№ 13 (3673) - 2025

Вәщ тыӆӑщ оӆӑӊмит па хәӆмит хӑтӆӊӑнӑн Ёмвошн округ дума па шуши мирӑт Ассамблея мирхотӊӑн вәсӊӑн. Щи пурайн депутатӑт шуши мирӑт правайт вәньӆьты хӑннєхә пирисӑт. Щи оӆӑӊӑн путӑр тәняӆ оӆ мӑнты питӑс, хән округа йиӆуп кәща хә Руслан Кухарук юхтӑс. Тәняӆ губернатор хәев Послание вєр пурайн щи оӆӑӊӑн путӑртӑс па тӑм оӆ щимӑщ поступсы вўсы. Тӑм дума мирхотн тәп хӑщӑс Уполномоченной хӑннєхә пириты. 

Югра мўвн СВО тӑхийн ӆаӆясты па ӆаӆясум хуятӑт па ар няврємӑӊ хоттєӆ ёх нётӆыйт. Щи поступ­сы йиӆпатты оӆӑӊӑн тӑм ванӑн округ дума кәща хә Борис Хохряков нєпекн ёш пос пунӑс. Депутатӑт заочной щирн ка­шащ­ты ясӑӊӆаӆ щит пӑта мӑсӑт. 

Ёмвошн вәщ тыӆӑщн 5-6 мит хӑтӆӊӑнӑн Восточной микрорайон хуща, Горная нємуп юхан пусӆ хуща, иса мўвӑтн вәӆты мирев юрн хопӑӊ кӑсупсы вәс, щит Югра кәща кубок щира «Югорские обласа» кӑсупсы. Тӑм кӑсупсы Ёмвош округ кәща ёх, ӛрӑӊа-щомӑӊа йиты вєр тәты округ департамент па «ЮграМегаСпорт» тӑхи ёх ӆэщӑтсӑт.

Лыпӑт тыӆӑщн 25-27-мит хӑтӆӊӑнӑн Ёмвошн БРИКС па ШОС мўвӑт Мўвтєӆ мир вән мирхот вәс. Тыв Россия ӆуваттыйн 53 мўв эвӑӆт па па хон пєлӑк 47 мўвӑт эвӑӆт арсыр мирӑт мойӊа юхтыйӆсӑт. 

Щи кўтн Зимбабве, Ни­карагуа мўв­ӊӑн па Кыргызской Республи­ка эвӑӆт ёх вәсӑт. Мєт сы­рыя Узбекистан мўв Югра мўвн тӑм мирхот ӆэщӑтты щи­ра нётӑсты мўва йис (рўщ щирн «страна-партнёр»). Иха ӆўӊӑтты ки, вет щу­рӑс муӆтас хӑннєхә вән мирхотн вәс. Арсыр мўвӑт эвӑӆт ӑктӑщум мир пӑта 50 сыр-сыр нумсӑӊ хӑр, мирхотӑт, вәйтантупсэт, ванӆтупсэт па ЮНЕСКО щирн вуӆаӊ мирхот ӆэ­щӑтсы. 

Ма ӆаӆясум хӑнты ики Михаил Анисимо­вич Карелин оӆӑӊӑн хӑншты ӆӑӊхаӆум. Хәнты ӆўв ма щащєм хот пўӊӑӆн вәс. Ма ӆўвеӆ ӑн шиваӆӑсєм. Ӆўв оӆӊӑӆн аршӑк вәты пӑта ӆўв рәтӆаӆ хуща мойӊа ӊхсум па иньщӑссум, щи тумпи киникайт ӆўӊӑтты хотн район газетайт эвӑӆт мосты айкеӆӑт уша вєрсум. 

Михаил Анисимович васы мӑнты тыӆӑщ 31-мит хӑтӆӑн 1924-мит оӆн Томской область Максимкин яр кәртӑн хӑнты вой веӆпӑсӆум хӑннєхә щемьяйн сєма питӑс. 

Анисим Иванович Ка­релин ащеӆ вуӆаӊ ӆаӆь оӆӊитум пурайн ӆаӆя вў­сы, Москва хон вошев эвӑӆт вуракӑт вошитӑс, 1942-мит оӆн вәшӑс. 

Хӑнты нє Елена Кирилловна Шишкина (эви опращ нємӆ Гындышева) хәӆумъяӊ оӆ Сўмӑтвошн вәӆ. Ӆўв 28 оӆ мӑр вошӑӊ па районӑӊ хот войт лекщитман рәпитӑс. Интӑм рўтьщуман вәӆ.

Елена Кирилловна Ваньщавӑт кәртӑн вән хӑнты семьяйн 1963-мит оӆн сєма питӑс па єнмӑс. 

Хӑнтэт кўтн Еле­на Михайловна Саган­дукова оӆӑӊ тох­ту­ра вәс, ӆўв нємԯ ок­ру­гев мирн ма вә­ӆы. Вәщ тыӆӑщн нӆ­мит хӑт­ӆӑн Елена Михайловна Саган­дукова ӆәӆн 101 оӆа йис. 

Хӑнты нє Евгения Да­ниловна Салахо­ва пенсияя вмаӆ вәнты ар оӆ Касум пәӆьни­цайн рәпитӑс. Ӆўв ма нәмӆӑӆэ, муй вўрн Елена Михай­ловна Сагандукова пиӆа вәйтантӑс:

Сўс. Кашӑӊ хӑтӆ ищкия йиӆ. Ма Тэк кәрта мӑнӆум. Вот шєӊк тарум, пӑӆ мухты ӑӆ шувийӆ, йиӊк сух питыя таӆман. Ӆэв па Ас хўват мӑнтємн йиӊк нуви няврӑн єтӆ. Хопєм щикўш вән, щи мухты тывеӆт-тухеӆт валщам иты ёвӑӆӆа. Пӑӆтап щикўш: мӑнты мосӆ. Мўӊ хӑншты рәпатаев щимӑщ, ий тӑхийн омӑсты щирев ӑнтә.

Ёмвошн лыпӑт ты­ӆӑщн 2-мит хӑтӆ вўш эвӑӆт 21-мит хӑтӆ вән­та «Ӆыӆӑӊ союм» тӑхи ёх 6-14 оӆ ӆуват няврємӑт пӑта ӆўӊ тә­рум ӑктупсы вє­рӑнт­сӑт. Няврємӑт ӑкӑт­ты тӑхи хур хӑнш­ты вуӆаӊ хә В.А. Иго­шев» музей хот хонӑӊӑн вәс. 

Пушхӑт арсыр вєрӑ­та тӑта хущсайт. Ӆыв пӑтэӆа юнтты хӑрӑт, якты-ариты тӑхет, кина ванӆтӑты тӑхет вәсӑт. Программа щиты вєрмӑн вәс: и щирн – щит няв­рємӑт пӑта ущхўӆь вєрӑт ӆэщӑтсыйт, кимӑт щирн па ӆыв увӑс мирев йис вєрӑт уша павӑтсӑт. 

Вән кєр тыӆӑщ 27-мит хӑтӆӑн вухаӆь нє Анна Алексеевна Горлова (Софрыгина) 60 оӆа йис. Тӑм ва­нӑн Мегион воша ӊхмємн ма ӆўв пи­ӆэӆа вәйтан­тыйӆ­сум па вәӆупсэӆ оӆӑӊӑн иньщӑссєм. Ин щи путӑр ӆўӊтаты!

Ӆўв Кондинской район Ракшин Бор кәртӑн сєма питӑс. Ащеӆ – Конда мўв вухаӆь хә Алексей Васильевич Соф­рыгин, ӆўв Кондинской район Катыш кәрт эвӑӆт вәс. Ӑӊкеӆ Савета (Елизавета) Дмитриевна – украинка нє, эви опращнємӆ Скуляк вәс. 
Анна Алексеевна нә­мӑӆмӑсӆэ: 

Тӑм ванӑн шўкщӑты вєрӑт сӑмӑӊа тӑйты ёх, олюпн хўрӑт хӑншты хуятӑт мӑӊхӑтӆ постӑсӑт. Тәняӆ оӆ лыпӑт тыӆӑщ 17-мит хӑтӆӑн Хон Пєтра вошн мӑнум Мўвтєӆ экономической форум пурайн Россия мўв кәща ики Владимир Путин партупсы щирн тӑм мӑӊхӑтӆ постӑты питсы. Щирн щи пура вўш эвӑӆт па кашӑӊ оӆ лыпӑт тыӆӑщ сухнум еӆпийн рўтьщӑты ӆапӑтмит хӑтӆӑн постӑты мосӆ.

Тӑм оӆ Вуӆаӊ Победа хӑтӆ тывум вўш эвӑӆт мўӊ 80 оӆ постӑсўв. Мирев щи вуӆаӊ хӑтӆ пӑта арсыр әмӑщ вәйтантупсэт вєрсӑт, ванӆ­туп­сэт пўншсӑт, ӆўнӑтты нєпекӑт єсӑӆсӑт па па сыр-сыр мосты вєрӑт ӆэщӑтсӑт. 

Тӑта мосванӑн, Ас нопӑтты тыӆӑщ 19-мит хӑтӆ вўш эвӑӆт па 23-мит хӑтӆ вәнты, финно-угорской мўв писателят Югра мўв хуща вәйтантыйӆсӑт па вет хӑтӆ мӑр ӆыв кўтэӆн рәпитсӑт, арсыр мосты вєрӑт иха тўӊщирӑӊа вєрсӑт.