Дарья Степановна Самбиндалова мōйтыглам мōйт ань лаль ловиньтэлн, выл охсатэ №13 газетат хансым лы.

- Ань тай ойтхатэн, - пыгрищ лāви.

- Āти, ам сар ат ойтхатгум. Сāт рн по­тыртан пупыг тыг ат ке тотгын, ам наӈын ты тӯлмахын мāгыс алы­лум.

Пыгрищ лāви:

- Вос тав, матар рм вāг хосытыл, матар вōньщам вāг хосытыл та сāт рн потыртан пу­пыг тыг ке тотгум, ам тах наӈын алылум.

Тувыл ос кон та пувтмавес. Пыгрищ юв та минас, лньщим, ты­стым. Āкве лāви:

– Я, хумле, майвēсын?

– Манаре мыг, сāт рн потыртан пупыг хōт щāрыщ вāтат ōс лāвылты. Манос ōлы, ос хомус тотуӈкв? Ам тув ос ялгум, стап пота­лын ōс майллн, - пы­грищ лāвыс.

– Ань тай урм хо­лас, пищум холас. Ань тай ягāгим палт тах ты стап поталын ёт холы­тан мингын. Вāпсагум- ягāгиягум матар ощ­мар ōньщēг, матар пищ ōньщēг, тн та нтг. Тув кēтсам лмхōласыт нмхотьют юв ат ёх­талас. Наӈ, танай, ма­нос ōлы, ягāгиягум- вāпсагум хосытыл та ёхтгын.

Пыгрищ пуӈке, саме мāньмыгтас, ёл та хуиг­пас. Āлпыл щнн с та квāлттаве:

– Квāлэн, тувыл ми­нэн.

Стап поталытэ май­вес. Тс, āстыс ос тувыл та минас. Стап поталы­тэ тāрматастэ. Стап юи- пāлт та хāйты. Хāйтыс, хāйтыс, вāгтāл та патыс. Вāгтāл патыс, сунсы: кит хāль āӈквалыг ллēг. Номсы: «Я, ты яныг хāль āӈквалыг пōхын ёл- ӯнтгум, ннь лōмтум юв-тōвтащлылум».

Аквматрт āкарыг- щ ā щ и г т у в ы л ко н - квāлапасг. Щар ты пу­раве, та пураве. Я-ты, кос хомус щāнтыглахты, а к в м а т  р т ю н н  потыртант суйты:

– Ннан рōвнэ лм- хōлас ке ёхтыс, тӯйтэ, ӈке нёлувлэлан, юв- пувтмелан. Ннан ат рōв- нэ лмхōлас ке ёхтыс, пāсса тōвлиг маныгтэ­лан, нра тōвлиг маныг­тэлан.

Аквматрт тӯйтэ, ӈке нёлмтавес, колын юв тāрматавес. Щне ягāги лāви:

– Сōрникве, наӈ ос манарн тыт кинсгын? Манарын тыт вāрēгын? Маныр рмын патсын, маныр вōньщумн пат­сын? Матъёмас вāпсын вōрт ат хōнтвēсын, юв- тāяпанувен.

Аквматрт сōрӈтп, мāгыӈтп пасанн ӯнт- тувес, тс, аис. Тнэ мāтныл пōйтуӈкв ты патыс, кол пāӈк салатас. Щне ягāгитэ лāви:

– Вāпсын ювле ты ӈхыс лх паттатныл.

Потыртасг, мата- расг. Пыгрищ лāви:

– Ам тыг кēтвēсум сāт рн потыртан пу­пыг палт.

ква лāви:

– Вāпсын ке матыр ощмар пищ ōньщи, вāпсын ощмар хосытыл сāт рн потыртан пу­пыг кāтын та паттгын. Вāпсын матыр ощмар, матыр пищ ат ке ōньщи, миннэн мāт тот та ала­вен. Сāт р нтмил хо­таль вēритгын наӈ кēмын лмхōлас. Наӈ лы-пāлынт мансāвит лмхōлас кēтсыглавес. Сāт-нёлолов лмхōлас. Та мāхмыт юв ат ёхтала­сыт, наӈ юв ат ёхтгын.

Аквматрт китын­тыг сāм кол пāӈк са­латас. ква-пыгрищ накаматастэ, мокама­тастэ – ощща нтупыг вāрапастэ, сунтук пат­тан тув мāгумтастэ, пув­тмастэ. Хӯрмиттыг ёса паттал кол пōх сала­тас. Вāпсэ ёса паттаге рāтуӈкв та патсаге, ща­хыл турыл миргēг, ща­хыл турыл поклг.

Юв щалтыс, лāви:

– Я, колын тай ты самльтты, пальтты.

– Ос хōт ялымен, ма­тар тāяпасын, кисувла­сын. Ам колум мана­рыл самльтты, пальтты? - кватэ лāви.

– Āти, наӈ колын самльтты, пальтты, - ōйкатэ лāвыс.

Хӯрминтыг ōйкатэ лāви:

– Я, маныр тав, ул ӯп нврамрищин тыг ёх­тыс? Ос хōт ōлы?

– Ос наӈ юв илттыг щалтгын, ам пилгум, атиӈк вāгтāл патнэн урыл юв-тāяпилын, - кватэ лāви.

Лōхсм паттан хāхсас, накаматастэ, мокама­тастэ, лмхōласыг кол­кан тӯщтыгпастэ. Я-та, та аниглаве, сыпыгла­ве. Я-ты, котьле пāс юв аялāлытэ, кон йтапитэ. Колканын тāрматастэ, китыглытэ:

– Я, маныр вōньщумн патсын, нврам? Маныр рум?

– Я, наӈ хум тпъялэн, аен, тувыл ущ китгаллн. Маныр румн, маныр вōньщумн патыс? Тав такви оссаме паттат, маныр рум тоты, ма­ныр вōньщум тоты, таимāгыс тыг ты ёхтыс, - кватэ лāвыс.

Тувыл ӯнлын āнытэ щар тāглэ тнутыл хӯнвес, нвлил щар тāг- лэ. Акв ōвлыӈ āнытэ пуссын тāяпастэ, мōт ōвыл āнытэ пыгрищ тōв- тащлас, пуращлахтас. кватэ мощ тпъялас. Я-ты, āнытэ пуссын тав та тāяпастэ. Исмит пӯт котьле мос юв-аяластэ, сāт палюп аргин пӯтэ. Тувыл апге нупыл лāви:

– Я, маныр рм?

– Тав маныр рм, маныр вōньщум? Тав тӯлмах алыглам, яныг вāтахумын маяпаме. Ман мулм кāттыл, ман мулм лāглтыл хāй- тыгтэмēтэ, таимāгыс тӯ- рыг, хāлиг тотмаге. Сāт рн потыртан пупыг палт кēтыма. Ос таитэ тотуӈкв ёхтыс. Наӈ ма­тар ощмар ōньщēгын, матар пищ ōньщēгын? Наӈ рынтыл тах кāтын та паттыглан, - кватэ лāвыс.

– Я, тав такем вāр- маль, сāт рныт, тāн мōтхōтал тах йирха- тгыт, пупганыл йирē- гыт, вина аēгыт. Тав тах кāтын ман хосал паты, мēн кāтагмēн, - ōйкатэ лāви.

Тувыл сāграпе кӣв- тастэ, касаянэ кӣвтсанэ, ёл та хуяс. Пыгрищ мулыпāлн хуяс. Хуясыт, тувыл та оилматвēсыт. Āлпыл ōйка нōх-квāлыс. кватэ тнут вāрыс, лӯтыс. Ōйка тпъялас, лӯтыс. Сāграпе, касае вис, та минас. Миннтэ лы-пāлт кватэ лāвыс:

– Пыгрищ тах нōх- квāлы. Аман хомле тах вāрыглаӈкв? Тав кон мори хāйтыгтаӈкв паты, - кватэ лāви.

– А тав тах тув ке кēтылын, лāвēлн, тах тув ргим, кисгим вос мины, ам палтум. Ам тах вāглум, тав пāвыл пāлыл тах юв, - ōйкатэ лāвыс.

Тувыл тав ман рыг- хум, мōйтхум нōх-квā- лыс. Тпъялас, лӯтыс. Āкве агāгитэ нупыл лāви:

– Ам сар мощ кон ён­гим хāйтыгтгум.

– Я, наӈ хāйтыгтгын, хāйтыгтэн.

Пыгрищ лāви:

–  тапāл урт аман хо­тьют сāгырхатнт суйты.

Āкве лāви:

– А тая тай наӈ вāпс ōйкан суйты. Тав сāгырхаты.

Тувыл ос кон та хāйтыгты, ёнгасы. Кон хāйтыгты, тувыл ос юв щалты, лāви:

– Ам сар тув хāйт- талгум.

– Я, наӈ илттыг тув ул хāйтэн, наӈын юв- тāяпитэ.

– Я, ос хомус минуӈкв?

– Наӈ тыгыл минэн, рген, кисген, рōӈхен, тащир минэн, - ква лāви.

Тувыл ос тпъялас, аис. Āквен тыттувес, айтвес, тувыл та минас. ргим, щисгим, кисгим, рōӈхим тув та ёхтыс, сунсы: вāпсэ тай товлыӈ хāпе āстам. Пыгрищ ки­тыглахты:

– А тыя маныр?

– Тыя тай ам товлыӈ хāп вāрсум. рыг йис­хум, мōйт йисхум по­рат тамле мōйт тах нас мōйтаве. Хōяӈ рущхум пыг āртн паты, хōяӈ юхурпыг āртн паты, ты вāрмаль тах лмхōлас исыӈ тōрм паты и лмхōлас нотыӈ тōрм паты, лмхōласытна тах ты вāрмаль лаль тотуӈкв патаве.

Ос мощ матар ань­щаранэ волкалтаса­нэ. Тувыл та тāлсг. Та тыламласг юв, юв ёхтысг. Ōйка лāви:

– Тав ты аньщаре, та аньщаре ат тōвлы.

Пыгрищ лāви:

- Ам сар ань ты- ламлгум.

– Āти, - вāпс ōйкатэ лāви, - холытан тах ущ тыламлэн. Холытан тах рныт йирхатгыт, пуӈканыл тах гмыӈыг ēмты – сомъяхыт ӯнлы. Наӈ тах āлымēгын таве виӈкв.

Тувыл вāпсэ ос тпъя- лас, аис, ос товлыӈхāпе ёмащакв щпитастэ. Нōх-тыламласг: я, ёмащакв рӯпиты! Ёл- ӯнтсг, йӣвна нгыстн. Акитэ лāви:

–рыӈ тах такви атиӈк тыламлы, вōтыг ēмты.

Йӣвна ёл-нгыстн. Тувыл ёл та хуясг. Аквматрт тувыл āлпыл пыгрище ханищтаӈкв та патыстэ:

– Наӈ тах тув ёхтгын, сунсэн, лыл сунсэн. Наӈ тах сунсгын, тāн юв та щалтгыт, наӈ нумыл тах влт ӈхен. Тāн тах наӈ нуплын ман тланыл ōлы. Тн аēгыт, сāлы нвляныл, лӯтаныл тах щпитгыт. Тāн юв щалтын порат тах со­мъяханыл пāлыг-хуи, наӈ тах ёл-исапāлэн. Тав тах ты пуклаттыл консыгтлн, тав тах пōйтыгплы. Исапāлэн, тāлтапēлын, тувыл тар­мыл ӯнтлн. Тав тох хот- квāлапи, порыгми.

Акитэ лāвыс:

– Наӈ тах номыл­матэн, матыр лль ке ēмтуӈкв паты, наӈ āнум номылматэн. Ам тах тāнаныл щпитыянум. Та халт наӈ оигпēгын.

Āлпыл пыгрищ тув та минас, тув ёхтыс. Нумыл тай та ӈхи товлыӈхāпēтыл. Акв- матрт рныт та тпъя- ласыт, лӯтсыт. Такви тай пыгрищ такем тӈкв таӈхи кос, ном­сы: «Ам сар юв ёхтын мос вēритгум». Сун­сы: акваг нвлит, лӯтыт щпитавсыт. Тувыл юв та щалтсыт. Юв щалтнныл халт, пы­грищ ёл-исапас. Сōль, сомъяхыт пупыг та рги такви урēт, та каи. Кон­сыгтастэ, āлмаястэ, т о в л ы ӈ х ā п к ӣ в ы р н щēлтумтастэ, тармыл ӯнтылматастэ.

Товлыӈхāпе квāл- тапаптастэ, нōх та ты­ламлас. Тыламлас, та мины. А таятэ тай та рōӈхи, пыгрищ мана­кем вēрми, та мины. Аквматрт ювле сунсы, вāпсн лāвсавес:«Наӈ ювле уральтахтым ми­нэн».

Ювле сунсы: сāт хула­хыг ēмтапасыт. Сāт хула­хыг та тыламласыт. Я-ты, юил та нвлаве, юил ты ёхтаве. Аквматрт но­мылматас: «Я-ты, вāпс ōйк, ам ты алавем тах». Аквматрт лы-пāлыл сунсы: лунт нглапас. Лунт нглапас, ювле сун­сы: тай хулаханэ ювле лунтна та хтавēсыт. Лунтна ювле хтавēсыт, ювле ос āӈкватāнты: ху­лаханэ ёла-иссыт, лунт ōс тув ёл-исас. Аквмат щāрыщта та ловтхаты, та манари.

Аквматрт товлыӈхāп вāрум урн пыгрищ та ёх­тыс. Ювле сунсы: лунт ōс тыламлас, тав юй-плт та юв. Тав ос тот нумыл та ӈхи. Ёл-исас (пы­грищ), юв щалтыс. Вāпс ōйкатэ маснутанэ хот- āӈхвиянэ, щар та хащ­лумыт, та манарыт. Пы­грищ китыглахты:

– Я, вāпс ōйк, наӈ ос маснутанын манрыг тох ēмтсыт? Хоталь ялсын?

– Наӈ ос сāртын но- мылматуӈквкен, сāр- тын лгалаӈквен, таят тай хулахыг та ēмта- пасыт, тлапасыт. Наӈ ань илттыг номылмат­сын, ам ань нāӈк урта, ӯльпа урта наӈ сāинтта хāйтымем маснутанум пулиг-маныгтавēсыт. Н а ӈ ы н л  с т а л а ӈ к в хāйтсум.

 

Мйт лаль мтыт газетат ловиньтн.

Мария КУМАЕВА