Туи порат сосса мāхманув Ханты-Мансийск ӯст пӯри вāрнэ пормасыт мāщтырлан вāрмаль щпитлсыт. Тнт тыг Ямало-Ненецкий округныл Шурышкары пāвылныл ханты хум Владислав Ильич Кельчин ёхталас. Ты хум татем нсхатуӈкве хāснтэ. Тав Ханты-Мансийск ӯст «Трум Маа» музейт атхатыглам мāхум ёт пӯри вāрнэ мāгыс рнэ пормасыт щаквщис. Ты хум мāнавн такви лупсатэ урыл мощ потыртас.

Владислав Ильич 1963 тāлт Шурышкары пāвылт самын патыс. Тāн щмьят китхуйплов нврам яныгмасыт: хт пыг, хт āги. Щāня­ге-āщаге акваг хӯл алыщлым яла­сасг. Пыг сāт тāлэ твлуме мус ща­щкватэ палт лыс. Тав щащк­ватн нсхатуӈкве ханищтавес. Тот āгирищит халт яныгмас, вāтихал сāвсыр пормасыт нтсыт. 

1960 тāлытт тāрвитыӈ лупса лыс. Тāн колтāгланыл сāлыт, ми­сыт ос лувыт щсыт. Ӯйхулыт ян­малтым, враим ос хӯл алыщ­лым лсыт. Нврамыт мāньтāгыл сāв­сыр рӯпата вāрсыт, оманылн-āта­нылн ос щащкванылн нтсыт. Тāн аквъёт пум сāгрысыт, нāйив атсыт ос сāлыт ӯрим яласасыт. 

Тнт сосса мāхум яныг Āс т хӯл­пыл нāтылтым мохсаӈ, ӯсхул алыщ­ласыт. Таквсы порат ос пāвыл ляпатнув мāньнув т āрпи в­рыг­ласыт. Сорых, хулюмхӯл, сорт ос мт сāвыр хӯл пувыгласыт. Витэ тōснэ юи-пāлт, āрпит хот-вуй­лāл­саныл, нас тох тот ллим ат хультуптāлсаныл. Пс порат сāвыӈпāлэ сосса щмьят сāв нврамыӈыт лсыт, мāхум хӯл алыщлан рыл ты лсыт.

Владислав Ильич Шурышкары пāвыл школат нёлолов класс āст­лас. Тувыл ӯйхул пусмалтан хтпаг ханищтахтуӈкве минас. Акв тāл ханищтахтас, āтятэ āгмыл мтыс, ты хосыт тав ювле пāвлн ёхтыс. Тот щāнягн-āщагн нтуӈкве хультыс, воссыг лаль ханищтах­туӈкве ат минас. Пāвыл ферман мис поснэ хтпаг рӯпитаӈкве пат­хатас. Тот пуссын аквъёт атхуй­плов тāл рӯпитас. Ётыл та ферма вуньщалыг патыс, лап-пантвес. 

Владислав Ильич Кельчин  лāвыс:

– Мис щнэ ферма лап-пантым юи-пāлт сāв мāхум рӯпата тāл хультсыт. Ань пāвылт туп рыбучас­ток хультыс, сосса мāхум тот рӯ­пи­тгыт. Хотьютын нмхотталь минуӈкве, тāн тыт хультгыт, м­таныт л миныглгыт. Сāртын яныг пāвыл лыс, ань лāщал тāт­ламаӈ­кве патыс. Тынакт Шурышкары пā­вылт онтоловсāт сāвиткем лум­хлас туп хультыс. Тот сāвыӈпāлэ хантыт, рныт ос кит щмья сель­куп мāхум лгыт.

Хум выл щёс нила тāл ювле хультум порат Ханты-Мансийск ӯсн мāщтырлаӈкве ввиньтлвес. Тнт тав тыг ёхтуӈкве ат врмыс. Ты тāл лыпащ хталыт ликмысыт, хунь тыг йиӈкве вввес, тāра кāсащас. Тыт сāв мāщтыр нт-хумыт ёт вāйха­тас. Тāн пӯри вāрнэ мāгыс пормасыт мāщтырлаӈкве ханищтахтасыт. Хум мāнь тучаӈ хӯрыгсовыт нтыс, стапыл хора­мыӈ нтапквāлгыт сагыс ос мт пормасыт вāрыс. 

Владислав Ильич Ямал мāныл тыг сакныл хар­тум квāлгыт, паль­сакыт, турлпсыт, стапыл сагум нтапыт, сāлы котыл нтум совъя­вāит ос хӯл совныл нтум сāвсыр пормасыт тотыглас. Ты пормасыт пуссын такви вāрсанэ, тыт суссыл­тап щпитāлыс. Мāхум тав вāрум пормасантыл сака пӯмщалахтасыт. 

Ань ты мāщтырлапыт вāрум пормасанэ тав юн вāруӈкве паты, тох лāвыс: 

– рыӈ хотты порат с тыг ёх­тгум, тнт тыт ханищтам ос вāрум пормасанум суссылтыянум тах.

Николай МЕРОВ