалит вāм ханты хум Владимир Семёнович Волдин намыл маим культура колт рӯпитан хтпат ос округ кӯщай грант-олн хосыт лаль тотаве. 

Ӯй йӣкв вāнэ ханты хум Тимофей Алексеевич Молданов ты урыл тох лāвыс:

– Мāн Ӯй йӣкв хӯрмит хталэ ёнгын урыл хосат тāгыл потыр тотсӯв. Ос ты тлат нпакн хаснэ мāгсыл олн ат щсӯв, ты тāл ущты майвесӯв. Ань ты нпак ртыӈ свой тпос оигпан порат тāра­таӈкве номсылӯв. влт мāн акв нпак тāратаӈкве мталасӯв, ос Ӯй йӣкв урыл сāв потыр атсӯв. Таи­мā­гыс ань кāсыӈ хтал урыл йӣкв нас хансылӯв, хӯрум нпак тāра­тв. Ты хосыт нпакыт мирн ёмас­нувег ловиньтахтуӈкве патгыт тах. 

Ищхӣпыӈ ут хосыт нпак ловиньтан мāгыс QR-код нампа тла вāрвес. Ты хосыт потыр кӯс­тыр­нувег хнтхаты. Сāртын мāхум пс йис потрыт туп нас хӯнтлуӈкве врмысыт, ань хансым потрыт палт пōсыт вāравет тах. Ты пōс по­нюм­тан порат, тот кина хосыт ханты лāтӈыл ргыт хӯнтлуӈкве ос сунсуӈкве рви. 

Ты рӯпата филологыг лнэ н Анна Гриневич ёмщакв хансыстэ. Тав пс потрыт пуссын рнэ щирыл акван-атсанэ. Кāсыӈ потырохса номерыл вāрыстэ. Матыр потыр ат ке торгамтахты, ты урыл тот хӯл­тыглан лāтӈыт хансым лгыт. 

Ты нпакн ялпыӈ ргыт хасв­сыт. Тот Касум пāвыл сосса мир ӯргалан Нāй-тыр ос мт пāвыл Нāй-тырыт урыл ргыт хансым лгыт. Пупāпщикве кāтын-пат­тын вāрмаль урыл ос лаль маныр вāруӈкве ри, тот пуссын ёмщакв хансым лы. Ты ялпыӈ тлат тва лāтӈыт мāк ат лāвавет, тӯйтнэ лāт­ӈыл потыртавет. Ты тӯйтнэ лāтӈыт торгамтан мāгыс, тув толмащ лāтӈыт с хасвсыт.

Ты торыг ань Новосибирск ӯст с акв нпак щпитаве. 2002 тāлт Касум пāвылн мāхум кина пслуӈкве ёхталасыт. Тнт иӈ сāв яныгпāла хтпат лсыт. Тāн пс йис потраныл ёл-хансыглавсыт ос пōслувсыт. Ань ты тла щирыл нпак тāставе. 

Ты тпос юи-выл хталыт Сургут ӯст Ӯй йӣкв урыл нпак тā­ратан кастыл яныг конференция мты. Тот нврам ханищтан сосса хтпат акван-атхатгыт. Ханты-Мансийск ӯст ос Āс-угорский институтт сосса мāхум хнтхатыглгыт. Тувыл ты кастыл Владимир ӯст сосса мир лнэ-хӯлнэ тлат вāнэ хтпат яныг Конгрессын акван-атхатыглгыт тах. 

Ты вāрмаль щпитан хтпат потраныл щирыл, ты проект āти туп научный тла лаль тотнэ хтпат мāгыс щпитаве, ты рӯпата янгыщ нпак ловиньтан хтпат мāгыс вāраве. Мāхум ты пс йис тлат ищхӣпыӈ ут хосыт молях хнтуӈкве ос ловиньтаӈкве вос врмияныл. Ос ты потрыт таимāгыс ищхӣпыӈ утын вāрвсыт, тāн сāв нотын лаль хультгыт. Тувыл ань пӯмщалахтын хтпат ты вāрмалит тāнки молях хнтуӈкве ос тāра-паттуӈкве врмгыт тах.  

Пётр Молданов хансум потыр Николай МЕРОВ толмащластэ