Сӯкыр тпос выл хталныл Россия янытыл «Пушкинская карта» намаим олныӈ нпак хосыт нврамыт культура колытын ялантаӈкве врмгыт. Туи тамле тла мгыс влт Россия Президентув лтыӈ лāвыс ос РФ миркол кӯщай Михаил Мишустин йттур тпос 31 хталт хансыс. Ты врмалит лаль ёмщакв тотнэ мгыс 3,9 млрд солкви тстувес. 

«Пушкинская карта» намаим олныӈ нпак 14 тл янытыл ос 22 тл яныт мус ксыӈ ги-пыг щпитаве. Тувыл ксыӈ хтпа та картатн хӯрум стыра солквил тставе. Ты олнытыл тав культура колытын ялнтэ порат ойтхатуӈкве врми. 

Ань карта ктын-пат­тын мгыс «Госуслуги» ищхӣпыӈ утыт нврам наме хансуӈкве ри ос тувыл тот «Культура» лпсыт «Пушкинская карта» хӯлтыглан лтыӈ хнтн. Та юи-плт щпт щнэ телефонт «Гос­услуги. Культура» намаим приложение врн. Ос тувыл та приложеният  «Пушкинская карта» щнэ мгыс заявка хансн. 

Тув тстым олныт нврам намн «Google Pay», «Samsung Pay» ма­нос «Apple Pay» – щпт щнэ телефонт манхурип приложе­ние ньщгыт, тув ктавет. Тамле «карта виртуальныиг» лваве ос нврам хоталь-ти ялнт порат билет мгыс та приложениятэ хосыт тах ойтхаты.

Ты коныпал «пластико­вый карта» вруӈкве с рви. Таимгыс «Почта Банк» колн ялуӈкве ри, тот карта тармыл пслым хури нврам такви прияӈкве врми. Тувыл тав тамле картал ойтхатуӈкве та паты. 

Россия янытыл ты проект щирыл ань 800 свсыр музеит, сыре-сыр культура колыт, театрыт рӯпитгыт. Тн щпитан спектаклянылн, ргын-йӣквнэ врмальн, суссылтапытн тамле картал билетыт ёвтавет. 

Ань нпак ловиньтан колт рӯпитан хтпат с св­сыр программат щпитгыт, нврамыт матыр-ти пӯмщалаӈкве с тув вос ёхталгыт. Туп кина суснэ нак та проек­тын ат хасвес, тув ннки ол­ны­тыл тах ойтхатэгн.

Юграт ты йильпи проект щирыл хумус ань рӯпитгыт, ты урыл округ культура департаментыт кӯщай хум Артур Латы­пов потыртас: 

– Ты накт Юграт ст стыра мньлат хтпат тнки мгсыланыл «Пушкинская карта» врсыт. Ты карта Россияв янытыл рӯпиты. Нвра­мыт кос хт лнныл сыс билет ёвтнэ порат тнки картал ойтхатуӈ­кве врмгыт. 

Александр Пушкин хансум потранэ мгыс св мирыт халт сака янытлавес. Ань нврамыт номтыӈ хтпаг вос яныг­мгыт, св мӯтрат внэ ос матыр ханищтан мгыс, тн театрын вос ялан­тгыт, свсыр выставкат вос сунсгыт, таимгыс тн ты олныл ты нтвсыт.

Мн культура щирыл рӯпитан коланув с ты карта ёт рӯпатаныл выл­тасыт. Тох Сургутский театрыт тамле картал ань 150 билетыт ёвтв­сыт. Ханты-Мансийскат «Югра-Классик» кол концертаныл мгыс 100 арыгкем билет тынала­мыт. Мт колыт иӈ матыр щпитгыт ке, мнавн тах лвгыт ос мн тнаныл ты проектын выганӯв. 

«Пушкинская карта» урыл мн ань школатыт, университетыт акваг по­тыртв. Йильпи 2022 тл кастыл нврамыт акв тамле картан 5 стыра солквил тставет тах. Ты тл сӯкыр тпосныл ущ рӯпитаӈкве патсыт, таимгыс 3 стырал тс­тувсыт. 

14 тл яныт нврамыт ос 23 тл твлын мус гит-пыгыт тамле картал кос хт ойтхатуӈкве врмгыт. Туп ханищтан ко­лытыт щпитан сус­сылтапыт ос кино­театрыт тув ат хӯлтвсыт.

Тамара МЕРОВА